Ɛsidlási 1:3 - MAWUXÓWÉMA

³ Mi mɛ e ko sixú ɖo togun tɔn mɛ lɛ́ɛ bǐ ní lɛ́ kɔ yi Jeluzalɛ́mu ɖo Judáa, bó ná vɔ́ Mawu Mavɔmavɔ, Mawu Izlayɛ́li tɔn, Mawu e è nɔ sɛn ɖo Jeluzalɛ́mu ɔ́ sín xwé gbá, bónú é ná nɔ kpɔ́ xá mi.

Ɛsidlási 1:3 Iomraidhean Croise

1 Axɔ́sú 18:39

Ée togun ɔ́ bǐ mɔ mɔ̌ ɔ́, yě xwe agbɔ̌nnusú do, bó ɖɔ: “Mawu Mavɔmavɔ wɛ ɖó acɛ nǔgbó! Mawu Mavɔmavɔ wɛ ɖó acɛ nǔgbó!”

1 Axɔ́sú 8:23

“Mawu Mavɔmavɔ, Mawu Izlayɛ́li tɔn! Nǔmɛsɛn towe ɖɔhun ɖě sɔ́ tíin ǎ, ɖě sɔ́ ɖo jǐxwé aga ǎ, ɖě ká sɔ́ ɖo do ɖo ayǐkúngban jí fí ǎ. Mɛsɛntɔ́ towe e nɔ xwedó sɛ́n towe lɛ́ɛ kpódó ayixa yětɔn bǐ kpó lɛ́ɛ ɔ́, a nɔ́ nɔ gbejí nú akɔ e a jɛ xá yě ɔ́, bó nɔ ɖe xomɛnyínyɔ́ towe xlɛ́ yě.

1 Tan 28:20

Davídi ɖɔ nú vǐ tɔn Salomɔ́ɔ ɖɔ: “Vǐ ce, syɛ́nlǐn, kpan akɔ́n bó jɛ azɔ̌ jí. Ma ɖi xɛsi ó. Ado ní má hu we ó, Mawu Mavɔmavɔ, Mawu ce ná nɔ kpɔ́ xá we. É ná ɖe alɔ sín kan towe mɛ ǎ. É ná jó we dó ǎ káká bɔ azɔ̌ ɔ́ bǐ ná fó.

Ɛsidlási 1:4

Mɛ e mɛ Izlayɛ́li ví e kpo lɛ́ɛ ná ɖe ɖo fí ɖěbǔ ɔ́, mɛ énɛ́ lɛ́ɛ ɖó ná ná nǔ yě bó dó dó alɔ yě. Yě ɖó ná ná yě kpatágan, bó ná ná yě sikánú, bó ná ná yě nǔ ɖěvo ɖěvo lɛ́ɛ, bó ná ná yě kanlin, bɔ nǔ e yě ɖésúnɔ jló bó ná ná bɔ è nǎ dó gbá Mawu xwé ɔ́ ná ɖo Jeluzalɛ́mu lɛ́ɛ ɔ́, yě ná lɛ́ ná yě.”

Ɛsidlási 4:3

Ée yě ɖɔ mɔ̌ ɔ́, Zolobabɛ́li kpódó Jozuwée kpó, kpódó hɛ̌nnugán Izlayɛ́li ví lɛ́ɛ tɔn ɖé lɛ́ɛ kpó yí gbe nú yě ɖɔ: “É nyɔ́ bónú mi ná gbá xwé ɔ́ xá mǐ nú Mawu mǐtɔn ǎ; mǐdɛɛ lɛ́ɛ kɛ́ɖɛ́ wɛ ɖó ná gbá, lě e Dadá Pɛ́si tɔn Silúsi ɖɔ gbɔn nú mǐ é. Đó Mawu Mavɔmavɔ, Mawu Izlayɛ́li tɔn ɔ́ sín xwé wɛ é ɖó ná nyí.”

Ɛsidlási 5:13

Ée Dadá Silúsi ka wá ɖo xwe nukɔn nukɔntɔn bló wɛ ɖo zinkpo jí ɖo Babilɔ́nu ɔ́, é nǎ gbe ɖɔ è nǐ vɔ́ Mawu xwé ɔ́ blóɖó.

Ɛsidlási 5:3

Tlóló ɔ́, tokpɔngán Tatunayi e ɖo Efláti tɔ ɔ́ sín gbadahwe jí ɔ́ kpódó Cetáa-Bozunayi kpó, kpódó tokpɔngán gbɛ̌ yětɔn lɛ́ɛ kpó wá mɔ yě bó kanbyɔ́ yě ɖɔ: “Mɛ̌ wɛ ka ná gbe mi ɖɔ mi ní vɔ́ Mawu xwé ɔ́ gbá, bó vɔ́ dǒ lɛ́ɛ mɛ?

Ɛsidlási 6:7

Mi jó Jwifu lɛ́ɛ dó nú yě ní vɔ́ Mawu xwé ɔ́ gbá. Tokpɔngán ɔ́ kpódó Jwifu lɛ́ɛ sín gǎn lɛ́ɛ kpó ɖó ná vɔ́ Mawu xwé ɔ́ gbá ɖó tɛn tɔn xóxó ɔ́ mɛ.

