Tíntɔ́n 7:5 - MAWUXÓWÉMA

⁵ Hwenu e alɔ ce ná jɛ Ejípunu lɛ́ɛ wú, bɔ un ná ɖe Izlayɛ́li ví lɛ́ɛ tɔ́n sín yě mɛ ɔ́, Ejípunu lɛ́ɛ ná tunwun ɖɔ nyɛ wɛ nyí Mawu Mavɔmavɔ.”

Tíntɔ́n 7:5 Iomraidhean Croise

Ɖɛhan 138:7

Adǎn ɖo gbigbo mì wɛ ɔ́, a nɔ cyɔ́n alɔ xomɛsin kɛntɔ́ ce lɛ́ɛ tɔn jí, bó nɔ́ sɔ́ alɔ towe aɖisí ɔ́ dó hwlɛ́n mì.

Ɖɛhan 9:16

Akɔta e ma nɔ sɛn we ǎ lɛ́ɛ jɛ do e yě ɖésúnɔ kun ɔ́ mɛ; yě jɛ mɔ e yě ɖésúnɔ ɖó é mɛ.

Tíntɔ́n 10:2

Énɛ́ ɔ́, a nǎ sixú ɖɔ lě e un wa Ejípunu lɛ́ɛ sín nǔ gbɔn ɔ́ kpódó nǔdábaɖa e un jlɛ́ ɖo tɛ́ntin yětɔn lɛ́ɛ kpó sín xó nú vǐ towe lɛ́ɛ kpó vǐvú towe lɛ́ɛ kpó. Énɛ́ ɔ́, mi ná tunwun ɖɔ nyɛ wɛ nyí Mawu Mavɔmavɔ.”

Tíntɔ́n 10:7

Bɔ gǎn hɔn-yitɔ́ lɛ́ɛ kanbyɔ́ axɔ́sú ɔ́ ɖɔ: “Káká jɛ hwetɛ́nu wɛ nya élɔ́ ná ɖó mɔ nú mǐ yi jɛ? Jǒ mɛ lɛ́ɛ dó nú yě ní yi sɛn Mawu Mavɔmavɔ, Mawu yětɔn. A mɔ ɖɔ Ejípu to ɔ́ ɖo kún sú dó wɛ a cé?”

Tíntɔ́n 14:18

Hwenu e un ná ɖe susu ce xlɛ́ axɔ́sú ɔ́ gbɔn mɔ̌ ɔ́, Ejípunu lɛ́ɛ ná tunwun ɖɔ nyɛ wɛ nyí Mawu Mavɔmavɔ.”

Tíntɔ́n 14:4

Un ná bló bɔ axɔ́sú ɔ́ ná tlí tó; é ná jɛ mi gúdo. Lo ɔ́, un ná hu axɔ́sú ɔ́ kpó ahwangɔnu tɔn lɛ́ɛ bǐ kpó, bó ná dó ɖe susu ce xlɛ́, bɔ Ejípunu lɛ́ɛ ná tunwun ɖɔ nyɛ wɛ nyí Mawu Mavɔmavɔ.” Izlayɛ́li ví lɛ́ɛ bló nǔ e Mawu Mavɔmavɔ ɖɔ é.

Tíntɔ́n 18:8

Nǔ e Mawu Mavɔmavɔ wa xá axɔ́sú Ejípu tɔn ɔ́ kpó Ejípunu lɛ́ɛ kpó ɖó Izlayɛ́li ví lɛ́ɛ wú ɔ́, ya e yě ji ɖo alixo bɔ Mawu Mavɔmavɔ hwlɛ́n yě ɖ'é mɛ lɛ́ɛ ɔ́, Mɔyízi wlí bǐ ɖɔ nú asi tɔn tɔ́.

Tíntɔ́n 3:20

É ka ɖo mɔ̌ có un ná sí te dó to tɔn jí kpó hlɔ̌nhlɔ́n kpó, bó ná jlɛ́ nǔ tɛnmɛ tɛnmɛ dó to ɔ́ wú, bɔ ado ná hu i bɔ é ná jó mi dó bɔ mi ná yi.

Tíntɔ́n 6:1

Mawu Mavɔmavɔ ɖɔ nú Mɔyízi ɖɔ: “A nǎ mɔ nǔ e un ná wa xá axɔ́sú Ejípu tɔn ɔ́ din é. Un ná ɖe hlɔ̌nhlɔ́n ce xlɛ́ ɛ, bɔ é ná jó Izlayɛ́li ví lɛ́ɛ dó bɔ yě ná yi. Un ná wa nǔ xá ɛ, bɔ é ná nya yě tɔ́n sín to tɔn mɛ.”

Tíntɔ́n 6:6

Énɛ́ ɔ́ wú ɔ́, a nǎ ɖɔ nú Izlayɛ́li ví lɛ́ɛ ɖɔ nyɛ wɛ nyí Mawu Mavɔmavɔ; a nǎ ɖɔ nú yě ɖɔ un ná ɖe yě sín azɔ̌ syɛ́nsyɛ́n e Ejípunu lɛ́ɛ ɖó kɔ jí nú yě lɛ́ɛ mɛ. Mɛ kannu wɛ yě ɖe, un ka ná ɖe yě sín mɛ kannu. Un ná zán hlɔ̌nhlɔ́n ce dó dɔn tó nú Ejípunu lɛ́ɛ bɔ é ná syɛ́n ɖésú, bó dó ɖe yě tɔ́n. Mɛ ɖé nɔ́ nɔ te hlɔ̌nhlɔ́n ce nukɔn ǎ.

