Ɛsidlási 1:2 - MAWUXÓWÉMA

² Xó e Dadá Pɛ́si tɔn Silúsi ɖɔ ɔ́ ɖíe: “Mawu Mavɔmavɔ, Mawu jǐnukúnsin tɔn ɔ́ sɔ́ axɔ́súɖuto e ɖo ayǐkúngban jí lɛ́ɛ bǐ ɖó acɛkpikpa ce mɛ; é zɔ́n mì ɖɔ nyɛ ní vɔ́ xwé ɖokpó gbá nú émí ɖó Jeluzalɛ́mu, ɖo Judáa.

Ɛsidlási 1:2 Iomraidhean Croise

1 Axɔ́sú 8:27

“Mawu ká sixú nɔ ayǐkúngban jí nǔgbó a? Jǐnukúnsin ɖíe sɔ́ avɔ sɔ mɔ̌ cóbó ma ka sixú hɛn ɛ ǎ e! Ani wɛ ka sɔ́ lɛ́ nyí xɔ élɔ́ e nyɛ gbá nú we ɔ́ tɔn?

2 Tan 2:12

Din ɔ́, un sɛ́ mɛ e tunwun azɔ̌ ganjí, bɔ alɔnu tɔn mɛ́ ganjí ɔ́ ɖokpó dó we.

Ɛsidlási 1:5

Énɛ́ ɔ́, akɔta Judáa tɔn, kpó Bɛnjamɛ́ɛ tɔn kpó sín hɛ̌nnugán lɛ́ɛ, vɔ̌sánú-xwlémawutɔ́ lɛ́ɛ, Levíi ví lɛ́ɛ, kpódó mɛ e Mawu ko sixú sɔ́ dó ayi mɛ ná, bɔ yě ɖó jló ɖɔ émí ná yi vɔ́ Mawu Mavɔmavɔ xwé ɔ́ gbá ɖo Jeluzalɛ́mu lɛ́ɛ bǐ kpó sɔ́ nǔ bó ná yi.

Ɛsidlási 3:7

Énɛ́ ɔ́ gúdo ɔ́, yě sú axɔ́ azɔ̌watɔ́ lɛ́ɛ, bɔ yě ná kpa awǐnnya lɛ́ɛ kpódó atín lɛ́ɛ kpó. Yě lɛ́ ná nǔɖuɖu kpódó ahan kpó, kpódó ami kpó Sidɔ́ɔnnu lɛ́ɛ kpódó Tíinu lɛ́ɛ kpó, bónú yědɛɛ lɛ́ɛ ná hɛn atín syɛ́nsyɛ́n Libáan tɔn lɛ́ɛ wá nú yě. Yě ná bɛ́ gbɔn xu jí káká wá ɖó Jafa xu ɔ́ tó. Dadá Pɛ́si tɔn Silúsi wɛ ná gbe tɔn yě.

Ɛsidlási 4:3

Ée yě ɖɔ mɔ̌ ɔ́, Zolobabɛ́li kpódó Jozuwée kpó, kpódó hɛ̌nnugán Izlayɛ́li ví lɛ́ɛ tɔn ɖé lɛ́ɛ kpó yí gbe nú yě ɖɔ: “É nyɔ́ bónú mi ná gbá xwé ɔ́ xá mǐ nú Mawu mǐtɔn ǎ; mǐdɛɛ lɛ́ɛ kɛ́ɖɛ́ wɛ ɖó ná gbá, lě e Dadá Pɛ́si tɔn Silúsi ɖɔ gbɔn nú mǐ é. Đó Mawu Mavɔmavɔ, Mawu Izlayɛ́li tɔn ɔ́ sín xwé wɛ é ɖó ná nyí.”

Ɛsidlási 5:15

É ɖe gbe n'i ɖɔ ní bɛ́ yi ɖó Mawu xwé gbe ɖo Jeluzalɛ́mu, hwenu e è na vɔ́ xwé énɛ́ gbá ɖó tɛn tɔn xóxó ɔ́ mɛ é.

