Gbɛvíhan 2:16 - MAWUXÓWÉMA

¹⁶ Kɛntɔ́ towe lɛ́ɛ bǐ nɔ́ ɖɔ xó nyanya dó wǔ we; yě ɖo kwínkwín wɛ; yě jɛ ma dó jǐ towe, bó nɔ́ ɖɔ: “Mǐ sɔ́ ɛ mi nɛ́! Azǎn e nɔ te kpɔ́n wɛ mǐ ɖe ɔ́ ɖíe; azǎn ɔ́ kpé, mǐ sɔgba ɛ lo.”

Gbɛvíhan 2:16 Iomraidhean Croise

Ɖɛhan 109:2

ɖó gbɛtɔ́ nyanya, gbɛtɔ́ adingbannɔ lɛ́ɛ ɖo adǎn sin nú mì wɛ; xó e ɖɔ dó wǔ ce wɛ yě ɖe ɔ́ bǐ wɛ nyí adingban.

Ɖɛhan 112:10

Mɛdídá nɔ́ mɔ ɛ, bɔ xomɛ nɔ sin i; é nɔ́ ɖu aɖǔkún bɔ é nɔ́ mɛ dó wǔ tɔn. Nǔ e é nɔ́ lin é bǐ nɔ cí xo tɔn mɛ.

Ɖɛhan 124:3

hwenu e yě ɖo adǎn jí ɔ́, yě ná ko ɖi mǐ gbɛɖe gbɛɖe.

Ɖɛhan 22:13

Kɛntɔ́ ce lɛ́ɛ lɛ́ lɛ̌ dó mì agbo gbě tɔn lɛ́ɛ ɖɔhun; yě xá mì adǎnkanlin Basáni tɔn lɛ́ɛ ɖɔhun.

Ɖɛhan 35:16

yě mɛ dǎkaxotɔ́ lɛ́ɛ kpó mɛcákotɔ́ lɛ́ɛ kpó; yě mɔ mì lě ɔ́, yě nɔ́ tɛ aɖǔma.

Ɖɛhan 35:21

Yě vlɔ́n vɛ̌gokan bó ɖɔ: “Wǒóo nú we! Mǐ ɖésú wɛ mɔ we ɖ'é kɔn!”

Ɖɛhan 35:25

Yě ní ma ɖɔ dó xo mɛ ɖɔ: “Acɔnkwín! Nǔ e ba wɛ mǐ ɖe ɔ́ nɛ́” ó. Yě ní má ɖɔ: “Mǐ wa xá ɛ nɛ́” ó.

Ɖɛhan 37:12

Mɛdídá nɔ́ lin hwɛjijɔnɔ sín nyanya, xomɛ tɔn nɔ sin i káká bɔ é nɔ́ ɖu aɖǔkún.

Ɖɛhan 41:8

Mɛ e gbɛ́ wǎn nú mì lɛ́ɛ bǐ nɔ́ yi ɖɔ nǔ ce ɖo kpá, yě nɔ́ lin nyanya ce, yě nɔ́ ɖɔ:

Ɖɛhan 56:2

Mawu, kú nǔbláwǔ ce, ɖó gbɛtɔ́ lɛ́ɛ nɔ́ ɖo cɔcɔ dó nú mì wɛ. Ayǐ hɔ́n tɛgbɛ ɔ́, yě nɔ́ nyɛ́sú mì, bó nɔ́ ɖo zǐngídi ɖú xá mì wɛ.

Ɖɛhan 57:3

Mawu Ajalɔ̌nlɔn ɔ́ sú xó ylɔ́ wɛ un ɖe, Mawu e nɔ́ bló nǔ ce bǐ ɖó é ylɔ́ wɛ un ɖe.

Ezayíi 49:19

Din ɔ́, a ɖo awǐnnyaglo lɛ́ɛ tɛ́ntin, è gba slá towe lɛ́ɛ bǐ, mɛ ɖé sɔ́ ɖo to towe mɛ ǎ. Amɔ̌, din zaanɖé ɔ́, to ɔ́ ná hwe dó toví towe lɛ́ɛ, bɔ mɛ e ɖo gbɛ gblé dó nú we wɛ lɛ́ɛ ná hɔn yi zɔ nú we.

