Gbɛvíhan 1:19 - MAWUXÓWÉMA

¹⁹ Un ylɔ́ mɛ e yí wǎn nú mì ɖ'ayǐ lɛ́ɛ, có yě jó mì dó bɔ un j'ayǐ; vɔ̌sánú-xwlémawutɔ́ lɛ́ɛ kpódó gǎn lɛ́ɛ kpó ɖo nǔ e yě ná ɖu bó ná mɔ hlɔ̌nhlɔ́n ɔ́ ba wɛ, káká bó kú ɖo toxo ɔ́ mɛ.

Gbɛvíhan 1:19 Iomraidhean Croise

Jelemíi 2:28

Lo ɔ́, un ka na kán byɔ́ we ɖɔ: ‘Fítɛ́ vodún e a bló lɛ́ɛ ká yi? Nú yě sixú hwlɛ́n we gán ɖo adǎngbomɛ hwenu hǔn, yě ní wa bló bó! Judáa, vodún nabí e a ɖǒ ɔ́ sɔ toxo nabí e a ɖǒ é.’ ”

Jelemíi 30:14

Mɛ e yí wǎn nú we ɖ'ayǐ lɛ́ɛ bǐ wɔn we; yě mɛ ɖěbǔ sɔ́ nɔ́ kpɔ́n jɛ towe jí ǎ, ɖó un xo we lě e kɛntɔ́ ná xo we gbɔn é; un dɔn tó nú we bɔ é vɛ́ ɖésú. Hwɛ tobutóbú e a hu lɛ́ɛ wú wɛ un ɖo nǔ énɛ́ lɛ́ɛ wa xá we wɛ. Lě e hwɛ towe lɛ́ɛ syɛ́n sɔ́ ɔ́ wú wɛ un ɖo nǔ énɛ́ lɛ́ɛ wa xá we wɛ.

Jelemíi 4:30

Jeluzalɛ́mu, hwi ɖíe è gba bǐ e! Nɛ̌ a ka ná wa nǔ gbɔn din? A nɔ dó awu ɖagbe ɖagbe lɛ́ɛ, a nɔ́ dó sikánú lɛ́ɛ; a nɔ tá nǔ dó nukún. A nɔ ɖo kan xo wɛ bó nɔ́ ɖo hwiɖée bló ɖó wɛ mɔ̌ có, nǔ yǎyá wa wɛ a ɖe; xɔnnɔ towe lɛ́ɛ ɖo xó towe ba wɛ ǎ, kú towe ba wɛ yě ɖe.

Gbɛvíhan 1:1

Áo! Jeluzalɛ́mu ɖíe wá ɖo é ɖokpónɔ e! Toxo e mɛ gbɛtɔ́ sukpɔ́ ɖe ɖ'ayǐ káká é! Éɖíe wá ɖo é ɖokpónɔ din e! É mɛ e nyǐkɔ tɔn yi jǐ ɖo akɔta lɛ́ɛ tɛ́ntin káká ɔ́, é ɖíe wá cí asúkúsi ɖɔhun e! Đ'ayǐ ɔ́, é wɛ nyí axɔ́sú nú tokpɔn lɛ́ɛ, é wɛ kpa acɛ nú yě; é ɖíe ká wá ɖo mɛ kannu din e.

Gbɛvíhan 1:11

Togun Jeluzalɛ́mu tɔn ɔ́ bǐ ɖo azɔn wɛn wɛ; é ɖo nǔɖuɖu ba wɛ; é sɔ́ nǔ e vɛ́ n'i hú nǔ bǐ ɔ́ jó, bó ná dó mɔ nǔɖuɖu ɖu, bó ná dó mɔ hlɔ̌nhlɔ́n; Jeluzalɛ́mu sa vo nú Mawu bó ɖɔ: “Mawu Mavɔmavɔ, kpɔ́n lě e yě gbɛ́ wǎn nú mì sɔ é!”

Gbɛvíhan 1:2

Zǎn mɛ hweɖěbǔnu ɔ́, avǐ ya wɛ jɛ́n é nɔ ɖe, ɖasin nɔ sa tɔ gbɔn nukún tɔn mɛ. Mɛ ɖěbǔ ká ɖe bó ná dó gbɔ n'i ǎ; mɛ e yí wǎn n'i lɛ́ɛ ɖě dó gbɔ n'i ǎ. Xɔ́ntɔn tɔn lɛ́ɛ bǐ hɔn jó e dó; kɛntɔ́ tɔn lɛ́ɛ wɛ yě húzú din.

Gbɛvíhan 2:20

Mawu Mavɔmavɔ! Hwi ɖésú bo kpɔ́n, mɛ̌ e mɛ̌ e wa nǔ xá wɛ a ka ɖe gbɔn mɔ̌? Nyɔ̌nu lɛ́ɛ nɔ́ ɖu vǐ e yě ɖésúnɔ ji bó wlíbo ná é sín lan; è nɔ hun káká yi hu vɔ̌sánú-xwlémawutɔ́ abǐ gbeyíɖɔ ɖo xwé towe gbe. Nǔ ná nɔ mɔ̌ a?

Gbɛvíhan 4:17

Mǐ ɖo nukún ɖó alɔgɔ́númɛtɔ́ wɛ káká bɔ nukún mǐtɔn bo, alɔgɔ́númɛtɔ́ ɔ́ wá ǎ; mǐ ɖo mɛcɔ́kpe mǐtɔn jí bó ɖo ali kpɔ́n nú akɔta ɖé wɛ; mǐ ɖo ali kpɔ́n nú akɔta ɖé wɛ bónú é ná wá hwlɛ́n mǐ gán, akɔta e kpɔ́n ali ná wɛ mǐ ɖe ɔ́ ká wá ǎ.

Gbɛvíhan 5:12

Yě sɔ́ alɔ yětɔn dó dó kan kɔ nú gǎn lɛ́ɛ; yě ɖó sísí ɖěbǔ nú tomɛxó lɛ́ɛ ǎ.