Gbɛvíhan 1:9 - MAWUXÓWÉMA

⁹ Nǔ kwíji kwíji e é wa lɛ́ɛ hɛn awu tɔn blí; é lɛ́n nǔ e ná wá jɛ ɔ́ kpɔ́n ɖ'ayǐ ǎ. Éɖíe ká wá mɔ ajijimɛ ɖɔ émí j'ayǐ e; mɛ ɖěbǔ ká ɖe bó ná dó wǔsyɛ́n lanmɛ n'i ǎ. É ɖɔ: “Mawu Mavɔmavɔ, kpɔ́n ya e ji wɛ un ɖe ɔ́! Kpɔ́n lě e kɛntɔ́ ɖu ɖo jǐ ce gbɔn é.”

Gbɛvíhan 1:9 Iomraidhean Croise

2 Samuwɛ́li 16:12

Afɔ nyɔ́ ɔ́, Mawu Mavɔmavɔ sixú nyi kɔ kpɔ́n wǔvɛ́ e mɔ wɛ un ɖe ɔ́, bó ná zé nu e dó mì wɛ é ɖe égbé din lɛ́ɛ dó húzú ɖagbe nú mì.”

2 Axɔ́sú 14:26

Nǔ cí mɔ̌, ɖó Mawu Mavɔmavɔ mɔ lě do e Izlayɛ́linu lɛ́ɛ sín nǔ blǎ wǔ sɔ é. Mɛ ɖěbǔ ɖe bó ná hwlɛ́n Izlayɛ́linu lɛ́ɛ gán ǎ, xɛ ɖe bó ná wá hwlɛ́n yě gán ǎ.

Nɛɛmíi 9:32

Hwɛ Mawu mǐtɔn, a kló bó d'agba. A ɖǒ hlɔ̌nhlɔ́n bó jí wǔ. Akɔ e a jɛ xá mǐ ɔ́, a hɛn ɖó alɔ jí. Kɛnklɛ́n bó kpɔ́n wǔvɛ́ e mɔ wɛ togun towe ɖe sín axɔ́sú Asilíi tɔn lɛ́ɛ hwenu káká wá jɛ din é; axɔ́sú mǐtɔn lɛ́ɛ, gǎn mǐtɔn lɛ́ɛ, vɔ̌sánú-xwlémawutɔ́ mǐtɔn lɛ́ɛ, gbeyíɖɔ mǐtɔn lɛ́ɛ, tɔ́gbó mǐtɔn lɛ́ɛ, kpó mɛ lɛ́ɛ kpó bǐ wɛ ɖo wǔvɛ́ mɔ wɛ.

Ɖɛhan 119:153

Kpɔ́n ya e mɛ un ɖe ɔ́ bó hwlɛ́n mì gán, ɖó un wɔn sɛ́n towe gbeɖé ǎ.

Ɖɛhan 140:8

Mawu Mavɔmavɔ, Aklúnɔ ce, hwi wɛ nyí hlɔ̌nhlɔ́n ce, hwi wɛ nyí mɛhwlɛ́ngántɔ́ ce, hwi wɛ nɔ nya xɛ ɖo jǐ ce ɖo ahwangbénu.

Ɖɛhan 25:18

Kpɔ́n ya e ji wɛ un ɖe ɔ́, kpɔ́n wǔvɛ́ e mɔ wɛ un ɖe ɔ́, bó sɔ́ hwɛ ce lɛ́ɛ bǐ kɛ mì.

Ɖɛhan 69:21

Cí e è kɔn dó kɔ nú mì ɔ́ gba hǔn dó nú mì, bɔ un ɖo azɔn jɛ wɛ. Un ɖo te kpɔ́n mɛ e ná kú nǔbláwǔ nú mì é, un ka mɔ mɛɖé ǎ. Un ɖo te kpɔ́n mɛ e ná dó gbɔ nú mì é, un ka mɔ mɛ ɖěbǔ ǎ.

