Ɛsidlási 2:2 - MAWUXÓWÉMA

² Zolobabɛ́li kpódó Jozuwée kpó, kpódó Nɛ̌ɛmíya kpó, kpódó Selaya kpó, kpódó Hlelaya kpó, kpódó Mɔdokayi kpó, kpódó Bilucáni kpó, kpódó Misipáa kpó, kpódó Bigiwayi kpó, kpódó Hlehúmu kpó, kpódó Baana kpó wɛ zɔn yě nu wá. Izlayɛ́li ví e wá lɛ́ɛ sín nyǐkɔ kpódó mɛ nabí e ɖo gbɛ̌ta ɖokpó ɖokpó mɛ lɛ́ɛ kpó ɖíe:

Ɛsidlási 2:2 Iomraidhean Croise

Ɛsidlási 1:11

Nǔ e è sɔ́ siká dó bló ná lɛ́ɛ, kpódó ée è sɔ́ kpatágan dó bló ná lɛ́ɛ kpó bǐ bló děgba ɖě afɔ tɛ́nwe (5.400). Cɛcibasáa bɛ́ nǔ énɛ́ lɛ́ɛ bǐ sín Babilɔ́nu yi Jeluzalɛ́mu hwenu e mɛ lɛ́ɛ lɛ́ kɔ sín kannumɔgbénu é.

Ɛsidlási 1:8

bó ná gbe Mitlɛdati e ɖo Dadá ɔ́ sín dɔkun lɛ́ɛ bǐ nu ɔ́, bɔ é bɛ́ nǔ énɛ́ lɛ́ɛ jó nú axɔ́ví Judáa tɔn Cɛcibasáa.

Ɛsidlási 2:1

Mɛ gěgé ɖo togun Izlayɛ́li tɔn e axɔ́sú Nabukodonɔzɔ́ɔ wlí hɛn yi kannumɔgbénu ɖo Babilɔ́nu lɛ́ɛ mɛ, bó lɛ́ kɔ wá Jeluzalɛ́mu kpódó Judáa kpó. Mɛ ɖokpó ɖokpó lɛ́ kɔ wá to é ɖésúnɔ tɔn mɛ.

Ɛsidlási 2:3

Xwédo Palewɔ́ci tɔn: súnnu afɔwó kɛnnɛ wěwe (2172).

Ɛsidlási 3:2

Vɔ̌sánú-xwlémawutɔ́ Jozuwée Yosadaku ví ɔ́, kpódó nɔví tɔn vɔ̌sánú-xwlémawutɔ́ ɖě lɛ́ɛ kpó, kpódó Zolobabɛ́li Calutiyɛ́li ví ɔ́ kpó, kpódó Zolobabɛ́li sín mɛ lɛ́ɛ kpó jɛ Mawu sín vɔ̌sákpe Izlayɛ́li ví lɛ́ɛ tɔn ɔ́ vɔ́ mɛ jí, bó ná nɔ xwlé vɔ̌ e è nɔ dó zo ɔ́ Mawu ɖ'é jí, lě e Mɔyízi ɖɛ̌mɛnu Mawu tɔn ɔ́ sín sɛ́n ɖɔ gbɔn é.

Ɛsidlási 4:3

Ée yě ɖɔ mɔ̌ ɔ́, Zolobabɛ́li kpódó Jozuwée kpó, kpódó hɛ̌nnugán Izlayɛ́li ví lɛ́ɛ tɔn ɖé lɛ́ɛ kpó yí gbe nú yě ɖɔ: “É nyɔ́ bónú mi ná gbá xwé ɔ́ xá mǐ nú Mawu mǐtɔn ǎ; mǐdɛɛ lɛ́ɛ kɛ́ɖɛ́ wɛ ɖó ná gbá, lě e Dadá Pɛ́si tɔn Silúsi ɖɔ gbɔn nú mǐ é. Đó Mawu Mavɔmavɔ, Mawu Izlayɛ́li tɔn ɔ́ sín xwé wɛ é ɖó ná nyí.”

