Tíntɔ́n 6:2 - MAWUXÓWÉMA

² Mawu lɛ́ ɖɔ nú Mɔyízi ɖɔ: “Nyɛ wɛ nyí Mawu Mavɔmavɔ.

Tíntɔ́n 6:2 Iomraidhean Croise

Bǐbɛ́mɛ 15:7

Mawu Mavɔmavɔ lɛ́ ɖɔ nú Ablámu ɖɔ: “Nyɛ wɛ nyí Mawu Mavɔmavɔ e ɖe we tɔ́n sín Wúu, ɖo Kaludée é. Un ná ná to élɔ́ e mɛ a ɖe ɔ́ we, bɔ é ná nyí towe.”

Tíntɔ́n 12:12

“Zǎn énɛ́ ɔ́ mɛ ɔ́, un ná gbɔn Ejípu to ɔ́ mɛ, bó ná hu nukɔngbéví súnnu e ɖo to ɔ́ mɛ lɛ́ɛ bǐ, un ná hu gbɛtɔ́ kpó kanlin kpó sín nukɔngbéví bǐ. Un ná ɖó hwɛ nú vodún e ɖo Ejípu lɛ́ɛ bǐ. Nyɛ wɛ nyí Mawu Mavɔmavɔ.

Tíntɔ́n 14:18

Hwenu e un ná ɖe susu ce xlɛ́ axɔ́sú ɔ́ gbɔn mɔ̌ ɔ́, Ejípunu lɛ́ɛ ná tunwun ɖɔ nyɛ wɛ nyí Mawu Mavɔmavɔ.”

Tíntɔ́n 15:3

Mawu Mavɔmavɔ ɔ́, ahwanfuntɔ́ wɛ é nyí. Mawu Mavɔmavɔ wɛ nyǐkɔ tɔn nyí.

Tíntɔ́n 17:1

Mawu Mavɔmavɔ ná gbe Izlayɛ́li ví lɛ́ɛ bɔ yě bǐ gosín Sínu sín gbětótló ɔ́ mɛ, bó ɖo yiyi wɛ kpɛɖé kpɛɖé káká bó yi jɛ Hlefidímu, bó ɖó gɔnu ɖó fínɛ́. Yě ká mɔ sin nu ɖo fínɛ́ ǎ.

Tíntɔ́n 20:2

“Nyɛ wɛ nyí Mawu Mavɔmavɔ, Mawu towe e ɖe we tɔ́n sín Ejípu fí e a nyǐ kannumɔ ɖe é.

Tíntɔ́n 3:14

Énɛ́ ɔ́, Mawu ɖɔ nú Mɔyízi ɖɔ: “UN NYÍ MƐ E UN NYÍ É .” Hǔn nǔ e a nǎ ɖɔ nú Izlayɛ́li ví lɛ́ɛ ɔ́ ɖíe: mɛ e nyǐkɔ tɔn nyí “UN NYÍ” ɔ́ wɛ sɛ́ mì dó gɔ̌n mitɔn.

Tíntɔ́n 3:15

Mawu lɛ́ ɖɔ nú Mɔyízi ɖɔ: “A nǎ ɖɔ nú Izlayɛ́li ví lɛ́ɛ ɖɔ Mawu Mavɔmavɔ, Mawu e tɔ́gbó yětɔn lɛ́ɛ nɔ sɛn ɔ́ wɛ sɛ́ émí dó. Mawu e Ablaxámu, Izáki, kpó Jakɔ́bu kpó nɔ sɛn ɔ́ wɛ sɛ́ émí dó yě gɔ̌n. Nyǐkɔ ce nɛ́ káká sɔ́yi; nyǐkɔ ce nɛ́ nú hwe lɛ́ɛ bǐ nu.”

Tíntɔ́n 6:29

é ɖɔ n'i ɖɔ: “Nyɛ wɛ nyí Mawu Mavɔmavɔ. Đɔ xó e un ɖɔ nú we lɛ́ɛ bǐ nú axɔ́sú Ejípu tɔn ɔ́.”

