Gbɛvíhan 2:10 - MAWUXÓWÉMA

¹⁰ Tomɛxó Sinyɔ́ɔ tɔn lɛ́ɛ ɖo ayǐjínjɔ́n ɖo kɔ́ mɛ, yě ɖo nu kɛ wɛ ǎ, yě lɛ kɔ́gúdu dó ta, yě dó caki. Đyɔ̌vǐ Jeluzalɛ́mu tɔn lɛ́ɛ dó kɔ do.

Gbɛvíhan 2:10 Iomraidhean Croise

2 Samuwɛ́li 13:19

É lɛ afín dó ta, bó vún awu dó kɔ nú éɖée, bó kplá así ta bo wlí xósúsú bo ɖidó.

Ezayíi 15:3

Mɛ bǐ dó nǔwamɛvɔ bó ɖo ali lɛ́ɛ jí ɖo toxo lɛ́ɛ mɛ. Mɛ bǐ dó nǔwamɛhan bó ɖo jiji wɛ gbɔn xɔ ta xɔ ta, gbɔn tokplétɛn tokplétɛn; mɛ bǐ ɖo avǐ ya wɛ agba.

Ezayíi 3:24

Hwe énɛ́ ɔ́ nu ɔ́, nǔ e lun wǎn é wɛ ná nɔ célu tɛn mɛ, kan wɛ ná nɔ anyǔkan tɛn mɛ. Ta xwlɛ́xwlɛ́ wɛ è nǎ mɔ ɖo ɖa bláblá ɖagbe ɖagbe tɛn mɛ, ati wɛ ná nɔ akwɛ́núvɔ tɛn mɛ, wuntun e è nǎ sɔ́ gan dó ɖó yě ɔ́ wɛ ná nɔ ɖɛkpɛ tɛn mɛ nú yě.

Ezayíi 3:26

Énɛ́ ɔ́, mɛ e ɖo toxo ɔ́ mɛ lɛ́ɛ bǐ ná sa vo, bó ná ya gbɛvíhan. Toxo ɔ́ ná cí nyɔ̌nu e nǔ tɔn bǐ dɔn, bɔ é jínjɔ́n kɔ́ mɛ é ɖɔhun.

Ezayíi 36:22

Bɔ Eliyakímu Ilukyahu ví hɔnmɛgán ɔ́, é kpó Cevúna wěgbójínɔtɔ́ ɔ́ kpó, kpó Yoáxi Asáfu ví wěgbóhɛntɔ́ ɔ́ kpó vún awu dó kɔ nú yěɖée bó wá yi Ezekiyási gɔ́n, bó ɖɔ xó e ahwangán Asilíi xɔ́sú ɔ́ tɔn ɖɔ lɛ́ɛ n'i.

Ezayíi 47:1

Mawu ɖɔ: “Đyɔ̌vǐ Babilɔ́nu, jɛ te sín axɔ́súzinkpo jí; jǐnjɔ́n kɔ́gúdu mɛ. Toxo Babilɔ́nunu lɛ́ɛ tɔn e, jǐnjɔ́n kɔ́ mɛ, ma sɔ́ ba zinkpo ó. È sɔ́ ná nɔ́ ylɔ́ we ɖɔ nyɔ̌nu fífá, nyɔ̌nu ɖagbe ɖagbe ɖě ǎ.

Ezayíi 47:5

Mawu ɖɔ: “Babilɔ́nu, ɖǒ nu abwɛ̌ bó jínjɔ́n ayǐ; yi hɔn hwlá cí ablu mɛ fí ɖé, ɖó è sɔ́ ná nɔ́ ylɔ́ we ɖɔ ‘Gǎn axɔ́súɖuto lɛ́ɛ tɔn’ ɖě ǎ.

Jelemíi 8:14

Togun ɔ́ ɖɔ: “Étɛ́wú mǐ ká ɖo ayǐjínjɔ́n fí din? Mi xo miɖée kplé nú mǐ ná yi toxo e è mɛ ahohó lɛ́ lɛ̌ dó lɛ́ɛ mɛ, bó ná yi nɔ te kpɔ́n kú ɖo dɔ̌n, ɖó Mawu Mavɔmavɔ, Mawu mǐtɔn ɔ́, kú wɛ é jó mǐ ná; sin e é ná mǐ bɔ mǐ nu ɔ́, nǔ wɛ è d'é mɛ, ɖó mǐ hu hwɛ dó e.

Gbɛvíhan 1:1

Áo! Jeluzalɛ́mu ɖíe wá ɖo é ɖokpónɔ e! Toxo e mɛ gbɛtɔ́ sukpɔ́ ɖe ɖ'ayǐ káká é! Éɖíe wá ɖo é ɖokpónɔ din e! É mɛ e nyǐkɔ tɔn yi jǐ ɖo akɔta lɛ́ɛ tɛ́ntin káká ɔ́, é ɖíe wá cí asúkúsi ɖɔhun e! Đ'ayǐ ɔ́, é wɛ nyí axɔ́sú nú tokpɔn lɛ́ɛ, é wɛ kpa acɛ nú yě; é ɖíe ká wá ɖo mɛ kannu din e.

Gbɛvíhan 1:4

Ali e è nɔ gbɔn yi Sinyɔ́ɔ lɛ́ɛ ɖo aluwɛ mɛ, mɛɖé sɔ́ nɔ́ yi ɖu xwe ɖo Sinyɔ́ɔ ǎ. È sɔ́ nɔ́ mɔ mɛɖé ɖo tokplétɛn lɛ́ɛ ǎ. Vɔ̌sánú-xwlémawutɔ́ Sinyɔ́ɔ tɔn lɛ́ɛ ɖo gbɛvo sa wɛ. Đyɔ̌vǐ Sinyɔ́ɔ tɔn lɛ́ɛ ɖo lele mɛ. Sinyɔ́ɔ ɖésú ɖo akpɔ mɔ wɛ.