Ɖɛhan 132:13

Mawu Mavɔmavɔ sɔ́ Sinyɔ́ɔ; é jló e bɔ é sɔ́ bó ná dó ɖó nɔtɛn tɔn.

Ɖɛhan 83:18

Wi yětɔn ní kɔ́n, xɛsi ní ɖo yě jí káká sɔ́yi, yě ní ɖu hɛ̌n, yě ní kú.

Ezayíi 37:16

“Mawu Mavɔmavɔ Nǔbǐwúkpétɔ́, Mawu Izlayɛ́li tɔn e, hwi mɛ e ɖo ayǐjínjɔ́n ɖo wɛnsagun susunɔ lɛ́ɛ ta nu é ɔ́, hwi ɖokpónɔ géé wɛ nyí Mawu; hwi ɖokpónɔ géé wɛ kpa acɛ nú axɔ́súɖuto e ɖo ayǐkúngban jí lɛ́ɛ bǐ. Hwi wɛ bló jǐ kpó do kpó.

Ezayíi 44:28

Un ɖɔ dó Silúsi wú ɖɔ: ‘É wɛ nyí lɛ̌ngbɔ́nyitɔ́ e un sɔ́ é; é ná bló bɔ nǔ e jló mì lɛ́ɛ bǐ ná nyí wiwa. É ná ná gbe bɔ è nǎ vɔ́ Jeluzalɛ́mu gbá, bó ná vɔ́ xwé ce sá.’ ”

Ezayíi 45:5

Nyɛ wɛ nyí Mawu Mavɔmavɔ; é sɔ́ kpo mɛ ɖěvo ǎ. Nyɛ mɛvo ɔ́, Mawu ɖě sɔ́ ɖe ǎ. A tunwun mì ǎ, amɔ̌, un zɔ́n azɔ̌ we.

Jelemíi 10:10

Lo ɔ́, Mawu Mavɔmavɔ wɛ nyí Mawu ɖokpó e tíin é; é wɛ nyí Mawu, bó nyí axɔ́sú káká yi káká sá. È sin xomɛ ɔ́ ayǐkúngban nɔ dán wǔ, akɔta lɛ́ɛ nɔ́ sixú nɔ te xomɛsin tɔn nukɔn ǎ.

Daniyɛ́li 2:47

Bó ká ɖɔ nú Daniyɛ́li ɖɔ: “Mawu mitɔn hú gǎn vodún lɛ́ɛ bǐ nǔgbó; é wɛ nyí Aklúnɔ axɔ́sú lɛ́ɛ tɔn. É ɖokpó jɛ́n nɔ ɖe nǔbúdo lɛ́ɛ xlɛ́ mɛ; ɖó é bló din bɔ dlɔ̌ élɔ́ e mɛ un má mɔ nǔ jɛ ǎ ɔ́, a kpé wú bó tínmɛ nú mì.”

Daniyɛ́li 6:26

Ée axɔ́sú Daliwúsi bló mɔ̌ ɔ́, é wlán sɛ́ dó togun lɛ́ɛ bǐ, akɔta lɛ́ɛ bǐ kpó mɛ e nɔ dó gbe alɔkpa alɔkpa ɖo gbɛ ɔ́ mɛ lɛ́ɛ kpó ɖɔ: “Fífá ní nɔ kpɔ́ xá mi bó túnflá!

Matíe 28:20

Mi kplɔ́n nǔ yě, bónú yě ní se tónú nú nǔ e un kplɔ́n mi lɛ́ɛ bǐ. Mi ka tunwun ɖɔ un ɖo kpɔ́ xá mi tɛgbɛ bɛ́ sín din káká yi jɛ gbe e gbe gbɛ ɔ́ ná vɔ dó é.”

Mɛsɛ́dó 10:36

Mi tunwun xó e Mawu ɖɔ sɛ́ dó Izlayɛ́li ví lɛ́ɛ, bó dó Wɛn Ɖagbe e nɔ ná fífá mɛ ɔ́ yě gbɔn Jezu Klísu e nyí mɛ bǐ sín Aklúnɔ ɔ́ jí é.

Sɛ́nflínmɛ 32:31

Kɛntɔ́ yětɔn lɛ́ɛ ɖésú ká tunwun ɖɔ nǔmɛsɛn émítɔn e nɔ́ ɖo alɔ cyɔ́n émí jí wɛ ɔ́ kún sixú nɔ te nyɛ Mawu Izlayɛ́li ví lɛ́ɛ tɔn nukɔn ó.

Jozuwée 1:9

Un ɖɔ nú we ɖɔ hwi ní kpan akɔ́n bó dó gǎn, ma wɔn ó. Ma ɖi xɛsi ó, ma lɔn nú awakanmɛ ní kú we ó, ɖó nyɛ Mawu Mavɔmavɔ, Mawu towe ɔ́, un ɖo kpɔ́ xá we ɖo fí e a nǎ gbɔn lɛ́ɛ bǐ.”