Gbɛvíhan 1:16 - MAWUXÓWÉMA

¹⁶ Énɛ́ ɔ́ wú wɛ un ɖo avǐ ya wɛ; ɖasin ɖo sisa sín nukún ce jí wɛ; mɛ e sixú dó gbɔ nú mì bó ná hlɔ̌nhlɔ́n mì ɔ́ sɛ yi zɔ nú mì; mɛ e ná ná gbɛ mì ɔ́ sɛ yi zɔ nú mì. Ahwi xo vǐ ce lɛ́ɛ bǐ ɖó kɛntɔ́ ɖu ɖo jǐ ce.

Gbɛvíhan 1:16 Iomraidhean Croise

Ɖɛhan 106:42

Kɛntɔ́ yětɔn lɛ́ɛ táfú yě, yě húzú alɔnugbɔ́ví yětɔn.

Ɖɛhan 119:136

Đasin nɔ sa sín nukún ce jí tɔ ɖɔhun, ɖó è sɔ́ nɔ́ nyi sɛ́n towe ǎ.

Ɖɛhan 69:20

A tunwun cí e è kɔn dó kɔ nú mì é, a tunwun winnyá e un ɖu é, bó tunwun lě e wi ce kɔ́n gbɔn é, a mɔ nǔ jɛ kɛntɔ́ ce lɛ́ɛ bǐ wú.

Nǔnywɛ́tɔ́xó 4:1

Un lɛ́ mɔ lě e gbɛtɔ́ lɛ́ɛ nɔ́ dó ya nú nɔzo yětɔn lɛ́ɛ gbɔn ɖo hwe glɔ́ fí é. Mi kpɔ́n! Mɛ e dó ya ná wɛ è ɖe lɛ́ɛ ɖo avǐ ya wɛ. Mɛ ɖěbǔ ká ɖe bó ná dó gbɔ nú yě ǎ. Mɛ e ɖo ya dó nú yě wɛ lɛ́ɛ sí wɛ acɛkpikpa ɔ́ ɖe; énɛ́ wú wɛ mɛ ɖěbǔ má ɖe bó ná dó gbɔ nú yě ǎ.

Ezayíi 54:11

Mawu ɖɔ: “Jeluzalɛ́mu gbɛ̌dónánɔ, jɔhɔn ɖaxó ɖé ɖo dǐndán we wɛ; mɛ ɖé ka ɖe bó ná dó wǔsyɛ́n lanmɛ nú we ǎ. Nyɛ Mawu Mavɔmavɔ ɔ́, un ná vɔ́ we gbá kpó awǐnnya ɖagbe ɖagbe kpó. Awǐnnya safíi wɛ un ná dó dó dǒ towe do.

Jelemíi 13:17

Ényí mi ma ɖótó Mawu ǎ ɔ́, un ná nɔ nǔglɔ́ bó ya avǐ, ɖó go e yí wɛ mi ɖe ɔ́ wú. Un ná kun ɖasin cɛɖɛcɛɖɛ, ɖó ahwan na wlí togun Mawu Mavɔmavɔ tɔn.

Jelemíi 14:17

Jelemíi, ɖɔ nú yě ɖɔ émí ɖo avǐ ya wɛ ɖasin hoho zǎn kéze, magbokɔ. Đó è dó nǔ togun émítɔn bɔ é syɛ́n ɖésú, akpá ɖaxó wɛ jɛ wǔ tɔn,

Jelemíi 15:5

Mawu Mavɔmavɔ ɖɔ: “Jeluzalɛ́mu, mɛ̌ nǔ towe ká ná blá wǔ ná? Mɛ̌ ká ná ví we? Mɛ̌ ká ná jɛ tagba bó ná kan we byɔ́?

Jelemíi 8:18

Jelemíi ɖɔ: “Un vo ɖo ayi mɛ ǎ. Nǔ e ná xo hwihwɛ́ mì é ɖě ká ɖe ǎ.

