Ɛsidlási 4:3 - MAWUXÓWÉMA

³ Ée yě ɖɔ mɔ̌ ɔ́, Zolobabɛ́li kpódó Jozuwée kpó, kpódó hɛ̌nnugán Izlayɛ́li ví lɛ́ɛ tɔn ɖé lɛ́ɛ kpó yí gbe nú yě ɖɔ: “É nyɔ́ bónú mi ná gbá xwé ɔ́ xá mǐ nú Mawu mǐtɔn ǎ; mǐdɛɛ lɛ́ɛ kɛ́ɖɛ́ wɛ ɖó ná gbá, lě e Dadá Pɛ́si tɔn Silúsi ɖɔ gbɔn nú mǐ é. Đó Mawu Mavɔmavɔ, Mawu Izlayɛ́li tɔn ɔ́ sín xwé wɛ é ɖó ná nyí.”

Ɛsidlási 4:3 Iomraidhean Croise

2 Tan 36:22

Hwenu e Dadá Pɛ́si tɔn Silúsi ɖo xwe ɖokpó bló wɛ ɖo zinkpo jí ɔ́, Mawu Mavɔmavɔ ɖɔ émí ná bló nǔ e émí ɖɔ gbɔn Jelemíi jí é; énɛ́ ɔ́, é sɔ́ dó ayi mɛ nú Dadá Silúsi, bɔ ayi tɔn mɔ ɖɔ émí ná zé nu émítɔn dó jlá xó élɔ́ gbɔn axɔ́súɖuto émítɔn bǐ mɛ, bó ná wlán ɖɔ:

Ɛsidlási 1:1

Hwenu e Dadá Pɛ́si tɔn Silúsi ɖo xwe ɖokpó bló wɛ ɖo axɔ́súzinkpo jí ɔ́, Mawu Mavɔmavɔ ɖɔ émí ná bló nǔ e émí ɖɔ gbɔn gbeyíɖɔ Jelemíi jí é. Énɛ́ ɔ́, é sɔ́ dó ayi mɛ nú Dadá Silúsi, bɔ ayixa tɔn mɔ ɖɔ émí ná zé nu émítɔn dó jlá xó élɔ́ gbɔn axɔ́súɖuto émítɔn bǐ mɛ, bó ná wlán.

Ɛsidlási 1:2

Xó e Dadá Pɛ́si tɔn Silúsi ɖɔ ɔ́ ɖíe: “Mawu Mavɔmavɔ, Mawu jǐnukúnsin tɔn ɔ́ sɔ́ axɔ́súɖuto e ɖo ayǐkúngban jí lɛ́ɛ bǐ ɖó acɛkpikpa ce mɛ; é zɔ́n mì ɖɔ nyɛ ní vɔ́ xwé ɖokpó gbá nú émí ɖó Jeluzalɛ́mu, ɖo Judáa.

Ɛsidlási 1:3

Mi mɛ e ko sixú ɖo togun tɔn mɛ lɛ́ɛ bǐ ní lɛ́ kɔ yi Jeluzalɛ́mu ɖo Judáa, bó ná vɔ́ Mawu Mavɔmavɔ, Mawu Izlayɛ́li tɔn, Mawu e è nɔ sɛn ɖo Jeluzalɛ́mu ɔ́ sín xwé gbá, bónú é ná nɔ kpɔ́ xá mi.

Ɛsidlási 3:8

Ée yě lɛ́ kɔ wá Jeluzalɛ́mu toxo e mɛ Mawu xwé ɔ́ ɖe ɔ́ mɛ ɔ́, xwe e jɛ fínɛ́ ɔ́ sín sun wěwegɔ́ ɔ́ mɛ ɔ́, Zolobabɛ́li Calutiyɛ́li ví, Jozuwée Yosadaku ví, Jozuwée sín nɔví ɖě lɛ́ɛ e nyí vɔ̌sánú-xwlémawutɔ́ lɛ́ɛ, Levíi ví lɛ́ɛ kpódó yě mɛ e lɛ́ kɔ sín kannumɔgbénu wá lɛ́ɛ bǐ kpó jɛ azɔ̌ jí. Yě ɖe Levíi ví e xwe yětɔn bɛ́ sín ko káká sɔ́yi lɛ́ɛ, bó sɔ́ yě ɖó Mawu Mavɔmavɔ xwé gbígbá ɔ́ sín azɔ̌ nu.

Nɛɛmíi 2:20

Un ka ɖɔ sɛ́ dó yě ɖɔ: “Mawu e ɖo sɛ́xwé ɔ́ ɖésú wɛ ná ná ɖu ɖ'é jí mǐ ɖo azɔ̌ élɔ́ kɔn. Mǐ mɛsɛntɔ́ tɔn ná jɛ azɔ̌ jí, bó ná vɔ́ toxo ɔ́ blóɖó. Amɔ̌, midɛɛ lɛ́ɛ ɔ́, mi ɖó acɛ bo ná ɖó nǔ ɖěbǔ ɖo Jeluzalɛ́mu ǎ. Mi ka ɖó acɛ e ɖu gǎn ɖo to ɔ́ mɛ ɔ́ ɖě ǎ. Mɛ ɖé ní má flín mi ɖo to ɔ́ mɛ gbeɖé ó.”

Ezayíi 44:28

Un ɖɔ dó Silúsi wú ɖɔ: ‘É wɛ nyí lɛ̌ngbɔ́nyitɔ́ e un sɔ́ é; é ná bló bɔ nǔ e jló mì lɛ́ɛ bǐ ná nyí wiwa. É ná ná gbe bɔ è nǎ vɔ́ Jeluzalɛ́mu gbá, bó ná vɔ́ xwé ce sá.’ ”

Ezayíi 45:4

Un ylɔ́ we ɖó Izlayɛ́li, togun ce, mɛsɛntɔ́ ce un sɔ́ é wú. A tunwun mì ǎ, có un ka sɔ́ we su.

Matíe 10:16

“Éɖíe, un sɛ́ mi dó, bɔ mi ná cí lɛ̌ngbɔ́ ɖo hla lɛ́ɛ tɛ́ntin ɖɔhun e; mi bo ɖó ayi te dan ɖɔhun, bó fá xomɛ ahwannɛ́ ɖɔhun.

Jǎan 4:9

Nyɔ̌nu ɔ́ ka yí gbe nú Jezu ɖɔ: “Nɛ̌ hwi mɛ e nyí Jwifu ɔ́ ka wá ɖo sin byɔ́ nyɛ mɛ e nyí Samalíinu é wɛ gbɔn?” (Đó Jwifu lɛ́ɛ nɔ jɛ kpɔ́ xá Samalíinu lɛ́ɛ ǎ.)

Mɛsɛ́dó 8:21

Nǔɖé kan we ɖo xó élɔ́ mɛ ǎ; nǔɖé ka nyí towe ɖ'é mɛ ǎ; ɖó ayi towe jlɔ́ ɖo Mawu nukɔn ǎ.