Gbɛvíhan 1:2 - MAWUXÓWÉMA

² Zǎn mɛ hweɖěbǔnu ɔ́, avǐ ya wɛ jɛ́n é nɔ ɖe, ɖasin nɔ sa tɔ gbɔn nukún tɔn mɛ. Mɛ ɖěbǔ ká ɖe bó ná dó gbɔ n'i ǎ; mɛ e yí wǎn n'i lɛ́ɛ ɖě dó gbɔ n'i ǎ. Xɔ́ntɔn tɔn lɛ́ɛ bǐ hɔn jó e dó; kɛntɔ́ tɔn lɛ́ɛ wɛ yě húzú din.

Gbɛvíhan 1:2 Iomraidhean Croise

Jɔ̌bu 6:15

Mi mɛ e nyí xɔ́ntɔn ce lɛ́ɛ ɔ́, mi flú mì tɔhwín e è ɖǒ nukún bɔ é ká kó mɛ é ɖɔhun, mi flú mì tɔhwín e kó xú dó azan é ɖɔhun.

Jɔ̌bu 7:3

mɔ̌ wɛ é ɖe nú nyi lɔ; sín sun mɔ̌kpán ɖíe ɔ́, gbɛ ce sɔ́ ɖó ta ɖé ǎ; zǎn e kú ɔ́ bǐ ɔ́, wǔvɛ́zán jɛ́n nɔ́ nyí nú nyɛ.

Ɖɛhan 126:5

Mɛ e dó nǔkún kpó avǐ kpó ɔ́, awǎjijɛ mɛ wɛ é nɔ́ ya ɖe.

Ɖɛhan 31:11

Nǔ e ɖo xíxá mì wɛ lɛ́ɛ ɖo huhu mì dó anyǔ mɛ wɛ. Azɔn wɛn wɛ jɛ́n un nɔ ɖe, bó ɖo da vɔ́ wɛ. Hwɛ e un hu lɛ́ɛ yí gǎn e ɖo wǔ ce é bǐ. Hlɔ̌nhlɔ́n e ɖo wǔ ce é bǐ ɖo vivɔ wɛ.

Ɖɛhan 6:6

Đó mɛ e ɖo kú lɛ́ɛ ɖě sɔ́ nɔ́ flín we ǎ; mɛ e ɖo kútomɛ lɛ́ɛ ɖě sɔ́ nɔ́ sixú kpa we ǎ.

Ɖɛhan 69:21

Cí e è kɔn dó kɔ nú mì ɔ́ gba hǔn dó nú mì, bɔ un ɖo azɔn jɛ wɛ. Un ɖo te kpɔ́n mɛ e ná kú nǔbláwǔ nú mì é, un ka mɔ mɛɖé ǎ. Un ɖo te kpɔ́n mɛ e ná dó gbɔ nú mì é, un ka mɔ mɛ ɖěbǔ ǎ.

Nǔnywɛ́xó 19:7

Wamamɔnɔ ɔ́, nɔví tɔn lɛ́ɛ ɖésú nɔ gbɛ́ wǎn n'i; xɔ́ntɔn tɔn lɛ́ɛ tɔn sɔ́ nyí ɖiɖɔ ǎ; yě bǐ nɔ́ nɔ zɔ n'i; é nɔ́ mɔ yě mɛ ɖěbǔ bó ná ɖɔ xó xá ǎ.

Jelemíi 13:17

Ényí mi ma ɖótó Mawu ǎ ɔ́, un ná nɔ nǔglɔ́ bó ya avǐ, ɖó go e yí wɛ mi ɖe ɔ́ wú. Un ná kun ɖasin cɛɖɛcɛɖɛ, ɖó ahwan na wlí togun Mawu Mavɔmavɔ tɔn.

Jelemíi 2:25

Nyɛ ɔ́, un ɖɔ nú we ɖɔ hwi ní bló dɛ̌dɛ̌; un ɖɔ nú we ɖɔ hwi ɖo gblagbla dán wɛ mɔ̌ ɔ́, hwi ná gblé wǔ dó afɔ. A ka ɖɔ: ‘Ma jɛ tagba dó ta ce mɛ ó; un yí wǎn nú vodún bó ná xwedó yě.’

Jelemíi 3:1

Mawu Mavɔmavɔ ɖɔ: ényí mɛ ɖé nya asi tɔn bónú é yi da súnnu ɖěvo ɔ́, asú tɔn xóxó ɔ́ nɔ́ lɛ́ lɛ́ kɔ yi nyɔ̌nu ɖokpó énɛ́ ɔ́ gɔ́n wɛ a? Nǔ cí mɔ̌ ɔ́, su wɛ è ɖu nú to ɔ́ nɛ́ ǎ cé? Izlayɛ́li, hwɛ ɔ́, xɔnnɔ towe e ɖó xó xá we din lɛ́ɛ ko sukpɔ́ bɔ a nǎ lɛ́ lɛ́ kɔ wá gɔ̌n ce wɛ a? Xó e nyɛ Mawu Mavɔmavɔ ɖɔ ɔ́ nɛ́.

Jelemíi 30:14

Mɛ e yí wǎn nú we ɖ'ayǐ lɛ́ɛ bǐ wɔn we; yě mɛ ɖěbǔ sɔ́ nɔ́ kpɔ́n jɛ towe jí ǎ, ɖó un xo we lě e kɛntɔ́ ná xo we gbɔn é; un dɔn tó nú we bɔ é vɛ́ ɖésú. Hwɛ tobutóbú e a hu lɛ́ɛ wú wɛ un ɖo nǔ énɛ́ lɛ́ɛ wa xá we wɛ. Lě e hwɛ towe lɛ́ɛ syɛ́n sɔ́ ɔ́ wú wɛ un ɖo nǔ énɛ́ lɛ́ɛ wa xá we wɛ.