Jelemíi 9:1

Ényí fí e alitanu lɛ́ɛ nɔ gbɔjɛ́ ɖe ɖo gbětótló mɛ ɔ́ ɖě wɛ un sixú mɔ din ɔ́, un ná jó togun ce dó, bó hɔn yi zɔ n'i bǐ. Đó yě bǐ wɛ dó afɔ gbě; yě bǐ wɛ nyí mɛsaɖutɔ́.

Jelemíi 9:10

Mawu ɖɔ: “Un ná sɔ́ Jeluzalɛ́mu dó húzú dǒglin; un ná sɔ́ dó húzú nɔtɛn nú ayǐsájɛ lɛ́ɛ. Un ná sɔ́ Judáa toxo ɖě lɛ́ɛ dó húzú gbětótló, mɛɖé ná nɔ fínɛ́ ǎ.”

Jelemíi 9:21

Mawu ɖɔ: “Jelemíi, ɖɔ nú yě ɖɔ nyɛ Mawu Mavɔmavɔ ɖɔ: mɛ kúkú gbɔn kɔ́ mɛ, è fúnfún zunkɔ́ gbɔn gle mɛ ɖɔhun. Mɛ kúkú tɛ́ gbɔn kɔ́ mɛ è xo hankán kɔn nyi ayǐ ɖo nǔkún-yatɔ́ lɛ́ɛ gúdo ɖɔhun, mɛɖé ká ɖe bó ná bɛ́ ǎ.”

Gbɛvíhan 1:2

Zǎn mɛ hweɖěbǔnu ɔ́, avǐ ya wɛ jɛ́n é nɔ ɖe, ɖasin nɔ sa tɔ gbɔn nukún tɔn mɛ. Mɛ ɖěbǔ ká ɖe bó ná dó gbɔ n'i ǎ; mɛ e yí wǎn n'i lɛ́ɛ ɖě dó gbɔ n'i ǎ. Xɔ́ntɔn tɔn lɛ́ɛ bǐ hɔn jó e dó; kɛntɔ́ tɔn lɛ́ɛ wɛ yě húzú din.

Gbɛvíhan 1:9

Nǔ kwíji kwíji e é wa lɛ́ɛ hɛn awu tɔn blí; é lɛ́n nǔ e ná wá jɛ ɔ́ kpɔ́n ɖ'ayǐ ǎ. Éɖíe ká wá mɔ ajijimɛ ɖɔ émí j'ayǐ e; mɛ ɖěbǔ ká ɖe bó ná dó wǔsyɛ́n lanmɛ n'i ǎ. É ɖɔ: “Mawu Mavɔmavɔ, kpɔ́n ya e ji wɛ un ɖe ɔ́! Kpɔ́n lě e kɛntɔ́ ɖu ɖo jǐ ce gbɔn é.”

Gbɛvíhan 2:11

Un y'avǐ káká bɔ nukún ce ɖibla tɔ́n; ahwi xo mì, awakanmɛ ce bǐ wɛ kú ɖó nǔ e ɖo togun ce gbo wɛ é wútu; nǔgbó ɔ́, yɔkpɔ́vú lɛ́ɛ ɖo kúkú wɛ gbɔn alixo alixo ɖo toxo ɔ́ mɛ.

Gbɛvíhan 2:18

Sinyɔ́ɔ toxo ɖo xó sú sɛ́ dó Aklúnɔ wɛ. Ahohó Sinyɔ́ɔ tɔn e, ɖasin ní húzú tɔsisa bó nɔ sa sín nukún towe jí zǎn kpó kéze kpó. Ma ná gbɔjɛ́ ɖěbǔ hwiɖée ó, ma ɖó avǐ e ya wɛ a ɖe ɔ́ te ó.

Ozée 9:12

Yě ná bó tɛ́nkpɔ́n bó tɔ́jú vǐ yětɔn lɛ́ɛ ɔ́, yě ná su có nú un ná yí yě sín akɔn yětɔn ǎ. Un wá jó yě dó hweɖénu hǔn, heelú yě.