Gbɛvíhan 2:14 - MAWUXÓWÉMA

¹⁴ Gbeyíɖɔ towe lɛ́ɛ ɔ́, xó e yě nɔ́ wá ɖɔ nú we, bó nɔ́ ɖɔ nyi wɛ ɖɔ lɛ́ɛ ɔ́, nǔ yǎyá wɛ, adingban wɛ. Yě nɔ́ ɖe hwɛ e a hu lɛ́ɛ gba ǎ; ényí hwɛ towe lɛ́ɛ wɛ yě kó ɖe gba ɔ́, adǎn élɔ́ ná ɖo gbigbo we wɛ ǎ. Xó e yě nɔ́ wá ɖɔ nú we bó nɔ́ ɖɔ nyi wɛ ɖɔ lɛ́ɛ ɔ́, nǔ yǎyá wɛ, adingban wɛ.

Gbɛvíhan 2:14 Iomraidhean Croise

Ezayíi 58:1

Mawu ɖɔ: “Sú xó kpó hlɔ̌nhlɔ́n kpó, ma gɔn xó sú ó. Sú xó nú gbe towe ní yi zɔ lanzo ɖɔhun; sú xó bó ɖɔ nǔ e wa nyi do wɛ togun ce ɖe ɔ́ n'i, ɖɔ hwɛ e hu wɛ Jakɔ́bu ví lɛ́ɛ ɖe é nú yě.

Jelemíi 2:8

Vɔ̌sánú-xwlémawutɔ́ lɛ́ɛ kan fí e nyɛ Mawu Mavɔmavɔ ɖe ɔ́ byɔ́ ǎ; sɛ́ngán lɛ́ɛ lɔ ka tunwun mì ǎ; agunnukɔntɔ́ lɛ́ɛ fɔ́n gǔ dó jǐ ce; gbeyíɖɔ lɛ́ɛ nɔ ɖɔ xó dó Baalu nyíkɔ mɛ; yě bǐ nɔ xwedó vodún, vodún ka nɔ kpé nǔ ɖěbǔ wú ǎ.

Jelemíi 20:6

Pacehúu, ahwan ná wlí hwi kpó mɛ e ɖo xwé towe gbe lɛ́ɛ bǐ kpó yi Babilɔ́nu; a nǎ kú ɖo dɔ̌n, bɔ è nǎ ɖi we. È nǎ ɖi xɔ́ntɔn towe lɛ́ɛ ɖó dɔ̌n. Xɔ́ntɔn towe énɛ́ lɛ́ɛ e a ɖǒ adingban ná ɖɔ xó e Mawu sɔ́ dó nu nú émí ɔ́ ɖɔ nú yě wɛ émí ɖe lɛ́ɛ.’ ”

Jelemíi 23:22

Ényí yě kó yi tagbesɔ xá mì wɛ ɔ́, yě ná kó se xó e un ɖɔ sɛ́ dó togun ce é. Yě ná ko se, bó ná ko ɖɔ nú togun ce bɔ é ná lɛ́ kɔ sín ali nyanya jí, lobo na jó dǎkaxixo dó.”

Jelemíi 23:36

Mɛ ɖé sɔ́ ná ɖɔ: ‘Mawu Mavɔmavɔ sín xó wɛ nyí agban bo ɖo kpinkpɛn émí wɛ’ ǎ. É má nyí mɔ̌ ǎ ɔ́, xó e mɛ ɔ́ ɖɔ ɔ́ ná húzú agban bo kpɛn mɛ ɔ́, ɖó mi húzú ada nú xó nyɛ Mawu gbɛɖe ɔ́ tɔn. Mi flí nyɛ Mawu Nǔbǐwúkpétɔ́, Mawu mitɔn ɔ́ sín xó xwe.

Jelemíi 28:15

Énɛ́ ɔ́ gúdo ɔ́, Jelemíi lɛ́ ɖɔ nú gbeyíɖɔ Hananiya ɖɔ: “Hananiya, ɖǒtó mì ganjí, Mawu Mavɔmavɔ sɛ́ we dó ǎ, bɔ a ka ɖo adingban ɖó dó ná gǎnjɛwú togun élɔ́ wɛ kpowun.

Jelemíi 29:21

“Din ɔ́, Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ xó dó gbeyíɖɔ Akábu Kolaya ví ɔ́ kpó gbeyíɖɔ Sedesíyasi Maaseya ví ɔ́ kpó wú; gbeyíɖɔnyíjɛtɔ́ wɛ nú yě mɛ we lɛ́ɛ bǐ, yě ká nɔ́ ɖɔ émí ɖo Mawu sín wɛn dó wɛ. Mawu ɖɔ dó yě wǔ ɖɔ: ‘Un na jó yě nú Babilɔ́nu xɔ́sú Nabukodonɔzɔ́ɔ, bɔ é ná hu yě ɖo nukún mitɔn mɛ.

Jelemíi 37:19

Gbeyíɖɔ mitɔn e ka ɖɔ axɔ́sú Babilɔ́nu tɔn kún ná tɔ́n ahwan mi ó, é kún ná wa nǔɖé nú to élɔ́ ó lɛ́ɛ ɔ́, nɛ̌ yě ká ná ɖɔ gbɔn din?

