Gbɛvíhan 1:18 - MAWUXÓWÉMA

¹⁸ Mawu Mavɔmavɔ wa nǔ xá mì gbɔn mɔ̌, hwɛ tɔn ka jɔ, ɖó un ko fɔ́n gǔ dó nǔ e é ɖɔ lɛ́ɛ jí ɖ'ayǐ. Mi togun lɛ́ɛ mi, mi bǐ ní ɖótó ganjí. Mi kpɔ́n ya e ji wɛ un ɖe ɔ́: ahwan wlí ɖyɔ̌vǐ ce lɛ́ɛ kpódó dɔ̌nkpɛvú ce lɛ́ɛ kpó yi to ɖěvo mɛ.

Gbɛvíhan 1:18 Iomraidhean Croise

1 Axɔ́sú 13:21

bɔ éyɛ́ sú xó sɛ́ dó gbeyíɖɔ Mawu tɔn e gosín Judáa wá ɔ́ ɖɔ: “Xó e Mawu Mavɔmavɔ ɖɔ ɔ́ ɖíe: ‘A gba sɛ́n e Mawu Mavɔmavɔ dó nú we ɔ́. A blǒ nǔ e Mawu Mavɔmavɔ, Mawu towe zɔ́n we ɔ́ ǎ.

Ɛsidlási 9:13

Óo! Mawu mǐtɔn! Nǔ nyanya e mǐ wa lɛ́ɛ kpódó hwɛ ɖaxó ɖaxó e mǐ hu lɛ́ɛ kpó wútu wɛ nyladó mǐtɔn lɛ́ɛ bǐ kɔn nyi jǐ mǐtɔn, có tó e a dɔn nú mǐ é sɔ éé jɛ xá hwɛ e mǐ hu lɛ́ɛ é ǎ, bɔ a blǒ bɔ mǐ mɛ e ɖo fí lɛ́ɛ kpo ɖo gbɛ.

Nɛɛmíi 9:26

Nǔ ɖo mɔ̌ có, yě gbɛ̌ tónú se. Yě fɔ́n gǔ dó jǐ we, bó dó gǔdo sɛ́n towe. Yě hu gbeyíɖɔ towe lɛ́ɛ; gbeyíɖɔ towe lɛ́ɛ wɛ nɔ ɖɔ nú yě ɖɔ yě ní lɛ́ kɔ wá gɔ̌n towe dandan. Yě nylá jijɔ dódó.

Nɛɛmíi 9:33

A wa nǔ kpó hwɛjijɔ kpó, ɖo nǔ e gbo mǐ lɛ́ɛ bǐ mɛ, ɖó a ɖe gbejíninɔ towe xlɛ́, mǐdɛɛ lɛ́ɛ ka hu hwɛ dó we.

Ɖɛhan 107:11

ɖó yě fɔ́n gǔ dó xó e Mawu ɖɔ é jí, yě hu tɛ́ nú nǔ e Mawu Ajalɔ̌nlɔn kplɔ́n yě é.

Ɖɛhan 119:137

Mawu Mavɔmavɔ, hwɛjijɔnɔ wɛ a nyǐ, hwɛ e a nɔ ɖɔ lɛ́ɛ nɔ́ sɔgbe.

Ɖɛhan 119:75

Mawu Mavɔmavɔ, un tunwun ɖɔ hwɛ e a nɔ ɖɔ lɛ́ɛ nɔ sɔgbe, nǔ e xó towe ɖɔ é wɛ a xwedó dó dɔn tó nú mì.

Ɖɛhan 145:17

È nɔ mɔ gbejíninɔ Mawu Mavɔmavɔ tɔn ɖo nǔ e é nɔ́ wa lɛ́ɛ bǐ mɛ. È nɔ mɔ lě e é nyɔ́ xomɛ gbɔn é gbɔn nǔ e é nɔ́ wa lɛ́ɛ bǐ mɛ.

Tíntɔ́n 9:27

Bɔ axɔ́sú ɔ́ ylɔ́ Mɔyízi kpó Aalɔ́ɔn kpó bó ɖɔ nú yě ɖɔ: “Din tɔn ɔ́, nyɛ wɛ hu hwɛ; Mawu Mavɔmavɔ wɛ nyí hwɛjijɔnɔ, nyɛ kpó togun ce kpó wɛ wa nǔ nyi do.