Tíntɔ́n 7:17

Énɛ́ ɔ́ wú ɔ́, Mawu Mavɔmavɔ ɖɔ nǔ e ná jlɛ́ wɛ émí ɖe din ɔ́ ná ɖe xlɛ́ we ɖɔ Mawu Mavɔmavɔ wɛ émí nyí. Din ɔ́, kpɔ́n ganjí, un ná zin kpo e ɖo alɔ ce mɛ ɔ́ dó Nilu tɔ ɔ́ mɛ, bɔ é ná húzú kanjɔ.

Tíntɔ́n 8:10

Bɔ è bɛ̌ yě kplé ɖó sonu sonu, bɔ wǎn kpé to ɔ́ bǐ mɛ.

Tíntɔ́n 8:19

Un ná bló bɔ vogbingbɔn ɖé ná tíin ɖo togun ce kpó togun towe kpó tɛ́ntin. Sɔ wɛ nǔ énɛ́ ɔ́ ná jɛ.’ ”

Tíntɔ́n 8:22

Bɔ Mɔyízi ɖɔ n'i ɖɔ: “É nyɔ́ bónú mǐ ná bló mɔ̌ ǎ, ɖó vɔ̌sánú e mǐ nɔ xwlé Mawu Mavɔmavɔ, Mawu mǐtɔn ɔ́ lɛ́ɛ ɔ́, suɖunú wɛ Ejípunu lɛ́ɛ nɔ́ dó mɔ. Ényí mǐ sɔ́ nǔ e yě nɔ́ mɔ dó mɔ suɖunú ná lɛ́ɛ dó sá vɔ̌ ná ɖo nukún yětɔn mɛ ɔ́, yě ná nyi awǐnnyaglo dó hu mǐ.

Ezekiyɛ́li 25:17

Hlɔn e un ná ba yě wú é kpó tó e un ná dɔn nú yě ɔ́ kpó ná dó xɛsi ɖésú. Ényí énɛ́ gbo yě ɔ́, yě ná tunwun ɖɔ nyi wɛ nyí Mawu Mavɔmavɔ.”

Ezekiyɛ́li 28:22

A nǎ ɖɔ n'i ɖɔ xó e nyɛ Aklúnɔ Mavɔmavɔ ɖɔ ɔ́ ɖíe: hwɛ Sidɔ́ɔn toxo, un ná wa nǔ xá we. Un ná ɖe susu ce xlɛ́ we ɖo mɛ towe lɛ́ɛ mɛ; un ná wa nǔ xá we bɔ é ná sɔgbe xá hwɛ e un ɖó nú we é; énɛ́ ɔ́, mɛ bǐ ná tunwun ɖɔ nyɛ wɛ nyí Mawu Mavɔmavɔ. Hwe énɛ́ nu ɔ́, un ná ɖe xlɛ́ ɖɔ nyɛ wɛ nyí Mawu mímɛ́ ɔ́.

Ezekiyɛ́li 32:15

Un ná sɔ́ Ejípu to ɔ́ dó húzú gbětótló; un ná bɛ́ dɔkun e ɖo to ɔ́ mɛ lɛ́ɛ bǐ; un ná hu mɛ e ɖo to ɔ́ mɛ lɛ́ɛ bǐ. Hwenu e un ná bló mɔ̌ ɔ́, è nǎ tunwun ɖɔ nyi wɛ nyí Mawu Mavɔmavɔ.

Ezekiyɛ́li 36:23

Mi wú wɛ akɔta ɖě lɛ́ɛ hu tɛ́ nú nyǐkɔ ce. Din ɔ́, un ná ɖe xlɛ́ yě ɖɔ nyɛ wɛ nyí Mawu aditi, Mawu mímɛ́ ɔ́. Mi wɛ un ka ná sɔ́ dó ɖe nǔ énɛ́ xlɛ́ yě. Énɛ́ ɔ́, akɔta lɛ́ɛ ná tunwun ɖɔ nyɛ wɛ nyí Mawu Mavɔmavɔ. Xó e nyɛ Aklúnɔ Mavɔmavɔ ɖɔ ɔ́ nɛ́.

Ezekiyɛ́li 39:22

Bɛ́ sín gbe énɛ́ ɔ́ gbe ɔ́, Izlayɛ́li ví lɛ́ɛ ná tunwun ɖɔ nyi wɛ nyí Mawu Mavɔmavɔ, Mawu yětɔn káká sɔ́yi.”

Ezekiyɛ́li 39:7

Un ná ɖe xlɛ́ togun ce Izlayɛ́li ɖɔ Mawu mímɛ́ wɛ un nyí; un sɔ́ ná jó e dó bɔ é ná sɔ́ nyǐkɔ ce mímɛ́ ɔ́ xo kɔ́ ɖě ǎ; énɛ́ ɔ́, akɔta ɖě lɛ́ɛ ná tunwun ɖɔ nyi wɛ nyí Mawu Mavɔmavɔ, Mawu mímɛ́ Izlayɛ́li tɔn.