Tíntɔ́n 6:4 - MAWUXÓWÉMA

⁴ Un lɛ́ jɛ akɔ xá yě, bó ná ná yě Kanáa; to énɛ́ e mɛ yě yi nɔ ɖ'ayǐ é, to énɛ́ e mɛ yě hɔn yi cí é.

Tíntɔ́n 6:4 Iomraidhean Croise

Bǐbɛ́mɛ 12:7

Mawu Mavɔmavɔ tɔ́n dó Ablámu jí ɖo fínɛ́, bó ɖɔ n'i ɖɔ: “Un ná ná to élɔ́ kúnkan towe.” Bɔ Ablámu mɛ vɔ̌sákpe ɖokpó nú Mawu Mavɔmavɔ nyi fí e é tɔ́n dó jǐ tɔn ɖe ɔ́.

Bǐbɛ́mɛ 15:13

Bɔ Mawu Mavɔmavɔ ɖɔ n'i ɖɔ: “Tunwun ɖɔ vǐ towe lɛ́ɛ ná wá nyí jǒnɔ ɖo mɛ ɖěvo tomɛ. Yě ná nɔ mɛ kannu ɖo fínɛ́ bɔ è nǎ dó tagba nú yě xɔ xwe afɔwe (400).

Bǐbɛ́mɛ 15:18

Gbe énɛ́ ɔ́ gbe ɔ́, Mawu Mavɔmavɔ jɛ akɔ xá Ablámu bó ɖɔ: “Un ná to élɔ́ kúnkan towe, bɛ́ sín tɔsisa Ejípu tɔn ɔ́ kɔn káká yi tɔsisa ɖaxó Efláti ɔ́ kɔn.”

Bǐbɛ́mɛ 17:13

Hǔn, è ɖǒ nǎ gbo ada nú xwéví kpó kannumɔ e è xɔ lɛ́ɛ kpó, bónú akɔ e un jɛ xá mi ɔ́ ná nyí wuntun ɖé ɖo agbaza mitɔn wú káká sɔ́yi.

Bǐbɛ́mɛ 17:4

“Nyɛ ɔ́, akɔ e un jɛ xá we ɔ́ ɖíe: A nǎ húzú tɔ́gbó nú akɔta wɔ̌buwɔ́bú.

Bǐbɛ́mɛ 23:4

É ɖɔ nú yě ɖɔ: “Jǒnɔ wɛ un nyí ɖo tɛ́ntin mitɔn. Mi bo ná mì yɔdo ɖé ɖo mi gɔ́n, bónú má sɔ́ asi ce sín cyɔ yi ɖi d'é mɛ.”

Bǐbɛ́mɛ 26:3

Nɔ to élɔ́ mɛ fí; un ná nɔ kpɔ́ xá we, bó ná xo ɖɛ dó jǐ towe, ɖó hwi kpó kúnkan towe lɛ́ɛ kpó wɛ un ná ayǐkúngban élɔ́ bǐ, bɔ akpá e un dó nú tɔ́ towe Ablaxámu, bó xwlé nyɛ ɖésú d'é jí ɔ́, un ná ɖe.

Bǐbɛ́mɛ 26:4

Un ná bló bɔ kúnkan towe ná sukpɔ́ sunví e ɖo jǐnukúnsin lɛ́ɛ ɖɔhun. Un ná ná ayǐkúngban élɔ́ bǐ kúnkan towe lɛ́ɛ, bó ná xo ɖɛ dó akɔta e ɖo ayǐkúngban jí lɛ́ɛ bǐ jí gbɔn yě jí.

Bǐbɛ́mɛ 28:13

Bɔ Mawu Mavɔmavɔ nɔ alyá ɔ́ sín aga, bó ɖɔ: “Mawu Mavɔmavɔ wɛ un nyí; Mawu tɔ́gbó towe Ablaxámu tɔn wɛ un nyí, Mawu Izáki tɔn wɛ un nyí. Un ná ná ayǐkúngban e jí a mlɔ̌ ɔ́ hwi kpó vǐ towe lɛ́ɛ kpó.

Bǐbɛ́mɛ 28:4

Đɛ e Mawu xo dó Ablaxámu jí ɔ́ ní nɔ hwi kpódó vǐ towe lɛ́ɛ kpó jí, bónú to e é ná Ablaxámu ɔ́, to énɛ́ e mɛ a ɖo jǒnɔ nyí ɖe wɛ din ɔ́ ní nyí towe.”