Tíntɔ́n 3:17

un ná kplá mi sín Ejípu tomɛ fí e mi ɖo ya ji ɖe wɛ é, bó ná kplá mi yi Kanáa ví lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Hivíti lɛ́ɛ kpó Jebuzinu lɛ́ɛ kpó sín to mɛ. Un ná kplá mi yi to e mɛ nyibúnɔ́sin kpó wǐin kpó nɔ́ sa tɔ ɖe ɔ́ mɛ.’

Tíntɔ́n 3:7

Mawu Mavɔmavɔ ɖɔ: “Un mɔ ya e ji wɛ togun ce Izlayɛ́li ɖe ɖo Ejípu ɔ́. Un se xó e sú wɛ é ɖe ɖó nǔ e wa xá ɛ wɛ azɔ̌gán lɛ́ɛ ɖe ɔ́ wú é. Un tunwun wǔvɛ́ e mɔ wɛ é ɖe ɔ́ ganjí.

Tíntɔ́n 4:31

Bɔ togun ɔ́ ɖi nǔ ná. Yě mɔ nǔ jɛ wú ɖɔ Mawu Mavɔmavɔ mɔ lě e è ɖo ya dó nú émí mɛ Izlayɛ́li ví lɛ́ɛ gbɔn wɛ ɔ́, bó wá ba yě kpɔ́n, bó ná hwlɛ́n yě gán. Énɛ́ ɔ́, yě jɛ kpo bó ɖe kɔ́ nú Mawu Mavɔmavɔ.

Nǔnywɛ́tɔ́xó 4:1

Un lɛ́ mɔ lě e gbɛtɔ́ lɛ́ɛ nɔ́ dó ya nú nɔzo yětɔn lɛ́ɛ gbɔn ɖo hwe glɔ́ fí é. Mi kpɔ́n! Mɛ e dó ya ná wɛ è ɖe lɛ́ɛ ɖo avǐ ya wɛ. Mɛ ɖěbǔ ká ɖe bó ná dó gbɔ nú yě ǎ. Mɛ e ɖo ya dó nú yě wɛ lɛ́ɛ sí wɛ acɛkpikpa ɔ́ ɖe; énɛ́ wú wɛ mɛ ɖěbǔ má ɖe bó ná dó gbɔ nú yě ǎ.

Ezayíi 3:8

Jeluzalɛ́mu klɛ́n afɔ, Judáa jɛ ayǐ; yě nɔ́ fɔ́n gǔ dó susu Mawu Mavɔmavɔ tɔn jí, gbɔn xóɖiɖɔ mɛ, gbɔn nǔwiwa mɛ.

Ezayíi 37:17

Mawu Mavɔmavɔ, ɖǒtó ganjí; kpɔ́n ganjí. Hwi Mawu gbɛɖe ɔ́, kpɔ́n lě do mɛ e Senakelíbu sɛ́ dó lɛ́ɛ zun we sɔ é.

Ezayíi 37:23

Senakelíbu, mɛ̌ wɛ a zun? Mɛ̌ wɛ a ba hǎ? Mɛ̌ wɛ a wa adǎn dó ta ná? Mɛ̌ wɛ a kpɔ́n wunvɔ? Nyɛ Mawu, mɛ mímɛ́ Izlayɛ́li tɔn ɔ́ wɛ a?

Ezayíi 37:29

A sin xomɛ dó mì, bó dó mɛmasígbe bɔ é wá káká gɔ̌n ce. Énɛ́ wú ɔ́, un ná dó gan awɔntín mɛ nú we, bó ná dó aja nu nú we, bó ná lɛ́ kɔ nú we gbɔn ali e a gbɔn wá é.