Ɛsidlási 6:10

Énɛ́ ɔ́, yě ná sixú nɔ dó vɔ̌sánú wǎnɖagbenɔ zo nú Mawu e ɖó sɛ́xwé ɔ́, bó ná nɔ xo ɖɛ nú Dadá ɔ́ kpódó vǐ tɔn lɛ́ɛ kpó nú yě ná nɔ ganjí.

Ɛsidlási 6:3

“Hwenu e Dadá Silúsi ɖo xwe nukɔn nukɔntɔn ɔ́ bló wɛ ɖo zinkpo jí ɔ́, é ɖe gbeta élɔ́ tɔ́n: È ɖǒ ná vɔ́ Mawu xwé e ɖo Jeluzalɛ́mu ɔ́ blóɖó, bɔ é ná nyí tɛn e mɛ è nǎ nɔ xwlé vɔ̌sánú lɛ́ɛ Mawu ɖe é. Dodó xóxó ɔ́ jí wɛ è nǎ vɔ́ xwé ɔ́ gbá ɖó. Jǐyiyi tɔn ná nyí mɛ̌tlu gban, bɔ gblǒ tɔn ná nyí mɛ̌tlu gban.

Ɛsidlási 7:12

Nyɛ Dadá Aatazɛɛzɛsi wɛ ɖo wěma élɔ́ sɛ́ dó hwi vɔ̌sánú-xwlémawutɔ́ Ɛsidlási wɛ; hwi mɛ e tunwun Mawu sɛ́xwé tɔn ɔ́ sín sɛ́n xéɖéxéɖé tɔn é,

Nɛɛmíi 1:4

Ée un se xó énɛ́ lɛ́ɛ ɔ́, un jínjɔ́n ayǐ, bó ya avǐ. Un nɔ aluwɛ mɛ xɔ azǎn mɔ̌kpán. Un blá nu bó xo ɖɛ ɖo Mawu nukɔn bó ɖɔ:

Nɛɛmíi 1:5

“Áo Mawu Mavɔmavɔ, hwi mɛ e ɖo sɛ́xwé é. A kló bó nyí nǔsísí. A nɔ hɛn akɔ e a nɔ jɛ xá mɛ e nɔ nyi sɛ́n towe lɛ́ɛ é. A nɔ́ nɔ gbejí nú mɛ e yí wǎn nú we lɛ́ɛ.

Ɖɛhan 136:26

Mi kpa susu nú Mawu e ɖo jǐxwé é; ɖó xomɛnyínyɔ́ tɔn ɖo te káká sɔ́yi.

Ɖɛhan 85:2

Mawu Mavɔmavɔ, a sɔ́ nukún ɖagbe dó kpɔ́n to towe; a zě Jakɔ́bu ví lɛ́ɛ ɖó tɛn e mɛ yě ɖe ɖ'ayǐ é mɛ.

Nǔnywɛ́xó 21:1

Ayixa e ɖo axɔ́sú xomɛ ɔ́, tɔsisa wɛ bó ɖo Mawu Mavɔmavɔ sín alɔ mɛ; fí e jló e wɛ é nɔ́ ɖe ali n'i gbɔn.

Ezayíi 41:2

Nya ɖé ɖo zǎnzǎnhwe jí bó jɛ ali; é gbɔn fí ɖěbǔ ɔ́, é nɔ́ ɖu ɖ'é jí. Mɛ̌ ká sɛ́ ɛ dó? Mɛ̌ wɛ nɔ jó togun lɛ́ɛ n'i? Mɛ̌ wɛ nɔ zé axɔ́sú lɛ́ɛ ɖó acɛ tɔn mɛ? Hwǐ tɔn nɔ́ vúnvún yě, bɔ gǎ tɔn nɔ́ gba yě dó, jɔhɔn dó alɔ nǔywɛ́ mɛ ɖɔhun.

