Tíntɔ́n 7:3 - MAWUXÓWÉMA

³ Nyɛ ɔ́, un ka ná zɔ́n bɔ axɔ́sú Ejípu tɔn ɔ́ ná tlí tó bɔ un ná ɖo nǔjíwǔ ce lɛ́ɛ kpó nǔdábaɖa ce lɛ́ɛ kpó ɖe tɔ́n wɛ ɖě jɛ ɖě gúdo, ɖo to tɔn mɛ.

Tíntɔ́n 7:3 Iomraidhean Croise

Nɛɛmíi 9:10

A jlɛ̌ nǔ dó dɔn tó nú axɔ́sú Ejípu tɔn kpó gǎn hɔn-yitɔ́ tɔn lɛ́ɛ kpó, kpódó togun tɔn bǐ kpó, ɖó a tunwun go e Ejípunu lɛ́ɛ nɔ yí tɔ́gbó mǐtɔn lɛ́ɛ wú é. È sɔ́ nyǐkɔ towe su ɖaxó hwenɛ́nu, bɔ nyǐkɔ towe sín susu lɛ́ kpo ɖo te káká jɛ égbé.

Ɖɛhan 135:9

Mawu ɖe wuntun tɛnmɛ tɛnmɛ xlɛ́, é jlɛ́ nǔ tɛnmɛ tɛnmɛ ɖo Ejípu; é wa nǔ xá Ejípu xɔ́sú ɔ́ kpó azaglɔ́gán tɔn lɛ́ɛ kpó.

Ɖɛhan 78:12

Mawu wa nǔjíwǔ ɖo tɔ́gbó yětɔn lɛ́ɛ nukún mɛ ɖo Ejípu, ɖo Sowáan gbé jí:

Tíntɔ́n 11:10

Mɔyízi kpó Aalɔ́ɔn kpó jlɛ́ nǔ énɛ́ lɛ́ɛ bǐ ɖo axɔ́sú Ejípu tɔn ɔ́ nukún mɛ, lo ɔ́, Mawu Mavɔmavɔ bló bɔ axɔ́sú ɔ́ lɛ́ tlí tó, bó gbɛ́ ɖɔ Izlayɛ́li ví lɛ́ɛ kún ná yi ó.

Tíntɔ́n 11:9

Mawu Mavɔmavɔ ɖɔ nú Mɔyízi ɖɔ: “Axɔ́sú Ejípu tɔn ɔ́ ná bló nǔ e mi ɖɔ lɛ́ɛ ǎ; énɛ́ ɔ́, un ná ɖo nǔ jlɛ́ wɛ ɖě jɛ ɖě gúdo ɖo Ejípu to ɔ́ mɛ.”

Tíntɔ́n 14:4

Un ná bló bɔ axɔ́sú ɔ́ ná tlí tó; é ná jɛ mi gúdo. Lo ɔ́, un ná hu axɔ́sú ɔ́ kpó ahwangɔnu tɔn lɛ́ɛ bǐ kpó, bó ná dó ɖe susu ce xlɛ́, bɔ Ejípunu lɛ́ɛ ná tunwun ɖɔ nyɛ wɛ nyí Mawu Mavɔmavɔ.” Izlayɛ́li ví lɛ́ɛ bló nǔ e Mawu Mavɔmavɔ ɖɔ é.

Tíntɔ́n 3:20

É ka ɖo mɔ̌ có un ná sí te dó to tɔn jí kpó hlɔ̌nhlɔ́n kpó, bó ná jlɛ́ nǔ tɛnmɛ tɛnmɛ dó to ɔ́ wú, bɔ ado ná hu i bɔ é ná jó mi dó bɔ mi ná yi.

Tíntɔ́n 4:21

Mawu Mavɔmavɔ ka lɛ́ ɖɔ n'i ɖɔ: “A lɛ̌ kɔ yi Ejípu hǔn, ɖǒ ayi nǔjíwǔ e un ná we bɔ a nǎ bló lɛ́ɛ bǐ jí. A nǎ jlɛ́ nǔ énɛ́ lɛ́ɛ ɖo axɔ́sú Ejípu tɔn ɔ́ nukún mɛ. Nyɛ ka ná zɔ́n bɔ é ná tlí tó, bó ná jó togun ɔ́ dó bɔ é ná yi ǎ.

Tíntɔ́n 4:29

Bɔ Mɔyízi kpó Aalɔ́ɔn kpó wlí ali bó ɖidó. Ée yě yi ɔ́, yě kplé tomɛxó Izlayɛ́li tɔn lɛ́ɛ bǐ.

Tíntɔ́n 4:7

Bɔ Mawu Mavɔmavɔ ɖɔ: “Lɛ̌ zé alɔ towe ɖó akɔ́nnu.” Bɔ é lɛ́ zé ɖó, bó ɖe síin. É ná mɔ nǔɖé ɔ́, alɔ tɔn jɛ́n lɛ́ jɛ tɛn tɔn mɛ.

Tíntɔ́n 7:13

Nǔ ɖo mɔ̌ có, axɔ́sú ɔ́ lɛ́ kpo ɖo tó tlí wɛ, bó gɔn tó ɖó Mɔyízi kpó Aalɔ́ɔn kpó, lě e Mawu Mavɔmavɔ kó ɖɔ gbɔn ɖ'ayǐ é.

