Gbɛvíhan 1:21 - MAWUXÓWÉMA

²¹ È se azɔn e wɛn wɛ un ɖe ɔ́, mɛ ɖěbǔ ká wá dó gbɔ nú mì ǎ; kɛntɔ́ ce lɛ́ɛ bǐ se nǔ e ɖo gbigbo mì wɛ é; nǔ e a wa xá mì ɔ́ víví nú yě. Azǎn e xó a ɖɔ ɔ́ wá, nǔ e ɖo gbigbo mì wɛ ɔ́ ní gbo yě lɔmɔ̌.

Gbɛvíhan 1:21 Iomraidhean Croise

Ɖɛhan 35:15

Nǔɖé ka wa nyɛ ɔ́, é nɔ́ víví nú akɔta ɖěvo mɛ nu lɛ́ɛ, yě mɛ e un ma tunwun ǎ lɛ́ɛ, bɔ yě nɔ́ sɛ yěɖée kplé; yě nɔ́ kpléta dó wǔ ce, bó ná wa nǔ xá mì, yě nɔ́ ɖo tagba dó nú mì wɛ hwebǐnu,

Ɖɛhan 37:13

Lo ɔ́, Aklúnɔ nɔ ɖo kiko e wɛ, ɖó é mɔ ɖɔ azǎn tɔn kó vɔ.

Ɖɛhan 38:16

Mawu Mavɔmavɔ, hwi ɖó nukún wɛ un ka ɖe; Aklúnɔ Mawu ce, hwi wɛ ná gblɔ́n nú yě.

Ezayíi 14:5

Mawu Mavɔmavɔ wɛ́n adǎkaxotɔ́ lɛ́ɛ sín kpo, é wɛ́n acɛgannaganna-kpanúmɛtɔ́ lɛ́ɛ sín makpo;

Ezayíi 14:6

kpo e dó xo togun lɛ́ɛ wɛ yě nɔ́ ɖe kpó hlɔ̌nhlɔ́n kpó ma ɖ'alɔ te ɔ́, Mawu Mavɔmavɔ hɛn wɛ́n; kpo e dó kpa acɛ gannaganna nú akɔta lɛ́ɛ wɛ yě nɔ́ ɖe ɔ́, Mawu Mavɔmavɔ hɛn wɛ́n; kpo e dó dó ya nú akɔta lɛ́ɛ wɛ yě nɔ́ ɖe lě e é jló yě gbɔn ɔ́, é hɛn wɛ́n.

Jelemíi 30:16

Amɔ̌, mɛ e nɔ wá bɛ́ dɔkun mitɔn lɛ́ɛ bǐ ɖu lɛ́ɛ ɔ́, è nǎ bɛ́ dɔkun yětɔn lɛ́ɛ bǐ ɖu. Kɛntɔ́ towe lɛ́ɛ ɔ́, ahwan na wlí yě bǐ yi. Mɛ e nɔ fin nǔ towe lɛ́ɛ ɔ́, è nǎ fin nǔ yětɔn lɛ́ɛ. Mɛ e nɔ hɛn nǔ towe gblé lɛ́ɛ ɔ́, è nǎ hɛn nǔ yě lɔmɔ̌ tɔn gblé.

Jelemíi 48:27

Hwɛ ɔ́, Izlayɛ́li húzú nǔkiko nú we ɖo fí ǎ cé? Ajotɔ́ lɛ́ɛ mɛ wɛ a nɔ lɛ́n Izlayɛ́li dó, lobo ja xó ɖɔ dó wǔ tɔn gbé hweɖěbǔnu ɔ́, a nɔ mi ta.

Jelemíi 50:11

Babilɔ́nunu lɛ́ɛ mi, ɖ'ayǐ ɔ́, mi vɔ togun ce; hwenɛ́nu ɔ́, mi j'awǎ, xomɛ hun mi. Mi tlɔ́ gbo nyibúví ɖo amagbo mɛ ɖɔhun. Mi sú xó sɔ́ ɖɔhun.