Ezayíi 37:4

Asilíi xɔ́sú ɔ́ sɛ́ ahwangán e nɔ kplá ɛ ɔ́ dó, bɔ é wá zun Mawu gbɛɖe ɔ́. Kóóyi nya! Ényí Mawu Mavɔmavɔ, Mawu towe se zun é nɛ́ lɛ́ɛ din, bó dɔn tó n'i ɔ́, é ná nyɔ́ mɛ nya! Hwɛ ɔ́, bo xo ɖɛ nú mɛ e kpo ɖo togun ɔ́ mɛ lɛ́ɛ.”

Ezayíi 40:2

Mi ná akɔ́nkpinkpan Jeluzalɛ́mu. Mi sú xó bó ɖɔ n'i ɖɔ é kún sɔ́ ná yi mɛɖe ɖě ó; mi ɖɔ n'i ɖɔ é kó sú hwɛ xɔ́ fó, ɖó hwɛ e é hu lɛ́ɛ ɔ́, Mawu Mavɔmavɔ dɔn bǐ sín tó n'i.”

Ezayíi 47:7

A nɔ ɖɔ: ‘Un ná nɔ gbɛ káká sɔ́yi, un ná ɖu gǎn ɖo gbɛ ɔ́ nu káká sɔ́yi.’ A ka lin tamɛ dó nǔ e ɖo jijɛ wɛ lɛ́ɛ wú ǎ; a lin nǔ e ná wá jɛ sɔ ɔ́ kpɔ́n ǎ.

Ezayíi 51:19

Awě lɛ́ɛ xo we webɔ webɔ: è gba to towe bó bɛ́ nǔ e ɖ'é mɛ lɛ́ɛ bǐ. Adɔ kpó ahwan kpó hu mɛ e ɖo to towe mɛ lɛ́ɛ. Adǎn lɛ́ɛ nɛ́ gbo we nɛ́, bɔ mɛ̌ ká ná dó gbɔ nú we? Mɛ̌ ná dó wǔsyɛ́n lanmɛ nú we?

Ezayíi 54:11

Mawu ɖɔ: “Jeluzalɛ́mu gbɛ̌dónánɔ, jɔhɔn ɖaxó ɖé ɖo dǐndán we wɛ; mɛ ɖé ka ɖe bó ná dó wǔsyɛ́n lanmɛ nú we ǎ. Nyɛ Mawu Mavɔmavɔ ɔ́, un ná vɔ́ we gbá kpó awǐnnya ɖagbe ɖagbe kpó. Awǐnnya safíi wɛ un ná dó dó dǒ towe do.

Jelemíi 13:27

Yéége! A nɔ ɖo afɔ dó gbě wɛ, a nɔ ɖo axi ylɔ́ wɛ, a nɔ ɖo aga lɛ wɛ, winnyánú wɛ. Un mɔ vodún, nǔ baɖabaɖa lɛ́ɛ gbɔn só ta só ta; un mɔ gbɔn gle mɛ gle mɛ. Jeluzalɛ́mu, heelúnú tɛ́ ɖíe! A jlǒ ná slá wǔ nú hwiɖée ǎ! Káká jɛ hwetɛ́nu wɛ é ná lɛ́ nɔ mɔ̌ nú we yi jɛ?”

Jelemíi 16:7

Mɛ ɖé ná yi cyɔ yětɔn nu, bó ná yi ɖu nǔ, bó ná dó xo hwihwɛ́ mɛ e nǔ wa lɛ́ɛ e ǎ. Mɛ ɖé ka ná ba ahan nú mɛ e tɔ́ kú ná é, abǐ nɔ kú ná é dó dó gbɔ n'i ǎ.

Jelemíi 2:34

Mi hu mɛ káká bɔ xomɛvɔ́nɔ sín kanjɔ kɔn nyi awu mitɔn sín kɛyɛ lɛ́ɛ mɛ. Yě ká ɖo hɔn mitɔn gba wɛ bɔ mi wá gbo yě dó ǎ. Mi ɖo nǔ wa gbɔn mɔ̌ wɛ,

Jelemíi 48:26

Mɔwabu mɔ ɖɔ émí hú gǎn Mawu Mavɔmavɔ. Ényí mɔ̌ hǔn, mi ná ɛ ahan nú é nu mú. É ní vi, bó blí gbo gbɔn mɛ babá ɖɔhun. É ní húzú nǔkiko.

