Tíntɔ́n 7:4 - MAWUXÓWÉMA

⁴ Axɔ́sú ɔ́ ná ɖótó mi ǎ. Alɔ ce ka ná jɛ to tɔn Ejípu ɔ́ wú, bɔ un ná dɔn tó nú to ɔ́ bɔ é ná syɛ́n ɖésú, bó ná dó ɖe togun ce Izlayɛ́li ɔ́ tɔ́n, é wɛ nyí ahwangɔnu ce.

Tíntɔ́n 7:4 Iomraidhean Croise

Tíntɔ́n 10:1

Mawu Mavɔmavɔ ɖɔ nú Mɔyízi ɖɔ: “Yi axɔ́sú ɔ́ gɔ́n. Nyɛ wɛ zɔ́n bɔ é kpó gǎn hɔn-yitɔ́ tɔn lɛ́ɛ kpó ɖo tó tlí wɛ, bónú má jlɛ́ nǔdábaɖa énɛ́ lɛ́ɛ ɖo tɛ́ntin yětɔn.

Tíntɔ́n 11:9

Mawu Mavɔmavɔ ɖɔ nú Mɔyízi ɖɔ: “Axɔ́sú Ejípu tɔn ɔ́ ná bló nǔ e mi ɖɔ lɛ́ɛ ǎ; énɛ́ ɔ́, un ná ɖo nǔ jlɛ́ wɛ ɖě jɛ ɖě gúdo ɖo Ejípu to ɔ́ mɛ.”

Tíntɔ́n 12:51

Gbe énɛ́ ɔ́ gbe ɖokpó ɔ́, Mawu Mavɔmavɔ ɖe Izlayɛ́li togun ɔ́ tɔ́n sín Ejípu sonu sonu.

Tíntɔ́n 13:3

Énɛ́ ɔ́ gúdo ɔ́, Mɔyízi ɖɔ nú togun ɔ́ ɖɔ: “Mi flín azǎn élɔ́ e gbe mi tɔ́n sín Ejípu bó gosín mɛ kannu é; ɖó Mawu Mavɔmavɔ wɛ ɖe mi tɔ́n sín Ejípu kpó hlɔ̌nhlɔ́n tɔn kpó; mɛɖé nɔ́ sixú nɔ te ɖo hlɔ̌nhlɔ́n tɔn nukɔn ǎ. Hǔn, mi ja nǔ e jɛ nɛ́ ɔ́ sín xwe ɖu gbé ɔ́, mi ɖó ná ɖu wɔ̌xúxú e mɛ è dǒ tɔ́n ɔ́ ǎ.

Tíntɔ́n 13:9

Xwe ɔ́ ná cí wuntun ɖé ɖɔhun nú mi ɖo awa mitɔn lɛ́ɛ wú, bó ná nyí flǐn ɖé sín wuntun nú mi ɖo nukɔn mitɔn, bónú mi ná jlá nǔ e Mawu Mavɔmavɔ kplɔ́n mi é. Đó Mawu Mavɔmavɔ wɛ ɖe mi tɔ́n sín Ejípu kpó hlɔ̌nhlɔ́n tɔn kpó; mɛɖé nɔ sixú nɔ te ɖo hlɔ̌nhlɔ́n tɔn nukɔn ǎ.

Tíntɔ́n 18:8

Nǔ e Mawu Mavɔmavɔ wa xá axɔ́sú Ejípu tɔn ɔ́ kpó Ejípunu lɛ́ɛ kpó ɖó Izlayɛ́li ví lɛ́ɛ wú ɔ́, ya e yě ji ɖo alixo bɔ Mawu Mavɔmavɔ hwlɛ́n yě ɖ'é mɛ lɛ́ɛ ɔ́, Mɔyízi wlí bǐ ɖɔ nú asi tɔn tɔ́.

Tíntɔ́n 3:19

Nyɛ ka tunwun ganjí ɖɔ axɔ́sú ɔ́ kún ná jó mi dó bɔ mi ná yi ó, è na bó hɛn ɛ syɛ́nsyɛ́n ɔ́, é ná jó mi dó ǎ.

Tíntɔ́n 3:20

É ka ɖo mɔ̌ có un ná sí te dó to tɔn jí kpó hlɔ̌nhlɔ́n kpó, bó ná jlɛ́ nǔ tɛnmɛ tɛnmɛ dó to ɔ́ wú, bɔ ado ná hu i bɔ é ná jó mi dó bɔ mi ná yi.

