Tíntɔ́n 8:6 - MAWUXÓWÉMA

⁶ Bɔ axɔ́sú ɔ́ ɖɔ n'i ɖɔ: “É jɛ sɔ hǔn, bo bló.” Mɔyízi ka ɖɔ n'i ɖɔ: “É nyɔ́; é jɛ sɔ ɔ́, un ná bló bɔ a nǎ tunwun ɖɔ è kún sixú jlɛ́ Mawu Mavɔmavɔ, Mawu mǐtɔn dó mɛ ɖěbǔ wú ó.

Tíntɔ́n 8:6 Iomraidhean Croise

2 Samuwɛ́li 7:22

Aklúnɔ, Mawu Mavɔmavɔ ce, a kló ɖésú. È sixú jlɛ́ we dó mɛ ɖěbǔ wú ǎ. Xó e è ɖɔ bɔ mǐ se lɛ́ɛ bǐ ɖe xlɛ́ ɖɔ Mawu ɖěvo kún tíin zɛ hwɛ wú ó.

2 Tan 6:14

“Mawu Mavɔmavɔ, Mawu Izlayɛ́li tɔn! Nǔmɛsɛn towe ɖɔhun ɖě sɔ́ tíin ǎ; ɖě sɔ́ ɖo jǐxwé aga ǎ, ɖě ká sɔ́ ɖo do ɖo ayǐkúngban jí fí ǎ. Mɛsɛntɔ́ towe e nɔ xwedó sɛ́n towe lɛ́ɛ kpódó ayixa yětɔn bǐ kpó lɛ́ɛ ɔ́, a nɔ́ nɔ gbejí nú akɔ e a jɛ xá yě ɔ́, bó nɔ́ ɖe xomɛnyínyɔ́ towe xlɛ́ yě.

Ɖɛhan 105:30

Běsé gɔ́ to ɔ́ mɛ káká bó kpé axɔ́sú ɔ́ xwé.

Ɖɛhan 78:45

É sɛ́ sukpɔ aɖǐvɛ́nɔ ɖé lɛ́ɛ dó yě, bɔ sukpɔ lɛ́ɛ nɔ́ kán yě ɖu; é sɛ́ běsé dó yě, bɔ běsé lɛ́ɛ nɔ́ gblé gbɛ dó nú yě.

Ɖɛhan 86:8

Aklúnɔ, nǔmɛsɛn ɖě cí hwi ɖɔhun ǎ; nǔmɛsɛn ɖě sixú wa azɔ̌ e a nɔ wa lɛ́ɛ ǎ.

Ɖɛhan 90:2

Cóbónú só lɛ́ɛ ná jɔ ɔ́, cóbónú a nǎ ɖó ayǐkúngban ɔ́, bó ná ɖó gbɛ ɔ́, a ko nyí Mawu, bó ná nyí Mawu káká sɔ́yi.

Tíntɔ́n 10:2

Énɛ́ ɔ́, a nǎ sixú ɖɔ lě e un wa Ejípunu lɛ́ɛ sín nǔ gbɔn ɔ́ kpódó nǔdábaɖa e un jlɛ́ ɖo tɛ́ntin yětɔn lɛ́ɛ kpó sín xó nú vǐ towe lɛ́ɛ kpó vǐvú towe lɛ́ɛ kpó. Énɛ́ ɔ́, mi ná tunwun ɖɔ nyɛ wɛ nyí Mawu Mavɔmavɔ.”

Tíntɔ́n 15:11

Óo! Mawu Mavɔmavɔ, nǔmɛsɛn tɛ́ wɛ cí hwɛ ɖɔhun? Nǔmɛsɛn tɛ́ wɛ ɖó susu, bó nyí mǐmɛ́, bó nɔ́ bló nǔjíwǔ lɛ́ɛ, bɔ kpikpa jɛ xá hwɛ ɖɔhun?

