Gbɛvíhan 1:3 - MAWUXÓWÉMA

³ È wlǐ mɛ e ɖo Judáa lɛ́ɛ yi to ɖěvo mɛ; ya blá ta nú yě, kannumɔ zɔ́ wɛ yě nɔ́ wa. Akɔta ɖěvo lɛ́ɛ mɛ wɛ yě ɖe; yě mɔ fí ɖé bó ná nɔ tawun ǎ. Mɛ e ɖo gbě yětɔn nya wɛ lɛ́ɛ sɔ gba yě, yě ján go dó yě, bɔ yě sɔ́ tunwun fí e yě ná gbɔn é ǎ.

Gbɛvíhan 1:3 Iomraidhean Croise

2 Axɔ́sú 25:11

Nɛbuzaladáni wlí mɛ e sɔ́ yěɖée jó nú Babilɔ́nu xɔ́sú ɔ́ lɛ́ɛ, kpó mɛ e kpo ɖo toxo ɔ́ mɛ lɛ́ɛ bǐ kpó; é wlí mɛ e cí to ɔ́ mɛ lɛ́ɛ bǐ hɛn yi Babilɔ́nu.

2 Axɔ́sú 25:21

Babilɔ́nu xɔ́sú ɔ́ xo yě, bó hu yě bǐ ɖo fínɛ́ ɖo Hamáti to ɔ́ mɛ. Judáanu e è wlǐ hɛn yi to línlín mɛ lɛ́ɛ sín tan nɛ́.

2 Axɔ́sú 25:4

Babilɔ́nunu lɛ́ɛ tɔ́n ali ɖokpó dó ahohó e è mɛ lɛ́ lɛ̌ dó toxo ɔ́ é mɛ. Yě xá toxo ɔ́ mɔ̌ có ahwanfuntɔ́ Judáa tɔn lɛ́ɛ dɔn zǎn dó wǔ, bó hɔn gbɔn hɔntogbó e ɖo ahohó lɛ́ɛ tɛ́ntin ɖo axɔ́sú ɔ́ sín jikpá kpá é nu. Axɔ́sú Sedesíyasi wlí ali e yi Judɛ́ɛn tɔdo ɔ́ mɛ é.

2 Axɔ́sú 25:5

Lo ɔ́, gbɛ̌ta Babilɔ́nunu lɛ́ɛ tɔn jɛ axɔ́sú Sedesíyasi gúdo, bó xwedó wǔ tɔn ɖo ayǐkúngban wɛnjɛ Jeliko tɔn jí, bɔ ahwanfuntɔ́ tɔn lɛ́ɛ bǐ hɔn jó e dó.

Jelemíi 13:19

Toxo e ɖo to ɔ́ sín afɔligbé lɛ́ɛ bǐ sín hɔntogbó wɛ è sú bɔ mɛɖé sixú hun ǎ. Judáa to ɔ́ bǐ wɛ ahwan wlí, to ɔ́ jɛ vɔ̌ bǐ.”

Jelemíi 16:16

Mawu Mavɔmavɔ ɖɔ: “Un ná sɛ́ ɖɔnyitɔ́ gěgé dó Izlayɛ́li ví lɛ́ɛ gbé mɛ, bɔ yě ná yi wlí yě wá hweví ɖɔhun. Énɛ́ ɔ́ gúdo ɔ́, un ná sɛ́ gbětɔ́ gěgé dó gbě yětɔn mɛ, bɔ yě ná yi nya gbě yětɔn gbɔn só ta só ta, sókan mɛ sókan mɛ, sónu mɛ sónu mɛ, bó ná wlí yě.

Jelemíi 24:9

Énɛ́ ɔ́, axɔ́súɖuto e ɖo gbɛ ɔ́ mɛ lɛ́ɛ ɖěbǔ mɔ yě ɔ́, xɛsi ɖaxó ɖé ná nɔ́ jɛ yě jí. Fí e un ná gba yě dó gbɔn lɛ́ɛ bǐ ɔ́, è ja mɛ zun gbé oo, è ja mɛ cá ko gbé oo, è ja han kpa dó mɛ gbé oo, è ja nu dó mɛ gbé oo ɔ́, yě wú wɛ è nǎ nɔ́ jlɛ́ dó.

