Gbɛvíhan 2:12 - MAWUXÓWÉMA

¹² Vǐ lɛ́ɛ nɔ kanbyɔ́ nɔ yětɔn lɛ́ɛ ɖɔ: “Fítɛ́ mǐ nǎ mɔ nǔɖuɖu ɖe? Fítɛ́ mǐ nǎ mɔ sin ɖe?” Hwenu e yě ɖo mɔ̌ ɖɔ wɛ ɔ́, hlɔ̌nhlɔ́n wɛ ɖo vivɔ ɖo yě wú wɛ, bɔ yě nɔ́ kú jɛ akɔn nú nɔ yětɔn lɛ́ɛ gbɔn alixo alixo.

Gbɛvíhan 2:12 Iomraidhean Croise

Jɔ̌bu 30:16

Amɔ̌, din e un byɔ́ ya mɛ, bɔ tíntɔ́n gló ɔ́, é sɔ́ kpo nǔɖé nú mì zɛ vosisa wú ǎ.

Ɖɛhan 42:4

Zǎn kpó kéze kpó ɔ́, ɖasin wɛ nɔ nyí nǔɖuɖu ce, bɔ hweɖěbǔnu ɔ́, è nɔ ɖo kinkanbyɔ́ mì wɛ ɖɔ: “Fítɛ́ Mawu e a nɔ sɛn é ká ɖe?”

Ɖɛhan 62:8

Mawu jí wɛ hwlɛngán ce kpódó susu ce kpó jínjɔ́n. É wɛ nyí só e nɔ nya xɛ ɖo jǐ ce é. É wɛ nyí bibɛtɛn ce.

Ezayíi 51:20

Vǐ towe lɛ́ɛ ɖo ayǐmlɔ́mlɔ́ gbɔn ali kpá ali kpá; yě cí agbanlín e ɖo fɛ́ca mɛ é ɖɔhun; yě sɔ́ ɖó hlɔ̌nhlɔ́n ɖě ǎ; xomɛsin Mawu Mavɔmavɔ tɔn wɛ ɖo nǔ wa xá yě wɛ; adǎn e Mawu gblɔ́n nú yě ɔ́ wɛ ɖo nǔ dó sin xá yě wɛ.

Ezayíi 53:12

Énɛ́ wɛ zɔ́n bɔ un sɔ́ ɛ ɖó mɛ klogǎnklogǎn lɛ́ɛ há jí, é kpó mɛ e syɛ́n lɛ́ɛ kpó wɛ ná má nǔ e è hɛn sín ahwangbénu wá lɛ́ɛ, ɖó é sɔ́ éɖée hwe káká bó kú; é sɔ́ éɖée ɖó nǔ nyanyawatɔ́ lɛ́ɛ mɛ. É ɖíɖá hwɛgban mɛ gěgé tɔn, é sa vo dó hwɛhutɔ́ lɛ́ɛ tamɛ.”

Jelemíi 5:17

Yě ná vívá nǔ mitɔn lɛ́ɛ bǐ: agɔ̌ mitɔn lɛ́ɛ, nǔɖuɖu mitɔn lɛ́ɛ, vǐ mitɔn súnnu lɛ́ɛ, nyɔ̌nu lɛ́ɛ, gbɔ̌ mitɔn lɛ́ɛ, nyibú mitɔn lɛ́ɛ, vǐwungbo mitɔn lɛ́ɛ, fígigbo mitɔn lɛ́ɛ yě ná vívá bǐ. Toxo mitɔn e mi mɛ ahohó lɛ́ lɛ̌ dó, bó nɔ́ dó yí go na lɛ́ɛ ɔ́, ahwan ná gba bǐ.

Gbɛvíhan 1:11

Togun Jeluzalɛ́mu tɔn ɔ́ bǐ ɖo azɔn wɛn wɛ; é ɖo nǔɖuɖu ba wɛ; é sɔ́ nǔ e vɛ́ n'i hú nǔ bǐ ɔ́ jó, bó ná dó mɔ nǔɖuɖu ɖu, bó ná dó mɔ hlɔ̌nhlɔ́n; Jeluzalɛ́mu sa vo nú Mawu bó ɖɔ: “Mawu Mavɔmavɔ, kpɔ́n lě e yě gbɛ́ wǎn nú mì sɔ é!”

Gbɛvíhan 4:4

Kɔ xú vǐ ɖo anɔ̌nu lɛ́ɛ káká bɔ ɖɛ̌ yětɔn tɛ́ dó ɖɛxwɛ wú. Yɔkpɔ́vú lɛ́ɛ nɔ́ ɖo nǔɖuɖu byɔ́ wɛ, mɛ ɖěbǔ ká nɔ́ ná yě ǎ.

Ezekiyɛ́li 30:24

Un ná dó hlɔ̌nhlɔ́n hlɔ̌nhlɔ́n jí nú axɔ́sú Babilɔ́nu tɔn, bó ná sɔ́ hwǐ nyɛ ɖésúnɔ tɔn dó así n'i, bɔ Ejípu xɔ́sú e un ko wɛ́n awa ná ɔ́ ná ɖo azɔn wɛn wɛ káká, bó ná kú ɖo kɛntɔ́ tɔn nukɔn.