Gbɛvíhan 2:15 - MAWUXÓWÉMA

¹⁵ Jeluzalɛ́mu, aliwáyitɔ́ lɛ́ɛ mɔ we ɔ́, yě nɔ́ xo alɔ, yě nɔ́ húnhún ta, bó nɔ́ kwínkwín lobo nɔ ɖɔ: “A! Toxo e è nɔ ylɔ́ ɖ'ayǐ ɖɔ ɖɛkpɛ vɔ é jɛ́n ɖíe a? Toxo e è nɔ ylɔ́ ɖɔ awǎjijɛ gbɛ ɔ́ bǐ tɔn é jɛ́n ɖíe a?”

Gbɛvíhan 2:15 Iomraidhean Croise

2 Axɔ́sú 19:21

Xó e nyɛ Mawu Mavɔmavɔ ɖɔ dó Senakelíbu wú ɔ́ ɖíe: Senakelíbu, ɖyɔ̌vǐ nyɔ̌nu ɖo alɔ jí Jeluzalɛ́mu ɖo tɛ́ hu nú we wɛ; é ɖo cícá we ko wɛ. Đyɔ̌vǐ Jeluzalɛ́mu nɔ kpɔ́n we bó nɔ́ húnhún ta.

2 Tan 7:21

Bɔ xwé élɔ́ e ɖó susu sɔ mɔ̌ ɔ́, mɛɖé gbɔn akpá tɔn ɔ́, é ná nɔ kpácá ɛ, bɔ é ná nɔ́ sú xó. È nǎ nɔ́ ɖɔ: ‘Étɛ́wú wɛ Mawu Mavɔmavɔ ka wa nǔ xá to élɔ́ kpódó xwé élɔ́ kpó gbɔn mɔ̌?’

Ɖɛhan 109:25

Un húzú nǔkiko nú mɛ lɛ́ɛ; yě nɔ́ kpɔ́n mì bó nɔ́ xwe akpi.

Ɖɛhan 22:7

Nyɛ ɔ́, wěvú wɛ è nɔ mɔ mì dó mɔ, è nɔ mɔ mì dó mɔ gbɛtɔ́ ǎ. Nǔgbɛ́hɛn wɛ un nyí ɖo gbɛtɔ́ lɛ́ɛ tɛ́ntin; mɛ bǐ wɛ gbɛ́ wǎn nú mì.

Ɖɛhan 48:2

Mawu Mavɔmavɔ d'agba; è nɔ ji han mlá ɛ mɔ̌hunkɔtɔn, ɖo só mímɛ́ tɔn jí, ɖo toxo tɔn mɛ.

Ɖɛhan 48:3

Só mímɛ́ tɔn nyɔ́ ɖɛkpɛ kpɔ́n! É wɛ nɔ́ ná awǎjijɛ ayǐkúngban ɔ́ bǐ. Sinyɔ́ɔ só ɔ́ wɛ nyí Mawu sín nɔtɛn; é wɛ nyí toxo axɔ́sú ɖaxó ɔ́ tɔn.

Ɖɛhan 50:2

Sín Sinyɔ́ɔ, toxo e nyɔ́ ɖɛkpɛ bɔ nǔ vɔ ɖ'é wú ɔ́ mɛ dɔ̌n wɛ Mawu ɖe bó ɖo kínkɔ́n wɛ.

Ɖɛhan 64:8

Mawu da gǎ dó yě ajijimɛ. Kpɔ́n, yě yí kpɛ́n.

Ezayíi 28:21

Đó Mawu Mavɔmavɔ ná jlɛ́ nǔ lě e é jlɛ́ gbɔn ɖo Pelasímu só jí é; é ná sin xomɛ ɖésú lě e é sin gbɔn ɖo Gabawɔ́ɔn tɔdo mɛ é, é ná jlɛ́ nǔ lobo ná wa azɔ̌ e é jló ná wa é; azɔ̌ ɔ́ ná kpácá ɖésú; é ná jí wǔ.

Ezayíi 37:22

Xó e Mawu Mavɔmavɔ ɖɔ dó Senakelíbu wú ɔ́ ɖíe: Senakelíbu, ɖyɔ̌vǐ nyɔ̌nu ɖo alɔ jí Jeluzalɛ́mu ɖo tɛ́ hu nú we wɛ. É ɖo cícá we ko wɛ. Đyɔ̌vǐ Jeluzalɛ́mu nɔ kpɔ́n we, bó nɔ́ húnhún ta.

