Tíntɔ́n 8:10 - MAWUXÓWÉMA

¹⁰ Bɔ è bɛ̌ yě kplé ɖó sonu sonu, bɔ wǎn kpé to ɔ́ bǐ mɛ.

Tíntɔ́n 8:10 Iomraidhean Croise

2 Samuwɛ́li 7:22

Aklúnɔ, Mawu Mavɔmavɔ ce, a kló ɖésú. È sixú jlɛ́ we dó mɛ ɖěbǔ wú ǎ. Xó e è ɖɔ bɔ mǐ se lɛ́ɛ bǐ ɖe xlɛ́ ɖɔ Mawu ɖěvo kún tíin zɛ hwɛ wú ó.

1 Tan 17:20

Mawu Mavɔmavɔ, è sixú jlɛ́ we dó nǔmɛsɛn ɖěbǔ wú ǎ. Xó e è ɖɔ bɔ mǐ se lɛ́ɛ bǐ ɖe xlɛ́ ɖɔ Mawu ɖěvo kún tíin zɛ hwɛ wú ó.

Ɖɛhan 83:18

Wi yětɔn ní kɔ́n, xɛsi ní ɖo yě jí káká sɔ́yi, yě ní ɖu hɛ̌n, yě ní kú.

Ɖɛhan 86:8

Aklúnɔ, nǔmɛsɛn ɖě cí hwi ɖɔhun ǎ; nǔmɛsɛn ɖě sixú wa azɔ̌ e a nɔ wa lɛ́ɛ ǎ.

Ɖɛhan 9:16

Akɔta e ma nɔ sɛn we ǎ lɛ́ɛ jɛ do e yě ɖésúnɔ kun ɔ́ mɛ; yě jɛ mɔ e yě ɖésúnɔ ɖó é mɛ.

Tíntɔ́n 15:11

Óo! Mawu Mavɔmavɔ, nǔmɛsɛn tɛ́ wɛ cí hwɛ ɖɔhun? Nǔmɛsɛn tɛ́ wɛ ɖó susu, bó nyí mǐmɛ́, bó nɔ́ bló nǔjíwǔ lɛ́ɛ, bɔ kpikpa jɛ xá hwɛ ɖɔhun?

Tíntɔ́n 8:9

Mawu Mavɔmavɔ ká bló nǔ e Mɔyízi byɔ́ ɛ ɔ́: běsé lɛ́ɛ bǐ kú gbɔn xwé gbe, kɔ́xota kɔ́xota, gbɔn gle mɛ gle mɛ.

Tíntɔ́n 9:14

Đó din tɔn ɔ́, un ná sɛ́ nǔ nyanya e ɖo así ce lɛ́ɛ bǐ dó hwi kpó gǎn hɔn-yitɔ́ towe lɛ́ɛ kpó, kpó togun towe kpó, bónú a nǎ dó tunwun ɖɔ è kún sixú jlɛ́ mì dó mɛ ɖěbǔ wú ɖo ayǐkúngban ɔ́ jí ó.

Tíntɔ́n 9:29

Énɛ́ ɔ́, Mɔyízi ɖɔ n'i ɖɔ: “Un tɔ́n sín toxo ɔ́ mɛ ɔ́, un ná dlɛ́n alɔ sɛ́ dó Mawu Mavɔmavɔ, bɔ jǐ sɔ́ ná dó gbe ɖě ǎ, kɛ́njí ká sɔ́ ná ja ɖě ǎ; énɛ́ ɔ́, a nǎ tunwun ɖɔ Mawu Mavɔmavɔ tɔn wɛ nyí ayǐkúngban ɔ́.

Nǔnywɛ́xó 27:1

A lɛ̌n nǔɖé bó ná bló sɔ hǔn, ma dó yí go ná ó, ɖó a tunwun lě e sɔ ná cí ɔ́ ǎ.

Ezayíi 40:18

Mɛ̌ wǔ mi ka jló ná jlɛ́ Mawu dó? Étɛ́ ɖɔhun é ká cí?

Ezayíi 40:25

Mawu mímɛ́ ɔ́ kanbyɔ́ ɖɔ: “Mɛ̌ wú mi ka ná jlɛ́ mì dó? Mɛ̌ sín gbɛ̌ un ka nyí?”

Ezayíi 46:9

Mi flín nǔ nukɔn nukɔntɔn e jɛ ɖ'ayǐ xóxó lɛ́ɛ. Nyɛ wɛ nyí Mawu, é sɔ́ kpo mɛɖé ǎ. Mawu nyi ɖɔhun ɖě tíin ǎ.

Sɛ́nflínmɛ 3:24

“Aklúnɔ Mavɔmavɔ, a jɛ lě e a kló gbɔn ɔ́, lě e alɔ towe kpé nǔ wú sɔ ɔ́ ɖe xlɛ́ nyɛ mɛsɛntɔ́ towe jí. Nǔmɛsɛn ɖěbǔ ɖo ayǐkúngban jí, abǐ sɛ́xwé, bó sixú bló nǔ e a nɔ bló lɛ́ɛ é ǎ; ɖěbǔ ká sixú jlɛ́ nǔ hwi ɖɔhun ǎ.

Sɛ́nflínmɛ 32:31

Kɛntɔ́ yětɔn lɛ́ɛ ɖésú ká tunwun ɖɔ nǔmɛsɛn émítɔn e nɔ́ ɖo alɔ cyɔ́n émí jí wɛ ɔ́ kún sixú nɔ te nyɛ Mawu Izlayɛ́li ví lɛ́ɛ tɔn nukɔn ó.

Sɛ́nflínmɛ 33:26

Énɛ́ ɔ́ gúdo ɔ́, Mɔyízi ɖɔ: “Yeculunu ví lɛ́ɛ e mi! Nǔmɛsɛn ɖěbǔ cí Mawu ɖɔhun ǎ. É nɔ́ zɔn akpɔ́kpɔ́ jí kpó susu kpó, bó nɔ́ gosín jǐxwé bó nɔ́ wá d'alɔ mi.

Sɛ́nflínmɛ 4:35

Mawu jɔwǔ mi, bɔ mi mɔ énɛ́, bó ná dó tunwun ɖɔ Mawu Mavɔmavɔ ɖokpó wɛ nyí Mawu, ɖɔ Mawu ɖé kún tíin zɛ éyɛ́ wú ó.

Sɛ́nflínmɛ 4:39

Mi ní tunwun sín égbé, bó hɛn ayi mɛ ganjí ɖɔ Mawu Mavɔmavɔ ɖokpó géé wɛ nyí Mawu ɖo jǐxwé kpó dodomɛ kpó, bó tunwun ɖɔ Mawu ɖé kún sɔ́ ɖe zɛ éyɛ́ wú ó.

Jaki 4:14

Mi tunwun nǔ e gbɛ mitɔn ná nyí sɔ ɔ́ ǎ! Nǔgbó ɔ́, ahǔn e nɔ sú nú hwenu kpɛɖé, bɔ zaanɖé kpowun ɔ́, é nɔ hɔ́n ɔ́ ɖɔhun wɛ mi cí.