Gbɛvíhan 1:15 - MAWUXÓWÉMA

¹⁵ Aklúnɔ ɖe alɔ sín ahwanfuntɔ́ syɛ́nsyɛ́n e ɖo xwé ce gbe lɛ́ɛ bǐ sín kanmɛ. É sɛ́ ahwangɔnu ɖokpó dó mì, bó ná dó vívá kún nú dɔ̌nkpɛvú ce lɛ́ɛ. Nyɛ Sinyɔ́ɔ Judáa toxo ɔ́, é li mì lě e è nɔ li vǐwun gbɔn ɖo vǐwun to mɛ é.

Gbɛvíhan 1:15 Iomraidhean Croise

2 Axɔ́sú 9:33

Jehu ɖɔ nú yě ɖɔ: “Mi sɔ́ ɛ nyi gbɔn flɛtɛ́li ɔ́ nu sɛ́ dó mì ɖo do dě.” Ée é ɖɔ mɔ̌ ɔ́, yě sɔ́ ɛ nyi gbɔn flɛtɛ́li ɔ́ nu, bɔ é wá jɛ ayǐ, bɔ hun tɔn zlɔ́n kɔn nyi dǒ ɔ́ kpó sɔ́ lɛ́ɛ kpó wú, bɔ Jehu kun kɛkɛ́ví tɔn gbɔn jǐ tɔn dín.

Ɖɛhan 119:118

A gbɛ̌ wǎn nú mɛ e jó tito towe lɛ́ɛ dó bó ɖo ali bǔ wɛ lɛ́ɛ, ɖó nǔ e yě nɔ́ lin é bǐ wɛ nyí adingban.

Ezayíi 28:18

Akɔ e mi jɛ xá kú ɔ́ ná gblé, alɛ e mi nu xá kútomɛ ɔ́ sɔ́ ná wa azɔ̌ ǎ. Hwenu e nǔ baɖabaɖa ɔ́ ná wá é ɔ́, é ná gba mi hánnyá.

Ezayíi 41:2

Nya ɖé ɖo zǎnzǎnhwe jí bó jɛ ali; é gbɔn fí ɖěbǔ ɔ́, é nɔ́ ɖu ɖ'é jí. Mɛ̌ ká sɛ́ ɛ dó? Mɛ̌ wɛ nɔ jó togun lɛ́ɛ n'i? Mɛ̌ wɛ nɔ zé axɔ́sú lɛ́ɛ ɖó acɛ tɔn mɛ? Hwǐ tɔn nɔ́ vúnvún yě, bɔ gǎ tɔn nɔ́ gba yě dó, jɔhɔn dó alɔ nǔywɛ́ mɛ ɖɔhun.

Ezayíi 5:5

Din ɔ́, un ná ɖɔ nǔ e un ná wa xá vǐwungle ce ɔ́ nú mi: un ná hɔn kpá e un dó lɛ́ lɛ̌ dó é, bɔ kanlin lɛ́ɛ ná ɖu. Un ná mu dǒ e un mɛ lɛ́ lɛ̌ dó é, bɔ aligbɔntɔ́ lɛ́ɛ ná gbídí i.

Ezayíi 63:3

Mawu yí gbe ɖɔ: “Nyi ɖokpó géé wɛ li vǐwun e ɖo vǐwunto ɔ́ mɛ é; mɛ ɖé gosín togun ɖé mɛ bó dó alɔ mì ǎ. Un gbídí gbɛtɔ́ lɛ́ɛ ɖó afɔ wú kpó xomɛsin kpó, adǎn jí wɛ un ɖe bó tɛ afɔ yě jí, bɔ kanjɔ yětɔn zlɔ́n kɔn nyi awu ce mɛ, bɔ awu ce gblé bǐ.

Jelemíi 13:24

Un ná gba mi dó gbɔn gbětótló mɛ jɔhɔn d'alɔ nǔywɛ́ mɛ, bó fúnfún ɖɔhun.