Ɛsidlási 4:8

Hlehúmu e nyí tokpɔngán ɖo gbě énɛ́ ɔ́ jí ɔ́, kpódó Cimucáyi wěgbójínɔtɔ́ e bɔ dó wu tɔn ɔ́ kpó lɔ wlán wěma dó Jeluzalɛ́munu lɛ́ɛ wú sɛ́ dó Dadá Aatazɛɛzɛsi. Lě e è bɛ̌ wěma énɛ́ ɔ́ wlánwlán gbɔn ɔ́ ɖíe:

Ɛsidlási 5:2

Ée yě wá ɖɔ xó ɔ́ nú yě ɔ́, Zolobabɛ́li Calutiyɛ́li ví ɔ́ kpódó Jozuwée Yosadaku ví ɔ́ kpó lɛ́ jɛ azɔ̌ ɔ́ jí, bó ná vɔ́ Mawu xwé ɔ́ gbá ɖó Jeluzalɛ́mu, bɔ gbeyíɖɔ Mawu tɔn lɛ́ɛ ɖo gǔdo yětɔn.

Ɛsidlási 8:1

Hɛ̌nnugán e xwedó nyɛ Ɛsidlási sín Babilɔ́nu wá Jeluzalɛ́mu hwenu e Dadá Aatazɛɛzɛsi ɖo axɔ́sú ɖu wɛ ɔ́ lɛ́ɛ sín nyǐkɔ ɖíe: wěma e mɛ è wlǎn jijimɛ lɛ́ɛ sín nyǐkɔ dó ɔ́ mɛ wɛ è kpɔ́n bó wlán nyǐkɔ lɛ́ɛ.

Nɛɛmíi 10:15

Togán e tɛ alɔ wěma ɔ́ mɛ lɛ́ɛ sín nyǐkɔ ɖíe: Palewɔ́ci, Paxáti-Mɔwabu, Elámu, Zatú, Bani,

Nɛɛmíi 12:47

Đo Zolobabɛ́li kpó Nɛɛmíi kpó hwenu ɔ́, Izlayɛ́li to ɔ́ bǐ wɛ nɔ ná nǔ e nyí hanjitɔ́ lɛ́ɛ kpó hɔnjínɔtɔ́ lɛ́ɛ kpó tɔn ɔ́ ayǐhɔ́ngbe ayǐhɔ́ngbe. È nɔ ná nǔ e è sɔ́ ɖó vo nú Mawu lɛ́ɛ Levíi ví lɛ́ɛ, bɔ Levíi ví lɛ́ɛ nɔ́ bɛ́ wá jó nú Aalɔ́ɔn ví lɛ́ɛ.

Nɛɛmíi 7:7

Zolobabɛ́li kpó Jozuwée kpó, kpó Nɛ̌ɛmíya kpó, kpó Azalya kpó, kpó Hlaamiya kpó, kpó Naxámani kpó, kpó Mɔdokayi kpó, kpó Bilucáni kpó, kpó Misipɛlɛti kpó, kpó Bigiwayi kpó, kpó Nɛwúmu kpó, kpódó Baana kpó wɛ nɔ yě nu, bó kplá yě wá. Xwédo ɖěɖě e gosín kannumɔgbénu lɛ́ɛ, kpódó mɛ nabí nabí e ɖo xwédo ɖokpó ɖokpó mɛ lɛ́ɛ kpó ɖíe:

Ajée 1:1

Hwenu e axɔ́sú Daliwúsi ɖo xwe we bló wɛ ɖo zinkpo jí ɔ́, sun tɔn ayizɛ́ngɔ́ ɔ́ sín azǎn nukɔntɔn ɔ́ gbe ɔ́, Mawu Mavɔmavɔ gbɔn gbeyíɖɔ tɔn Ajée jí, bó ɖɔ xó nú Zolobabɛ́li tokpɔngán Judáa tɔn ɔ́ kpódó vɔ̌sánú-xwlémawutɔ́ Jozuwée kpó. Zolobabɛ́li ɔ́, Calutiyɛ́li ví wɛ, bɔ Jozuwée ká nyí Yexosadaki ví.