Gbɛvíhan 3:28

Ényí Mawu ɖo dǐdó e kpɔ́n wɛ hǔn, é ní yi cí zɔ fí ɖé bó nɔ xwíí.

Gbɛvíhan 4:16

Mawu Mavɔmavɔ ɖésú wɛ gba yě dó, é sɔ́ jló ná mɔ yě ǎ; mɛɖé sɔ́ nɔ́ ké ya nú vɔ̌sánú-xwlémawutɔ́ lɛ́ɛ ǎ, mɛɖé ká sɔ́ nɔ́ ɖó sísí nú mɛ e nyí gǎn ɖo togun ɔ́ nu lɛ́ɛ ǎ.

Gbɛvíhan 4:5

Yě mɛ e nɔ ɖu nǔ ɖagbe ɖ'ayǐ lɛ́ɛ ɔ́, hlɔ̌nhlɔ́n vɔ ɖo yě wú, bɔ yě nɔ́ jɛ ayǐ gbɔn alixo alixo; yě mɛ e è hɛn ganjí bɔ nǔɖé má hwedó yě ǎ lɛ́ɛ ɔ́, yě wá ɖo zunkɔ́ kíjé wɛ kpó alɔ kpó.

Gbɛvíhan 5:12

Yě sɔ́ alɔ yětɔn dó dó kan kɔ nú gǎn lɛ́ɛ; yě ɖó sísí ɖěbǔ nú tomɛxó lɛ́ɛ ǎ.

Gbɛvíhan 5:14

Tomɛxó lɛ́ɛ sɔ́ nɔ́ yi kplé xó ɖɔ ɖě ɖo toxo ɔ́ sín hɔntogbó jí ǎ, dɔ̌nkpɛvú lɛ́ɛ ɖó han e ji wɛ yě ɖe lɛ́ɛ te.

Ezekiyɛ́li 27:30

Yě bǐ byɔ́ aluwɛ mɛ; yě ɖo avǐ ya wɛ, yě ɖo vo sa wɛ, yě nɔ́ wún kɔ́ dó ta, yě nɔ́ blí gbo gbɔn afín mɛ.

Ezekiyɛ́li 27:31

Yě bǐ xwlɛ́ ta, yě dó nǔwamɛwu; yě ɖo vǐví we wɛ, yě ɖo alě ná wɛ.

Ezekiyɛ́li 7:18

Yě ná bɛ́ ati kplá; xɛsi ɖaxó ɖé ná ɖo yě jí; winnyá ná ɖo nukún yětɔn ta; yě ná xwlɛ́ ta, ɖó yě ɖo aluwɛ mɛ.

Jowɛ́li 1:8

Mi ji gbɛvíhan ɖyɔ̌vǐ e asúxɔ́ntɔn tɔn kú bɔ é sɔ́ nǔwamɛvɔ dó bó ví i ɔ́ ɖɔhun.

Amɔ́si 5:13

Nyladó hwenu ɖé wɛ nyí hwenu élɔ́; nǔ e wútu mɛ e nyɔ́ nǔ i ɔ́ nɔ́ nɔ abwɛ̌ ɔ́ nɛ́.

Amɔ́si 8:13

Gbe énɛ́ ɔ́ gbe ɔ́, kɔ ná xú ɖyɔ̌vǐ ɖagbe ɖagbe lɛ́ɛ kpó dɔ̌nkpɛvú lɛ́ɛ kpó káká bɔ yě ná xú gǒ.

Amɔ́si 8:3

Gbe énɛ́ ɔ́ gbe ɔ́, hansinɔ e ɖo sinsɛnxɔ mɛ lɛ́ɛ ɔ́, gbɛvíhan wɛ yě ná dó. Cyɔ ná ɖo kpɔ́ gégé, bɔ è ná bɛ́ yě kɔn nyi gbě gbɔn fí bǐ; ahwi ná xo to ɔ́ bǐ.”

Jonási 3:6

Xó énɛ́ ɔ́ yi jɛ axɔ́sú to ɔ́ mɛ tɔn sín tó mɛ, bɔ é sí te sín axɔ́súzinkpo tɔn jí, bó ɖe axɔ́súwu sín kɔ, bó sɔ́ ati cyɔ́n, bó yi jínjɔ́n afín mɛ.

Jozuwée 7:6

Ée nǔ cí mɔ̌ ɔ́, Jozuwée kpódó mɛxó lɛ́ɛ kpó vún awu dó kɔ nú yěɖée, bó vun afúntúntún dó ta, lobo xwe agbɔ̌nnusú do ɖo akɔjijɛgbá Mawu Mavɔmavɔ tɔn nukɔn, lobo nɔ mɔ̌ káká jɛ gbadanu.

Nǔɖexlɛ́mɛ 18:19

Yě nɔ nyi kɔ́ dó ta; yě nɔ ɖo avǐ ya wɛ, bó nɔ ɖo alě ná wɛ, bó nɔ ɖo xó sú wɛ ɖɔ: “Awo! Awo! Étɛ́ ɖíe gbo toxo ɖaxó ɔ́ e! Dɔkun tɔn wɛ nɔ dó dɔkun nú mɛ e ɖó tɔjíhún ɖo xu jí lɛ́ɛ bǐ. È ka sɔ́ ganxixo ɖokpó géé ɖó te bó dó vívá ɛ ná.”