Ezayíi 64:11

Mawu Mavɔmavɔ, a nǎ mɔ awě énɛ́ lɛ́ɛ ɖo xixo mǐ wɛ bó ná kɛ nu ǎ wɛ a? A nǎ tin bó kpɔ́n, bó dó winnyá ɖaxó énɛ́ mǐ wɛ ǎ?

Jelemíi 18:16

Mi sɔ́ to mitɔn dó húzú nǔ vɛ́ mɔ, to mitɔn húzú nǔkiko. Mɛ ɖěbǔ wá mɔ ɔ́, é nɔ́ kpácá mɛ ɔ́, bɔ é nɔ́ húnhún ta.

Jelemíi 19:8

Un ná wa nǔ xá toxo élɔ́, bɔ mɛ e na mɔ lɛ́ɛ ɔ́ ná sɔ́ alɔ ɖó nu. Mɛ e ɖo dǐndín wɛ lɛ́ɛ mɔ ɔ́, avuvɔfún ná blá yě, yě ná sá heelú.

Jelemíi 25:18

Un ná mɛ e ɖo Jeluzalɛ́mu lɛ́ɛ, bó ná mɛ e ɖo Judáa toxo ɖě lɛ́ɛ mɛ lɛ́ɛ. Un ná axɔ́sú yětɔn lɛ́ɛ, bó ná gǎn hɔn-yitɔ́ e ɖo to ɔ́ mɛ lɛ́ɛ, bó ná zé to ɔ́ dó húzú to gbigba, nǔkiko, bɔ mɛɖé mɔ ɔ́, é ná sɔ́ alɔ dó nu; è ja nu dó toxo ɖé gbé ɔ́, yě wú wɛ è nǎ nɔ́ jlɛ́ dó, lě e é ɖe gbɔn égbé din é.

Jelemíi 25:9

un ná sɛ́ mɛ dó togun e gbɔn totaligbé dɔ̌n lɛ́ɛ bǐ; un ná sɛ́ mɛ dó Nabukodonɔzɔ́ɔ Babilɔ́nu xɔ́sú e nɔ wa azɔ̌ nú mì é, un ná kplá yě wá to mɛ fí, bɔ yě ná wá gba to élɔ́, bó dó ya nú togun élɔ́ kpó togun e lɛ́ lɛ̌ dó e lɛ́ɛ bǐ kpó, bó sú kún yětɔn dó, bó ná gba nǔ e ɖo to ɔ́ mɛ lɛ́ɛ bǐ hánnyá káká yi mavɔ mavɔ. Mɛ ɖé wá mɔ ɔ́, mɛ ɔ́ ná sú alɔ nu; yě ná nyí nǔkiko. Xó e nyɛ Mawu Mavɔmavɔ ɖɔ é nɛ́.

Jelemíi 26:6

Ényí mi ma ɖótó yě ǎ ɔ́, un ná gba xwé élɔ́ lě e un gba éé ɖo Silóo é gbɔn é. Un ná bló bɔ akɔta e ɖo ayǐkúngban jí lɛ́ɛ é ɖěbǔ ja nu dó mɛɖé gbé ɔ́, é ná ɖɔ: Nǔ e gbo Jeluzalɛ́mu é wɛ ná gbo we.’ ”

Jelemíi 29:18

Un ná zé ahwan kpó adɔ kpó jɛmɛjí kpó dó jɛ gǒ mɛ nú yě. Un ná bló mɔ̌ xá yě, bɔ è ja nu dó mɛɖé gbé ɔ́, yě wú wɛ è nǎ nɔ́ jlɛ́ dó; axɔ́súɖuto e ɖo gbɛ ɔ́ mɛ lɛ́ɛ mɔ ɔ́, xɛsi ná jɛ yě jí; è mɔ yě ɔ́, è nǎ nɔ́ sɔ́ alɔ ɖó nu; yě ná húzú nǔkiko; yě ná húzú winnyá ɖo akɔta e mɛ un ná gba yě dó gbɔn lɛ́ɛ,

Jelemíi 48:27

Hwɛ ɔ́, Izlayɛ́li húzú nǔkiko nú we ɖo fí ǎ cé? Ajotɔ́ lɛ́ɛ mɛ wɛ a nɔ lɛ́n Izlayɛ́li dó, lobo ja xó ɖɔ dó wǔ tɔn gbé hweɖěbǔnu ɔ́, a nɔ mi ta.