Tíntɔ́n 7:19

Mawu Mavɔmavɔ ɖɔ nú Mɔyízi ɖɔ: “Đɔ nú Aalɔ́ɔn ɖɔ ní zé kpo tɔn bó dlɛ́n dó sin e ɖo Ejípu lɛ́ɛ bǐ: tɔsisa lɛ́ɛ, tɔdo lɛ́ɛ kpódó tán lɛ́ɛ kpó bǐ jí, énɛ́ ɔ́, sin lɛ́ɛ bǐ ná húzú kanjɔ, bɔ kanjɔ ná gbɔn Ejípu to ɔ́ bǐ mɛ, bó ná gbɔn atínká lɛ́ɛ kpó awǐnnyaká lɛ́ɛ kpó mɛ.”

Tíntɔ́n 9:14

Đó din tɔn ɔ́, un ná sɛ́ nǔ nyanya e ɖo así ce lɛ́ɛ bǐ dó hwi kpó gǎn hɔn-yitɔ́ towe lɛ́ɛ kpó, kpó togun towe kpó, bónú a nǎ dó tunwun ɖɔ è kún sixú jlɛ́ mì dó mɛ ɖěbǔ wú ɖo ayǐkúngban ɔ́ jí ó.

Tíntɔ́n 9:29

Énɛ́ ɔ́, Mɔyízi ɖɔ n'i ɖɔ: “Un tɔ́n sín toxo ɔ́ mɛ ɔ́, un ná dlɛ́n alɔ sɛ́ dó Mawu Mavɔmavɔ, bɔ jǐ sɔ́ ná dó gbe ɖě ǎ, kɛ́njí ká sɔ́ ná ja ɖě ǎ; énɛ́ ɔ́, a nǎ tunwun ɖɔ Mawu Mavɔmavɔ tɔn wɛ nyí ayǐkúngban ɔ́.

Ezayíi 43:10

Mawu Mavɔmavɔ ɖɔ nú togun tɔn ɖɔ: “Midɛɛ lɛ́ɛ wɛ nyí kúnnuɖetɔ́ ce, mi wɛ nyí mɛsɛntɔ́ ce e un sɔ́ é, bónú mi ná tunwun bó ɖi nǔ nú mì, bó mɔ nukúnnú jɛ mɛ ɖɔ nyɛ wɛ nyí Mawu. Mawu ɖě kó ɖe dó nukɔn nú mì ǎ; ɖo gǔdo ce ɔ́, Mawu ɖě ká ná ɖe ǎ.

Levíi ví 11:12

Hǔn tɔ kanlin ɖěbǔ e má ɖó kɛn ǎ, bó má ká ɖó zǎ ǎ lɛ́ɛ ɔ́, mi ma ɖu lan yětɔn ó. Yě vɛ́ mi.

Sɛ́nflínmɛ 32:31

Kɛntɔ́ yětɔn lɛ́ɛ ɖésú ká tunwun ɖɔ nǔmɛsɛn émítɔn e nɔ́ ɖo alɔ cyɔ́n émí jí wɛ ɔ́ kún sixú nɔ te nyɛ Mawu Izlayɛ́li ví lɛ́ɛ tɔn nukɔn ó.

Sɛ́nflínmɛ 33:26

Énɛ́ ɔ́ gúdo ɔ́, Mɔyízi ɖɔ: “Yeculunu ví lɛ́ɛ e mi! Nǔmɛsɛn ɖěbǔ cí Mawu ɖɔhun ǎ. É nɔ́ zɔn akpɔ́kpɔ́ jí kpó susu kpó, bó nɔ́ gosín jǐxwé bó nɔ́ wá d'alɔ mi.

Sɛ́nflínmɛ 4:35

Mawu jɔwǔ mi, bɔ mi mɔ énɛ́, bó ná dó tunwun ɖɔ Mawu Mavɔmavɔ ɖokpó wɛ nyí Mawu, ɖɔ Mawu ɖé kún tíin zɛ éyɛ́ wú ó.

Nǔɖexlɛ́mɛ 16:13

Énɛ́ ɔ́ gúdo ɔ́, un mɔ yɛ nyanya atɔn bɔ yě cí aglǒběsé ɖɔhun; yě tɔ́n sín Dlagɔ́ɔn ɔ́ kpó kanlin ɔ́ kpó, kpódó gbeyíɖɔnyíjɛtɔ́ ɔ́ kpán sín nu mɛ.