Jelemíi 5:31

Gbeyíɖɔ lɛ́ɛ nɔ ɖó adingban, vɔ̌sánú-xwlémawutɔ́ lɛ́ɛ ɔ́, ɖuɖu jɛ́n yě nɔ́ ba ɖo nǔ bǐ mɛ. Bɔ nǔ énɛ́ lɛ́ɛ ká nyɔ́ togun ce nukún mɛ. Mi ka zán gbɛ mɔ̌ káká yi fó ɔ́, nɛ̌ mi ná wa nǔ gbɔn?”

Gbɛvíhan 4:13

Hwɛ e gbeyíɖɔ lɛ́ɛ hu lɛ́ɛ wɛ zɔ́n bɔ nǔ baɖabaɖa énɛ́ ɔ́ jɛ; nǔ e vɔ̌sánú-xwlémawutɔ́ lɛ́ɛ dó sin lɛ́ɛ wɛ zɔ́n bɔ nǔ baɖabaɖa énɛ́ ɔ́ jɛ; yě kɔn hwɛjijɔnɔ lɛ́ɛ sín hun kɔn nyi ayǐ ɖo toxo ɔ́ mɛ.

Ezekiyɛ́li 13:22

Mi nɔ ɖó adingban dó dó awakanmɛ kú nú mɛ e nɔ wa nǔ jlɔ́jlɔ́ lɛ́ɛ; nyɛ ka lin nǔ nyanya ɖěbǔ dó yě wú ǎ. Mi nɔ dó wǔsyɛ́n lanmɛ nú mɛ nyanya lɛ́ɛ, bɔ yě nɔ́ lɛ́ ɖó kan dó gbɛ nyanya zínzán wú; gbɛ yětɔn wɛ mi ɖó axɔ́ nu.

Ezekiyɛ́li 22:25

Gbeyíɖɔ yětɔn lɛ́ɛ nɔ́ ɖó gbe kpɔ́ bó nɔ́ dó nǔ sin; yě cí kinnikínní e wlí lan bó ɖo vǔnvún ɖu wɛ, bó ɖo gbe dó ɖ'é kɔn wɛ é ɖɔhun; yě nɔ́ hu mɛ lɛ́ɛ, yě nɔ́ yí dɔkun mɛ lɛ́ɛ tɔn kpó nǔ xɔ akwɛ́ mɛ lɛ́ɛ tɔn kpó; yě nɔ́ ɖo mɛ lɛ́ɛ hu wɛ bɔ asúkúsi ɖo kpɔ́.

Ezekiyɛ́li 22:28

Gbeyíɖɔ yětɔn lɛ́ɛ nɔ́ bú nǔ dó nǔ nyanya énɛ́ lɛ́ɛ e dó sin wɛ yě ɖe lɛ́ɛ bǐ. Nǔ e yě má mɔ ǎ é wɛ yě nɔ́ ɖɔ, bó nɔ́ ɖo adingban ɖó kpé wɛ. Yě nɔ́ ɖɔ émí ɖo wɛn ce dó wɛ, nyɛ Mawu Mavɔmavɔ ka ɖɔ xó ɖěbǔ nú yě ǎ.

Ezekiyɛ́li 23:36

Mawu Mavɔmavɔ ɖɔ nú mì ɖɔ: “Hwɛ gbɛtɔ́ e, sɔ́ nǔ bó ná yi ɖɔ hwɛ xá Oxóla kpó Oxoliba kpó. Ɖɔ nǔ baɖabaɖa e yě dó sin lɛ́ɛ.

Ozée 9:7

Hwenu e Mawu Mavɔmavɔ ná dɔn tó nú mɛ ɔ́ kó su, hwenu e Mawu Mavɔmavɔ ná kan nǔ e mɛ ɖokpó ɖokpó wa ɔ́ byɔ́ ɛ ɔ́ kó su. Izlayɛ́linu lɛ́ɛ ní tunwun ɖɔ é kó yá. Mi nɔ ɖɔ: “Gbeyíɖɔ Mawu tɔn ɔ́ hun taɖu. Mɛ e Mawu nɔ́ ɖɔ xó dó ayi mɛ ná ɔ́ ɖo gblǒ ɖɔ wɛ.” Hwɛ e mi hu lɛ́ɛ wɛ sukpɔ́ dín, gǔ e mi fɔ́n dó jǐ ce ɔ́ syɛ́n dín.

Micée 2:11

Ényí mɛɖé wá xwetɔ́n, bó ɖo xó ɖɔ dó jɔhɔn mɛ wɛ, bó ɖó adingban nú mi ɖɔ vɛ̌ɛn kpó ahan syɛ́nsyɛ́n kpó ná sa ɖo to élɔ́ mɛ ɔ́, xówlíɖɔtɔ́ mɔ̌hunkɔtɔn wɛ jɛ xá togun élɔ́.

Micée 3:8

Amɔ̌, nyɛ ɔ́, Mawu Mavɔmavɔ ná hlɔ̌nhlɔ́n tɔn mì; é ná Yɛ tɔn mì; é ná mì nǔjlɔ́jlɔ́wiwa, bó ná mì, bɔ un ná dó sixú ɖe gbejímánɔ kpódó gǔfínfɔ́n Izlayɛ́li ví lɛ́ɛ tɔn kpó gba.

Sofoníi 3:4

Gbeyíɖɔ Mawu tɔn e ɖo toxo ɔ́ mɛ lɛ́ɛ nɔ tɛ afɔ ayǐ. Adingbannɔ wɛ yě nyí. Vɔ̌sánú-xwlémawutɔ́ tɔn lɛ́ɛ nɔ ɖó sísí nú nǔ e è zě xwlé Mawu é ǎ; yě nɔ́ gba Mawu sɛ́n.