Jelemíi 51:37

Babilɔ́nu ná húzú dǒglin, é ná húzú xwé nú ayǐsájɛ lɛ́ɛ; é ná jɛ vɔ̌ bɔ mɛ e mɔ lɛ́ɛ ɔ́, avivɔfún ná blá yě; yě ná sá heelú.

Gbɛvíhan 1:21

È se azɔn e wɛn wɛ un ɖe ɔ́, mɛ ɖěbǔ ká wá dó gbɔ nú mì ǎ; kɛntɔ́ ce lɛ́ɛ bǐ se nǔ e ɖo gbigbo mì wɛ é; nǔ e a wa xá mì ɔ́ víví nú yě. Azǎn e xó a ɖɔ ɔ́ wá, nǔ e ɖo gbigbo mì wɛ ɔ́ ní gbo yě lɔmɔ̌.

Gbɛvíhan 1:8

Jeluzalɛ́mu hu hwɛ dín; énɛ́ ɔ́ wú wɛ nǔ tɔn má sɔ́ nɔ́ jɛ mɛɖé tɔn jí ǎ. Mɛ e nɔ sí i ɖ'ayǐ lɛ́ɛ ɔ́, din e yě mɔ ɛ ɖo mɛ̌ jɔgbe ɔ́, yě sɔ́ mɔ ɛ dó mɔ nǔɖé ǎ. Ée é jɛ mɛ̌ din ɔ́, nǔ e kpo n'i ɔ́ ɖíe: é ná jɛ gbɛvo sa jí bó ná ba fí ɖé gbɔn.

Gbɛvíhan 2:16

Kɛntɔ́ towe lɛ́ɛ bǐ nɔ́ ɖɔ xó nyanya dó wǔ we; yě ɖo kwínkwín wɛ; yě jɛ ma dó jǐ towe, bó nɔ́ ɖɔ: “Mǐ sɔ́ ɛ mi nɛ́! Azǎn e nɔ te kpɔ́n wɛ mǐ ɖe ɔ́ ɖíe; azǎn ɔ́ kpé, mǐ sɔgba ɛ lo.”

Gbɛvíhan 2:6

É byɔ́ xwé tɔn gbe kpó hlɔ̌nhlɔ́n kpó, é gba fí e é nɔ́ kplé xá mǐ ɖe é; mɛɖé sɔ́ nɔ́ flín xwezán lɛ́ɛ ɖo Sinyɔ́ɔ ǎ, mɛɖé ká sɔ́ nɔ́ flín gbɔjɛzán lɛ́ɛ lɔ ǎ. Hwenu e Mawu Mavɔmavɔ ɖo xomɛsin jí ɔ́, é kɔ́n axɔ́sú ɔ́ kpódó vɔ̌sánú-xwlémawutɔ́ lɛ́ɛ kpó sín wi.

Ezekiyɛ́li 16:13

Siká kpó kpatágan kpó wɛ a dǒ ba acɔ́ ná, kanvɔ wěwé ɖagbe ɖagbe, sɛ́da kpó avɔ kíkó kpó wɛ a dǒ. Linfín e mɛ́ ganjí ɔ́ kpó wǐin kpó olívumi kpó wɛ a nɔ ɖu. Énɛ́ ɔ́, a nyɔ̌ ɖɛkpɛ sɔ mɔ̌, bɔ axɔ́sú jɛ we.

Ezekiyɛ́li 16:14

Nyǐkɔ towe gba kpé gbɛ ɔ́ bǐ mɛ, ɖó ɖɛkpɛ towe wú; a nyɔ̌ ɖɛkpɛ bɔ nǔ bǐ vɔ ɖ'é wú, ɖó un ba acɔ́ nú we bɔ é vɛ́ jlɛ́. Xó e nyɛ Mawu Mavɔmavɔ ɖɔ é nɛ́.”

Ezekiyɛ́li 23:32

Nǔ e ɖɔ nú we wɛ nyɛ Aklúnɔ Mavɔmavɔ ɖe ɔ́ ɖíe; ɖǒtó: Kɔ́fu e mɛ dadá towe nu xomɛsin ce ɖe ahan ɖɔhun ɔ́, hwi lɔ ná nu xomɛsin ce ɖo kɔ́fu ɖokpó ɔ́ mɛ; kɔ́fu ɖaxó hotohoto ɖé wɛ bó gɔ́ bǐ. Mɛ ɖé mɔ kɔ́fu ɔ́, è nǎ nɔ ko we, è nǎ nɔ́ gbɔ́ aca ta towe, ɖó kɔ́fu ɔ́ d'agba dín.

