Gbɛvíhan 1:5 - MAWUXÓWÉMA

⁵ Kɛntɔ́ tɔn lɛ́ɛ ɖu ɖo jǐ tɔn; kɛntɔ́ tɔn lɛ́ɛ ɖo vivo mɛ. Mawu Mavɔmavɔ wɛ ɖo ya dó n'i wɛ; é ɖo ya dó n'i wɛ ɖó nǔ nyanya tobutóbú e é dó sin lɛ́ɛ wú. Mɛ e ɖu ɖo jǐ tɔn lɛ́ɛ wlí vǐ tɔn lɛ́ɛ hɛn yi.

Gbɛvíhan 1:5 Iomraidhean Croise

2 Axɔ́sú 21:15

Đó, sín gbe e gbe tɔ́gbó yětɔn lɛ́ɛ kó gosín Ejípu tomɛ káká wá jɛ égbé ɔ́, yě nɔ́ ɖo nǔ e un gbɛ́ wǎn ná lɛ́ɛ bló wɛ, bó nɔ ɖo xomɛsin dó nú mì wɛ.”

Ɖɛhan 80:6

Đasin wɛ nyí nǔɖuɖu e a nɔ ná yě ɔ́, a nɔ ná yě bɔ yě nɔ́ nu bɔ é nɔ́ kpé yě kpo.

Ɖɛhan 89:42

Aligbɔntɔ́ lɛ́ɛ bǐ nɔ́ bɛ́ nǔ tɔn lɛ́ɛ, é húzú nǔkiko nú mɛ e ɖo akpá tɔn lɛ́ɛ.

Ezayíi 22:5

Đó égbé din ɔ́, Aklúnɔ, Mawu Mavɔmavɔ Nǔbǐwúkpétɔ́ ɔ́ dó hunnyahunnya mǐ mɛ, mǐ j'ayǐ ɖo ahwan nukɔn; mǐ sɔ́ tunwun lě e mǐ nǎ wa nǔ gbɔn é ǎ.” Zǐngídi e ɖo Nǔɖexlɛ́mɛ tɔdo ɔ́ mɛ é syɛ́n ɖésú. È nɔ sú xó bó nɔ́ byɔ́ alɔgɔ́ sɛ́ dó só lɛ́ɛ ta.

Ezayíi 63:18

Mǐ togun towe e a sɔ́ ɖó vo é ɔ́, hwenu kpɛɖé jɛ́n to e a nǎ mǐ ɔ́ nyí mǐtɔn xɔ; kɛntɔ́ mǐtɔn lɛ́ɛ gbídí tɛn mímɛ́ towe ɖó afɔ wú.

Jelemíi 10:20

Goxɔ ce vún, kan e hɛn goxɔ ce ɖó te lɛ́ɛ wɛ́n, vǐ ce lɛ́ɛ jó mì dó, yě sɔ́ ɖe ǎ. Un sɔ́ ɖó mɛɖé bɔ é ná gbá goxɔ ɖěvo nú mì, bó sɔ́ xwé ce sí te ǎ.”

Jelemíi 12:7

Mawu ɖɔ nú mì ɖɔ: “Un jó xwé ce dó, un jó togun e nyí ce ɔ́ dó. Togun e un yí wǎn ná ɔ́, un jó e dó nú kɛntɔ́ tɔn lɛ́ɛ.

Jelemíi 23:14

Gbeyíɖɔ Jeluzalɛ́mu tɔn lɛ́ɛ ɔ́, nǔ e un ka nɔ mɔ ɖo yě sí ɔ́, nǔ baɖabaɖa wɛ, é vɛ́ jlɛ́. Afɔ wɛ yě nɔ́ dó gbě; yě nɔ́ nɔ adingban gbɛ mɛ. Adǎkaxotɔ́ lɛ́ɛ wɛ yě nɔ́ sɔ́ alɔ ná, bónú yě má jó adǎkaxixo dó ó. Nukún ce mɛ ɔ́, mɛ bǐ wɛ cí Sodɔ́mu nu lɛ́ɛ ɖɔhun; Jeluzalɛ́mu nu lɛ́ɛ lɔ cí Gomɔ́ɔ nu lɛ́ɛ ɖɔhun.

Jelemíi 39:9

Nɛbuzaladáni, sɔ́ja e nɔ cɔ́ axɔ́sú ɔ́ lɛ́ɛ sín gǎn ɔ́ wlí mɛ e ɖo toxo ɔ́ mɛ lɛ́ɛ, kpó mɛ e wá zé yěɖée jó n'i lɛ́ɛ kpó, kpó mɛ e kpo lɛ́ɛ kpó, bó kplá yě bǐ yi Babilɔ́nu.