Jelemíi 14:17

Jelemíi, ɖɔ nú yě ɖɔ émí ɖo avǐ ya wɛ ɖasin hoho zǎn kéze, magbokɔ. Đó è dó nǔ togun émítɔn bɔ é syɛ́n ɖésú, akpá ɖaxó wɛ jɛ wǔ tɔn,

Jelemíi 18:21

Énɛ́ wú ɔ́, jó vǐ yětɔn lɛ́ɛ dó nú adɔ ní hu yě; sɔ́ hwǐ dó hu yě tɛ́. Asi yětɔn lɛ́ɛ ní ba vǐ kpo; yě ní húzú asúkúsi; jɛmɛjí ní hu asú yětɔn lɛ́ɛ. Ahwan ní hu mɛ wínnyáwínnyá yětɔn lɛ́ɛ.

Jelemíi 37:10

Mi na bo ɖu ɖo ahwangɔnu Babilɔ́nu tɔn e ɖo ahwan fun xá mi wɛ ɔ́ jí, bónú é kpo mɛ e gblé wǔ lɛ́ɛ kɛ́ɖɛ́ ɔ́, yě mɛ énɛ́ lɛ́ɛ ná sí te sín goxɔ yětɔn lɛ́ɛ mɛ, lobo ná dó toxo élɔ́ zo.’ ”

Jelemíi 50:26

Mi tɔ́n ahwan to ɔ́ gbɔn aɖisí amyɔ. Mi gba agɔ̌ lɛ́ɛ. Nǔ e mi mɔ ɖo to ɔ́ mɛ lɛ́ɛ ɔ́, mi kplé yě ɖó kɛ́n ɖokpó, lobo dó to ɔ́ zo. Nǔ ɖěbǔ ní má kpo ɖo to ɔ́ mɛ ó.

Jelemíi 51:34

Sinyɔ́ɔnu lɛ́ɛ ɖɔ: “Nabukodonɔzɔ́ɔ, Babilɔ́nu xɔ́sú ɔ́ vúnvún mǐ, é fyɔ́n mǐ bó nu, lobo jó mǐ dó agbǎn vɔ̌tɔ́ ɖɔhun. É mi mǐ dlagɔ́ɔn ɖɔhun. É mi nǔ ɖagbe e ɖo mǐ sí lɛ́ɛ, bɔ adɔgo tɔn gɔ́. Énɛ́ gúdo ɔ́, é zé mǐ nyi gbě.

Jelemíi 6:11

Mawu, xomɛsin towe gɔ́ ayi ce, un sixú hɛn ɖó te ǎ.” Mawu ɖɔ: “Ényí mɔ̌ hǔn, gba kɔn dó yɔkpɔ́vú lɛ́ɛ jí gbɔn alixo alixo; gba kɔn dó mɛ wínnyáwínnyá lɛ́ɛ jí, ɖo fí e yě kplé ɖe lɛ́ɛ. Đó è nǎ zě asú kpó asi kpó yi. È nǎ zě mɛ kpikpo yi; è nǎ zě mɛ e dɔ́ ji é yi.

Gbɛvíhan 2:21

Yɔkpɔ́vú kpódó degénɔ kpó ɖo títɛ́ gbɔn kɔ́ mɛ kɔ́ mɛ ɖo alixo alixo. È hu ɖyɔ̌vǐ ce lɛ́ɛ kpódó dɔ̌nkpɛvú ce lɛ́ɛ kpó ɖo ahwangbénu. Gbe e gbe a sin xomɛ ɔ́, a hu yě; a gbo gbe yě ma kú nǔbláwǔ nú yě.

Gbɛvíhan 3:34

È ɖo mɛ e ahwan wlí lɛ́ɛ gbídí ɖó afɔ wú wɛ ɔ́, Aklúnɔ nɔ́ mɔ ǎ cé?