Jelemíi 12:1

Mawu Mavɔmavɔ, a nyǐ hwɛjijɔnɔ sɔ mɔ̌ bɔ un sixú mɔ nǔ jɛ do ɖěbǔ ɖo nǔ e a wa lɛ́ɛ wú ǎ. É ká ɖo mɔ̌ có, un jló ná ɖɔ xó xá we dó hwɛjijɔ wú: Étɛ́wú mɛ e ka nyí mɛdídá lɛ́ɛ ɔ́ nǔ ka nɔ́ nyɔ́ nú yě? Étɛ́wú gbɛtɔ́ e nyí nuwenɔ lɛ́ɛ bǐ ká nɔ́ vo?

Jelemíi 32:23

Yě wá yí to ɔ́. Amɔ̌, yě ɖótó gbe towe ǎ, yě nyi sɛ́n towe ǎ. Nǔ e a ɖɔ yě ní wa lɛ́ɛ ɔ́, yě bló ǎ. Énɛ́ ɔ́ wú wɛ a sɛ́ nǔ nyanya e ɖo jijɛ wɛ égbé din ɔ́ bǐ dó.

Jelemíi 4:17

Yě lɛ́ lɛ̌ dó Jeluzalɛ́mu toxo ɔ́ glecɔ́tɔ́ lɛ́ɛ lɛ́ lɛ̌ dó gle ɖɔhun. Gǔ e Jeluzalɛ́mu toxo ɔ́ fɔ́n dó jǐ ce ɔ́ wú wɛ un ɖɔ mɔ̌. Xó e nyɛ Mawu Mavɔmavɔ ɖɔ ɔ́ nɛ́.

Jelemíi 49:12

Xó e Mawu Mavɔmavɔ ɖɔ ɔ́ ɖíe: “Edɔ́mu, mɛ e ma ɖó ná nu wǔvɛ́ kɔ́fu ǎ lɛ́ɛ ná nu, bɔ è ná jó hwɛ dó wɛ a? È nǎ jó we dó gbeɖé ǎ, hwi lɔ ná nu.

Gbɛvíhan 1:12

Alitanu lɛ́ɛ mi, nǔ ce blá wǔ nú mi ǎ cé? Nǔ gbo mɛɖé bɔ é syɛ́n sɔ ée gbo mì ɔ́ a? Mawu Mavɔmavɔ wɛ dɔn tó élɔ́ nú mì gbe e gbe é sin xomɛ dó mì é.

Gbɛvíhan 3:42

Mǐ tlí tó, mǐ fɔ́n gǔ dó jǐ towe; Mawu, a ká sɔ́ kɛ mǐ ǎ.

Gbɛvíhan 5:16

Wi e ɖo ta mǐtɔn ɔ́ kɔ́n; heelú mǐ, ɖó mǐ hu hwɛ.

Daniyɛ́li 9:5

Mǐ gba sɛ́n, mǐ hu hwɛ, mǐ jɛ agɔ, mǐ fɔ́n gǔ dó jǐ towe. Mǐ lɛ́ kɔ sín sɛ́n towe lɛ́ɛ kpódó tito towe lɛ́ɛ kpó gúdo.

Daniyɛ́li 9:7

Hwi Aklúnɔ ɔ́, a hu hwɛ ɖě ǎ. Amɔ̌, mǐdɛɛ lɛ́ɛ ɔ́, mǐɖée jɛ́n mǐ ná zé hwe lě e mǐ ɖ'é wú gbɔn égbé din é, mǐ kpó Jeluzalɛ́munu lɛ́ɛ kpódó Judáa ví lɛ́ɛ kpó, kpódó Izlayɛ́li ví ɖě lɛ́ɛ e gbejí ma nɔ nú we yětɔn zɔ́n, bɔ a nya yě, bɔ yě gba kpé to lɛ́ɛ mɛ to lɛ́ɛ mɛ lɛ́ɛ kpó. Mɛ ɖě ɖo dokɔ fí, bɔ mɛɖé lɛ́ɛ yi cí to línlín mɛ.

Amɔ́si 8:13

Gbe énɛ́ ɔ́ gbe ɔ́, kɔ ná xú ɖyɔ̌vǐ ɖagbe ɖagbe lɛ́ɛ kpó dɔ̌nkpɛvú lɛ́ɛ kpó káká bɔ yě ná xú gǒ.