Jelemíi 50:15

Ahwanfuntɔ́ lɛ́ɛ mi! Mi sú xó dó Babilɔ́nu jí gbɔn ɖisí amyɔ. É wá sɔ́ éɖée jó, dǒ tɔn lɛ́ɛ mu, ahohó tɔn lɛ́ɛ hɔ́, ɖó nyɛ Mawu Mavɔmavɔ wɛ ɖo hlɔn ba wɛ. Akɔta lɛ́ɛ mi, nǔ e Babilɔ́nu wa xá mi ɔ́, mi yi ba hlɔn tɔn. Mi sú nǔ e é wa nú mɛ ɖě lɛ́ɛ ɔ́ sín axɔ́ ɛ.

Jelemíi 50:29

Mi da gǎdatɔ́ lɛ́ɛ bǐ dó Babilɔ́nu wú. Mi ɖó gɔnu lɛ́ lɛ̌ dó Babilɔ́nu, mɛ ɖěbǔ ní ma gló mi ó. Mi sú nǔ e é wa lɛ́ɛ sín axɔ́ ɛ. Mi bló n'i, lě e é nɔ́ bló nú mɛ gbɔn é. Đó é nɔ́ ba hǎ Mawu Mavɔmavɔ, Mawu Izlayɛ́li tɔn.

Jelemíi 50:31

Aklúnɔ, Mawu Mavɔmavɔ Nǔbǐwúkpétɔ́ ɔ́ ɖɔ: “Babilɔ́nu goyítɔ́, nǔ towe wɛ vɛ́ wǔ ce, ayǐ towe ɖíe hɔ́n e, hwenu e un ná wa nǔ xá we ɔ́ ɖíe su lo e.

Jelemíi 51:24

Mawu Mavɔmavɔ ɖɔ: “Nǔ e Babilɔ́nu xɔ́sú ɔ́ kpó Babilɔ́nunu lɛ́ɛ kpó wa xá Sinyɔ́ɔ ɔ́ bǐ sín axɔ́ wɛ un na sú yě ɖo nukún mitɔn mɛ.

Jelemíi 51:49

Izlayɛ́li ví e Babilɔ́nu hu lɛ́ɛ gégé. Mɛ e é hu ɖo gbɛ ɔ́ mɛ lɛ́ɛ flá. Din ɔ́, ahwan jɛ jǐ tɔn; é ɖó ná j'ayǐ.

Gbɛvíhan 1:16

Énɛ́ ɔ́ wú wɛ un ɖo avǐ ya wɛ; ɖasin ɖo sisa sín nukún ce jí wɛ; mɛ e sixú dó gbɔ nú mì bó ná hlɔ̌nhlɔ́n mì ɔ́ sɛ yi zɔ nú mì; mɛ e ná ná gbɛ mì ɔ́ sɛ yi zɔ nú mì. Ahwi xo vǐ ce lɛ́ɛ bǐ ɖó kɛntɔ́ ɖu ɖo jǐ ce.

Gbɛvíhan 1:2

Zǎn mɛ hweɖěbǔnu ɔ́, avǐ ya wɛ jɛ́n é nɔ ɖe, ɖasin nɔ sa tɔ gbɔn nukún tɔn mɛ. Mɛ ɖěbǔ ká ɖe bó ná dó gbɔ n'i ǎ; mɛ e yí wǎn n'i lɛ́ɛ ɖě dó gbɔ n'i ǎ. Xɔ́ntɔn tɔn lɛ́ɛ bǐ hɔn jó e dó; kɛntɔ́ tɔn lɛ́ɛ wɛ yě húzú din.