Ezekiyɛ́li 25:6

“Ɖó xó e ɖɔ wɛ nyɛ Aklúnɔ Mavɔmavɔ ɖe ɔ́ ɖíe: Ée awě xo Izlayɛ́li ɔ́, é víví nú mi bɔ mi lɔ́n yi jǐ, bó xo kpɛ́. Nǔ énɛ́ e mi bló ɔ́, ɖe lě do e mi gbɛ́ wǎn nú togun ce sɔ ɔ́ xlɛ́.

Ezekiyɛ́li 5:15

Hwɛ e un ɖó nú mi lɛ́ɛ ɔ́, un ná dɔn tó tɔn nú mi kpó xomɛsin ɖaxó ɖé kpó, bó ná gbɛ́ nǔ nú mi kpó adǎn kpó. Togun e lɛ́ lɛ̌ dó mi lɛ́ɛ ná nɔ́ ko mi bó ná nɔ́ zun mi. Un ná sɔ́ mi dó dó sɛ́n ná dó kplɔ́n nǔ togun énɛ́ lɛ́ɛ, bó ná dó adohu nú yě titewungbe. Nyɛ Mawu Mavɔmavɔ wɛ ɖɔ mɔ̌ nú mi.

Daniyɛ́li 9:16

Aklúnɔ, lɛ̌ jɛ ɖagbe towe lɛ́ɛ wa nú mǐ jí. Ma sɔ́ xomɛsin ɖaxó énɛ́ dó kpɔ́n Jeluzalɛ́mu, toxo towe, só mímɛ́ towe ná ó. Agɔ e mǐ jɛ lɛ́ɛ kpó hwɛ e tɔgbó mǐtɔn lɛ́ɛ hu lɛ́ɛ kpó zɔ́n bɔ akɔta e lɛ́ dó mǐ lɛ́ɛ ɖo zun ɖe ɖo Jeluzalɛ́mu kpó togun towe kpó wú wɛ.

Micée 6:16

Jujɔ nyanya e axɔ́sú Ɔmúli zán bɔ vǐ tɔn Akábu kpó hɛ̌nnu tɔn kpó zán ɔ́ xwedó wɛ a ɖe. A nɔ se gbe nú yě. Énɛ́ ɔ́ wú wɛ un ná ɖɔ bɔ è nǎ gba to towe, un ná ɖɔ bɔ gbɛtɔ́ lɛ́ɛ ná nɔ ko mi mɛ e ɖ'é mɛ lɛ́ɛ. Mi na ɖu winnyá e togun ce ɖó ná ɖu é.

Naxúmu 3:19

Amasin ɖé ɖe nú è nǎ dó hu akpa e a xo é ǎ. Wǔ vantankánnyá wɛ a gblě. Mɛ e ná se xó towe lɛ́ɛ bǐ ná kpa wǒóo dó ta nú we. Ɖó nǔ nyanya e a nɔ ɖo sin dó wɛ ɔ́, mɛ̌ wɛ bǎ tɔn ma ká xo ǎ?

Sofoníi 2:15

Nǔ e ná wá gbo toxo élɔ́ e nɔ ɖo afɔ tɛ ayǐ wɛ, bó nɔ́ mɔ ɖɔ nǔɖé kún ná jɛ ó, émí kún nyí mɛ ɖé gbɛ́ ó é nɛ́. Yéége! É gba bǐ. É húzú adɔ̌tɛn nú kanlin lɛ́ɛ. Mɛ e ná gbɔn toxo élɔ́ kpá dín lɛ́ɛ bǐ ná sɔ́ alɔ ɖó nu bo sú xó.

Matíe 27:39

Mɛ e ɖo dǐndín wɛ lɛ́ɛ nɔ́ húnhún ta, bó nɔ ɖo zunzun i wɛ,

Maki 15:29

Aligbɔntɔ́ lɛ́ɛ nɔ́ ɖo zunzun i wɛ, bó nɔ́ húnhún ta, bó nɔ́ ɖɔ: “Wǒóo nú we! Hwi mɛ e ɖo sinsɛnxɔ ná mu wɛ, bó ná sɔ́ azǎn atɔn ɖó te, bó vɔ́ ɖěvo gbá ɔ́ ɖíe a?