Tíntɔ́n 8:4 - MAWUXÓWÉMA

⁴ Énɛ́ ɔ́, axɔ́sú ɔ́ ylɔ́ Mɔyízi kpó Aalɔ́ɔn kpó, bó ɖɔ nú yě ɖɔ: “Mi sa vo nú Mawu Mavɔmavɔ, bónú é ná nya běsé lɛ́ɛ sín nyɛ kpó togun ce kpó gɔ́n; énɛ́ ɔ́, un ná jó Izlayɛ́li ví lɛ́ɛ dó, bɔ yě ná yi sá vɔ̌ n'i.”

Tíntɔ́n 8:4 Iomraidhean Croise

1 Axɔ́sú 13:6

Ée nǔ cí mɔ̌ ɔ́, axɔ́sú ɔ́ yí xó, bó ɖɔ nú gbeyíɖɔ Mawu tɔn ɔ́ ɖɔ: “Ylɔ̌ Mawu Mavɔmavɔ, Mawu towe, bó sa vo n'i dó ta ce mɛ, bónú má sixú wún alɔ ce!” Bɔ gbeyíɖɔ Mawu tɔn ɔ́ sa vo nú Mawu Mavɔmavɔ, bɔ axɔ́sú ɔ́ wún alɔ tɔn, bɔ alɔ jɛ alɔ tɛnmɛ.

Ɖɛhan 107:40

Mawu nɔ dó winnyá mɛjɔmɛ lɛ́ɛ, é nɔ́ jó yě dó bɔ yě nɔ́ yi bú ali ɖo gbětótló mɛ.

Tíntɔ́n 10:17

Hǔn mi bo lɛ́ sɔ́ hwɛ ce kɛ mì ɖo élɔ́ mɛ; gǔdo tɔn ɖíe. Mi sa vo nú Mawu Mavɔmavɔ, Mawu mitɔn bónú é ní lɛ́ sɛ nǔ nyanya élɔ́ e ná dɔn mɛ yi kú ɔ́ dó zɔ nú mì.”

Tíntɔ́n 8:24

Bɔ axɔ́sú ɔ́ ɖɔ: “É nyɔ́, un ná jó mi dó bɔ mi ná yi xwlé vɔ̌sánú Mawu Mavɔmavɔ, Mawu mitɔn ɔ́ ɖo gbětótló mɛ. Amɔ̌, mi ma yi fí línlín ó, mi ka xo ɖɛ nú mì.”

Tíntɔ́n 8:3

Lo ɔ́, majíkiblótɔ́ lɛ́ɛ lɔ zé majíki yětɔn dó bló nǔ ɖokpó ɔ́, bɔ běsé lɛ́ɛ tɔ́n bó vun blá Ejípu to ɔ́.

Tíntɔ́n 8:5

Mɔyízi ka ɖɔ nú axɔ́sú ɔ́ ɖɔ: “Axɔ́sú susunɔ, vɛ̌ kó ná gbe mì! Hwe tɛ́ nu wɛ a jlǒ ɖɔ má sa vo nú Mawu Mavɔmavɔ dó hwi kpó gǎn hɔn-yitɔ́ towe lɛ́ɛ kpó togun towe kpó ta mɛ dó? Sɛ́mɛɖó, hwi ɖésú ní ɖɔ hwe ɔ́ nu. Énɛ́ ɔ́, é jɛ hwe ɔ́ nu ɔ́, un ná sa vo n'i bɔ é ná sú běsé e ɖo xɔ towe mɛ lɛ́ɛ kpó éé ɖo hɔnmɛ lɛ́ɛ kpó sín kún dó; éé ɖo tɔsisa ɔ́ mɛ lɛ́ɛ kɛ́ɖɛ́ wɛ ná kpo.”

Tíntɔ́n 9:28

Mi sa vo nú Mawu Mavɔmavɔ, bónú é ma sɔ́ dó gbe ɖě ó, kɛ́njí ní má sɔ́ ja ɖě ó. Énɛ́ ɔ́, un ná jó mi dó, bɔ mi ná yi; è sɔ́ ná hɛn mi ɖó te ɖě ǎ.”

Ezayíi 19:11

Gǎn Sowáan tɔn lɛ́ɛ bí ɖěbǔ ǎ; toxóɖɔtɔ́ Ejípu xɔ́sú ɔ́ tɔn lɛ́ɛ sín gbɛ̌ta jɔ xlo ɖésú. Nɛ̌ ká gbɔn bɔ mi ná yi mɔ Ejípu xɔ́sú ɔ́, bó ná ɖɔ n'i ɖɔ: “Nyɛ ɔ́, toxóɖɔtɔ́ ví wɛ nú mì, axɔ́sú ɖ'ayǐ tɔn lɛ́ɛ sín vǐ wɛ un nyí.” Nɛ̌ mi ná ɖɔ mɔ̌ gbɔn?

Ezayíi 19:22

Mawu Mavɔmavɔ gblé wǔ Ejípunu lɛ́ɛ ɔ́, é ná lɛ́ gbɔ azɔn nú yě; yě ɖésú ná lɛ́ kɔ wá Mawu Mavɔmavɔ gɔ́n, bɔ é ná yí gbe nú nǔ e byɔ́ ɛ wɛ yě ɖe lɛ́ɛ, bó ná gbɔ azɔn nú yě.

Ezayíi 23:9

Mawu Mavɔmavɔ Nǔbǐwúkpétɔ́ ɔ́ wɛ; é wɛ ɖɔ mɔ̌, bó ná dó winnyá yě mɛ énɛ́ lɛ́ɛ e nɔ́ ɖo susu xɔ wɛ lɛ́ɛ bǐ; é ná kɔ́n wi sín ta nú yě mɛ énɛ́ lɛ́ɛ e mɛ bǐ nɔ́ sɔ́ su é.

Kɛ́nsísɔ́ 21:7

Izlayɛ́li ví e kpo lɛ́ɛ fyá wá Mɔyízi gɔ́n, bó ɖɔ n'i ɖɔ: “Mǐ hu hwɛ, ɖó mǐ hlún nǔ ɖɔ dó Mawu Mavɔmavɔ kpó hwi kpó wú; sa vo nú Mawu Mavɔmavɔ, bónú é ná nya dan énɛ́ lɛ́ɛ dó zɔ nú mǐ.” Ée yě ɖɔ mɔ̌ ɔ́, Mɔyízi jɛ vo sa nú Mawu Mavɔmavɔ jí dó Izlayɛ́li ví lɛ́ɛ tamɛ.