Ezayíi 44:26

Amɔ̌, nǔ e mɛsɛntɔ́ ce lɛ́ɛ ɖɔ ɔ́, un nɔ bló, xó e mɛsɛ́dó ce lɛ́ɛ ɖɔ lɛ́ɛ ɔ́, un nɔ bló bɔ bǐ nɔ́ nyí wiwa. Un ɖɔ dó Jeluzalɛ́mu wú ɖɔ: ‘É ná vɔ́ ji gba. È nǎ bló nǔ e gblé lɛ́ɛ bǐ ɖó.’ Un ɖɔ dó toxo Judáa tɔn lɛ́ɛ wú ɖɔ: ‘È nǎ vɔ̌ toxo lɛ́ɛ gbá.’

Ezayíi 44:28

Un ɖɔ dó Silúsi wú ɖɔ: ‘É wɛ nyí lɛ̌ngbɔ́nyitɔ́ e un sɔ́ é; é ná bló bɔ nǔ e jló mì lɛ́ɛ bǐ ná nyí wiwa. É ná ná gbe bɔ è nǎ vɔ́ Jeluzalɛ́mu gbá, bó ná vɔ́ xwé ce sá.’ ”

Ezayíi 45:1

Mawu Mavɔmavɔ ɖɔ nú Silúsi, axɔ́sú e é sɔ́ é ɖɔ : “Un ná ná gǎnjɛwú we, bó ná bɛ́ akɔta lɛ́ɛ dó acɛ towe glɔ́, un ná yí acɛ sín axɔ́sú lɛ́ɛ sí; un ná hun toxo lɛ́ɛ sín hɔntogbó e ɖo súsú lɛ́ɛ nú we.

Ezayíi 66:1

Xó e Mawu Mavɔmavɔ ɖɔ ɔ́ ɖíe: “Jǐnukúnsin ɔ́, axɔ́súzinkpo ce wɛ, ayǐkúngban ka nyí afɔɖótɛn ce. Énɛ́ ɔ́, xwé alɔkpa tɛ́ mi ná sixú sá nú mì? Fítɛ́ mi ka sixú bló bɔ un ná nɔ?

Jelemíi 10:11

Xó e mi ná ɖɔ nú akɔta lɛ́ɛ ɔ́ ɖíe, mi ná ɖɔ: Nǔmɛsɛn e é má nyí yě wɛ ɖó jǐnukúnsin ɔ́ ǎ, é má ká nyí yě wɛ ɖó ayǐkúngban ɔ́ ǎ lɛ́ɛ ɔ́, yě bǐ wɛ ná bú sín ayǐkúngban ɔ́ jí; yě bí wɛ ná bú sín hwe glɔ́ fí.

Jelemíi 27:5

“Un bló ayǐkúngban, bó bló gbɛtɔ́ lɛ́ɛ, bó bló kanlin e ɖo ayǐkúngban ɔ́ jí lɛ́ɛ bǐ dó ɖe hlɔ̌nhlɔ́n ce kpódó nǔwúkpíkpé ce kpó xlɛ́. Nǔ e un bló lɛ́ɛ ɔ́, un nɔ ná mɛ e jló mì lɛ́ɛ.

Jelemíi 29:10

“Din ɔ́, Mawu Mavɔmavɔ lɛ́ ɖɔ: ‘Nú acɛkpikpa Babilɔ́nu tɔn bló xwe kanɖé gban (70) wá yi ɔ́, akpá e un dó nú mi ɔ́, un ná ɖe: un ná lɛ́ kɔ nú mi wá Jeluzalɛ́mu fí.

Daniyɛ́li 1:21

Daniyɛ́li nɔ axɔ́sú ɔ́ sín acɛ mɛ káká jɛ hwenu e Silúsi wá yi gǎnzinkpo jí é.

Daniyɛ́li 2:21

É wɛ nɔ́ húzú hwenu lɛ́ɛ. É wɛ nɔ́ húzú nǔ e ɖo jijɛ wɛ lɛ́ɛ. É wɛ nɔ́ ɖe axɔ́sú sín gǎnzinkpo jí. É wɛ nɔ́ zé mɛ axɔ́sú. É wɛ nɔ́ ná nǔnywɛ́ nǔnywɛ́tɔ́ lɛ́ɛ. É wɛ nɔ́ ná nukúnnú-mɔjɛnǔmɛ nukúnnú-mɔjɛnǔmɛtɔ́ lɛ́ɛ.

