Gbɛvíhan 1:14 - MAWUXÓWÉMA

¹⁴ Nukún tɔn ɖo nǔ e un wa nyi do lɛ́ɛ jí; Mawu blá nǔ e un wa nyi do lɛ́ɛ ɖó kpɔ́ bó sɔ́ nyi abɔ̌ ce ta; é ɖe hlɔ̌nhlɔ́n ce kpo, é jó mì nú mɛɖé lɛ́ɛ bɔ un sixú xo nǔ ɖo wǔ ɖo nukɔn yětɔn ǎ.

Gbɛvíhan 1:14 Iomraidhean Croise

Nǔnywɛ́xó 5:22

Mɛ e nɔ wa nyanya ɔ́, nǔ nyanya e é nɔ́ wa lɛ́ɛ jɛ́n nɔ́ wa nǔ xá ɛ; nǔ nyanya e é nɔ́ wa lɛ́ɛ wɛ nɔ́ nyí mɔ bɔ é nɔ́ sɔ́.

Ezayíi 14:25

Un ná gba acɛkpikpa Asilíi tɔn hánnyá ɖo to ce mɛ. Un ná flí i xwe ɖo só ce lɛ́ɛ ta. É nɔ́ hú gǎn mɛ ce lɛ́ɛ; din ɔ́, un ná bú i. É dó agban kpinkpɛn ɖó ta nú yě, din ɔ́, un ná zlɔ́n agban énɛ́ yě.”

Ezayíi 47:6

Xomɛ sin mì dó togun ce wú; énɛ́ ɔ́, un jó mɛ e nyí ce lɛ́ɛ nú we dó dó winnyá yě. Nǔ yětɔn ká blá wǔ nú we ǎ; a zǎn acɛ e a ɖǒ ɔ́ dó dó tagba nú degénɔ lɛ́ɛ zɛ jlɛ̌ wú.

Jelemíi 25:9

un ná sɛ́ mɛ dó togun e gbɔn totaligbé dɔ̌n lɛ́ɛ bǐ; un ná sɛ́ mɛ dó Nabukodonɔzɔ́ɔ Babilɔ́nu xɔ́sú e nɔ wa azɔ̌ nú mì é, un ná kplá yě wá to mɛ fí, bɔ yě ná wá gba to élɔ́, bó dó ya nú togun élɔ́ kpó togun e lɛ́ lɛ̌ dó e lɛ́ɛ bǐ kpó, bó sú kún yětɔn dó, bó ná gba nǔ e ɖo to ɔ́ mɛ lɛ́ɛ bǐ hánnyá káká yi mavɔ mavɔ. Mɛ ɖé wá mɔ ɔ́, mɛ ɔ́ ná sú alɔ nu; yě ná nyí nǔkiko. Xó e nyɛ Mawu Mavɔmavɔ ɖɔ é nɛ́.

Jelemíi 27:12

Xó ɖokpó ɔ́ wɛ un ɖɔ nú Judáa xɔ́sú Sedesíyasi; un ɖɔ n'i ɖɔ: “Hwi kpó togun towe kpó ɖó ná yí gbe nú agbanhɛnkpo e Babilɔ́nu xɔ́sú ɔ́ sɔ́ ɖó abɔ̌ta nú mi é, bó se tónú nú é kpódó togun tɔn kpó, énɛ́ ɔ́ mi ná nɔ gbɛ.

Jelemíi 27:8

“Ényí Akɔta ɖé abǐ axɔ́súɖuto ɖé gbɛ́ ɖɔ émí kún ná se tónú nú Nabukodonɔzɔ́ɔ ó ɔ́, ényí akɔta ɖé gbɛ́ ɖɔ émí kún ná zé Babilɔ́nu xɔ́sú ɔ́ sín agbanhɛnkpo ɖó abɔ̌ta bó nɔ acɛ tɔn mɛ ó ɔ́, un ná sɔ́ ahwanfunfun kpó adɔ kpó jɛmɛjí kpó dó dɔn tó n'i, un ná sɛ́ Nabukodonɔzɔ́ɔ dó e, bó ná hu acɛ tɔn bǐ. Xó e nyɛ Mawu Mavɔmavɔ ɖɔ ɔ́ nɛ́.

Jelemíi 28:13

“Yi ɖɔ nú Hananiya ɖɔ Mawu Mavɔmavɔ ɖɔ: ‘Ée a hɛn kpo ɔ́ lɔ́ din ɔ́, a ɖǒ ná zé gankpo ɖó tɛn tɔn mɛ.’ ”

Jelemíi 28:14

Bɔ Jelemíi ɖɔ: “Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ é ɖíe, é ɖɔ: ‘Din ɔ́, gankpo wɛ un sɔ́ ɖó kɔli mɛ nú akɔta e ɖo gbě jí fí lɛ́ɛ é bǐ, nǔ e ɖo gbě jí fí é bǐ ná nɔ axɔ́sú Babilɔ́nu tɔn Nabukodonɔzɔ́ɔ sín acɛ mɛ, káká jɛ gběkanlin lɛ́ɛ lɔ jí.’ ”

Jelemíi 32:3

Judáa xɔ́sú Sedesíyasi wɛ wlí i ɖó fínɛ́, ɖó xó e Jelemíi ɖɔ dó Mawu nyíkɔ mɛ ɔ́ vɛ́ wǔ tɔn; xó é Jelemíi ɖɔ ɔ́ ɖíe: “Mawu Mavɔmavɔ ɖɔ: ‘Un ná jó Jeluzalɛ́mu nú Babilɔ́nu xɔ́sú ɔ́, bɔ é ná yí.

