Tíntɔ́n 8:7 - MAWUXÓWÉMA

⁷ Běsé lɛ́ɛ ná gosín xwé towe lɛ́ɛ gbe, bó ná gosín gǎn hɔn-yitɔ́ towe lɛ́ɛ kpó mɛ é ɖo to towe mɛ lɛ́ɛ kpó sín xwé gbe; tɔsisa ɔ́ mɛ kɛ́ɖɛ́ jɛ́n yě ná kpo ɖe.”

Tíntɔ́n 8:7 Iomraidhean Croise

Tíntɔ́n 7:11

Axɔ́sú ɔ́ ká ylɔ́ bokɔ́nɔ lɛ́ɛ kpó azɔnɖatɔ́ lɛ́ɛ kpó, bɔ yě ná sɔ́ azě yětɔn dó bló nǔ ɖokpó ɔ́.

Tíntɔ́n 7:22

Lo ɔ́, bokɔ́nɔ Ejípu tɔn lɛ́ɛ lɔ zé azě yětɔn dó bló nǔ ɖokpó ɔ́; énɛ́ ɔ́, axɔ́sú ɔ́ lɛ́ tlí tó; é wa nǔ e Mɔyízi kpó Aalɔ́ɔn kpó ɖɔ é ǎ, lě e Mawu Mavɔmavɔ kó ɖɔ gbɔn ɖ'ayǐ é.

Tíntɔ́n 8:18

Amɔ̌, gbe énɛ́ ɔ́ gbe ɔ́, un ná xásá Gocɛ́ni to e mɛ togun ce nɔ nɔ ɔ́ ɖó, bɔ asɔfin ɖě ná tíin ɖo fínɛ́ ǎ, bónú a nǎ dó tunwun ɖɔ nyɛ Mawu Mavɔmavɔ ɖo to ɔ́ mɛ.

Matíe 24:24

ɖó mɛ e nɔ sɔ́ yěɖée dó ɖó Klísu ná lɛ́ɛ kpódó mɛ e nɔ sɔ́ yěɖée dó ɖó gbeyíɖɔ Mawu tɔn ná lɛ́ɛ kpó ná wá xwetɔ́n. Yě ná nɔ́ jlɛ́ nǔ tɛnmɛ tɛnmɛ lɛ́ɛ, bó ná nɔ́ dó nǔdábaɖa ɖaxó ɖaxó lɛ́ɛ sin, bɔ nú yě sixú kpé wú wɛ ɔ́, yě ná flú mɛ e Mawu cyán lɛ́ɛ lɔmɔ̌.

2 Timɔtée 3:8

Lě e Janɛ́si kpódó Janblɛ́si kpó gbɛ́ Mɔyízi sín xó gbɔn ɔ́, mɔ̌ ɖokpó ɔ́ wɛ gbɛtɔ́ ayiblúblúnɔ e sín nǔɖiɖi ma nyí nǔɖé wa nú ǎ nɛ́ lɛ́ɛ lɔmɔ̌ gbɛ́ nǔgbó ɔ́ gbɔn é nɛ́.

Nǔɖexlɛ́mɛ 13:14

É nɔ zé nǔ e è nǎ gbe e ɖɔ é ní jlɛ́ ɖo kanlin nukɔntɔn ɔ́ nukɔn ɔ́ dó flú gbɛtɔ́ e ɖo ayǐkúngban jí lɛ́ɛ ná. É ɖo ɖiɖɔ nú gbɛtɔ́ e ɖo ayǐkúngban jí lɛ́ɛ wɛ ɖɔ yě ní kpa susu nú kanlin e è sɔ́ hwǐ dó gblé wǔ ná, cóbɔ é ka lɛ́ kpo ɖo gbɛ ɔ́ sín akpajlɛ́, bó dó sɔ́ ɛ su.