Tíntɔ́n 6:6

Énɛ́ ɔ́ wú ɔ́, a nǎ ɖɔ nú Izlayɛ́li ví lɛ́ɛ ɖɔ nyɛ wɛ nyí Mawu Mavɔmavɔ; a nǎ ɖɔ nú yě ɖɔ un ná ɖe yě sín azɔ̌ syɛ́nsyɛ́n e Ejípunu lɛ́ɛ ɖó kɔ jí nú yě lɛ́ɛ mɛ. Mɛ kannu wɛ yě ɖe, un ka ná ɖe yě sín mɛ kannu. Un ná zán hlɔ̌nhlɔ́n ce dó dɔn tó nú Ejípunu lɛ́ɛ bɔ é ná syɛ́n ɖésú, bó dó ɖe yě tɔ́n. Mɛ ɖé nɔ́ nɔ te hlɔ̌nhlɔ́n ce nukɔn ǎ.

Tíntɔ́n 6:8

Un ná kplá mi yi to e sín akpá un dó, bó xwlé nǔ d'é jí ɖɔ un ná ná Ablaxámu, Izáki kpódó Jakɔ́bu kpó ɔ́ mɛ. Un ná ná to ɔ́ mi, bɔ é ná nyí mitɔn. Nyɛ Mawu Mavɔmavɔ wɛ ɖɔ mɔ̌.”

Ezayíi 42:8

Nyi wɛ nyí Mawu Mavɔmavɔ; mɔ̌ wɛ nyǐkɔ ce nyí; susu e nyí ce ɔ́, un nɔ jó dó nú mɛ ɖé ǎ. Un ka nɔ jó yɛ̌yi e nyí ce ɔ́ dó nú bǒcyɔ ɖé ǎ.

Ezayíi 43:11

Nyɛ wɛ nyí Mawu Mavɔmavɔ; nyi ɖokpónɔ géé wɛ nyí mɔ̌. Nyɛ mɛ vo ɔ́, mɛhwlɛ́ngántɔ́ ɖě sɔ́ ɖe ǎ.

Ezayíi 43:15

Nyɛ wɛ nyí Mawu Mavɔmavɔ, Mɛ Mímɛ́ mitɔn; nyi wɛ ɖó Izlayɛ́li, nyi wɛ nyí axɔ́sú mitɔn.”

Ezayíi 44:6

Mawu Mavɔmavɔ, Izlayɛ́li xɔ́sú ɔ́, Mɛhwlɛ́ngántɔ́ Izlayɛ́li tɔn ɔ́, Mawu Mavɔmavɔ Nǔbǐwúkpétɔ́ ɔ́, xó e é ɖɔ ɔ́ ɖíe: “Nyi wɛ nyí bǐbɛ́mɛ, bó lɛ́ nyí vivɔnu nǔ bǐ tɔn. Nyɛ mɛvo ɔ́, Mawu ɖě sɔ́ tíin ǎ.

Jelemíi 9:24

Mawu Mavɔmavɔ ɖɔ: “Éɖíe, azǎn ɔ́ jǎwe, bɔ un ná dɔn tó nú mɛ e gbo ada, bo ká jɛ ada gbigbo nyí kpowun lɛ́ɛ.

Ezekiyɛ́li 20:5

Ɖɔ nú yě ɖɔ: Xó e nyɛ Aklúnɔ Mavɔmavɔ ɖɔ nú tɔ́gbó yětɔn lɛ́ɛ ɔ́ ɖíe: hwenu e un sɔ́ Izlayɛ́li togun Jakɔ́bu ví lɛ́ɛ ɔ́, un zin alɔ dó akɔ́n nú yě bǐ, bó ɖe nyiɖée xlɛ́ yě ɖo Ejípu. Un zin alɔ dó akɔn nú yě ɖɔ nyɛ wɛ nyí Mawu Mavɔmavɔ, Mawu yětɔn.

Malacíi 3:6

“Nyɛ Mawu Mavɔmavɔ ɔ́, un nɔ húzú ǎ, midɛɛ lɛ́ɛ ɔ́, mi ka gɔn Jakɔ́bu ví titewungbe lɛ́ɛ nyí ǎ.