Daniyɛ́li 2:28

Amɔ̌, Mawu ɖokpó ɖo sɛ́xwé, bó nɔ́ ɖe nǔbúdo lɛ́ɛ xlɛ́ mɛ. Axɔ́sú Nabukodonɔzɔ́ɔ, Mawu énɛ́ ɔ́ wɛ ná ɖɔ nǔ e ná jɛ sɔ ɔ́ nú mɛ. Din ɔ́, nǔ e è mɔ ɖo dlɔ̌ mɛtɔn mɛ ɔ́ ɖíe:

Daniyɛ́li 4:25

Nǔ e ɖo nǎ jɛ wɛ bɔ è ɖɔ nú axɔ́sú Nabukodonɔzɔ́ɔ lɛ́ɛ bǐ jɛ.

Daniyɛ́li 4:32

Lě do gbɛtɔ́ sukpɔ́ ɖo ayǐkúngban jí sɔ é nɛ́, có yě mɛ ɖěbǔ ká nyí nǔ ɖěbǔ ɖo nukɔn tɔn ǎ. Nǔɖíɖó sɛ́xwé tɔn lɛ́ɛ kpó gbɛtɔ́ lɛ́ɛ kpó ɔ́, nǔ e jló e ɔ́ wɛ é nɔ́ sɔ́ yě dó wa. É ja nǔɖé wa gbé ɔ́, mɛɖé nɔ́ sixú gbɛ́ ǎ, mɛɖé ka nɔ́ sixú kɛ nu dó nǔ e é wa ɔ́ wu n'i ǎ.

Daniyɛ́li 5:23

A zě Aklúnɔ sɛ́xwé tɔn ɔ́ hwe, bó yi bɛ́ kɔ́fu e ɖo sinsɛnxɔ tɔn mɛ lɛ́ɛ, bɔ hwi kpó gbɛ̌ towe lɛ́ɛ kpó asi towe lɛ́ɛ kpó, kpó agalɛtɔ́ towe lɛ́ɛ kpó dó nu ahan ná, bɔ a nɔ ji han dó kpa susu nú vodún e è zě kpatágan dó bló ná lɛ́ɛ, ée è zě siká dó bló ná lɛ́ɛ, ée è zě ganvɔ dó bló ná lɛ́ɛ, ée è zě gan dó bló ná lɛ́ɛ, ée è zě atín dó bló ná lɛ́ɛ, kpó ée è zě awǐnnya dó bló ná lɛ́ɛ kpó. Vodún énɛ́ lɛ́ɛ ká nɔ mɔ nǔ ǎ, yě ká nɔ́ se xó ǎ, yě ká lɛ́ tunwun nǔ ɖěbǔ ǎ. A nɔ ɖo vodún énɛ́ lɛ́ɛ sɛn wɛ, bó nɔ́ gɔn susu kpa nú Mawu e sín alɔ mɛ funfún towe kpó nǔ e gbɛ towe ná nyí ɔ́ kpó ɖe é.

Daniyɛ́li 6:25

Axɔ́sú ɔ́ ná gbe ɖɔ è nǐ yi wlí mɛ e wá slɛ́ Daniyɛ́li lɛ́ɛ wá; ée è wlǐ yě ɔ́, è bɛ̌ yě kpó asi yětɔn lɛ́ɛ kpó, kpó vǐ yětɔn lɛ́ɛ kpó nyi dó kinnikínnído ɔ́ mɛ. Yě ná jɛ do ɔ́ mɛ kpó nǎ gbɔ kpó ɔ́, kinnikínní lɛ́ɛ zɔn yě jí, bó gba xú yětɔn lɛ́ɛ bǐ.

Jonási 1:9

Jonási ka yí gbe nú yě ɖɔ: “Eblée wɛ nú mì. Un nɔ sɛn Mawu Mavɔmavɔ, Mawu sɛ́xwé tɔn e bló xu kpó ayǐkúngban kpó é.”