Gbɛvíhan 1:12 - MAWUXÓWÉMA

¹² Alitanu lɛ́ɛ mi, nǔ ce blá wǔ nú mi ǎ cé? Nǔ gbo mɛɖé bɔ é syɛ́n sɔ ée gbo mì ɔ́ a? Mawu Mavɔmavɔ wɛ dɔn tó élɔ́ nú mì gbe e gbe é sin xomɛ dó mì é.

Gbɛvíhan 1:12 Iomraidhean Croise

Ɖɛhan 88:16

Wamamɔnɔ wɛ un nyí, un nyí mɛ bo ɖo kúdonu sín vǔ ɖokpóó. Nǔ e wa xá mì wɛ a ɖe ɔ́ syɛ́n ɖésú; ayi ce bǐ wɛ gbadó.

Ezayíi 13:13

Gbe e gbe un ná sin xomɛ bó má ná se vɛ ǎ ɔ́, un ná húnhún jǐnukúnsin ɔ́, bɔ ayǐkúngban ná nɔ tɛn ɖokpó mɛ bó ná nɔ́ lɔ́n yi jǐ.”

Jelemíi 10:19

Jeluzalɛ́mu ɖɔ: “Heelú! Étɛ́ ɖíe ká gbo mì e? È gba mì hánnyá bǐ. Akpa e ɖo wǔ ce ɔ́ dó kpan, bɔ un nɔ ɖɔ dó ayi mɛ ɖɔ: Wǔvɛ́ e mɔ wɛ un ɖe ɔ́ syɛ́n ǎ, un hɛn ɔ́, un ná nɔ nu.

Jelemíi 18:16

Mi sɔ́ to mitɔn dó húzú nǔ vɛ́ mɔ, to mitɔn húzú nǔkiko. Mɛ ɖěbǔ wá mɔ ɔ́, é nɔ́ kpácá mɛ ɔ́, bɔ é nɔ́ húnhún ta.

Jelemíi 30:23

Xomɛsin Mawu Mavɔmavɔ tɔn ɖíe sí te jǎwe jɔhɔn ɖaxó ɖé ɖɔhun e. É ɖo nyinyi dó ta nú mɛdídá lɛ́ɛ wɛ.

Jelemíi 30:24

Xomɛsin ɖaxó e jí Mawu Mavɔmavɔ ɖe ɔ́ ɖo nǎ xwɛ wɛ ǎ. É ná xwɛ cóbónú Mawu Mavɔmavɔ ná wa nǔ e é lin lɛ́ɛ bǐ ǎ. Ayǐ ɖo hǐnhɔ́n wɛ ɔ́, mi ná mɔ nǔ jɛ nǔ énɛ́ lɛ́ɛ bǐ mɛ.

Jelemíi 30:7

Awě tɛ́ ɖíe! Azǎn baɖabaɖa ɖé wɛ, ayǐ mɔ̌hun ko hɔ́n kpɔ́n ǎ. Aluwɛ zán wɛ é nyí nú Jakɔ́bu ví lɛ́ɛ! Amɔ̌, yě ná tɔ́n sín mɛ, wǔyɛ́yɛ́ afɔyɛ́yɛ́.”

Jelemíi 4:8

Énɛ́ ɔ́ wú ɔ́, mi cyɔ́n ati, mi ya avǐ, mi ná alě, ɖó xomɛ e Mawu Mavɔmavɔ sin dó mǐ ɔ́ ko vɔ ǎ.

Jelemíi 48:27

Hwɛ ɔ́, Izlayɛ́li húzú nǔkiko nú we ɖo fí ǎ cé? Ajotɔ́ lɛ́ɛ mɛ wɛ a nɔ lɛ́n Izlayɛ́li dó, lobo ja xó ɖɔ dó wǔ tɔn gbé hweɖěbǔnu ɔ́, a nɔ mi ta.

Gbɛvíhan 1:18

Mawu Mavɔmavɔ wa nǔ xá mì gbɔn mɔ̌, hwɛ tɔn ka jɔ, ɖó un ko fɔ́n gǔ dó nǔ e é ɖɔ lɛ́ɛ jí ɖ'ayǐ. Mi togun lɛ́ɛ mi, mi bǐ ní ɖótó ganjí. Mi kpɔ́n ya e ji wɛ un ɖe ɔ́: ahwan wlí ɖyɔ̌vǐ ce lɛ́ɛ kpódó dɔ̌nkpɛvú ce lɛ́ɛ kpó yi to ɖěvo mɛ.

Gbɛvíhan 2:1

Áo! Aklúnɔ sin xomɛ. É sin xomɛ bó sɛ́ ablu gɔngɔn ɖé dó Sinyɔ́ɔ. É kpíkpé nǔ e mɛ Izlayɛ́li nɔ xɔ susu ɖe ɔ́ sín jǐxwé nyi dó kɔ́ mɛ; hwenu e Aklúnɔ sin xomɛ dó Sinyɔ́ɔ ɔ́, é sɔ́ flín ɖɔ afɔɖótɛn émítɔn wɛ é nyí ǎ.

Gbɛvíhan 2:13

Jeluzalɛ́mu e! Un sɔ́ tunwun nǔ e un ná ɖɔ nú we ɔ́ ǎ; nǔ e ɖo gbigbo we wɛ ɔ́ gbo mɛɖé ǎ. Áo! Sinyɔ́ɔ, mɛ̌ sín kpɔ́ndéwú un ka ná ná we, bó ná dó dó gbɔ nú we? Đó nǔ e ɖo gbigbo we wɛ ɔ́ d'agba sɔ xu; mɛ̌ wɛ ná sixú gbɔ azɔn nú we?

Daniyɛ́li 9:12

A ɖe gbe bɔ nǔ e a ɖɔ dó mǐ ɖésúnɔ kpó gǎn e ɖo acɛ kpa nú mǐ wɛ lɛ́ɛ kpó wú ɔ́ jɛ; a ɖe gbe bɔ nyladó e ma jɛ ɖo fí ɖé kpɔ́n gbeɖé ǎ ɔ́ jɛ dó mǐ jí ɖo Jeluzalɛ́mu.

Jowɛ́li 2:2

Zǐnflú gɔngɔn sín azǎn ɖé wɛ. Akpɔ́kpɔ́ dó, ahǔn sú. Nǔvínúvíhwan ɖé ɖíe, bó sukpɔ́, lobo dó xɛsi ɖésú. Yě dó ahwan gbě bó ja, bɔ a nǎ ɖɔ zǎn wɛ kú sín só jí ja. È ko mɔ mɔ̌hunkɔtɔn kpɔ́n gbeɖé ǎ; è ka sɔ́ ɖo nǎ mɔ wɛ ɖo sɔ e ja é ǎ.

Matíe 24:21

ɖó adǎn e na wá gbo gbɛtɔ́ lɛ́ɛ hwenɛ́nu ɔ́ na syɛ́n dín, bɔ mɔ̌hunkɔtɔn ko jɛ kpɔ́n gbeɖé sín hwenu e Mawu ko ɖó gbɛ ɔ́ káká wá jɛ din é ǎ; nǔ mɔ̌hunkɔ ɖě ká sɔ́ ná jɛ gbeɖé kpɔ́n ǎ.