Biblia Todo Logo
Bìoball air-loidhne

- Sanasan -




Gbɛvíhan 1:13 - MAWUXÓWÉMA

13 É sɛ́ myɔ ɖé dó lan ce mɛ sín jǐxwé; myɔ ɔ́ byɔ́ lan ce mɛ káká bó yi mɔ xú ce. É ɖó mɔ dó afɔ ce lɛ́ɛ glɔ́, bó zin mì dɛ́, bɔ un jɛ wɛn. É ɖe mì sín mɛ mɛ bǐ gbídígbídí, bɔ un ɖo azɔn tɔn jɛ wɛ tɛgbɛ.

Faic an caibideil Dèan lethbhreac




Gbɛvíhan 1:13
31 Iomraidhean Croise  

Afɔ e ɖe wɛ é ɖé ɔ́ kplá ɛ xwe mɔ mɛ, é xwe do mɛ jɛ gbé.


Amɔ̌, mi ní tunwun ɖɔ Mawu wɛ wa nǔ énɛ́ ɔ́ xá mì; é wɛ wlí mì dó ɖɔ tɔn mɛ.


Anyǔ e ɖo wǔ ce ɔ́ xú bǐ bó nɔ́ flé, wǔtu ce nɔ́ hun myɔ káká yi mɔ xú.


Mɛ e gbɛ́ wǎn nú Sinyɔ́ɔ lɛ́ɛ bǐ ní ɖu winnyá, bó jó agɔ.


Mawu Mavɔmavɔ, ma nú un jɛ mɛdídá lɛ́ɛ sín fɛn mɛ ó, xɔ mì ɖo alǎnnúwatɔ́ lɛ́ɛ sí. Lě e yě ná wa gbɔn bó zin mì dɛ́ ɔ́ jɛ́n ɖo ayi yětɔn mɛ.


Yě hun nu bo ɖo nǎ wlí mì ɖu wɛ kinnikínní e ɖo adǎn jí, bó ɖo gbe dó wɛ é ɖɔhun.


Mawu Mavɔmavɔ, kú nǔ blá wǔ ce, ɖó adǎn ɖo gbigbo mì wɛ. Agbaza ce kpó lǐndɔ̌n ce kpó bǐ ɖo aluwɛ mɛ; nukún ce sɔ́ nɔ́ mɔ nǔ ǎ, nǔ lin wɛ un ɖe sɔ mɔ̌ nɛ́.


Mɛ e ɖo kú ce ba wɛ lɛ́ɛ ɔ́, wi yětɔn ní kɔ́n, yě ní ɖu winnyá. Mɛ e ɖo nyanya ce lin wɛ lɛ́ɛ ní ba nu tɔn kpo bo jó agɔ dó gǔdo.


ɖó alin ce bǐ nɔ́ ɖo wlǐwlí wɛ; nǔɖé sɔ́ ɖo ganjí ɖo wǔ ce ǎ.


A kplá mǐ yi dó ɖɔ mɛ; a sɔ́ agban kpinkpɛn ɖó ta nú mǐ.


Mi ma nú é kpo ɖo mǔ, bónú mi ɖu ó; mi ma zé sin dó ɖa ná ó; lo ɔ́, mi mɛ ta tɔn kpó afɔ tɔn lɛ́ɛ kpó, kpódó xomɛnú tɔn lɛ́ɛ kpó.


Mi mɛ e nɔ gán jɛ vodún wú, bó nɔ́ ɖɔ nú bǒcyɔ mitɔn lɛ́ɛ ɖɔ yě wɛ nyí nǔmɛsɛn émítɔn lɛ́ɛ ɔ́, mi ná j'agɔ dó gǔdo, mi ná ɖu winnyá.”