Ajée 1:12

Zolobabɛ́li, Calutiyɛ́li ví ɔ́ kpó Jozuwée vɔ̌sánú-xwlémawutɔ́ ɖaxó e nyí Yexosadaki ví ɔ́ kpó, kpódó yě mɛ e lɛ́ kɔ sín kannumɔgbénu wá xwé lɛ́ɛ bǐ kpó ylɔ́ xó e Mawu Mavɔmavɔ, Mawu yětɔn ɖɔ nú yě gbɔn Ajée jí ɔ́ ɖɔ nǔjɔnǔ. Lě e Ajée wa azɔ̌ e Mawu Mavɔmavɔ zɔ́n ɛ é gbɔn ɔ́ nɛ́; énɛ́ ɔ́, toví lɛ́ɛ bǐ mɔ nǔ jɛ acɛkpikpa Mawu Mavɔmavɔ tɔn wú.

Ajée 1:14

Mawu Mavɔmavɔ hun ayi nú Zolobabɛ́li tokpɔngán Judáa tɔn ɔ́, kpó vɔ̌sánú-xwlémawutɔ́ ɖaxó Jozuwée kpó, kpódó mɛ e lɛ́ kɔ sín kannumɔgbénu wá xwé lɛ́ɛ bǐ kpó, bɔ yě jɛ azɔ̌ wú, bó ná gbá Mawu yětɔn, Mawu Mavɔmavɔ Nǔbǐwúkpétɔ́ ɔ́ sín xwé.

Ajée 2:2

É ɖɔ é ní yi ɖɔ nú Zolobabɛ́li tokpɔngán Judáa tɔn Calutiyɛ́li ví ɔ́, kpódó vɔ̌sánú-xwlémawutɔ́ ɖaxó Jozuwée Yexosadaki ví ɔ́ kpó, kpódó mɛ e lɛ́ kɔ sín kannumɔgbénu wá xwé lɛ́ɛ kpó ɖɔ:

Ajée 2:21

“Yi ɖɔ nú Zolobabɛ́li tokpɔngán Judáa tɔn ɔ́ ɖɔ nyɛ Mawu Mavɔmavɔ Nǔbǐwúkpétɔ́ ɔ́ ná húnhún jǐxwé kpó dodomɛ kpó.

Ajée 2:4

Énɛ́ ɔ́ wú wɛ nyɛ Mawu Mavɔmavɔ ɔ́, un ɖo ɖiɖɔ nú mi wɛ ɖɔ: Zolobabɛ́li, kpan akɔ́n. Vɔ̌sánú-xwlémawutɔ́ ɖaxó Jozuwée, hwi lɔ ní kpan akɔ́n. Mi mɛ e lɛ́ kɔ sín kannumɔgbénu wá xwé lɛ́ɛ, mi lɔmɔ̌ mi kpan akɔ́n. Mi jɛ azɔ̌ wú; un ná nɔ kpɔ́ xá mi. Nyɛ Mawu Mavɔmavɔ Nǔbǐwúkpétɔ́ ɔ́ wɛ dó akpá tɔn nú mi.

Zakalíi 3:1

Mawu Mavɔmavɔ ɖe vɔ̌sánú-xwlémawutɔ́ ɖaxó Jozuwée xlɛ́ mì, bɔ é ɖo te ɖo wɛnsagun Mawu Mavɔmavɔ tɔn sín nukɔn; Satáan ka ɖo te ɖo ɖisí tɔn xwé bó ná dó hwɛ ɛ.

Zakalíi 3:3

Jozuwée ɔ́, awu kwíji kwíji ɖé mɛ wɛ é ɖe, bó ɖo te ɖo wɛnsagun ɔ́ nukɔn.