Tíntɔ́n 6:1

Mawu Mavɔmavɔ ɖɔ nú Mɔyízi ɖɔ: “A nǎ mɔ nǔ e un ná wa xá axɔ́sú Ejípu tɔn ɔ́ din é. Un ná ɖe hlɔ̌nhlɔ́n ce xlɛ́ ɛ, bɔ é ná jó Izlayɛ́li ví lɛ́ɛ dó bɔ yě ná yi. Un ná wa nǔ xá ɛ, bɔ é ná nya yě tɔ́n sín to tɔn mɛ.”

Tíntɔ́n 6:26

Aalɔ́ɔn kpó Mɔyízi kpó wɛ nyí mɛ e Mawu Mavɔmavɔ ɖɔ ná ɖɔ yě ní ɖe Izlayɛ́li ví lɛ́ɛ tɔ́n sín Ejípu sonu sonu é.

Tíntɔ́n 6:6

Énɛ́ ɔ́ wú ɔ́, a nǎ ɖɔ nú Izlayɛ́li ví lɛ́ɛ ɖɔ nyɛ wɛ nyí Mawu Mavɔmavɔ; a nǎ ɖɔ nú yě ɖɔ un ná ɖe yě sín azɔ̌ syɛ́nsyɛ́n e Ejípunu lɛ́ɛ ɖó kɔ jí nú yě lɛ́ɛ mɛ. Mɛ kannu wɛ yě ɖe, un ka ná ɖe yě sín mɛ kannu. Un ná zán hlɔ̌nhlɔ́n ce dó dɔn tó nú Ejípunu lɛ́ɛ bɔ é ná syɛ́n ɖésú, bó dó ɖe yě tɔ́n. Mɛ ɖé nɔ́ nɔ te hlɔ̌nhlɔ́n ce nukɔn ǎ.

Tíntɔ́n 7:13

Nǔ ɖo mɔ̌ có, axɔ́sú ɔ́ lɛ́ kpo ɖo tó tlí wɛ, bó gɔn tó ɖó Mɔyízi kpó Aalɔ́ɔn kpó, lě e Mawu Mavɔmavɔ kó ɖɔ gbɔn ɖ'ayǐ é.

Tíntɔ́n 7:16

A nǎ ɖɔ nú axɔ́sú ɔ́ ɖɔ: ‘Mawu Mavɔmavɔ, Mawu Eblée lɛ́ɛ tɔn sɛ́ mì dó gɔ̌n towe ɖɔ má wá ɖɔ nú we ɖɔ hwi ní jó togun émítɔn dó nú yě ná yi sɛn émí ɖo gbětótló mɛ. Hwi ɖíe má ká ɖi nǔ nú xó énɛ́ ɔ́ káká wá jɛ din ǎ e.

Tíntɔ́n 8:15

Énɛ́ ɔ́, majíkiblótɔ́ lɛ́ɛ ɖɔ nú axɔ́sú ɔ́ ɖɔ: “Hlɔ̌nhlɔ́n Mawu tɔn wɛ ɖo nǔ wa wɛ ɖo fínɛ́.” Axɔ́sú ɔ́ ká lɛ́ tlí tó lě e Mawu Mavɔmavɔ kó ɖɔ gbɔn ɖ'ayǐ é; é wa nǔ e Mɔyízi kpó Aalɔ́ɔn kpó ɖɔ é ǎ.

Tíntɔ́n 8:19

Un ná bló bɔ vogbingbɔn ɖé ná tíin ɖo togun ce kpó togun towe kpó tɛ́ntin. Sɔ wɛ nǔ énɛ́ ɔ́ ná jɛ.’ ”

Tíntɔ́n 9:12

Lo ɔ́, Mawu Mavɔmavɔ zɔ́n bɔ axɔ́sú ɔ́ lɛ́ tlí tó; é wa nǔ e Mɔyízi kpó Aalɔ́ɔn kpó ɖɔ ɔ́ ǎ, lě e Mawu Mavɔmavɔ kó ɖɔ gbɔn nú Mɔyízi ɖ'ayǐ é.

Tíntɔ́n 9:3

Mawu Mavɔmavɔ ná wa nǔ xá kanlin towe e ɖo amagbo mɛ lɛ́ɛ, azɔn nyanya ɖé ná byɔ́ sɔ́ towe lɛ́ɛ, tócí towe lɛ́ɛ, lǎkúnmí towe lɛ́ɛ, nyibú towe lɛ́ɛ kpódó lɛ̌ngbɔ́ towe lɛ́ɛ kpó mɛ, bɔ yě ná kú kpɔ́ gěgé.