Jelemíi 26:6

Ényí mi ma ɖótó yě ǎ ɔ́, un ná gba xwé élɔ́ lě e un gba éé ɖo Silóo é gbɔn é. Un ná bló bɔ akɔta e ɖo ayǐkúngban jí lɛ́ɛ é ɖěbǔ ja nu dó mɛɖé gbé ɔ́, é ná ɖɔ: Nǔ e gbo Jeluzalɛ́mu é wɛ ná gbo we.’ ”

Jelemíi 29:18

Un ná zé ahwan kpó adɔ kpó jɛmɛjí kpó dó jɛ gǒ mɛ nú yě. Un ná bló mɔ̌ xá yě, bɔ è ja nu dó mɛɖé gbé ɔ́, yě wú wɛ è nǎ nɔ́ jlɛ́ dó; axɔ́súɖuto e ɖo gbɛ ɔ́ mɛ lɛ́ɛ mɔ ɔ́, xɛsi ná jɛ yě jí; è mɔ yě ɔ́, è nǎ nɔ́ sɔ́ alɔ ɖó nu; yě ná húzú nǔkiko; yě ná húzú winnyá ɖo akɔta e mɛ un ná gba yě dó gbɔn lɛ́ɛ,

Jelemíi 50:17

Đ'ayǐ ɔ́, Izlayɛ́li cí lɛ̌ngbɔ́ búbú e kinnikínní ɖo nyinya wɛ ɔ́ ɖɔhun. Asilíi xɔ́sú ɔ́ wɛ vúnvún i jɛ nukɔn, bɔ Babilɔ́nu xɔ́sú Nabukodonɔzɔ́ɔ wá gba xú tɔn.

Jelemíi 50:7

Kɛntɔ́ yětɔn lɛ́ɛ xo go yě ɔ́, yě nɔ́ hu yě tɛ́, bó nɔ ɖɔ: ‘É nyí hwɛ bɔ mǐ hu ǎ, yědɛɛ lɛ́ɛ wɛ hu hwɛ dó Mawu Mavɔmavɔ, Mawu Mavɔmavɔ e gɔ́n è nɔ mɔ hwlɛngán ɖe é; é wɛ tɔ́gbó yětɔn lɛ́ɛ nɔ́ ɖó nukún.’

Jelemíi 51:34

Sinyɔ́ɔnu lɛ́ɛ ɖɔ: “Nabukodonɔzɔ́ɔ, Babilɔ́nu xɔ́sú ɔ́ vúnvún mǐ, é fyɔ́n mǐ bó nu, lobo jó mǐ dó agbǎn vɔ̌tɔ́ ɖɔhun. É mi mǐ dlagɔ́ɔn ɖɔhun. É mi nǔ ɖagbe e ɖo mǐ sí lɛ́ɛ, bɔ adɔgo tɔn gɔ́. Énɛ́ gúdo ɔ́, é zé mǐ nyi gbě.

Gbɛvíhan 1:21

È se azɔn e wɛn wɛ un ɖe ɔ́, mɛ ɖěbǔ ká wá dó gbɔ nú mì ǎ; kɛntɔ́ ce lɛ́ɛ bǐ se nǔ e ɖo gbigbo mì wɛ é; nǔ e a wa xá mì ɔ́ víví nú yě. Azǎn e xó a ɖɔ ɔ́ wá, nǔ e ɖo gbigbo mì wɛ ɔ́ ní gbo yě lɔmɔ̌.

Gbɛvíhan 3:46

Kɛntɔ́ mǐtɔn lɛ́ɛ bǐ nɔ́ ɖɔ xó nyanya dó mǐ wú.

Ezekiyɛ́li 23:32

Nǔ e ɖɔ nú we wɛ nyɛ Aklúnɔ Mavɔmavɔ ɖe ɔ́ ɖíe; ɖǒtó: Kɔ́fu e mɛ dadá towe nu xomɛsin ce ɖe ahan ɖɔhun ɔ́, hwi lɔ ná nu xomɛsin ce ɖo kɔ́fu ɖokpó ɔ́ mɛ; kɔ́fu ɖaxó hotohoto ɖé wɛ bó gɔ́ bǐ. Mɛ ɖé mɔ kɔ́fu ɔ́, è nǎ nɔ ko we, è nǎ nɔ́ gbɔ́ aca ta towe, ɖó kɔ́fu ɔ́ d'agba dín.