Gbɛvíhan 1:22

Kpɔ́n dǎka e xo wɛ yě ɖe ɔ́ ganjí; wa nǔ xá yě lě e a wa xá mì gbɔn é; nǔ e a wa xá mì ɖó tónú e un ma se nú we ǎ wú é. A mɔ a? Azɔn wɛn wɛ jɛ́n un nɔ ɖe, un ɖo azɔn jɛ wɛ tawun.”

Gbɛvíhan 1:4

Ali e è nɔ gbɔn yi Sinyɔ́ɔ lɛ́ɛ ɖo aluwɛ mɛ, mɛɖé sɔ́ nɔ́ yi ɖu xwe ɖo Sinyɔ́ɔ ǎ. È sɔ́ nɔ́ mɔ mɛɖé ɖo tokplétɛn lɛ́ɛ ǎ. Vɔ̌sánú-xwlémawutɔ́ Sinyɔ́ɔ tɔn lɛ́ɛ ɖo gbɛvo sa wɛ. Đyɔ̌vǐ Sinyɔ́ɔ tɔn lɛ́ɛ ɖo lele mɛ. Sinyɔ́ɔ ɖésú ɖo akpɔ mɔ wɛ.

Gbɛvíhan 1:8

Jeluzalɛ́mu hu hwɛ dín; énɛ́ ɔ́ wú wɛ nǔ tɔn má sɔ́ nɔ́ jɛ mɛɖé tɔn jí ǎ. Mɛ e nɔ sí i ɖ'ayǐ lɛ́ɛ ɔ́, din e yě mɔ ɛ ɖo mɛ̌ jɔgbe ɔ́, yě sɔ́ mɔ ɛ dó mɔ nǔɖé ǎ. Ée é jɛ mɛ̌ din ɔ́, nǔ e kpo n'i ɔ́ ɖíe: é ná jɛ gbɛvo sa jí bó ná ba fí ɖé gbɔn.

Gbɛvíhan 2:15

Jeluzalɛ́mu, aliwáyitɔ́ lɛ́ɛ mɔ we ɔ́, yě nɔ́ xo alɔ, yě nɔ́ húnhún ta, bó nɔ́ kwínkwín lobo nɔ ɖɔ: “A! Toxo e è nɔ ylɔ́ ɖ'ayǐ ɖɔ ɖɛkpɛ vɔ é jɛ́n ɖíe a? Toxo e è nɔ ylɔ́ ɖɔ awǎjijɛ gbɛ ɔ́ bǐ tɔn é jɛ́n ɖíe a?”

Gbɛvíhan 2:16

Kɛntɔ́ towe lɛ́ɛ bǐ nɔ́ ɖɔ xó nyanya dó wǔ we; yě ɖo kwínkwín wɛ; yě jɛ ma dó jǐ towe, bó nɔ́ ɖɔ: “Mǐ sɔ́ ɛ mi nɛ́! Azǎn e nɔ te kpɔ́n wɛ mǐ ɖe ɔ́ ɖíe; azǎn ɔ́ kpé, mǐ sɔgba ɛ lo.”

Ezekiyɛ́li 26:2

“Hwɛ gbɛtɔ́ e, Tíinu lɛ́ɛ nɔ́ ko Jeluzalɛ́mu hahaha, bó nɔ́ ɖɔ: ‘Toxo e mɛ mɛ bǐ nɔ́ yi é ɔ́, è gba bǐ hánnyá. Mǐdɛɛ lɛ́ɛ gɔ́n wɛ mɛ bǐ ná wá. Din e è gba Jeluzalɛ́mu toxo ɔ́ bǐ é ɔ́, mǐdɛɛ lɛ́ɛ wɛ ná jɛ dɔkun.’

Nǔɖexlɛ́mɛ 18:6

Mi wa nǔ xá ɛ lě e é wa nǔ xá mi gbɔn é. Kɔ́fu e mɛ é cá ahan dó nú mi ɔ́, mi cáká mɔ̌hunkɔtɔn donu we d'é mɛ n'i.