Nǔnywɛ́xó 19:29

Goyítɔ́ lɛ́ɛ ɔ́, hwɛ e è nǎ ɖó nú yě é kó ɖo te; xlonɔ lɛ́ɛ ɔ́, nɛgbé yětɔn ɖo te nú bǎ.

Ezayíi 26:9

Zǎn mɛ ɔ́, nyi lɔ nɔ ba ná mɔ we, ayi ce bǐ nɔ ɖo wǔ we. A dɔn tó nú gbɛtɔ́ lɛ́ɛ lě e a ɖɔ gbɔn é; mɛ bǐ nɔ́ mɔ ɖɔ émí ɖó ná zán gbɛ lě e é jɛ xá gbɔn é.

Gbɛvíhan 3:3

Nyɛ ɖokpónɔ géé wɛ é fɔ́n bó ɖo nǔ wa xá wɛ ayǐhɔ́ngbe ayǐhɔ́ngbe.

Ezekiyɛ́li 14:21

Énɛ́ ɔ́ gúdo ɔ́, Aklúnɔ Mavɔmavɔ ɖɔ nú mì ɖɔ: “Awě ɖaxó ɛnɛ énɛ́ lɛ́ɛ bǐ wɛ un sɛ́ dó Jeluzalɛ́mu: un sɛ́ ahwan dó, un sɛ́ adɔ dó, un sɛ́ adǎnkanlin kpó jɛmɛjí kpó dó, bó ná sú gbɛtɔ́ kpó kanlin kpó bǐ kún dó ɖo toxo ɔ́ mɛ.

Ezekiyɛ́li 25:11

Un ná ɖó hwɛ nú Mɔwabu ví lɛ́ɛ, bɔ yě ná tunwun ɖɔ nyɛ wɛ nyí Mawu Mavɔmavɔ.”

Ezekiyɛ́li 30:14

Un ná gba Ejípu sín afɔligbé ɔ́, un ná dó Sowáan toxo ɔ́ zo, bó ná ɖó hwɛ nú Tɛ́bu toxo ɔ́.

Ezekiyɛ́li 30:19

Un ná ɖó hwɛ nú Ejípu; énɛ́ ɔ́, yě ná tunwun ɖɔ nyɛ wɛ nyí Mawu Mavɔmavɔ.”

Nǔɖexlɛ́mɛ 15:4

Aklúnɔ, mɛ̌ ma ká ná ɖó sísí nú we ǎ? Mɛ̌ ka ná gbɛ́ ɖɔ émí kún ná kpa susu nú we ó? Đó hwi ɖokpónɔ géé wɛ nyí mǐmɛ́; to lɛ́ɛ bǐ ná wá sɛn we. Đó nǔ jlɔ́jlɔ́ e a nɔ wa lɛ́ɛ ɖe yěɖée xlɛ́ céɖécéɖé.”

Nǔɖexlɛ́mɛ 16:7

Énɛ́ ɔ́ gúdo ɔ́, un se gbe ɖé gosín vɔ̌sákpe ɔ́ kɔn, bó ɖo ɖiɖɔ wɛ ɖɔ: “Nǔgbó wɛ Aklúnɔ Mawu Nǔbǐwúkpétɔ́, hwɛɖiɖɔ towe lɛ́ɛ nyí nǔgbó bó sɔgbe!”

Nǔɖexlɛ́mɛ 19:2

Hwɛɖiɖɔ tɔn lɛ́ɛ nyí nǔgbó, bó sɔgbe! Đó é ɖó hwɛ nú agalɛtɔ́ ɖaxó e sɔ́ aga tɔn dó ɖo ayǐkúngban ɔ́ hɛn gblé wɛ é. Mawu sɔ́ ɛ dó ba hlɔn, ɖó é hu mɛsɛntɔ́ tɔn lɛ́ɛ.”

Hwɛɖɔtɔ́ 2:15

Yě yi ahwan fun gbé ɖo fí ɖěbǔ ɔ́, Mawu Mavɔmavɔ nɔ zɔ́n bɔ yě nɔ́ cí ahwan, lě e é ko zin alɔ dó akɔ́n bó ɖɔ gbɔn é. Bɔ yě jɛ lele ɖaxó ɖé mɛ.