Sofoníi 3:5

Nǔ ɖo mɔ̌ có, Mawu Mavɔmavɔ ɖo toxo ɔ́ mɛ; é nɔ́ wa nǔ jlɔ́jlɔ́; é nɔ́ wa nǔ nyanya ǎ. Mawu nɔ́ ɖɔ hwɛ xá mɛ ayǐhɔ́ngbe ayǐhɔ́ngbe dó jlɔ̌jlɔ́ jí. É gblá gbeɖé ǎ. É ɖo mɔ̌ bló wɛ có winnyá hú dǎnúwatɔ́ lɛ́ɛ ǎ, yě kpo ɖo dǎka yětɔn xo wɛ.

Zakalíi 1:6

É ká ɖo mɔ̌ có xó ɖěɖě un ɖɔ gbɔn mɛsɛntɔ́ ce gbeyíɖɔ lɛ́ɛ jí é, kpódó nǔ e un zɔ́n yě lɛ́ɛ kpó ɔ́, tɔ́gbó mitɔn lɛ́ɛ wá mɔ nǔ jɛ mɛ, bó húzú ninɔmɛ. Yě wá tunwun ɖɔ lě e un ɖɔ gbɔn ɔ́ wɛ nyi wa nǔ xá émí gbɔn; lě e gbɛ e zán wɛ émí ɖe ɔ́ kpódó nǔ e émí wa lɛ́ɛ kpó byɔ́ gbɔn ɔ́ wɛ nyɛ Mawu Mavɔmavɔ ɔ́ wa nǔ xá émí gbɔn.’ ” Mawu Mavɔmavɔ wɛ ɖɔ mɔ̌.

Hlɔ̌manu 2:5

A ka tlí tó; a ɖo gbesisɔ mɛ bó ná lɛ́ kɔ sín hwɛ towe lɛ́ɛ gúdo ǎ; énɛ́ wútu wɛ a ɖo tó dɔn nú mɛ ɖaxó ɖé sín nǔ sɔ́ ɖ'ayǐ nú hwiɖée wɛ nú gbe e gbe Mawu ná ɖe xomɛsin tɔn kpó hwɛjlɔ́jlɔ́ ɖiɖɔ tɔn kpó xlɛ́ é.

Hlɔ̌manu 3:19

Mǐ ka tunwun ɖɔ nǔ e ɖɔ wɛ sɛ́n lɛ́ɛ ɖe ɔ́ bǐ ɔ́, mɛ e ɖo sɛ́n lɛ́ɛ glɔ́ lɛ́ɛ ɖɔ ná wɛ yě ɖe, bónú è nǎ xwe nu yětɔn dó xɔ, bónú Mawu ná ɖɔ hwɛ xá gbɛtɔ́ e ɖo gbɛ ɔ́ mɛ lɛ́ɛ bǐ.

Sɛ́nflínmɛ 32:4

É wɛ nyí só ɔ́; nǔwiwa tɔn lɛ́ɛ nyɔ́ bɔ nǔ vɔ ɖ'é wú. Đó ali tɔn lɛ́ɛ bǐ jlɔ́. Mawu gbejínɔtɔ́ wɛ. É nɔ́ wa nǔblíblí ǎ. É jlɔ́ bó ɖo xwi jí.

Hwɛɖɔtɔ́ 1:7

Énɛ́ ɔ́, Adoni-Bɛzeki ɖɔ: “Nú un ɖo nǔ ɖu wɛ ɔ́, axɔ́sú e è sɛ́n alɔsú kpó afɔsú kpó ná lɛ́ɛ kanɖé gban (70) wɛ nɔ cyán nǔɖuɖu e nɔ hlɛ́n kɔn nyi ayǐ lɛ́ɛ ɖu. Nǔ e un nɔ wa ɔ́ sín axɔ́ wɛ Mawu sú mì.” È kplá Adoni-Bɛzeki yi Jeluzalɛ́mu, bɔ é kú ɖo fínɛ́.

1 Samuwɛ́li 15:23

Đó mɛ e gbɛ́ gbe nú Mawu ɔ́, hwɛ ɖokpó ɔ́ wɛ é hu xá mɛ e kan nǔ é. Mɛ e dó tókúse nǔ e Mawu ɖɔ ɔ́ mɛ ɔ́, hwɛ ɖokpó ɔ́ wɛ é hu xá mɛ e nɔ sɛn vodún é kpó mɛ e nɔ sɛn bǒcyɔ lɛ́ɛ kpó. Ée a hɔn xó Mawu tɔn sɔ́ nyi gbě ɔ́, élɔ́ ɖe we sín axɔ́súzinkpo jí.”