Jelemíi 32:5

Axɔ́sú Babilɔ́nu tɔn ná kplá Sedesíyasi yi Babilɔ́nu, bɔ é ná nɔ fínɛ́ káká jɛ hwenu e un ná flín i dó é. Ényí mi fun ahwan xá Babilɔ́nunu lɛ́ɛ ɔ́, é ná kpa mi gbeɖé kpɔ́n ǎ. Xó e nyɛ Mawu Mavɔmavɔ ɖɔ é nɛ́.’ ”

Jelemíi 37:17

cóbɔ axɔ́sú Sedesíyasi wá sɛ́ mɛ dó, bɔ è yi kplá ɛ wá n'i, bɔ é kan nǔ byɔ́ ɛ dó nǔglɔ́. É kanbyɔ́ ɛ ɖɔ: “Mawu Mavɔmavɔ ɖɔ xó ɖé nú we, bɔ a nǎ ɖɔ nú mì a?” Bɔ Jelemíi yí gbe n'i ɖɔ: “Ɛɛn, é ɖɔ nú mì ɖɔ è nǎ jó we nú Babilɔ́nu xɔ́sú ɔ́.”

Ezekiyɛ́li 11:9

Un ná nya mi tɔ́n sín toxo ɔ́ mɛ; un ná jó mi nú akɔta ɖěvo lɛ́ɛ. Un ná dɔn tó nú mi.

Ezekiyɛ́li 21:31

Nǔ e ɖɔ nú we wɛ nyɛ Aklúnɔ Mavɔmavɔ ɖe ɔ́ ɖíe: È nǎ yí tablá towe sín ta nú we; è nǎ ɖe axɔ́súgbákún sín ta nú we; nǔ bǐ nǎ húzú. Mɛ e nyí gbɛtɔ́ kpaa lɛ́ɛ ɔ́, è nǎ zé yě su, bɔ mɛ e nyí gbɛtɔ́ nukúnɖéjí lɛ́ɛ ɔ́, è nǎ zé yě hwe.

Ezekiyɛ́li 23:28

“Ɖó xó e ɖɔ wɛ nyɛ Aklúnɔ Mavɔmavɔ ɖe ɔ́ ɖíe: Un ná jó we nú mɛ e a gbɛ̌ wǎn ná lɛ́ɛ, mɛ e sín xó a ma sɔ́ ba ǎ lɛ́ɛ.

Ezekiyɛ́li 25:4

Énɛ́ ɔ́ wú ɔ́, un ná jó to mitɔn nú mɛ e nɔ gosín zǎnzǎnhwe jí lɛ́ɛ, bɔ yě ná yí; yě ná ɖó gɔnu ɖó ayǐkúngban mitɔn jí; yě ná sá xwé nyi to mitɔn mɛ. Yě wɛ ná ɖu atínsínsɛ́n mitɔn lɛ́ɛ, bó ná nu nyibúnɔ́sin mitɔn lɛ́ɛ.

Ezekiyɛ́li 25:7

Énɛ́ ɔ́ wú ɔ́, un ná ɖe hlɔ̌nhlɔ́n ce xlɛ́ mi, bó jó mi nú togun ɖěvo lɛ́ɛ, bɔ yě ná wá bɛ́ nǔ mitɔn lɛ́ɛ bǐ. Togun mitɔn sɔ́ ná tín nyǐ ǎ; mi sɔ́ ná ɖó to ɖě ǎ; un ná gba to mitɔn bǐ gbídígbídí. Énɛ́ ɔ́, mi ná tunwun ɖɔ nyi wɛ nyí Mawu Mavɔmavɔ.”

Ozée 5:14

Kinnikínní ɖɔhun wɛ un ná cí nú akɔta Eflayímu tɔn ɔ́, bó ná cí kinnikínníví ɖɔhun nú Judáanu lɛ́ɛ. Nyɛ Mawu Mavɔmavɔ ɔ́, nyɛ ɖésúnɔ wɛ ná vúnvún yě bó ná yi. Un ná bɛ́ yě yi, bɔ mɛ ɖěbǔ ná sixú yí yě sín así ce ǎ.”

Micée 2:3

Énɛ́ ɔ́ wú wɛ Mawu Mavɔmavɔ ɖɔ: “Un ɖo nǔ nyanya ɖé sín nǔ sɔ́ ɖ'ayǐ nú gbɛtɔ́ mi ɖɔhun lɛ́ɛ wɛ; mi ná gló ǎ. Mi ɖo zɔnlin zun wɛ ɔ́, mi sɔ́ ná nɔ glá awa ǎ, ɖó wǔvɛ́ hwenu wɛ jǎwe.”

Sɛ́nflínmɛ 28:48

mi ná nɔ xovɛ́, bó nɔ nugblá, bó nɔ mɛ̌, bó nɔ nǔɖé má ɖó, bó sɛn kɛntɔ́ e Mawu Mavɔmavɔ ná sɛ́ dó mi lɛ́ɛ. Azɔ̌ syɛ́nsyɛ́n wɛ Mawu Mavɔmavɔ ná ɖó kɔ jí nú mi káká bó ná sú kún mitɔn dó.