Gbɛvíhan 1:6 - MAWUXÓWÉMA

⁶ Nǔ e mɛ Sinyɔ́ɔ nɔ́ xɔ susu ɖe lɛ́ɛ bǐ ɖo yiyi wɛ; é ɖo kpínkpɔ́n wɛ bɔ bǐ ɖo yiyi wɛ. Gǎn tɔn lɛ́ɛ cí zungbɔ́ e ba ama kpo lɛ́ɛ ɖɔhun, yě ba ama kpo bó sɔ́ ɖó gǎn ɖé ǎ; yě sɔ́ ɖó gǎn ɖé ǎ bó ká ɖo wezun nu ɖo gbětɔ́ nukɔn.

Gbɛvíhan 1:6 Iomraidhean Croise

2 Axɔ́sú 19:21

Xó e nyɛ Mawu Mavɔmavɔ ɖɔ dó Senakelíbu wú ɔ́ ɖíe: Senakelíbu, ɖyɔ̌vǐ nyɔ̌nu ɖo alɔ jí Jeluzalɛ́mu ɖo tɛ́ hu nú we wɛ; é ɖo cícá we ko wɛ. Đyɔ̌vǐ Jeluzalɛ́mu nɔ kpɔ́n we bó nɔ́ húnhún ta.

2 Axɔ́sú 25:4

Babilɔ́nunu lɛ́ɛ tɔ́n ali ɖokpó dó ahohó e è mɛ lɛ́ lɛ̌ dó toxo ɔ́ é mɛ. Yě xá toxo ɔ́ mɔ̌ có ahwanfuntɔ́ Judáa tɔn lɛ́ɛ dɔn zǎn dó wǔ, bó hɔn gbɔn hɔntogbó e ɖo ahohó lɛ́ɛ tɛ́ntin ɖo axɔ́sú ɔ́ sín jikpá kpá é nu. Axɔ́sú Sedesíyasi wlí ali e yi Judɛ́ɛn tɔdo ɔ́ mɛ é.

2 Axɔ́sú 25:5

Lo ɔ́, gbɛ̌ta Babilɔ́nunu lɛ́ɛ tɔn jɛ axɔ́sú Sedesíyasi gúdo, bó xwedó wǔ tɔn ɖo ayǐkúngban wɛnjɛ Jeliko tɔn jí, bɔ ahwanfuntɔ́ tɔn lɛ́ɛ bǐ hɔn jó e dó.

Ɖɛhan 50:2

Sín Sinyɔ́ɔ, toxo e nyɔ́ ɖɛkpɛ bɔ nǔ vɔ ɖ'é wú ɔ́ mɛ dɔ̌n wɛ Mawu ɖe bó ɖo kínkɔ́n wɛ.

Ɖɛhan 96:9

Mi ɖe kɔ́ nú Mawu Mavɔmavɔ kpó acɔ́nú mímɛ́ lɛ́ɛ kpó. Mi mɛ e ɖo ayǐkúngban jí lɛ́ɛ bǐ ní sísɔ́ ɖo Mawu Mavɔmavɔ nukɔn.

Ezayíi 1:21

Étɛ́ o, Jeluzalɛ́mu toxo e ɖo gbejí ɔ́ wɛ húzú agalɛtɔ́ mɔ̌ a? Đ'ayǐ ɔ́, nǔ jlɔ́jlɔ́ kɛ́ɖɛ́ wɛ è nɔ wa ɖo toxo énɛ́ ɔ́ mɛ, hwɛjijɔ kɛ́ɖɛ́ wɛ mɛ lɛ́ɛ nɔ xwedó ɖo toxo énɛ́ ɔ́ mɛ; amɔ̌, égbé din ɔ́, mɛhutɔ́ lɛ́ɛ sín nɔtɛn wɛ é nyí.

Ezayíi 12:6

Sinyɔ́ɔnu lɛ́ɛ mi, mi ɖe awǎjijɛ mitɔn xlɛ́! Mi sú xó kpó xomɛhunhun kpó, ɖó mɛ e ɖo gɔ̌n mitɔn ɔ́, Mawu mímɛ́ Izlayɛ́li tɔn ɔ́, nǔ ɖaxó wɛ.

Ezayíi 4:5

Kéze ɔ́, Mawu Mavɔmavɔ ná bló akpɔ́kpɔ́ ɖó Sinyɔ́ɔ só ɔ́ bǐ ta nu, bó ná bló ɖó mɛ e kplé ɖo Sinyɔ́ɔ só ɔ́ jí é bǐ ta nu; é su zǎn mɛ ɔ́, é ná bló myɔ kpó azizɔ kpó ɖó ta yětɔn nu. Mawu Mavɔmavɔ ná nyí goxɔ ɖaxó ɖé ɖo nǔ e nɔ ná susu Jeluzalɛ́mu lɛ́ɛ é bǐ ta nu.