Jelemíi 4:30

Jeluzalɛ́mu, hwi ɖíe è gba bǐ e! Nɛ̌ a ka ná wa nǔ gbɔn din? A nɔ dó awu ɖagbe ɖagbe lɛ́ɛ, a nɔ́ dó sikánú lɛ́ɛ; a nɔ tá nǔ dó nukún. A nɔ ɖo kan xo wɛ bó nɔ́ ɖo hwiɖée bló ɖó wɛ mɔ̌ có, nǔ yǎyá wa wɛ a ɖe; xɔnnɔ towe lɛ́ɛ ɖo xó towe ba wɛ ǎ, kú towe ba wɛ yě ɖe.

Jelemíi 9:1

Ényí fí e alitanu lɛ́ɛ nɔ gbɔjɛ́ ɖe ɖo gbětótló mɛ ɔ́ ɖě wɛ un sixú mɔ din ɔ́, un ná jó togun ce dó, bó hɔn yi zɔ n'i bǐ. Đó yě bǐ wɛ dó afɔ gbě; yě bǐ wɛ nyí mɛsaɖutɔ́.

Gbɛvíhan 1:19

Un ylɔ́ mɛ e yí wǎn nú mì ɖ'ayǐ lɛ́ɛ, có yě jó mì dó bɔ un j'ayǐ; vɔ̌sánú-xwlémawutɔ́ lɛ́ɛ kpódó gǎn lɛ́ɛ kpó ɖo nǔ e yě ná ɖu bó ná mɔ hlɔ̌nhlɔ́n ɔ́ ba wɛ, káká bó kú ɖo toxo ɔ́ mɛ.

Gbɛvíhan 1:21

È se azɔn e wɛn wɛ un ɖe ɔ́, mɛ ɖěbǔ ká wá dó gbɔ nú mì ǎ; kɛntɔ́ ce lɛ́ɛ bǐ se nǔ e ɖo gbigbo mì wɛ é; nǔ e a wa xá mì ɔ́ víví nú yě. Azǎn e xó a ɖɔ ɔ́ wá, nǔ e ɖo gbigbo mì wɛ ɔ́ ní gbo yě lɔmɔ̌.

Gbɛvíhan 1:9

Nǔ kwíji kwíji e é wa lɛ́ɛ hɛn awu tɔn blí; é lɛ́n nǔ e ná wá jɛ ɔ́ kpɔ́n ɖ'ayǐ ǎ. Éɖíe ká wá mɔ ajijimɛ ɖɔ émí j'ayǐ e; mɛ ɖěbǔ ká ɖe bó ná dó wǔsyɛ́n lanmɛ n'i ǎ. É ɖɔ: “Mawu Mavɔmavɔ, kpɔ́n ya e ji wɛ un ɖe ɔ́! Kpɔ́n lě e kɛntɔ́ ɖu ɖo jǐ ce gbɔn é.”

Gbɛvíhan 2:11

Un y'avǐ káká bɔ nukún ce ɖibla tɔ́n; ahwi xo mì, awakanmɛ ce bǐ wɛ kú ɖó nǔ e ɖo togun ce gbo wɛ é wútu; nǔgbó ɔ́, yɔkpɔ́vú lɛ́ɛ ɖo kúkú wɛ gbɔn alixo alixo ɖo toxo ɔ́ mɛ.

Ezekiyɛ́li 16:37

Énɛ́ ɔ́ wútu ɔ́, un ná kplé xɔnnɔ towe e a jǒ hwiɖée ná lɛ́ɛ bǐ dó wǔ we, un ná kplé yě mɛ e a yí wǎn ná lɛ́ɛ kpódó mɛ e a gbɛ́ wǎn ná lɛ́ɛ kpó dó wǔ we, bɔ a nǎ ɖo tɛ́ntin yětɔn, bɔ un ná ɖe avɔ sín wǔ we ɖo yě bǐ nukún mɛ, bɔ yě ná mɔ we ɖo mɛ̌ jɔgbe.

Ozée 2:7

Nɔ yětɔn lɛ aga, mɛ e hɛn xo yětɔn ɔ́ kɔ́n wi éɖée tɔn, ɖó é ɖɔ: ‘Un ná yi ba xɔnnɔ ce lɛ́ɛ mɔ. Đó yě wɛ nɔ́ ná mì nǔɖuɖu kpó sin kpó, gbɔ̌fúnvɔ kpó akwɛ́núvɔ kpó, ami kpó ahan kpó.’ ”

Micée 7:5

Nǔ e mɛ e ɖo xwé mitɔn kpá lɛ́ɛ ná ɖɔ ɔ́, mi ma ɖi nǔ ná ó; mi ma ɖeji dó xɔ́ntɔn mitɔn wú ó; mi nyɔ́ xó ɖɔ ɖo asi mitɔn ɖésú gɔ́n.

Nǔɖexlɛ́mɛ 17:13

Linlin ɖokpó ɔ́ wɛ yě mɛ wǒ lɛ́ɛ bǐ ɖó; linlin yětɔn wɛ nyí ɖɔ yě ná zé hlɔ̌nhlɔ́n yětɔn kpó acɛkpikpa yětɔn kpó jó nú kanlin ɔ́.

Nǔɖexlɛ́mɛ 17:16

Zo wǒ e a mɔ lɛ́ɛ kpó kanlin ɔ́ kpó ná gbɛ́ wǎn nú agalɛtɔ́ ɔ́; yě ná fɔ nǔ e é ɖó lɛ́ɛ bǐ; yě ná ɖe e nyi mɛ̌; yě ná ɖu lan tɔn, bó ná zé myɔ dó fyɔ́ ɛ.