Gbɛvíhan 2:18 - MAWUXÓWÉMA

¹⁸ Sinyɔ́ɔ toxo ɖo xó sú sɛ́ dó Aklúnɔ wɛ. Ahohó Sinyɔ́ɔ tɔn e, ɖasin ní húzú tɔsisa bó nɔ sa sín nukún towe jí zǎn kpó kéze kpó. Ma ná gbɔjɛ́ ɖěbǔ hwiɖée ó, ma ɖó avǐ e ya wɛ a ɖe ɔ́ te ó.

Gbɛvíhan 2:18 Iomraidhean Croise

Ɖɛhan 119:136

Đasin nɔ sa sín nukún ce jí tɔ ɖɔhun, ɖó è sɔ́ nɔ́ nyi sɛ́n towe ǎ.

Ɖɛhan 119:145

Mawu Mavɔmavɔ, un ɖo xó sú ylɔ́ we wɛ kpó ayi ce bǐ kpó; sɔ nú mì, un jló ná xwedó tito towe lɛ́ɛ.

Jelemíi 13:17

Ényí mi ma ɖótó Mawu ǎ ɔ́, un ná nɔ nǔglɔ́ bó ya avǐ, ɖó go e yí wɛ mi ɖe ɔ́ wú. Un ná kun ɖasin cɛɖɛcɛɖɛ, ɖó ahwan na wlí togun Mawu Mavɔmavɔ tɔn.

Jelemíi 14:17

Jelemíi, ɖɔ nú yě ɖɔ émí ɖo avǐ ya wɛ ɖasin hoho zǎn kéze, magbokɔ. Đó è dó nǔ togun émítɔn bɔ é syɛ́n ɖésú, akpá ɖaxó wɛ jɛ wǔ tɔn,

Jelemíi 4:31

Nǔgbó wɛ, un se mɛɖé ɖo xó sú wɛ nyɔ̌nu ɖo ajidonu ɖɔhun; é ɖo xó sú wɛ mɛ ja nukɔn ví jí gbé ɖɔhun. Sinyɔ́ɔ toxo, hwi wɛ ɖo xó sú wɛ. Hwi wɛ ɖo azɔn wɛn wɛ bó nɔ dlɛ́n alɔ bo nɔ ɖɔ: “Un jɛ mɛhutɔ́ lɛ́ɛ lɔ mɛ! Gbɛ ce vɔ!”

Jelemíi 9:1

Ényí fí e alitanu lɛ́ɛ nɔ gbɔjɛ́ ɖe ɖo gbětótló mɛ ɔ́ ɖě wɛ un sixú mɔ din ɔ́, un ná jó togun ce dó, bó hɔn yi zɔ n'i bǐ. Đó yě bǐ wɛ dó afɔ gbě; yě bǐ wɛ nyí mɛsaɖutɔ́.

Gbɛvíhan 1:16

Énɛ́ ɔ́ wú wɛ un ɖo avǐ ya wɛ; ɖasin ɖo sisa sín nukún ce jí wɛ; mɛ e sixú dó gbɔ nú mì bó ná hlɔ̌nhlɔ́n mì ɔ́ sɛ yi zɔ nú mì; mɛ e ná ná gbɛ mì ɔ́ sɛ yi zɔ nú mì. Ahwi xo vǐ ce lɛ́ɛ bǐ ɖó kɛntɔ́ ɖu ɖo jǐ ce.

Gbɛvíhan 1:2

Zǎn mɛ hweɖěbǔnu ɔ́, avǐ ya wɛ jɛ́n é nɔ ɖe, ɖasin nɔ sa tɔ gbɔn nukún tɔn mɛ. Mɛ ɖěbǔ ká ɖe bó ná dó gbɔ n'i ǎ; mɛ e yí wǎn n'i lɛ́ɛ ɖě dó gbɔ n'i ǎ. Xɔ́ntɔn tɔn lɛ́ɛ bǐ hɔn jó e dó; kɛntɔ́ tɔn lɛ́ɛ wɛ yě húzú din.

Gbɛvíhan 2:8

Mawu Mavɔmavɔ ɖe gbeta tɔ́n ɖɔ émí ná mu ahohó e è mɛ lɛ́ lɛ̌ dó Sinyɔ́ɔ toxo ɔ́ é; é nyi kan bo ná gbígbá Sinyɔ́ɔ toxo ɔ́ bǐ; é ɖó alɔ te cóbó hɔ́ Sinyɔ́ɔ toxo ɔ́ bǐ ǎ; é mu ahohó we e è mɛ lɛ́ lɛ̌ dó toxo ɔ́ lɛ́ɛ é.

Ozée 7:14

Yě nɔ́ sú xó ylɔ́ mì kpó ayi yětɔn kpó ǎ, bó ká nɔ́ ɖo vo sa wɛ ɖo adɔ̌zan yětɔn lɛ́ɛ jí. Yě nɔ́ já wǔtu bó ná dó mɔ jinukún kpó vɛ̌ɛn yɔ̌yɔ́ kpó. Gǔ fɔ́n dó jǐ ce wɛ yě ká ɖe mɔ̌.

Xabakúku 2:11

Đó awǐnnya e è dǒ mɛ dǒ ná lɛ́ɛ ɖésú ná sú xó bó dó hwɛ mi, bɔ atín e è dǒ kɛ́ sɔ́ ná lɛ́ɛ ná yí gbe yětɔn hɛn yi zɔ.