Jelemíi 5:29

Nǔ ɖo mɔ̌ ɔ́, un ná dɔn tó nú mɛ ǎ cé? Un ná ba hlɔn ɖó adǎka e togun énɛ́ ɔ́ xo lɛ́ɛ wú ǎ cé? Xó e nyɛ Mawu Mavɔmavɔ ɖɔ ɔ́ nɛ́.

Gbɛvíhan 1:16

Énɛ́ ɔ́ wú wɛ un ɖo avǐ ya wɛ; ɖasin ɖo sisa sín nukún ce jí wɛ; mɛ e sixú dó gbɔ nú mì bó ná hlɔ̌nhlɔ́n mì ɔ́ sɛ yi zɔ nú mì; mɛ e ná ná gbɛ mì ɔ́ sɛ yi zɔ nú mì. Ahwi xo vǐ ce lɛ́ɛ bǐ ɖó kɛntɔ́ ɖu ɖo jǐ ce.

Gbɛvíhan 1:18

Mawu Mavɔmavɔ wa nǔ xá mì gbɔn mɔ̌, hwɛ tɔn ka jɔ, ɖó un ko fɔ́n gǔ dó nǔ e é ɖɔ lɛ́ɛ jí ɖ'ayǐ. Mi togun lɛ́ɛ mi, mi bǐ ní ɖótó ganjí. Mi kpɔ́n ya e ji wɛ un ɖe ɔ́: ahwan wlí ɖyɔ̌vǐ ce lɛ́ɛ kpódó dɔ̌nkpɛvú ce lɛ́ɛ kpó yi to ɖěvo mɛ.

Gbɛvíhan 1:8

Jeluzalɛ́mu hu hwɛ dín; énɛ́ ɔ́ wú wɛ nǔ tɔn má sɔ́ nɔ́ jɛ mɛɖé tɔn jí ǎ. Mɛ e nɔ sí i ɖ'ayǐ lɛ́ɛ ɔ́, din e yě mɔ ɛ ɖo mɛ̌ jɔgbe ɔ́, yě sɔ́ mɔ ɛ dó mɔ nǔɖé ǎ. Ée é jɛ mɛ̌ din ɔ́, nǔ e kpo n'i ɔ́ ɖíe: é ná jɛ gbɛvo sa jí bó ná ba fí ɖé gbɔn.

Gbɛvíhan 2:17

Mawu Mavɔmavɔ bló nǔ e é lin ɖɔ émí ná bló é; é bló nǔ e é kó ɖɔ ɖ'ayǐ xóxó ɖɔ émí ná bló é: é gba toxo ɔ́ ma kú nǔbláwǔ n'i. É wa nǔ xá we dó dó xomɛhunhun nú kɛntɔ́ towe lɛ́ɛ, é dó goyíyí goyíyí jí nú mɛ e ma mɔ we gbɔ ǎ lɛ́ɛ.

Gbɛvíhan 3:46

Kɛntɔ́ mǐtɔn lɛ́ɛ bǐ nɔ́ ɖɔ xó nyanya dó mǐ wú.

Ezekiyɛ́li 9:10

Ée é nyí mɔ̌ ɔ́, mɛ ɖé nú ɖo wǔ ná blá nú mì wɛ ǎ; un ná jó mɛɖé dó ǎ. Un ná sú nǔ e yě wa ɔ́ sín axɔ́ yě.”

Ezekiyɛ́li 9:9

Bɔ Mawu yí gbe nú mì ɖɔ: “Hwɛ e hu wɛ Izlayɛ́li ví lɛ́ɛ kpó Judáanu lɛ́ɛ kpó ɖe ɔ́ d'agba bó vɛ́ jlɛ́. Mɛhutɔ́ kɛ́ɖɛ́ wɛ gɔ́ to ɔ́; nǔ agɔ agɔ kɛ́ɖɛ́ wɛ yě nɔ́ wa ɖo toxo élɔ́ mɛ, ɖó mɛ lɛ́ɛ nɔ́ ɖɔ: ‘Mawu Mavɔmavɔ ɖo mǐ mɔ wɛ ǎ, é kó jó to ɔ́ dó.’

Sɛ́nflínmɛ 31:29

Đó un tunwun ɖɔ jí un kú ɔ́, mi ná lɛ́ kɔ sín ali e un ɖe nú mi é jí, bó ná jɛ hwɛ hu jí. Énɛ́ ɔ́, nǔ bǐ nǎ jɛ mi gbo jí, ɖó mi ná wa nǔ e má sɔgbe ɖo Mawu Mavɔmavɔ nukún mɛ ǎ é, bɔ é ná sin xomɛ.”