Tíntɔ́n 6:3 - MAWUXÓWÉMA

³ Un tɔ́n dó Ablaxámu kpó Izáki kpó Jakɔ́bu kpó jí, bó ɖe xlɛ́ yě ɖɔ un nyí Mawu Nǔbǐwúkpétɔ́. Amɔ̌, un ka ɖe xlɛ́ yě ɖɔ un nɔ lɛ́ nyí Mawu Mavɔmavɔ ǎ.

Tíntɔ́n 6:3 Iomraidhean Croise

Bǐbɛ́mɛ 13:18

Ablámu tún goxɔ tɔn lɛ́ɛ bó yi ján yě ɖó zun Mamulée tɔn lɛ́ɛ mɛ, ɖo Eblɔ́n kpá. É mɛ vɔ̌sákpe ɖokpó nyi fínɛ́ nú Mawu Mavɔmavɔ.

Bǐbɛ́mɛ 17:1

Hwenu e Ablámu ɖo xwe kanwe afɔtɔn-nukún-ɛnɛ (99) ɖó wɛ ɔ́, Mawu Mavɔmavɔ tɔ́n dó jǐ tɔn, bó ɖɔ n'i ɖɔ: “Nyɛ wɛ nyí Mawu Nǔbǐwúkpétɔ́ ɔ́. Nɔ nɔ ali ce jí; è nǐ má nɔ́ mɔ nǔjɛdo ɖé ɖɔ dó wǔ towe ó.

Bǐbɛ́mɛ 22:14

Ablaxámu sun nyǐkɔ tɛn énɛ́ ɔ́ ɖɔ “Mawu Mavɔmavɔ ná ná”. Énɛ́ ɔ́ wú wɛ káká jɛ égbé ɔ́, è nɔ ɖɔ: “Mawu Mavɔmavɔ ná ná ɖo só ɔ́ jí.”

Bǐbɛ́mɛ 28:3

Mawu Nǔbǐwúkpétɔ́ ɔ́ ní xo ɖɛ dó jǐ towe; ní bló bónú a nǐ ji bó gba kún. A nǐ nyí tɔ́gbó nú togun wɔ̌buwɔ́bú.

Bǐbɛ́mɛ 35:11

Mawu lɛ́ ɖɔ n'i ɖɔ: “Mawu Nǔbǐwúkpétɔ́ wɛ un nyí. Ji bó gba kún. Vǐ towe lɛ́ɛ ná sukpɔ́ káká bó ná nyí akɔta ɖokpó. Akɔta wɔ̌buwɔ́bú wɛ yě ná tlɛ nyí, lobɔ axɔ́sú ná tɔ́n ɖo vǐ towe lɛ́ɛ mɛ.

Bǐbɛ́mɛ 48:3

Ée Jozɛ́fu wá ɔ́, Jakɔ́bu ɖɔ n'i ɖɔ: “Mawu Nǔbǐwúkpétɔ́ ɔ́ tɔ́n dó jǐ ce ɖo Lǔzi, ɖo Kanáa tomɛ, bó xo ɖɛ dó jǐ ce,

Ɖɛhan 68:4

Lo ɔ́, mɛ e nɔ wa nǔ ɖó sɛ́nxwi jí lɛ́ɛ nɔ ɖo xomɛhunhun jí ɖo nukɔn tɔn; yě nɔ́ j'awǎ káká, yě nɔ́ j'awǎ bɔ é nɔ́ vɛ́ jlɛ́, yě nɔ́ ɖo xomɛ hun mɛ wá ɖó wɛ.

Ɖɛhan 83:18

Wi yětɔn ní kɔ́n, xɛsi ní ɖo yě jí káká sɔ́yi, yě ní ɖu hɛ̌n, yě ní kú.

Tíntɔ́n 15:3

Mawu Mavɔmavɔ ɔ́, ahwanfuntɔ́ wɛ é nyí. Mawu Mavɔmavɔ wɛ nyǐkɔ tɔn nyí.

Tíntɔ́n 23:21

Mi nɔ sí i, bó nɔ́ se tónú n'i; mi ma gbɛ́ gbe n'i ó, mi fɔ́n gǔ do jǐ tɔn ɔ́, é ná sɔ́ kɛ mi ǎ, ɖó nyǐkɔ ce mɛ wa azɔ̌ dó wɛ é ɖe.

Tíntɔ́n 3:14

Énɛ́ ɔ́, Mawu ɖɔ nú Mɔyízi ɖɔ: “UN NYÍ MƐ E UN NYÍ É .” Hǔn nǔ e a nǎ ɖɔ nú Izlayɛ́li ví lɛ́ɛ ɔ́ ɖíe: mɛ e nyǐkɔ tɔn nyí “UN NYÍ” ɔ́ wɛ sɛ́ mì dó gɔ̌n mitɔn.

