Tíntɔ́n 5:8 - MAWUXÓWÉMA

⁸ Amɔ̌ blǐki nabí e yě kó nɔ sún ɖ'ayǐ ɔ́ jɛ́n mi ná lɛ́ byɔ́ yě ɖɔ yě ní sún dandan; é ná hwe ɖokpó ǎ. Đó fɔnlínnɔ wɛ yě nyí. Nǔ e wú wɛ yě ɖo xó sú wɛ bó ɖo ɖiɖɔ wɛ ɖɔ émí ná yi sá vɔ̌ nú Mawu émítɔn ɔ́ nɛ́.

Tíntɔ́n 5:8 Iomraidhean Croise

Ɖɛhan 106:41

É jó yě nú akɔta lɛ́ɛ, bɔ mɛ e gbɛ́ wǎn nú yě lɛ́ɛ kpa acɛ nú yě.

Tíntɔ́n 1:11

Ée axɔ́sú ɔ́ ɖɔ mɔ̌ ɔ́, è ɖe azɔ̌gán ɖé lɛ́ɛ ɖó yě nu, bónú yě ná nɔ́ ɖó azɔ̌ syɛ́nsyɛ́n lɛ́ɛ kɔ jí nú Izlayɛ́li ví lɛ́ɛ dó dó ya nú yě. Lě e yě bló gbɔn bɔ Izlayɛ́li ví lɛ́ɛ ɖó Pitɔ́mu toxo kpó Hlamusɛ́si toxo kpó ayǐ ɔ́ nɛ́. Toxo énɛ́ lɛ́ɛ mɛ wɛ è nɔ bɛ́ axɔ́sú sín jinukún lɛ́ɛ ɖó.

Tíntɔ́n 5:17

Ée yě ɖɔ mɔ̌ ɔ́, axɔ́sú ɔ́ ɖɔ nú yě ɖɔ: “Kpɔ́n nǔ fɔnlínnɔ nɛ́ lɛ́ɛ, fɔnlín wɛ ɖo tagba dó nú mi wɛ, nǔ e wú mi ɖɔ émí ná yi sá vɔ̌ nú Mawu Mavɔmavɔ ɔ́ nɛ́

Tíntɔ́n 5:19

Ée è ɖɔ nú Izlayɛ́li ví azɔ̌jíkpɔ́ntɔ́ lɛ́ɛ ɖɔ è kún ná ɖe blǐki nabí e yě nɔ́ sún ɖ'ayǐ gbe ɖokpó ɔ́ kpo ó ɔ́, yě mɔ ɖɔ adǎn ɖíe gbo émí e.

Tíntɔ́n 5:7

“Mi ma sɔ́ ná gběhan e Izlayɛ́li ví lɛ́ɛ ná nɔ́ dó sún blǐki ná ɔ́ ɖě yě lě e mǐ kó nɔ bló gbɔn ɖ'ayǐ ɔ́ ó, yě ɖésúnɔ ní nɔ́ yi ba.

Tíntɔ́n 5:9

Mi dó azɔ̌ azɔ̌ jí nú yě, nú yě ní ɖo wiwa wɛ, énɛ́ ɔ́, yě sɔ́ ná mɔ agbɔ̌n bó ná ɖo adingban ɖó wɛ ǎ.”