Tíntɔ́n 9:16

Lo ɔ́, un jó we dó nyi gbɛ bó ná ɖe hlɔ̌nhlɔ́n ce xlɛ́ we, lobɔ nyǐkɔ ce ná gba kpé ayǐkúngban ɔ́ bǐ jí.

Nǔnywɛ́xó 21:1

Ayixa e ɖo axɔ́sú xomɛ ɔ́, tɔsisa wɛ bó ɖo Mawu Mavɔmavɔ sín alɔ mɛ; fí e jló e wɛ é nɔ́ ɖe ali n'i gbɔn.

Ezayíi 51:9

Mawu Mavɔmavɔ, fɔ́n, yǎ wǔ fɔ́n! Đe hlɔ̌nhlɔ́n towe xlɛ́! Fɔ́n lě e a fɔ́n gbɔn ɖ'ayǐ é, lě e a fɔ́n gbɔn xóxó hwenu é! É má nyí hwi wɛ hu Hlaxávu a? É má nyí hwi wɛ hu nǔdábaɖa xu mɛ tɔn ɔ́ a?

Micée 7:15

Wa nǔjíwǔ ɖo tɛ́ntin mǐtɔn hwenu e a ɖe mǐ tɔ́n sín Ejípu ɔ́ ɖɔhun.

Jǎan 4:48

Jezu ka ɖɔ n'i ɖɔ: “Ényí mi ma ko mɔ nǔjíjlɛ́ lɛ́ɛ kpódó nǔdábaɖa lɛ́ɛ kpó ǎ ɔ́, mi ná ɖi nǔ ǎ.”

Mɛsɛ́dó 2:22

“Izlayɛ́li ví e mi! Mi ɖótó te bó se xó élɔ́ lɛ́ɛ: Jezu Nazalɛ́tinu ɔ́, nya ɖé wɛ é nyí, bɔ Mawu ɖe hlɔ̌nhlɔ́n tɔn xlɛ́ mi, gbɔn nǔjíwǔ kpó nǔ ɖaxó ɖaxó kpó, kpódó wuntun e Mawu jlɛ́ gbɔn jǐ tɔn ɖo mǐ tɛ́ntin, bɔ mi ɖésú tunwun lɛ́ɛ kpó gbla mɛ.

Mɛsɛ́dó 7:36

Mɔyízi énɛ́ wɛ kplá Izlayɛ́li ví lɛ́ɛ tɔ́n sín Ejípu, gbɔn nǔdábaɖa e é ɖe tɔ́n lɛ́ɛ kpódó nǔ e é jlɛ́ ɖo to énɛ́ ɔ́ mɛ, bó jlɛ́ ɖo Xu Vɔvɔ ɔ́ tó, bó jlɛ́ ɖo gbětótló mɛ, káká xɔ xwe kanɖé (40) ɔ́ kpó gbla mɛ.

Hlɔ̌manu 15:19

gbɔn nǔjíjlɛ́ lɛ́ɛ kpódó nǔdábaɖa lɛ́ɛ kpó sín hlɔ̌nhlɔ́n mɛ; gbɔn Yɛsinsɛn sín hlɔ̌nhlɔ́n mɛ. Lě e un gbɔn fí bǐ bɛ́ sín Jeluzalɛ́mu káká yi Ililíi gbé jí, bó jlá Wɛn Ɖagbe e ɖɔ xó dó Klísu wú ɔ́ kpíkpé tɔn gbɔn é nɛ́.

Hlɔ̌manu 9:18

Énɛ́ ɔ́, Mawu nɔ kú nǔbláwǔ nú mɛ e jló e ɔ́, bó nɔ bló bɔ mɛ e é jló ɖɔ é ní tlí tó ɔ́ nɔ húzú tótlítɔ́.

Sɛ́nflínmɛ 4:34

Nǔmɛsɛn tɛ́ ka tíin, bó sí te bó zán hlɔ̌nhlɔ́n bǐ, bó jlɛ́ nǔ, bó wa nǔjíwǔ, bó wa nǔ hu ado, nǔ syɛ́nsyɛ́n bǐ dó yí togun tɔn sín kɛntɔ́ sín acɛ mɛ kpɔ́n? É ɖe kpɔ́n ǎ; lo ɔ́, Mawu Mavɔmavɔ, Mawu mitɔn kɛ́ɖɛ́ wɛ nyí Mawu e yí mi gbɔn mɔ̌ ɖo Ejípu, bɔ mi gosín kannumɔgbénu lě e mi ɖésú mɔ gbɔn kpó nukún mitɔn kpó é.

Sɛ́nflínmɛ 7:19

Mi mɔ nǔ e Mawu Mavɔmavɔ jlɛ́ lɛ́ɛ, nǔdábaɖa lɛ́ɛ, nǔ hu ado lɛ́ɛ, nǔ syɛ́nsyɛ́n e é bló hwenu e é ɖe mi tɔ́n sín Ejípu é ɖó nukún mitɔn wú. Mɔ̌ wɛ Mawu Mavɔmavɔ, Mawu mitɔn ná nɔ kpɔ́ xá mi gbɔn, ɖo akɔta e ɖi xɛsi ná wɛ mi ɖe lɛ́ɛ nukɔn.