Gbɛvíhan 1:4 - MAWUXÓWÉMA

⁴ Ali e è nɔ gbɔn yi Sinyɔ́ɔ lɛ́ɛ ɖo aluwɛ mɛ, mɛɖé sɔ́ nɔ́ yi ɖu xwe ɖo Sinyɔ́ɔ ǎ. È sɔ́ nɔ́ mɔ mɛɖé ɖo tokplétɛn lɛ́ɛ ǎ. Vɔ̌sánú-xwlémawutɔ́ Sinyɔ́ɔ tɔn lɛ́ɛ ɖo gbɛvo sa wɛ. Đyɔ̌vǐ Sinyɔ́ɔ tɔn lɛ́ɛ ɖo lele mɛ. Sinyɔ́ɔ ɖésú ɖo akpɔ mɔ wɛ.

Gbɛvíhan 1:4 Iomraidhean Croise

Ezayíi 3:26

Énɛ́ ɔ́, mɛ e ɖo toxo ɔ́ mɛ lɛ́ɛ bǐ ná sa vo, bó ná ya gbɛvíhan. Toxo ɔ́ ná cí nyɔ̌nu e nǔ tɔn bǐ dɔn, bɔ é jínjɔ́n kɔ́ mɛ é ɖɔhun.

Jelemíi 10:22

É ɖíe: è ɖo xó ɖé se wɛ. Zǐngídi ɖaxó ɖé wɛ bó gosín to e ɖo taligbé ɔ́ mɛ bó ná gba Judáa to ɔ́ bǐ hánnyá, bɔ è sɔ́ ná mɔ mɛɖé ɖo fínɛ́ ǎ. É ná húzú cukú gbě tɔn lɛ́ɛ sín xwé.”

Jelemíi 14:2

É ɖɔ n'i ɖɔ: “Judáa to ɔ́ ɖo aluwɛ mɛ; toxo tɔn lɛ́ɛ ɖo nǔwamɛxɔmɛ, wǔ kú yě, yě blá wǔ. Jeluzalɛ́mu ɖo xó sú wɛ bɔ gbe tɔn ɖo zɔ yi wɛ.

Jelemíi 9:11

Gbɛtɔ́ e ɖó nǔnywɛ́ bó mɔ nukúnnú jɛ nǔ énɛ́ lɛ́ɛ mɛ é ɖě ká ɖe a? Ényí Mawu Mavɔmavɔ ɖɔ xó nú mɛ mɔ̌hunkɔtɔn hǔn, é ní bó ɖɔ nǔ e wú to ɔ́ gba ɔ́, nǔ e wú é ji zo bó cí gbětótló e mɛ mɛɖé má nɔ́ gbɔn ǎ é ɖɔhun é.

Gbɛvíhan 1:21

È se azɔn e wɛn wɛ un ɖe ɔ́, mɛ ɖěbǔ ká wá dó gbɔ nú mì ǎ; kɛntɔ́ ce lɛ́ɛ bǐ se nǔ e ɖo gbigbo mì wɛ é; nǔ e a wa xá mì ɔ́ víví nú yě. Azǎn e xó a ɖɔ ɔ́ wá, nǔ e ɖo gbigbo mì wɛ ɔ́ ní gbo yě lɔmɔ̌.

Gbɛvíhan 5:13

Dɔ̌nkpɛvú lɛ́ɛ nɔ́ ɖíɖá ségban, yɔkpɔ́vú lɛ́ɛ nɔ́ ɖo ayǐ jɛ wɛ ɖo nakígban glɔ́.

Gbɛvíhan 5:14

Tomɛxó lɛ́ɛ sɔ́ nɔ́ yi kplé xó ɖɔ ɖě ɖo toxo ɔ́ sín hɔntogbó jí ǎ, dɔ̌nkpɛvú lɛ́ɛ ɖó han e ji wɛ yě ɖe lɛ́ɛ te.

Ozée 2:13

Un ná ɖó awǎ e jɛ wɛ é ɖe ɔ́ bǐ te. Xwe e ɖu wɛ é ɖe lɛ́ɛ, sunwájǐxwe e ɖu wɛ é ɖe lɛ́ɛ, gbɔjɛzán e ɖu wɛ é ɖe lɛ́ɛ, kpódó agɔ̌ e ɖu wɛ é ɖe lɛ́ɛ bǐ kpó ɔ́, un ná ɖó bǐ te.

Levíi ví 26:22

Un ná sɛ́ gběkanlin lɛ́ɛ dó mi, bɔ yě ná hu vǐ mitɔn lɛ́ɛ, bó ná sú kanlin mitɔn lɛ́ɛ sín kún dó, bɔ é ná kpo mi mɛ kpɛɖé bɔ è sɔ́ ná mɔ mɛ ɖé ɖo ali mitɔn lɛ́ɛ jí ǎ.

Micée 3:12

Đó midɛɛ lɛ́ɛ wú ɔ́, Sinyɔ́ɔ ná húzú gle e jí è na nɔ dó nǔ ɖe é, Jeluzalɛ́mu ná húzú zunkɔ́ta; lo ɔ́, fí e Sinsɛnxɔ Mawu tɔn e ɖo só jí ɔ́ ɖe ɔ́ bǐ ná húzú zungbó ɖó mi wú.