Jelemíi 5:31

Gbeyíɖɔ lɛ́ɛ nɔ ɖó adingban, vɔ̌sánú-xwlémawutɔ́ lɛ́ɛ ɔ́, ɖuɖu jɛ́n yě nɔ́ ba ɖo nǔ bǐ mɛ. Bɔ nǔ énɛ́ lɛ́ɛ ká nyɔ́ togun ce nukún mɛ. Mi ka zán gbɛ mɔ̌ káká yi fó ɔ́, nɛ̌ mi ná wa nǔ gbɔn?”

Jelemíi 50:29

Mi da gǎdatɔ́ lɛ́ɛ bǐ dó Babilɔ́nu wú. Mi ɖó gɔnu lɛ́ lɛ̌ dó Babilɔ́nu, mɛ ɖěbǔ ní ma gló mi ó. Mi sú nǔ e é wa lɛ́ɛ sín axɔ́ ɛ. Mi bló n'i, lě e é nɔ́ bló nú mɛ gbɔn é. Đó é nɔ́ ba hǎ Mawu Mavɔmavɔ, Mawu Izlayɛ́li tɔn.

Gbɛvíhan 1:17

Sinyɔ́ɔ ɖo alɔ nyi alɔ mɛ wɛ, mɛ ɖěbǔ ká ɖe bó ná dó wǔsyɛ́n lanmɛ n'i ǎ. Mawu Mavɔmavɔ ɖe gbe bɔ to e lɛ́ lɛ̌ dó Izlayɛ́li lɛ́ɛ lɛ́ húzú kɛntɔ́ tɔn. Yě ɖěbǔ mɔ Jeluzalɛ́mu ɔ́, ji mɛ jɛ́n nɔ́ nylá yě.

Gbɛvíhan 1:21

È se azɔn e wɛn wɛ un ɖe ɔ́, mɛ ɖěbǔ ká wá dó gbɔ nú mì ǎ; kɛntɔ́ ce lɛ́ɛ bǐ se nǔ e ɖo gbigbo mì wɛ é; nǔ e a wa xá mì ɔ́ víví nú yě. Azǎn e xó a ɖɔ ɔ́ wá, nǔ e ɖo gbigbo mì wɛ ɔ́ ní gbo yě lɔmɔ̌.

Gbɛvíhan 2:13

Jeluzalɛ́mu e! Un sɔ́ tunwun nǔ e un ná ɖɔ nú we ɔ́ ǎ; nǔ e ɖo gbigbo we wɛ ɔ́ gbo mɛɖé ǎ. Áo! Sinyɔ́ɔ, mɛ̌ sín kpɔ́ndéwú un ka ná ná we, bó ná dó dó gbɔ nú we? Đó nǔ e ɖo gbigbo we wɛ ɔ́ d'agba sɔ xu; mɛ̌ wɛ ná sixú gbɔ azɔn nú we?

Gbɛvíhan 4:1

Áo! Siká ɔ́ kú awi! Gan ɖagbe ɖagbe ɔ́ sɔ́ nɔ́ kɔ́n ǎ. Awǐnnya e è fɔ ɖó vo nú Mawu lɛ́ɛ fúnfún gbɔn alitó alitó.

Gbɛvíhan 5:1

Mawu Mavɔmavɔ, ma wɔn nǔ e gbo mǐ ɔ́ ó, kpɔ́n winnyá e ɖu wɛ mǐ ɖe é!