Jelemíi 39:9

Nɛbuzaladáni, sɔ́ja e nɔ cɔ́ axɔ́sú ɔ́ lɛ́ɛ sín gǎn ɔ́ wlí mɛ e ɖo toxo ɔ́ mɛ lɛ́ɛ, kpó mɛ e wá zé yěɖée jó n'i lɛ́ɛ kpó, kpó mɛ e kpo lɛ́ɛ kpó, bó kplá yě bǐ yi Babilɔ́nu.

Jelemíi 52:15

Nɛbuzaladáni wlí wamamɔnɔ lɛ́ɛ kpó mɛ e kpo ɖo toxo ɔ́ mɛ lɛ́ɛ kpó, kpó mɛ e sɔ́ yěɖée jó nú Babilɔ́nu xɔ́sú ɔ́ lɛ́ɛ, kpó alɔlyɛ́nzɔ́watɔ́ e kpo ɖo to ɔ́ mɛ lɛ́ɛ kpó; é wlí mɛ e cí to ɔ́ mɛ lɛ́ɛ bǐ hɛn yi Babilɔ́nu.

Jelemíi 52:8

Lo ɔ́, ahwangɔnu Babilɔ́nunu lɛ́ɛ tɔn lɛ́ɛ jɛ axɔ́sú Sedesíyasi gúdo, bó yi xwedó wǔ tɔn ɖo ayǐkúngban wɛnjɛ Jeliko tɔn jí; ahwanfuntɔ́ tɔn lɛ́ɛ bǐ hɔn jó e dó,

Gbɛvíhan 2:9

Toxo ɔ́ sín hɔnnúwa lɛ́ɛ hɔ́, aglin mu kɔn nyi yě jí; Mawu hɛn gankpo e è nɔ dó sú hɔntogbó lɛ́ɛ wɛ́n; é hɛn bǐ cɛ́; toxo ɔ́ sín axɔ́sú ɔ́ kpódó gǎn e ɖo glɔ̌ tɔn lɛ́ɛ kpó jɛ akɔta ɖěvo lɛ́ɛ lɔ mɛ. Mɛ ɖěbǔ sɔ́ ɖe bó ná kplɔ́n sɛ́n Mawu tɔn mɛ ǎ. Gbeyíɖɔ lɛ́ɛ lɔ sɔ́ nɔ́ yí wɛn ɖě sín Mawu Mavɔmavɔ gɔ́n ǎ.

Gbɛvíhan 4:15

Ényí è mɔ yě jǎwe ɔ́, è nɔ sú xó bó nɔ́ ɖɔ: “Mi nɔ zɔ nú yě! Mɛ blíblí wɛ yě nyǐ! Mi nɔ zɔ! Mi ma sɛkpɔ́ yě ó!” Énɛ́ ɔ́, yě nɔ́ hɔn, yě nɔ́ hɔn bó nɔ ɖo flúflú wɛ gbɔn tomɛ tomɛ. Togun ɖě lɛ́ɛ ká nɔ́ ɖɔ nú yě ɖɔ: “Mi ná nɔ fí ǎ.”

Gbɛvíhan 5:5

Mɛ e ɖo ya dó nú mǐ wɛ lɛ́ɛ kpo ɖo gǔdo mǐtɔn; agbɔ̌n kpé mǐ, mǐ sɔ́ ɖó gbɔjɛ́ ǎ.

Ezekiyɛ́li 5:12

Jɛmɛjí abǐ adɔ ná hu mi mɛ atɔnvlɔ́ɖó ɖo toxo ɔ́ mɛ; mi mɛ atɔnvlɔ́ɖó ná cí ahwan ɖo to e lɛ́ lɛ̌ dó Jeluzalɛ́mu toxo ɔ́ lɛ́ɛ é mɛ; un ná gba mɛ atɔnvlɔ́ɖó e kpo lɛ́ɛ dó wɛ̌kɛ́zo ɛnɛ lɛ́ɛ mɛ, bó ná sɔ́ ahwan dó jɛ yě gúdo.

Sɛ́nflínmɛ 28:48

mi ná nɔ xovɛ́, bó nɔ nugblá, bó nɔ mɛ̌, bó nɔ nǔɖé má ɖó, bó sɛn kɛntɔ́ e Mawu Mavɔmavɔ ná sɛ́ dó mi lɛ́ɛ. Azɔ̌ syɛ́nsyɛ́n wɛ Mawu Mavɔmavɔ ná ɖó kɔ jí nú mi káká bó ná sú kún mitɔn dó.