Ée mi bló mɔ̌ ɔ́, un gbɔ bo ɖe xomɛsin ce kpó adǎn ce kpó xlɛ́ gbɔn Judáa toxo lɛ́ɛ mɛ, bó ɖe xlɛ́ gbɔn Jeluzalɛ́mu li lɛ́ɛ jí. Dǒglin kɛ́ɖɛ́ wɛ kpo ɖo te, nǔ bǐ wɛ gúdú lě e é ɖe gbɔn égbé din é.’ ”


Kpɔ́n dǎka e xo wɛ yě ɖe ɔ́ ganjí; wa nǔ xá yě lě e a wa xá mì gbɔn é; nǔ e a wa xá mì ɖó tónú e un ma se nú we ǎ wú é. A mɔ a? Azɔn wɛn wɛ jɛ́n un nɔ ɖe, un ɖo azɔn jɛ wɛ tawun.”


É dó gbɛya bǐ nú mì, é hu mì ɖó akpo; un sɔ́ ɖó gbe ǎ.


Mǐ ɖo azɔn jɛ wɛ ɖo ayi mɛ, nukún mǐtɔn sɔ́ nɔ́ mɔ nǔ ganjí ǎ,


Bɔ nyɛ Mawu Mavɔmavɔ ɔ́, un ná ɖó mɔ n'i, bó ná wlí i, bó ná kplá ɛ yi Babilɔ́nunu lɛ́ɛ sín to mɛ, bɔ é ná kú ɖo fínɛ́. É sɔ́ ná mɔ to tɔn ɖó nukún wú gbeɖé cóbó kú ǎ .


Un ná ɖó mɔ n'i, bó ná wlí i. Un ná kplá ɛ yi Babilɔ́nu, bó ná ɖó hwɛ n'i ɖó gbejí e é má nɔ nú mì ǎ é wú.


Ɖǒ tó xó e Aklúnɔ Mavɔmavɔ ɖɔ é: Togun gěgé wɛ ná kplé bɔ un ná nyi ɖɔ dó wlí we, bɔ yě ná dɔn we wá agě jí.


Nú yě ɖidó ɔ́, un nɔ nyi ɖɔ ce cyɔ́n yě. Un nɔ ɖe gbe bɔ yě nɔ́ kɔn nyi kɔ́ mɛ xɛ ɖɔhun. Un nɔ dɔn tó nú yě bɔ é nɔ́ sɔgbe xá nǔ nyanya e yě wa bɔ è ɖo ɖiɖɔ wɛ é.


Mɛ̌ ká sixú nɔ te ɖo adǎn e jí Mawu Mavɔmavɔ ɖe ɔ́ nukɔn? Mɛ̌ ká sixú gán ɖo xomɛsin tɔn nukɔn? Xomɛsin tɔn nɔ gba kpé myɔ ɖɔhun, bɔ só lɛ́ɛ nɔ gba hánnyá ɖo nukɔn tɔn.


Un se zǐngídi ɔ́, bɔ wǔ kú mì; ée un se zǐngídi énɛ́ ɔ́, nu ce nɔ sísɔ́, kanmɛ ce gbɔ́jɔ́, bɔ afɔ ce lɛ́ɛ xo dɔjɔ. Un nɔ xwíí, bó ɖo nǔwamɛ sín azǎn ɔ́ nɔ te kpɔ́n wɛ, bó ná yi tɔ́n ahwan togun e wá tɔ́n ahwan mǐ é.


Mi na mɔ agbɔ̌n ɖo akɔta énɛ́ lɛ́ɛ ɖě mɛ gbeɖé ǎ; mi ná mɔ fí e mi ná ɖó afɔ é ǎ. Ayi mitɔn ná jɛ ayǐ ǎ. Nukún mitɔn mɛ ná nɔ́ jɛ ayǐ ǎ, bɔ mi ná nɔ́ ɖo ya ji wɛ.


Đó Mawu mǐtɔn ɔ́, myɔ e nɔ hɛn nǔ gblé ɔ́ wɛ é nyí.


Lean sinn:

Sanasan


Sanasan