Gbɛvíhan 1:11 - MAWUXÓWÉMA

¹¹ Togun Jeluzalɛ́mu tɔn ɔ́ bǐ ɖo azɔn wɛn wɛ; é ɖo nǔɖuɖu ba wɛ; é sɔ́ nǔ e vɛ́ n'i hú nǔ bǐ ɔ́ jó, bó ná dó mɔ nǔɖuɖu ɖu, bó ná dó mɔ hlɔ̌nhlɔ́n; Jeluzalɛ́mu sa vo nú Mawu bó ɖɔ: “Mawu Mavɔmavɔ, kpɔ́n lě e yě gbɛ́ wǎn nú mì sɔ é!”

Gbɛvíhan 1:11 Iomraidhean Croise

2 Axɔ́sú 6:25

Mɛ e yi to ɔ́ mɛ lɛ́ɛ sú ali dó nǔ bǐ, bɔ adɔ ɖaxó ɖé wá tɔ́n ɖo Samalíi, káká bɔ tócí sín ta yǎyá nɔ xɔ kpatágankwɛ́ kanwe (80), bɔ ahwannɛ́mí gannú vlɔ́ nɔ xɔ kpatágankwɛ́ atɔ́ɔ́n.

Jɔ̌bu 40:4

“Un nyí nǔtí ǎ. Xó tɛ́ un sixú mɔ ɖɔ dó xó towe wú? Un ko bɔ nu ce dó aɖǔ.

Ɖɛhan 79:4

A sɔ́ mǐ dó húzú zuntín nú mɛ e ɖo akpá mǐtɔn lɛ́ɛ; mǐ húzú slǎmɛ ɖɔ nú, mǐ húzú nǔkiko nú mɛ e lɛ́ lɛ̌ dó mǐ lɛ́ɛ.

Jelemíi 15:19

Ée un ɖɔ mɔ̌ ɔ́, Mawu Mavɔmavɔ ɖɔ nú mì ɖɔ: “Ényí a lɛ́ kɔ wá ɔ́, un ná yí we, bɔ a nǎ nɔ wa azɔ̌ nú mì. Ényí a ɖo gbesisɔ mɛ bó ná nɔ́ ɖɔ xójɔxó, bó ná jó xógblóɖiɖɔ dó ɔ́, a nǎ lɛ́ nyí gbeyíɖɔ ce. Amɔ̌, hwi wɛ ka na lɛ́ kɔ yi Judáanu lɛ́ɛ gɔ̌n ǎ, yě wɛ na lɛ́ kɔ wá gɔ̌n towe.

Jelemíi 19:9

Kɛntɔ́ e ɖo kú yětɔn ba wɛ lɛ́ɛ ná xá toxo yětɔn bó ná tɔ́n ahwan yě. Ya ná blá ta nú mɛ e ɖo toxo ɔ́ mɛ lɛ́ɛ, káká bɔ yě ná nɔ ɖu vǐ yě ɖésúnɔ tɔn lɛ́ɛ, bó ná nɔ́ vún nɔzo yětɔn lɛ́ɛ ɖu.

Jelemíi 38:9

“Axɔ́sú Sɛ́mɛɖó, gǎn ɖé lɛ́ɛ dó nǔ baɖabaɖa ɖokpó sin: yě zě gbeyíɖɔ Jelemíi dó sitɛ́nu mɛ. É ná bó nɔ agě jí ɔ́, é ná kú adɔ, ɖó nǔɖuɖu ɖěbǔ sɔ́ ɖo toxo ɔ́ mɛ ǎ.”

Jelemíi 52:6

Énɛ́ ɔ́, adɔ tɔ́n ɖo toxo ɔ́ mɛ bó syɛ́n ɖésú, bɔ toví lɛ́ɛ sɔ́ mɔ nǔɖé ná ɖu ǎ. Sun ɛnɛgɔ́ ɔ́ e ɖo xwe énɛ́ mɛ ɔ́, azǎn tɔn tɛ́nnɛgɔ́ ɔ́ gbe ɔ́,

Gbɛvíhan 1:8

Jeluzalɛ́mu hu hwɛ dín; énɛ́ ɔ́ wú wɛ nǔ tɔn má sɔ́ nɔ́ jɛ mɛɖé tɔn jí ǎ. Mɛ e nɔ sí i ɖ'ayǐ lɛ́ɛ ɔ́, din e yě mɔ ɛ ɖo mɛ̌ jɔgbe ɔ́, yě sɔ́ mɔ ɛ dó mɔ nǔɖé ǎ. Ée é jɛ mɛ̌ din ɔ́, nǔ e kpo n'i ɔ́ ɖíe: é ná jɛ gbɛvo sa jí bó ná ba fí ɖé gbɔn.

Gbɛvíhan 1:9

Nǔ kwíji kwíji e é wa lɛ́ɛ hɛn awu tɔn blí; é lɛ́n nǔ e ná wá jɛ ɔ́ kpɔ́n ɖ'ayǐ ǎ. Éɖíe ká wá mɔ ajijimɛ ɖɔ émí j'ayǐ e; mɛ ɖěbǔ ká ɖe bó ná dó wǔsyɛ́n lanmɛ n'i ǎ. É ɖɔ: “Mawu Mavɔmavɔ, kpɔ́n ya e ji wɛ un ɖe ɔ́! Kpɔ́n lě e kɛntɔ́ ɖu ɖo jǐ ce gbɔn é.”

Gbɛvíhan 2:11

Un y'avǐ káká bɔ nukún ce ɖibla tɔ́n; ahwi xo mì, awakanmɛ ce bǐ wɛ kú ɖó nǔ e ɖo togun ce gbo wɛ é wútu; nǔgbó ɔ́, yɔkpɔ́vú lɛ́ɛ ɖo kúkú wɛ gbɔn alixo alixo ɖo toxo ɔ́ mɛ.

Gbɛvíhan 2:12

Vǐ lɛ́ɛ nɔ kanbyɔ́ nɔ yětɔn lɛ́ɛ ɖɔ: “Fítɛ́ mǐ nǎ mɔ nǔɖuɖu ɖe? Fítɛ́ mǐ nǎ mɔ sin ɖe?” Hwenu e yě ɖo mɔ̌ ɖɔ wɛ ɔ́, hlɔ̌nhlɔ́n wɛ ɖo vivɔ ɖo yě wú wɛ, bɔ yě nɔ́ kú jɛ akɔn nú nɔ yětɔn lɛ́ɛ gbɔn alixo alixo.

Gbɛvíhan 2:20

Mawu Mavɔmavɔ! Hwi ɖésú bo kpɔ́n, mɛ̌ e mɛ̌ e wa nǔ xá wɛ a ka ɖe gbɔn mɔ̌? Nyɔ̌nu lɛ́ɛ nɔ́ ɖu vǐ e yě ɖésúnɔ ji bó wlíbo ná é sín lan; è nɔ hun káká yi hu vɔ̌sánú-xwlémawutɔ́ abǐ gbeyíɖɔ ɖo xwé towe gbe. Nǔ ná nɔ mɔ̌ a?

Gbɛvíhan 5:1

Mawu Mavɔmavɔ, ma wɔn nǔ e gbo mǐ ɔ́ ó, kpɔ́n winnyá e ɖu wɛ mǐ ɖe é!