Tíntɔ́n 7:10 - MAWUXÓWÉMA

¹⁰ Mɔyízi kpó Aalɔ́ɔn kpó ká yi axɔ́sú Ejípu tɔn ɔ́ gɔ́n, bó bló nǔ e Mawu Mavɔmavɔ ɖɔ yě ní bló é. Aalɔ́ɔn zé kpo tɔn nyi kɔ́ mɛ ɖo axɔ́sú ɔ́ kpó gǎn hɔn-yitɔ́ tɔn lɛ́ɛ kpó nukɔn, bɔ kpo ɔ́ húzú dan.

Tíntɔ́n 7:10 Iomraidhean Croise

Ɖɛhan 135:9

Mawu ɖe wuntun tɛnmɛ tɛnmɛ xlɛ́, é jlɛ́ nǔ tɛnmɛ tɛnmɛ ɖo Ejípu; é wa nǔ xá Ejípu xɔ́sú ɔ́ kpó azaglɔ́gán tɔn lɛ́ɛ kpó.

Tíntɔ́n 12:28

Yě yi bló nǔ e Mawu Mavɔmavɔ ɖɔ nú Mɔyízi kpó Aalɔ́ɔn kpó lɛ́ɛ bǐ pɛ́pɛ́pɛ́.

Tíntɔ́n 4:3

Mawu Mavɔmavɔ ɖɔ: “Sɔ́ nyi kɔ́ mɛ.” Bɔ é sɔ́ kpo ɔ́ nyi kɔ́ mɛ, bɔ é húzú dan, bɔ Mɔyízi lɔ́n jɛ zɔ.

Tíntɔ́n 7:15

Fɔ́n zǎn bó yi axɔ́sú Ejípu tɔn ɔ́ gɔ́n; hwenu e é ná tɔ́n bó ná xwe Nilu tɔ nu ɔ́, a nǎ yi kpé e ɖo Nilu tɔ ɔ́ tó, bɔ kpo e húzú dan ɖ'ayǐ ɔ́ ná ɖo alɔ towe mɛ.

Tíntɔ́n 7:20

Mɔyízi kpó Aalɔ́ɔn kpó ká bló nǔ e Mawu Mavɔmavɔ ɖɔ nú yě lɛ́ɛ: Aalɔ́ɔn zé kpo ɔ́ dó jǐ bó zin dó tɔ ɔ́ mɛ ɖo axɔ́sú ɔ́ kpó azaglɔ́gán tɔn lɛ́ɛ kpó nukún mɛ. Ée Aalɔ́ɔn bló mɔ̌ ɔ́, tɔsisa ɔ́ bǐ húzú kanjɔ.

Tíntɔ́n 7:6

Mɔyízi kpó Aalɔ́ɔn kpó ká bló nǔ e Mawu Mavɔmavɔ ɖɔ nú yě lɛ́ɛ pɛ́pɛ́pɛ́.

Tíntɔ́n 7:9

“Ényí axɔ́sú Ejípu tɔn ɔ́ ɖɔ nú mi ɖɔ mi ní jlɛ́ nǔɖé dó ɖe xlɛ́ ɖɔ nyi wɛ sɛ́ mi dó hǔn, hwɛ Mɔyízi ɔ́, a nǎ ɖɔ nú Aalɔ́ɔn ɖɔ é ní zé kpo tɔn nyi kɔ́ mɛ ɖo axɔ́sú ɔ́ nukɔn. Énɛ́ ɔ́, kpo ɔ́ ná húzú dan.”

Amɔ́si 9:3

Nú yě tlɛ yi hwlá cí Kaamɛ́li só ta ɔ́, un ná ba yě mɔ, lobo wlí yě. Nú yě ná bó ɖɔ un kún na mɔ émí ó, bó yi hwlá cí xuzan jí ɔ́, un ná ɖe gbe nú xumɛdan, bɔ é na xú aɖǔ yě.

Maki 16:18

Yě na bo zé dan ɔ́, é ná wa nǔɖé nú yě ǎ; yě na bo nu nǔvɛ́nu ɔ́, é ná wa nǔɖé nú yě ǎ. Yě ná nɔ́ ɖó alɔ azinzɔnnɔ lɛ́ɛ jí, bó ná nɔ́ gbɔ azɔn nú yě.”

Luki 10:19

Un ná acɛ mi, bɔ mi ná ɖi zɔnlin gbɔn dan jí, bó ná ɖi zɔnlin gbɔn hɔnkéklě jí, bó ná ɖu ɖo awǒvi sín hlɔ̌nhlɔ́n lɛ́ɛ bǐ jí, lobɔ nǔ ɖěbǔ ná kpé mi wú ǎ.