Gbɛvíhan 2:1 - MAWUXÓWÉMA

¹ Áo! Aklúnɔ sin xomɛ. É sin xomɛ bó sɛ́ ablu gɔngɔn ɖé dó Sinyɔ́ɔ. É kpíkpé nǔ e mɛ Izlayɛ́li nɔ xɔ susu ɖe ɔ́ sín jǐxwé nyi dó kɔ́ mɛ; hwenu e Aklúnɔ sin xomɛ dó Sinyɔ́ɔ ɔ́, é sɔ́ flín ɖɔ afɔɖótɛn émítɔn wɛ é nyí ǎ.

Gbɛvíhan 2:1 Iomraidhean Croise

2 Samuwɛ́li 1:19

Izlayɛ́li, étɛ́wú ahwanfuntɔ́ towe ɖaxó ɔ́ ká kú mɔ̌? Étɛ́wú ahwanfuntɔ́ syɛ́nsyɛ́n lɛ́ɛ ká ɖo títɛ́ ɖo só lɛ́ɛ jí?

1 Tan 28:2

Ée yě bǐ kplé ɔ́, axɔ́sú Davídi sí te bo ɖɔ: “Mɛ ce lɛ́ɛ mi, xɔ́ntɔn ce lɛ́ɛ mi, mi ɖótó mì. Nyɛ ɖésú kó lin ɖɔ un ná sá xwé ɖokpó, bɔ é ná nyí akɔjijɛgbá Mawu Mavɔmavɔ tɔn ɔ́ sín nɔtɛn, Mawu mǐtɔn sín afɔɖótɛn, bɔ un ko ɖo nǔ tɔn sɔ́ wɛ.

Ɖɛhan 132:7

Mi wá mǐ ní yi Mawu xwé gbe. Mi wá mǐ ní ɖe kɔ́ ɖo nǔ e jí é nɔ́ bɛ́ afɔ ɖó ɔ́ nukɔn.

Ɖɛhan 89:45

A ɖǒ susu e xɔ wɛ é ɖe ɔ́ te, a zin axɔ́súzinkpo tɔn dó ayǐ.

Ɖɛhan 99:5

Mi kpa susu nú Mawu Mavɔmavɔ, Mawu mǐtɔn. Mi ɖe kɔ́ ɖo axɔ́súzinkpo ɔ́ nukɔn. Mɛ mímɛ́ wɛ é nyí.

Ezayíi 64:11

Mawu Mavɔmavɔ, a nǎ mɔ awě énɛ́ lɛ́ɛ ɖo xixo mǐ wɛ bó ná kɛ nu ǎ wɛ a? A nǎ tin bó kpɔ́n, bó dó winnyá ɖaxó énɛ́ mǐ wɛ ǎ?

Jelemíi 30:14

Mɛ e yí wǎn nú we ɖ'ayǐ lɛ́ɛ bǐ wɔn we; yě mɛ ɖěbǔ sɔ́ nɔ́ kpɔ́n jɛ towe jí ǎ, ɖó un xo we lě e kɛntɔ́ ná xo we gbɔn é; un dɔn tó nú we bɔ é vɛ́ ɖésú. Hwɛ tobutóbú e a hu lɛ́ɛ wú wɛ un ɖo nǔ énɛ́ lɛ́ɛ wa xá we wɛ. Lě e hwɛ towe lɛ́ɛ syɛ́n sɔ́ ɔ́ wú wɛ un ɖo nǔ énɛ́ lɛ́ɛ wa xá we wɛ.

Gbɛvíhan 1:1

Áo! Jeluzalɛ́mu ɖíe wá ɖo é ɖokpónɔ e! Toxo e mɛ gbɛtɔ́ sukpɔ́ ɖe ɖ'ayǐ káká é! Éɖíe wá ɖo é ɖokpónɔ din e! É mɛ e nyǐkɔ tɔn yi jǐ ɖo akɔta lɛ́ɛ tɛ́ntin káká ɔ́, é ɖíe wá cí asúkúsi ɖɔhun e! Đ'ayǐ ɔ́, é wɛ nyí axɔ́sú nú tokpɔn lɛ́ɛ, é wɛ kpa acɛ nú yě; é ɖíe ká wá ɖo mɛ kannu din e.

Gbɛvíhan 1:12

Alitanu lɛ́ɛ mi, nǔ ce blá wǔ nú mi ǎ cé? Nǔ gbo mɛɖé bɔ é syɛ́n sɔ ée gbo mì ɔ́ a? Mawu Mavɔmavɔ wɛ dɔn tó élɔ́ nú mì gbe e gbe é sin xomɛ dó mì é.

Gbɛvíhan 2:17

Mawu Mavɔmavɔ bló nǔ e é lin ɖɔ émí ná bló é; é bló nǔ e é kó ɖɔ ɖ'ayǐ xóxó ɖɔ émí ná bló é: é gba toxo ɔ́ ma kú nǔbláwǔ n'i. É wa nǔ xá we dó dó xomɛhunhun nú kɛntɔ́ towe lɛ́ɛ, é dó goyíyí goyíyí jí nú mɛ e ma mɔ we gbɔ ǎ lɛ́ɛ.

Gbɛvíhan 4:1

Áo! Siká ɔ́ kú awi! Gan ɖagbe ɖagbe ɔ́ sɔ́ nɔ́ kɔ́n ǎ. Awǐnnya e è fɔ ɖó vo nú Mawu lɛ́ɛ fúnfún gbɔn alitó alitó.

