Ɛsidlási 3:3 - MAWUXÓWÉMA

³ Yě ɖo xɛsi ɖi nú mɛ e ko wá hɔn hwlá cí to ɔ́ mɛ ɖ'ayǐ lɛ́ɛ wɛ, có bó ka vɔ́ vɔ̌sákpe ɔ́ mɛ ɖó dǒ dodó xóxó ɔ́ jí, bó nɔ xwlé vɔ̌ e è nɔ dó zo zǎnzǎn kpódó gbadanu kpó ɔ́ Mawu Mavɔmavɔ ɖ'é jí.

Ɛsidlási 3:3 Iomraidhean Croise

1 Tan 16:40

bónú yě ná nɔ xwlé vɔ̌ e è nɔ dó zo ɔ́ Mawu Mavɔmavɔ zǎnzǎn gbada tɛgbɛ ɖo vɔ̌sákpe e jí è nɔ dó vɔ̌ zo ɖe ɔ́ jí. Yě ná nɔ́ wa nǔ e Mawu Mavɔmavɔ zɔ́n Izlayɛ́li ví lɛ́ɛ, bɔ é ɖo sɛ́n ɔ́ mɛ lɛ́ɛ bǐ.

2 Tan 4:1

È zě ganvɔ dó bló vɔ̌sákpe ɖokpó ná, bɔ ga tɔn nyí mɛ̌tlu wǒ, gblǒ tɔn lɔ ɔ́ nyí mɛ̌tlu wǒ, jǐ yiyi tɔn nyí mɛ̌tlu atɔ́ɔ́n.

Ɛsidlási 4:4

Ée yě ɖɔ mɔ̌ ɔ́, mɛ e ɖo to ɔ́ mɛ lɛ́ɛ jɛ awakanmɛkú dó nú Jwifu lɛ́ɛ jí, bó jɛ xɛsi dó nú yě jí, bónú yě ná jó xwé ɔ́ gbígbá dó.

Ɛsidlási 5:15

É ɖe gbe n'i ɖɔ ní bɛ́ yi ɖó Mawu xwé gbe ɖo Jeluzalɛ́mu, hwenu e è na vɔ́ xwé énɛ́ gbá ɖó tɛn tɔn xóxó ɔ́ mɛ é.

Ezekiyɛ́li 43:16

Adogwle ɔ́ ɖó gblǒ zɛ̌ɛ́n ga zɛ̌ɛ́n, bó nyí nǔjlɛ́kpo yětɔn wěwe.