Bǐbɛ́mɛ 6:18

Amɔ̌, hwɛ ɔ́, un ná jɛ akɔ xá we; a nǎ byɔ́ tɔjíhún ɔ́ mɛ, hwi kpó vǐ towe lɛ́ɛ kpó, kpó asi towe kpó, kpódó vǐ towe lɛ́ɛ sín asi lɛ́ɛ kpó.

2 Samuwɛ́li 23:5

Mɔ̌ wɛ é nyí gbɔn nú xwédo ce, ɖo Mawu nukɔn: Mawu jɛ akɔ xá mì, bɔ é ná nɔ ayǐ káká sɔ́yi. Akɔ e é jɛ xá mì ɔ́ ɖó tito ɖé lɛ́ɛ, bó ná hɛn akɔ ɔ́ ɖó te káká sɔ́yi. Mawu nɔ ná ɖuɖéjí mì ɖo nǔ bǐ mɛ. É nɔ bló nǔ e ba wɛ un ɖe é bǐ nú mì.

Ɖɛhan 105:11

Akɔ e é jɛ xá Izlayɛ́li bó ɖɔ n'i ɖɔ: “Un na ná Kanáa to ɔ́ we, bɔ é ná nyí towe, nǔ e un ná hwi kpó vǐ towe lɛ́ɛ kpó ɔ́ nɛ́.”

Ɖɛhan 105:12

Hwenɛ́nu ɔ́, yě ká sukpɔ́ ǎ. Yě sukpɔ́ ɖěbǔ ǎ, yě nyí jǒnɔ ɖo to ɔ́ mɛ,

Tíntɔ́n 13:4

Égbé wɛ mi tɔ́n sín Ejípu, ɖo Abibu sun ɔ́ mɛ.

Tíntɔ́n 13:5

Ényí Mawu Mavɔmavɔ kó kplá mi yi Kanáanu lɛ́ɛ kpó Hitíti lɛ́ɛ kpó Amɔliti lɛ́ɛ kpó Hivíti lɛ́ɛ kpó, kpódó Jebuzinu lɛ́ɛ kpó sín to mɛ ɔ́, mi ná nɔ́ ɖu xwe tɔn ɖo sun ɖokpó énɛ́ ɔ́ mɛ xwewú xwewú. To énɛ́ ɔ́ sín akpá wɛ Mawu Mavɔmavɔ kó dó nú tɔ́gbó mitɔn lɛ́ɛ; nyibúnɔ́sin kpó wǐin kpó nɔ́ sa ɖo to énɛ́ ɔ́ mɛ.

Tíntɔ́n 6:8

Un ná kplá mi yi to e sín akpá un dó, bó xwlé nǔ d'é jí ɖɔ un ná ná Ablaxámu, Izáki kpódó Jakɔ́bu kpó ɔ́ mɛ. Un ná ná to ɔ́ mi, bɔ é ná nyí mitɔn. Nyɛ Mawu Mavɔmavɔ wɛ ɖɔ mɔ̌.”

Ezayíi 55:3

Mi ɖótó te, mi wá gɔ̌n ce. Mi ɖótó mì, bó ná nɔ gbɛ.” Mawu ɖɔ: “Un ná jɛ akɔ mavɔ mavɔ ɖokpó xá mi; un ná bló mɔ̌, bó ná dó hɛn ɖagbe e sín akpá un dó nú Davídi é ɖó te káká sɔ́yi.

Kɛ́nsísɔ́ 10:29

Mɔyízi ɖɔ xó nú Hobabu; Hobabu ɔ́, Hlewuyɛ́li e nyí Madiáani ví, bó nyí Mɔyízi sín asi tɔ́ ɔ́ sín vǐ wɛ; é ɖɔ n'i ɖɔ: “Mǐ xwe to e Mawu Mavɔmavɔ ɖɔ émí ná ná mǐ ɔ́ mɛ; wǎ xwedó mǐ hɛn yi; mǐ ná wa ɖagbe nú we, ɖó Mawu Mavɔmavɔ dó akpá nú mǐ Izlayɛ́li ví lɛ́ɛ ɖɔ émí ná wa ɖagbe nú mǐ.”

Mɛsɛ́dó 7:5

Mawu ná ayǐkúngban ɖěbǔ Ablaxámu ɖo tomɛ fí ǎ; ayǐkúngban alɔbá ɖokpó vɔ́vɔ́ nyí étɔn ǎ. Lo ɔ́, Mawu dó akpá n'i ɖɔ émí ná ná ɛ to ɔ́, bɔ é ná wá nyí vǐvú tɔn lɛ́ɛ lɔ tɔn, có Ablaxámu ka ko ji vǐ ɖěbǔ hwenɛ́nu ǎ.