Daniyɛ́li 3:13

Ée Nabukodonɔzɔ́ɔ se mɔ̌ ɔ́, xomɛ sin i ɖésú, bɔ é ɖo adǎn jí, lobo sɛ́ mɛ dó ɖɔ è nǐ kplá Cadlaki kpó Mɛcáki kpó, kpódó Abɛ́di-Nɛgó kpó wá nú émí. Ée è yi kplá yě wá ɔ́,

Micée 7:10

Kɛntɔ́ ce lɛ́ɛ ná mɔ nǔ e jɛ nɛ́ ɔ́, bɔ winnyá ná hu yě. Yě mɛ e nɔ kanbyɔ́ mì ɖ'ayǐ ɖɔ: “Fítɛ́ Mawu Mavɔmavɔ, Mawu towe ká ɖe” a jí lɛ́ɛ ɔ́, è nǎ gbídí yě ɖó afɔ wú lě e è nɔ ɖo zɔnlin ɖi wɛ bó nɔ́ gbídí babá ɖó afɔ wú é ɖɔhun, bɔ un ná mɔ kpó nukún ce lɛ́ɛ kpó, bó ná j'awǎ.

Luki 21:24

Yě ná kú hwǐ kú; ahwan ná wlí kannumɔ yětɔn yi to lɛ́ɛ mɛ to lɛ́ɛ mɛ, bɔ mɛ e ma nɔ sɛn Mawu ǎ lɛ́ɛ ná gbídí Jeluzalɛ́mu dó afɔ wú, káká yi jɛ hwenu e gan mɛ yětɔn ná vɔ dó é.”

Sɛ́nflínmɛ 28:33

Nǔkún e ná nyɔ́ ɖo ayǐkúngban mitɔn jí lɛ́ɛ kpó nǔ e mi ná jɛ tagba bó wa lɛ́ɛ kpó ɔ́, togun e mi ma tunwun vɔ́vɔ́ ǎ lɛ́ɛ wɛ ná ɖu bǐ. Bɔ ayǐ hɔ́n tɛgbɛ ɔ́, è nǎ nɔ táfú mi, bó ná nɔ́ wló mi ɖu.

Eblée 10:29

Énɛ́ ɔ́, nɛ̌ é ka ná nyí gbɔn nú mɛ e gbɛ́ wǎn nú Mawu ví ɔ́ é lo? Mɛ e sɔ́ akɔjijɛ Mawu tɔn sín hun e gbla mɛ è slá wǔ n'i gbɔn ɔ́ dó mɔ nǔ yǎyá, bó zun Yɛ nǔbláwǔkúnúmɛtɔ́ ɔ́, nɛ̌ é ka ná nyí gbɔn n'i? Mi ɖésúnɔ ɔ́, mi ná ko tunwun ɖɔ tó e è nǎ dɔn nú mɛ énɛ́ ɔ́ ná nylá hú mɛ e gba Mɔyízisɛ́n ɔ́ é tɔn.

Nǔɖexlɛ́mɛ 19:15

Hwǐ ɖíɖá ɖé nɔ tɔ́n sín nu tɔn mɛ; hwǐ ɔ́ wɛ é ná sɔ́ dó xo to lɛ́ɛ ná. É ná kpa acɛ dó yě nu, bɔ acɛkpikpa tɔn ná syɛ́n gankpo ɖɔhun; é ná li vǐwun sínsɛ́n ɔ́ ɖo xomɛsin ɖaxó Mawu Nǔbǐwúkpétɔ́ ɔ́ tɔn sín vǐwunto ɔ́ mɛ.

Hwɛɖɔtɔ́ 10:8

Bɛ́ sín hwenɛ́nu ɔ́, mɛ énɛ́ lɛ́ɛ kpa acɛ gannaganna nú Izlayɛ́li ví e nɔ nɔ Galadi, ɖo fí e Amɔliti lɛ́ɛ nɔ ɖ'ayǐ, ɖo Judɛ́ɛn tɔ ɔ́ sín zǎnzǎnhwe jí lɛ́ɛ; yě dó ya nú yě káká nú xwe afɔtɔn-nukún-atɔn.