Jelemíi 13:18

Mawu ɖɔ nú mì ɖɔ: Jelemíi, ɖɔ nú axɔ́sú ɔ́ kpó na kpɔjitɔ́ ɔ́ kpó ɖɔ: “Mi jínjɔ́n kɔ́ mɛ! Đó jɛ̌gbákún e ɖo ta mitɔn e j'ayǐ.

Jelemíi 29:4

“Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɔ́ ɖɔ sɛ́ dó mɛ e è kplá sín Jeluzalɛ́mu yi Babilɔ́nu lɛ́ɛ ɔ́ ɖíe:

Jelemíi 47:3

È ɖo sɔ́ lɛ́ɛ sín afɔ gbe se wɛ, ahwankɛkɛ́ví lɛ́ɛ ɖo gbǐgbó wɛ, ahwankɛkɛ́fɔ lɛ́ɛ ɖo zǐngídi ɖú wɛ. Tɔ́ sɔ́ flín vǐ ǎ, nɔ lɔ ká sɔ́ flín vǐ ǎ. Awakanmɛ kú yě bǐ.

Jelemíi 48:41

Kɛntɔ́ ná yí toxo lɛ́ɛ; toxo e è mɛ ahohó lɛ́ lɛ̌ dó lɛ́ɛ bǐ ná jɛ kɛntɔ́ lɔ mɛ. Gbe nɛ́ gbe ɔ́, ahwanfuntɔ́ syɛ́nsyɛ́n lɛ́ɛ bǐ sín ayi ná fun nyɔ̌nu e jɛ flú mɛ ɔ́ ɖɔhun.

Jelemíi 52:11

Énɛ́ ɔ́ gúdo ɔ́, é ná gbe bɔ è tɔ́n nukún Sedesíyasi tɔn we lɛ́ɛ, bó dó wlɔ ɛ, bó kplá ɛ yi Babilɔ́nu, bó sɔ́ ɛ sú dó ganxó, bɔ é nɔ fínɛ́ káká bó kú.

Jelemíi 52:13

É dó Mawu Mavɔmavɔ xwé ɔ́ zo, bó dó hɔnmɛ ɔ́ kpó xwé e ɖo Jeluzalɛ́mu lɛ́ɛ bǐ kpó zo. Đo tají ɔ́, é dó gbɛtɔ́ nukúnɖéjí lɛ́ɛ sín xwé zo.

Ezekiyɛ́li 24:21

Izlayɛ́li ví lɛ́ɛ é ɖíe: ‘Nyɛ Aklúnɔ Mavɔmavɔ ɔ́, xwé ce e mi yí wǎn ná ganjí ɔ́, un ná jó dó bɔ è nǎ ɖu su ná; xwé énɛ́ wú wɛ mi ka nɔ ɖo gǔgó wɛ; mi mɔ xwé énɛ́ ɔ́, é nɔ́ víví nú mi; é wɛ nyí nǔ e mi ɖó nukún é. Vǐ mitɔn súnnu kpó nyɔ̌nu kpó e mi jó dó nyi Jeluzalɛ́mu lɛ́ɛ ɔ́, è nǎ hu bǐ.

Ezekiyɛ́li 24:25

Mawu lɛ́ ɖɔ nú mì ɖɔ: “Hwɛ gbɛtɔ́ e, hwɛ ɔ́, ɖǒtó mì: é ná wá su gbe ɖokpó, bɔ un ná yí sinsɛnxɔ e nyí bibɛtɛn yětɔn ɔ́ sín yě sí; un ná yí nǔ e ɖo xomɛhunhun dó nú yě wɛ ɔ́ sín yě sí; un ná yí fí e wú yě ɖo afɔ tɛ ayǐ wɛ, bó ɖo nukún ɖó nǔ wɛ ɔ́ sín yě sí. Un ná lɛ́ yí vǐ yětɔn súnnu kpó nyɔ̌nu kpó sín yě sí.

Sɛ́nflínmɛ 28:25

Mawu Mavɔmavɔ ná jó kɛntɔ́ dó bɔ kɛntɔ́ ná ɖu ɖo mi jí. Nú ali ɖokpó wɛ mi gbɔn bó yi tɔ́n ahwan kɛntɔ́ ɔ́, ali tɛ́nwe wɛ mi ná hɔn gbɔn ɖo nukɔn tɔn, bɔ axɔ́súɖuto e ɖo gbɛ ɔ́ mɛ é ɖěbǔ mɔ nǔ e gbo mi ɔ́, xɛsi ná jɛ jǐ tɔn.

Sɛ́nflínmɛ 32:30

Kɛntɔ́ ɖokpó sixú sí te é ɖokpó géé bó gba Izlayɛ́li ví afatɔ́n (1.000) dó a? Kɛntɔ́ we sixú nya Izlayɛ́li ví děgba we afɔwó (10.000) a? Cóbónú nǔ ná cí mɔ̌ ɔ́, nyɛ mɛ e nyí Só yětɔn ɔ́ jɛ́n ná jó yě nú kɛntɔ́ yětɔn lɛ́ɛ.