Ezekiyɛ́li 25:15

“Xó e nyɛ Aklúnɔ Mavɔmavɔ ɖɔ ɔ́ ɖíe: Nǔ e Filisitɛ́ɛn lɛ́ɛ wa ɔ́, hlɔn wɛ yě ba. Yě ba hlɔn kɛntɔ́ yětɔn tɛgbɛ tɔn e yě gbɛ́ wǎn ná lɛ́ɛ wú, bó hu yě bǐ.

Ezekiyɛ́li 25:3

Ɖɔ nú yě ɖɔ yě ní ɖótó xó e ɖɔ nú yě wɛ nyɛ Aklúnɔ Mavɔmavɔ ɖe é. Hwenu e è ɖu su nú xwé ce ɔ́, mi ko nǔ hahaha; hwenu e è gba Izlayɛ́li to ɔ́, mi ko nǔ; hwenu e è bɛ̌ Judáa ví lɛ́ɛ yi to ɖěvo mɛ ɔ́, mi ko nǔ.

Ezekiyɛ́li 25:6

“Ɖó xó e ɖɔ wɛ nyɛ Aklúnɔ Mavɔmavɔ ɖe ɔ́ ɖíe: Ée awě xo Izlayɛ́li ɔ́, é víví nú mi bɔ mi lɔ́n yi jǐ, bó xo kpɛ́. Nǔ énɛ́ e mi bló ɔ́, ɖe lě do e mi gbɛ́ wǎn nú togun ce sɔ ɔ́ xlɛ́.

Ezekiyɛ́li 36:3

É nyɔ́! Din ɔ́, bo ɖɔ xó e un ɖɔ dó yě wǔ ɔ́ nú yě; ɖɔ nú yě ɖɔ xó e Aklúnɔ Mavɔmavɔ ɖɔ ɔ́ ɖíe: Un mɔ ɖɔ kɛntɔ́ ján go dó só mitɔn lɛ́ɛ gbɔn fí bǐ; só énɛ́ lɛ́ɛ su yě nukún mɛ, bɔ yě to ɖěvo mɛ nu lɛ́ɛ yí, bɔ é húzú zungbe bó húzú acagbe.

Ezekiyɛ́li 5:15

Hwɛ e un ɖó nú mi lɛ́ɛ ɔ́, un ná dɔn tó tɔn nú mi kpó xomɛsin ɖaxó ɖé kpó, bó ná gbɛ́ nǔ nú mi kpó adǎn kpó. Togun e lɛ́ lɛ̌ dó mi lɛ́ɛ ná nɔ́ ko mi bó ná nɔ́ zun mi. Un ná sɔ́ mi dó dó sɛ́n ná dó kplɔ́n nǔ togun énɛ́ lɛ́ɛ, bó ná dó adohu nú yě titewungbe. Nyɛ Mawu Mavɔmavɔ wɛ ɖɔ mɔ̌ nú mi.

Ozée 8:8

È sú Izlayɛ́linu lɛ́ɛ sín kún dó. Zɛ̌n e má nyí nǔɖé wa nú ǎ é ɖɔhun wɛ yě ɖe din ɖo akɔta lɛ́ɛ tɛ́ntin.

Micée 4:11

Din ɔ́, akɔta gěgé ko sɛ ta kplé dó mi wú, bó nɔ ɖɔ è nǐ kɔ́n wi nú to mitɔn, bónú émí ná mɔ lě e Jeluzalɛ́mu toxo ɔ́ ná gba gbɔn é.

Mɛsɛ́dó 7:54

Ée toxóɖɔtɔ́ lɛ́ɛ se xó énɛ́ e Etyɛ́ni ɖɔ ɔ́, xomɛ sin yě dó wǔ tɔn tlala, bɔ yě jɛ aɖǔkún ɖu jí.