Gbɛvíhan 4:11

Xomɛsin e jí Mawu Mavɔmavɔ ɖe ɔ́, é zé dó wa nǔ xá togun ɔ́ bɔ é jɛ mɛ n'i; é flɔ́ myɔ ɖaxó ɖokpó ɖó Sinyɔ́ɔ, bɔ toxo ɔ́ ji zo káká bɔ dodó tɔn lɛ́ɛ fyɔ́.

Ezekiyɛ́li 13:13

Nǔ e ɖɔ nú mi wɛ nyɛ Aklúnɔ Mavɔmavɔ ɖe ɔ́ ɖíe: Un ɖo xomɛsin jí; un ná sɛ́ jɔhɔn ɖaxó ɖé dó, un ná sɛ́ jǐ ɖaxó ɖé dó. Kɛ́njí ná ja kpó hlɔ̌nhlɔ́n kpó, bó ná hɛn nǔ bǐ gblé.

Ezekiyɛ́li 19:12

Lo ɔ́, è hɔn zindɛ́ kpó adǎn kpó. Jɔhɔn zǎnzǎnhwe jí tɔn nyi bɔ vǐwuntín ɔ́ xú; sínsɛ́n tɔn lɛ́ɛ kɔn nyi ayǐ. Ala kloklo e é zɛ nɛ́ lɛ́ɛ bǐ xú, bó ji zo.

Ezekiyɛ́li 24:21

Izlayɛ́li ví lɛ́ɛ é ɖíe: ‘Nyɛ Aklúnɔ Mavɔmavɔ ɔ́, xwé ce e mi yí wǎn ná ganjí ɔ́, un ná jó dó bɔ è nǎ ɖu su ná; xwé énɛ́ wú wɛ mi ka nɔ ɖo gǔgó wɛ; mi mɔ xwé énɛ́ ɔ́, é nɔ́ víví nú mi; é wɛ nyí nǔ e mi ɖó nukún é. Vǐ mitɔn súnnu kpó nyɔ̌nu kpó e mi jó dó nyi Jeluzalɛ́mu lɛ́ɛ ɔ́, è nǎ hu bǐ.

Ezekiyɛ́li 30:18

Zǎn ná kú kéze ɖo Tapanɛ́si gbe e gbe un ná gbídí acɛkpikpa Ejípu tɔn ɔ́ é, bɔ goyíyí tɔn ná nɔ te. Akpɔ́kpɔ́ ɖé ná cyɔ́n to ɔ́ bǐ, bɔ è nǎ wlí mɛ e ɖo gbě énɛ́ jí lɛ́ɛ yi to ɖěvo mɛ.

Jowɛ́li 2:2

Zǐnflú gɔngɔn sín azǎn ɖé wɛ. Akpɔ́kpɔ́ dó, ahǔn sú. Nǔvínúvíhwan ɖé ɖíe, bó sukpɔ́, lobo dó xɛsi ɖésú. Yě dó ahwan gbě bó ja, bɔ a nǎ ɖɔ zǎn wɛ kú sín só jí ja. È ko mɔ mɔ̌hunkɔtɔn kpɔ́n gbeɖé ǎ; è ka sɔ́ ɖo nǎ mɔ wɛ ɖo sɔ e ja é ǎ.

Matíe 11:23

Kafaanawúmu, hwɛ ɔ́ ka lo? È nǎ sɔ́ we yi jǐ káká yi sɔ́ jǐnukúnsin wɛ a vɛdó a? Gbeɖé kpɔ́n! Káká kútomɛ wɛ Mawu ná kpíkpé we nyi; ɖó nǔ e un jlɛ́ ɖo tɛ́ntin towe lɛ́ɛ ɔ́, ényí Sodɔ́mu wɛ un ko jlɛ́ yě ɖe ɔ́, to énɛ́ ɔ́ ná kpo ɖo te káká jɛ égbé.

Luki 10:15

Hwɛ ɔ́ ka lo Kafaanawúmu! A nǎ sɔ́ hwiɖée yi jǐ káká yi sɔ́ jǐnukúnsin wɛ a ka vɛdó a? Gbeɖé kpɔ́n; káká kútomɛ wɛ è nǎ kpíkpé we nyi dó.”

Luki 10:18

É ka ɖɔ nú yě ɖɔ: “Un mɔ Satáan, bɔ é jɛ ayǐ sín jǐxwé, jǐkɛwun ɖɔhun.

1 Samuwɛ́li 4:21

É sun nyǐ vǐ ɔ́ ɖɔ Ikavodi; tínmɛ tɔn wɛ nyí susu Mawu tɔn vɔ ɖo Izlayɛ́li. É ɖɔ mɔ̌ ɖó Filisitɛ́ɛn lɛ́ɛ yí akɔjijɛgbá Mawu tɔn ɔ́, bɔ asú tɔn tɔ́ kú; asú tɔn lɔ ka lɛ́ kú.

1 Samuwɛ́li 4:22

É ɖo ɖiɖe xlɛ́ gbɔn mɔ̌ wɛ ɖɔ Izlayɛ́li sín wi kɔ́n ɖó akɔjijɛgbá Mawu tɔn ɔ́ jɛ kɛntɔ́ sí.