Ozée 2:14

Un ná sú vǐwungbo tɔn lɛ́ɛ kpó fígitín tɔn lɛ́ɛ kpó kún dó; énɛ́ lɛ́ɛ wɛ nyí nǔ e xɔnnɔ tɔn lɛ́ɛ ná ɛ é, bɔ é nɔ́ ɖɔ: “Nǔ e xɔnnɔ ce lɛ́ɛ ná mì lɛ́ɛ nɛ́. Un ná sɔ́ nǔ énɛ́ lɛ́ɛ dó húzú zunkan, bɔ gběkanlin lɛ́ɛ ná nɔ́ wá ɖu nǔ ɖo fínɛ́.

Sofoníi 2:10

Lě e Mawu Mavɔmavɔ ná dɔn tó nú yě ɖó jimakplɔ́n gbe yětɔn wú gbɔn ɔ́ nɛ́: yě zun Mawu Mavɔmavɔ Nǔbǐwúkpétɔ́ ɔ́ sín togun bo lɛ́ yí ayǐkúngban tɔn dó yětɔn jí.

Jǎan 11:19

Bɔ Judéenu lɛ́ɛ gěgé ko wá nǔwamɛgbe dó Maati kpódó Mali kpó gbé ɖó nɔví yětɔn e kú ɔ́ wú.

Sɛ́nflínmɛ 26:7

Énɛ́ ɔ́, mǐ sú xó ylɔ́ Mawu Mavɔmavɔ, Mawu tɔ́gbó mǐtɔn lɛ́ɛ tɔn, bɔ Mawu Mavɔmavɔ se gbe mǐtɔn; é mɔ ɖɔ mǐ ɖo ya ji wɛ, é mɔ ɖɔ è ɖo mǐ táfú wɛ; é mɔ ɖɔ nǔ mǐtɔn blá wǔ.

Sɛ́nflínmɛ 32:27

Lo ɔ́, un ɖo xɛsi ɖi wɛ ɖɔ kɛntɔ́ yětɔn lɛ́ɛ ní má ko mì ó; yě táá vɛdó ɖɔ émí wɛ bló bɔ nǔ cí mɔ̌ nú yě sín, lobo ná lin ɖɔ nyi kún mɔ do nú nǔɖé ó.

Sɛ́nflínmɛ 32:29

Nǔnywɛ́ kpɛɖé jɛ́n hwedó yě, bɔ yě ná tunwun fí e nǔ e wa wɛ yě ɖe ɔ́ kplá yě xwe é.

1 Piyɛ́ɛ 4:17

Hwenu e hwɛɖiɖɔ ná bɛ́ dó ɔ́ ko su; xwédo Mawu tɔn ɔ́ wɛ è ka ná ɖɔ hwɛ xá jɛ nukɔn. Ée é ka nyí ɖɔ mǐdɛɛ lɛ́ɛ jí wɛ è nǎ bɛ́ hwɛɖiɖɔ sín ɔ́, hwenu e é ná wá jɛ mɛ e gbɛ́ wǎn nú Wɛn Ɖagbe Mawu tɔn lɛ́ɛ jí ɔ́, nɛ̌ wɛ yětɔn ná fó gbɔn?

1 Samuwɛ́li 1:11

bó ɖɔ: “Mawu Mavɔmavɔ Nǔbǐwúkpétɔ́, ényí a kɛnklɛ́n bó nyi kɔ kpɔ́n wǔvɛ́ e mɔ wɛ nyɛ mɛsɛntɔ́ towe ɖe ɔ́, ényí a flín mì bó má wɔn mì ǎ, bó ná vǐ súnnu ɖokpó nyɛ mɛsɛntɔ́ towe ɔ́, un ná sɔ́ vǐ ɔ́ ɖó vo nú we, bɔ é ná nyí towe kúgbe gbɛgbe, bɔ è nǎ xwlɛ́ ta n'i gbeɖé ǎ; énɛ́ ɔ́ ná ɖe xlɛ́ ɖɔ è sɔ́ ɛ ɖó vo nú we.”