Tíntɔ́n 7:2 - MAWUXÓWÉMA

² Hwɛ ɔ́, a nǎ ɖɔ xó e un ná ɖɔ nú we lɛ́ɛ bǐ nú nɔví towe Aalɔ́ɔn, bɔ éyɛ́ ná wlí bǐ ɖɔ nú axɔ́sú Ejípu tɔn ɔ́, bónú é ná jó Izlayɛ́li ví lɛ́ɛ dó, bɔ yě ná gosín to tɔn mɛ.

Tíntɔ́n 7:2 Iomraidhean Croise

1 Axɔ́sú 22:14

Micée ka xwlé Mawu ɖɔ: “Mavɔmavɔ ɖo gbɛ! Nǔ e Mawu Mavɔmavɔ ná ɖɔ nyɛ ní ɖɔ ɔ́ wɛ un ná ɖɔ.”

Tíntɔ́n 4:15

A nǎ ɖɔ xó n'i, a nǎ ɖɔ xó e é ɖó ná ɖɔ ɔ́ n'i. Bɔ nyɛ ɔ́, nú mi ɖo xó ɖɔ wɛ ɔ́, un ná ɖo kpɔ́ xá mi mɛ ɖokpó ɖokpó, bó ná ɖɔ nǔ e mi ɖó ná wa ɔ́ nú mi.

Tíntɔ́n 4:16

Éyɛ́ wɛ ná ɖɔ xó nú togun ɔ́ ɖó tɛn towe mɛ. É wɛ ná nyí gbeyíɖɔ towe, bɔ un ná nɔ ɖɔ xó e é ná nɔ́ ɖɔ lɛ́ɛ gbɔn jǐ towe.

Tíntɔ́n 5:1

Ée nǔ énɛ́ lɛ́ɛ jɛ gúdo ɔ́, Mɔyízi kpó Aalɔ́ɔn kpó yi axɔ́sú Ejípu tɔn ɔ́ gɔ́n bó ɖɔ n'i ɖɔ: “Mawu Mavɔmavɔ, Mawu Izlayɛ́li tɔn ɔ́ ɖɔ: ‘Jǒ togun ce dó bónú é yi ɖu xwe ɖokpó dó kpa susu nú mì ɖo gbětótló mɛ.’ ”

Tíntɔ́n 6:29

é ɖɔ n'i ɖɔ: “Nyɛ wɛ nyí Mawu Mavɔmavɔ. Đɔ xó e un ɖɔ nú we lɛ́ɛ bǐ nú axɔ́sú Ejípu tɔn ɔ́.”

Tíntɔ́n 7:6

Mɔyízi kpó Aalɔ́ɔn kpó ká bló nǔ e Mawu Mavɔmavɔ ɖɔ nú yě lɛ́ɛ pɛ́pɛ́pɛ́.

Jelemíi 1:17

Jelemíi, hwɛ ɔ́, sí te, sɔ́ nǔ bó ná yi ɖɔ nǔ e un zɔ́n we lɛ́ɛ nú yě. Ma ɖi xɛsi ɖo nukɔn yětɔn ó, é má nyí mɔ̌ ǎ ɔ́, un ná dó xɛsi we ɖo nukɔn yětɔn.

Jelemíi 1:7

Bɔ Mawu Mavɔmavɔ ɖɔ nú mì ɖɔ: “Ma ɖɔ émí nyí yɔkpɔ́vú ó; mɛ e gɔ́n un ná sɛ́ we dó lɛ́ɛ ɔ́, a nǎ yi bǐ gɔ́n bó ná ɖɔ nǔ e un zɔ́n we lɛ́ɛ bǐ nú yě.

Ezekiyɛ́li 3:10

Mɛ ɔ́ lɛ́ ɖɔ nú mì ɖɔ: “Hwɛ gbɛtɔ́ ɔ́, ɖǒtó xó e ɖɔ nú we gbé un ja é céɖécéɖé bó hɛn ayi mɛ.

Ezekiyɛ́li 3:17

“Hwɛ gbɛtɔ́ ɔ́, un ná sɔ́ we mɛcɔ́tɔ́ Izlayɛ́li ví lɛ́ɛ tɔn. A nǎ nɔ́ se xó ɖo nu ce, bó ná nɔ́ ɖɔ nú yě, bónú yě ná tunwun nǔ e ɖo nǎ jɛ wɛ ɔ́.

Matíe 28:20

Mi kplɔ́n nǔ yě, bónú yě ní se tónú nú nǔ e un kplɔ́n mi lɛ́ɛ bǐ. Mi ka tunwun ɖɔ un ɖo kpɔ́ xá mi tɛgbɛ bɛ́ sín din káká yi jɛ gbe e gbe gbɛ ɔ́ ná vɔ dó é.”

Mɛsɛ́dó 20:27

Đó un jlá tito Mawu tɔn ɔ́ bǐ mi; un hwlá ɖěbǔ dó mi ǎ.

Sɛ́nflínmɛ 4:2

Mi ma gɔ́ nǔ ɖěbǔ nú nǔ e Mawu Mavɔmavɔ, Mawu mitɔn zɔ́n mi bɔ un ɖɔ nú mi lɛ́ɛ é ó; mi ma ɖe ɖěbǔ kpo ó; mi zé bǐ dó wa azɔ̌ ná.