Ezayíi 42:8

Nyi wɛ nyí Mawu Mavɔmavɔ; mɔ̌ wɛ nyǐkɔ ce nyí; susu e nyí ce ɔ́, un nɔ jó dó nú mɛ ɖé ǎ. Un ka nɔ jó yɛ̌yi e nyí ce ɔ́ dó nú bǒcyɔ ɖé ǎ.

Ezayíi 44:6

Mawu Mavɔmavɔ, Izlayɛ́li xɔ́sú ɔ́, Mɛhwlɛ́ngántɔ́ Izlayɛ́li tɔn ɔ́, Mawu Mavɔmavɔ Nǔbǐwúkpétɔ́ ɔ́, xó e é ɖɔ ɔ́ ɖíe: “Nyi wɛ nyí bǐbɛ́mɛ, bó lɛ́ nyí vivɔnu nǔ bǐ tɔn. Nyɛ mɛvo ɔ́, Mawu ɖě sɔ́ tíin ǎ.

Jelemíi 16:21

Mawu ɖɔ: “Din tɔn ɔ́, un ná ɖe nǔwúkpíkpé ce kpó acɛkpikpa ce kpó xlɛ́ yě, bɔ yě ná tunwun ganjí; énɛ́ ɔ́, yě ná mɔ nukún jɛ wú ɖɔ Mawu Mavɔmavɔ wɛ un nyí.”

Jelemíi 33:2

Xó e Mawu Mavɔmavɔ ɖɔ ɔ́ ɖíe; Mawu Mavɔmavɔ e bló ayǐkúngban, bó ɖó tɛn ná ɔ́, éyɛ́ mɛ e nyǐkɔ tɔn nɔ́ nyí Mawu Mavɔmavɔ ɔ́, xó e é ɖɔ é ɖíe:

Ezekiyɛ́li 20:5

Ɖɔ nú yě ɖɔ: Xó e nyɛ Aklúnɔ Mavɔmavɔ ɖɔ nú tɔ́gbó yětɔn lɛ́ɛ ɔ́ ɖíe: hwenu e un sɔ́ Izlayɛ́li togun Jakɔ́bu ví lɛ́ɛ ɔ́, un zin alɔ dó akɔ́n nú yě bǐ, bó ɖe nyiɖée xlɛ́ yě ɖo Ejípu. Un zin alɔ dó akɔn nú yě ɖɔ nyɛ wɛ nyí Mawu Mavɔmavɔ, Mawu yětɔn.

Ezekiyɛ́li 37:13

Hwenu e un ná hun yɔdo mitɔn lɛ́ɛ, bó ná ɖe mi tɔ́n sín mɛ ɔ́, mi ná tunwun ɖɔ nyɛ wɛ nyí Mawu Mavɔmavɔ.

Ezekiyɛ́li 37:6

Un na lɛ́ bló kan dó mi wú, lanti ná nyɛ ɖo mi wú, bɔ un ná sɔ́ anyǔ bú dó; énɛ́ ɔ́ gúdo ɔ́, un ná ná funfún mi, bɔ mi ná fɔ́n; énɛ́ ɔ́, mi ná tunwun ɖɔ nyi wɛ nyí Mawu Mavɔmavɔ.”

Jǎan 8:58

Jezu ka ɖɔ nú yě ɖɔ: “Ma ɖɔ nǔgbó nú mi: cóbónú Ablaxámu ná jɔ ɔ́, nyɛ ko tíin.”

Nǔɖexlɛ́mɛ 1:4

Nyɛ Jǎan wɛ sɛ́ wěma élɔ́ dó agun Klísu tɔn tɛ́nwe e ɖo tokpɔn Azíi tɔn mɛ lɛ́ɛ: Mawu e tíin din, bó ka kó tíin ɖ'ayǐ, bó ná wá ɔ́ ní ná fɛ́nú kpó fífá kpó mi; yɛ tɛ́nwe e ɖo axɔ́súzinkpo tɔn nukɔn lɛ́ɛ ní ná fɛ́nú kpó fífá kpó mi; Jezu Klísu e nyí kúnnuɖetɔ́ gbejínɔtɔ́, bó nyí mɛ nukɔntɔn e Mawu fɔ́n sín kú é, bó hú gǎn axɔ́sú e ɖo ayǐkúngban jí lɛ́ɛ é ní ná fɛ́nú kpódó fífá kpó mi. Jezu Klísu yí wǎn nú mǐ; é hwlɛ́n mǐ sín hwɛ e mǐ hu lɛ́ɛ mɛ, gbɔn kanjɔ tɔn gbla mɛ;

Hwliti 1:20

Nɔemíi ka yí gbe nú yě ɖɔ: “Mi ma sɔ́ ylɔ́ mì ɖɔ Nɔemíi ɖě ó, mi ylɔ́ mì ɖɔ Mala, ɖó Nǔbǐwúkpétɔ́ ɔ́ sɔ́ mì dó aluwɛ ɖaxó ɖé mɛ.