Gbɛvíhan 2:13 - MAWUXÓWÉMA

¹³ Jeluzalɛ́mu e! Un sɔ́ tunwun nǔ e un ná ɖɔ nú we ɔ́ ǎ; nǔ e ɖo gbigbo we wɛ ɔ́ gbo mɛɖé ǎ. Áo! Sinyɔ́ɔ, mɛ̌ sín kpɔ́ndéwú un ka ná ná we, bó ná dó dó gbɔ nú we? Đó nǔ e ɖo gbigbo we wɛ ɔ́ d'agba sɔ xu; mɛ̌ wɛ ná sixú gbɔ azɔn nú we?

Gbɛvíhan 2:13 Iomraidhean Croise

2 Samuwɛ́li 5:20

Ée Mawu Mavɔmavɔ ɖɔ mɔ̌ ɔ́, Davídi yi Baalu-Pelasímu bó gba Filisitɛ́ɛn lɛ́ɛ ɖo fínɛ́, lobo ɖɔ: “Mawu Mavɔmavɔ nya kɛntɔ́ ce lɛ́ɛ sín nukɔn ce, bɔ yě gba wu sin ɖɔhun. Énɛ́ wú wɛ è sun nyǐ tɛn énɛ́ mɛ ɖɔ Baalu-Pelasímu; tínmɛ tɔn wɛ nyí ‘Aliɖedókɛntɔ́mɛgán.’ ”

2 Axɔ́sú 19:21

Xó e nyɛ Mawu Mavɔmavɔ ɖɔ dó Senakelíbu wú ɔ́ ɖíe: Senakelíbu, ɖyɔ̌vǐ nyɔ̌nu ɖo alɔ jí Jeluzalɛ́mu ɖo tɛ́ hu nú we wɛ; é ɖo cícá we ko wɛ. Đyɔ̌vǐ Jeluzalɛ́mu nɔ kpɔ́n we bó nɔ́ húnhún ta.

Ɖɛhan 60:2

Hwenu e Davídi fun ahwan xá Silíinu e ɖo Mɛzopotamíi lɛ́ɛ kpódó éé ɖo Sova lɛ́ɛ kpó wɛ é ji han élɔ́; hwe énɛ́ nu wɛ Jowabu lɛ́ kɔ sín dɔ̌n bó wá hu Edɔ́munu děgba atɔn (12.000) ɖo Jɛtɔdo ɔ́ mɛ.

Ezayíi 37:22

Xó e Mawu Mavɔmavɔ ɖɔ dó Senakelíbu wú ɔ́ ɖíe: Senakelíbu, ɖyɔ̌vǐ nyɔ̌nu ɖo alɔ jí Jeluzalɛ́mu ɖo tɛ́ hu nú we wɛ. É ɖo cícá we ko wɛ. Đyɔ̌vǐ Jeluzalɛ́mu nɔ kpɔ́n we, bó nɔ́ húnhún ta.

Jelemíi 14:17

Jelemíi, ɖɔ nú yě ɖɔ émí ɖo avǐ ya wɛ ɖasin hoho zǎn kéze, magbokɔ. Đó è dó nǔ togun émítɔn bɔ é syɛ́n ɖésú, akpá ɖaxó wɛ jɛ wǔ tɔn,

Jelemíi 14:19

Judáa togun ɔ́ ɖɔ: “Mawu, a jǒ mǐ dó bǐ wɛ a? Wǎn wɛ a gbɛ́ nú Sinyɔ́ɔ ɔ́ din a? Étɛ́wú a ka gblé wǔ mǐ, bɔ akpa jɔmakú jɛ mǐ wǔ lě? Ayi j'ayǐ ɖó nukún wɛ mǐ ɖe, nǔ ɖagbe ɖě ká ɖo wǐwá wɛ ǎ. Azɔn mǐtɔn ní gbɔ ɖó nukún wɛ mǐ ɖe, awě kɛ́ɖɛ́ wɛ ká ɖo mǐ xo wɛ.

Jelemíi 8:22

Atínkɛn e nɔ dɛn wǔ nú mɛ é ɖě ɖo Galadi to ɔ́ mɛ ǎ cé? Dotóo ɖě ɖo fí ǎ cé? Bɔ étɛ́wú togun ce sín azɔn ma ka gbɔ ǎ?

Jelemíi 9:18

Jelemíi ɖɔ: “È ɖo gbɛvíhan se wɛ sín Sinyɔ́ɔ: ‘Étɛ́ ɖíe! Gbɛ mǐtɔn vɔ lo. Mǐ ɖu winnyá; mǐ na hɔn jó to mǐtɔn dó. È gba xwé mǐtɔn bǐ.’

Gbɛvíhan 1:12

Alitanu lɛ́ɛ mi, nǔ ce blá wǔ nú mi ǎ cé? Nǔ gbo mɛɖé bɔ é syɛ́n sɔ ée gbo mì ɔ́ a? Mawu Mavɔmavɔ wɛ dɔn tó élɔ́ nú mì gbe e gbe é sin xomɛ dó mì é.

Ezekiyɛ́li 32:31

“Nú Ejípu xɔ́sú ɔ́ mɔ nǔ énɛ́ lɛ́ɛ bǐ ɔ́, nǔ e ɖo nǎ jɛ dó ahwangɔnu tɔn jí wɛ ɔ́ sɔ́ ná hu ado n'i sɔ mɔ̌ ǎ, ɖó è nǎ hu é kpó sɔ́ja tɔn lɛ́ɛ kpó ɖo ahwangbénu. Xó e nyɛ Aklúnɔ Mavɔmavɔ ɖɔ ɔ́ nɛ́.

Daniyɛ́li 9:12

A ɖe gbe bɔ nǔ e a ɖɔ dó mǐ ɖésúnɔ kpó gǎn e ɖo acɛ kpa nú mǐ wɛ lɛ́ɛ kpó wú ɔ́ jɛ; a ɖe gbe bɔ nyladó e ma jɛ ɖo fí ɖé kpɔ́n gbeɖé ǎ ɔ́ jɛ dó mǐ jí ɖo Jeluzalɛ́mu.