Tíntɔ́n 5:2 - MAWUXÓWÉMA

² Bɔ axɔ́sú ɔ́ ɖɔ: “Mɛ nǎhún wɛ Mawu Mavɔmavɔ nyí bɔ un ná se tó nú n'i, bó ná jó Izlayɛ́li ví lɛ́ɛ dó bɔ yě ná yi ɔ́? Un tunwun Mawu Mavɔmavɔ ɖé ǎ, un ka ɖo Izlayɛ́li ví lɛ́ɛ ná jó dó wɛ ǎ.”

Tíntɔ́n 5:2 Iomraidhean Croise

2 Axɔ́sú 18:35

Vodún to énɛ́ lɛ́ɛ tɔn ɖě tɛ́ ká gbɛ́ nú mì ɖɔ nyɛ ní má yí to yětɔn ó, bɔ é ná nyí Mawu Mavɔmavɔ wɛ ná wá gbɛ́ nú mì ɖɔ nyɛ ní má yí Jeluzalɛ́mu toxo ɔ́ ó?’ ”

2 Tan 32:14

Đo nǔmɛsɛn e ɖo to énɛ́ lɛ́ɛ e tɔ́gbó ce lɛ́ɛ gba lɛ́ɛ bǐ mɛ ɔ́, ɖě tɛ́ wɛ kpé wú bó hwlɛ́n togun tɔn ɖo así ce, bɔ é ná nyí nǔmɛsɛn midɛɛ lɛ́ɛ tɔn wɛ ná hwlɛ́n mi ɖo así ce?

2 Tan 32:15

Hǔn, mi ma lɔn nú Ezekiyási ní ɖó adingban nú mi, bó blɛ́ mi mɔ̌ ó. Mi ma ɖi xó tɔn ó. Đó nǔmɛsɛn ɖěbǔ tíin ɖo akɔta ɖěbǔ mɛ abǐ axɔ́súɖuto ɖěbǔ mɛ bó ná kpé wú bó hwlɛ́n togun tɔn ɖo así ce ǎ, ɖě ká ɖe bó ná hwlɛ́n ɖo tɔ́gbó ce lɛ́ɛ sí ǎ. Nɛ̌ wɛ nǔmɛsɛn mitɔn ka ná kpé wú bó hwlɛ́n mi ɖo así ce gbɔn?”

2 Tan 32:19

Yě ɖo Mawu Jeluzalɛ́mu tɔn ɔ́ xó ɖɔ wɛ nǔmɛsɛn ɖé kpowun xó ɖɔ wɛ yě ɖe ɖɔhun; nǔmɛsɛn akɔta ɖě lɛ́ɛ tɔn e è sɔ́ alɔ dó bló ná lɛ́ɛ ɖɔhun.

Nɛɛmíi 9:10

A jlɛ̌ nǔ dó dɔn tó nú axɔ́sú Ejípu tɔn kpó gǎn hɔn-yitɔ́ tɔn lɛ́ɛ kpó, kpódó togun tɔn bǐ kpó, ɖó a tunwun go e Ejípunu lɛ́ɛ nɔ yí tɔ́gbó mǐtɔn lɛ́ɛ wú é. È sɔ́ nyǐkɔ towe su ɖaxó hwenɛ́nu, bɔ nyǐkɔ towe sín susu lɛ́ kpo ɖo te káká jɛ égbé.

Jɔ̌bu 15:25

Đó yě sɔ́ alɔ Mawu, yě glá awa ɖo Nǔbǐwúkpétɔ́ ɔ́ nukɔn.

Jɔ̌bu 15:26

Yě hɛn gǎglónú yětɔn tlitli ɔ́, bó dó kɔ do, bó zun dó Mawu jí.

Jɔ̌bu 21:15

Hwi mɛ e è nɔ ylɔ́ ɖɔ Nǔbǐwúkpétɔ́ ɔ́, étɛ́ wɛ a nyí bɔ mǐ nǎ sɛn we? Mǐ sa vo nú we ɔ́, étɛ́ ká ná nyɔ́ nú mǐ ɖ'é mɛ?”

Ɖɛhan 10:4

Mɛdídá ɖo awa glá wɛ, bó nɔ́ ɖɔ: “Mawu nɔ́ dɔn tó ɖě nú mɛ ǎ, Mawu ɖě ká tíin lɔ ǎ.” Fí e ayi tɔn mɔ nǔ jɛ ɔ́ bǐ nɛ́.

Ɖɛhan 12:4

Mawu Mavɔmavɔ ní vívá kún nú mɛ e nɔ víví nu lɛ́ɛ, é ní vívá kún nú mɛ e nɔ dó jimakplɔ́ngbe lɛ́ɛ,

Ɖɛhan 12:5

é ní vívá kún nú mɛ e nɔ ɖɔ: “Đɛ̌ bí nú mǐ, mǐ nyɔ̌ xó ɖɔ, mɛ̌ ka ná sixú kpa acɛ nú mǐ” lɛ́ɛ.

Ɖɛhan 14:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. Davídi sín han wɛ. Xlonɔ lɛ́ɛ nɔ́ ɖɔ dó ayi mɛ ɖɔ: “Mawu ɖě tíin ǎ.” Yě gblé, bó ja dɔn dě ɖɔhun; zǐnzán yětɔn gbɛ́ hɛn, mɛ ɖé ɖo yě mɛ bó nɔ wa nǔ ɖagbe ǎ.

Tíntɔ́n 3:19

Nyɛ ka tunwun ganjí ɖɔ axɔ́sú ɔ́ kún ná jó mi dó bɔ mi ná yi ó, è na bó hɛn ɛ syɛ́nsyɛ́n ɔ́, é ná jó mi dó ǎ.

Tíntɔ́n 7:17

Énɛ́ ɔ́ wú ɔ́, Mawu Mavɔmavɔ ɖɔ nǔ e ná jlɛ́ wɛ émí ɖe din ɔ́ ná ɖe xlɛ́ we ɖɔ Mawu Mavɔmavɔ wɛ émí nyí. Din ɔ́, kpɔ́n ganjí, un ná zin kpo e ɖo alɔ ce mɛ ɔ́ dó Nilu tɔ ɔ́ mɛ, bɔ é ná húzú kanjɔ.

Nǔnywɛ́xó 30:9

Ényí un ɖó nǔ dín ɔ́, un táá wá hu tɛ́ nú we bó ɖɔ: ‘Mawu Mavɔmavɔ tɛ́! Mɛ̌ wɛ nyí mɔ̌?’ Un ka ɖo ya mɛ ɔ́, un táá ja ajo, bó ná dó hɛ̌n hwi Mawu ce.

Jelemíi 42:13

“Lo ɔ́, ényí mi ma bló nǔ e Mawu Mavɔmavɔ, Mawu mitɔn ɖɔ é ǎ, bó ɖɔ: mǐ nǎ nɔ to élɔ́ mɛ fí ǎ, gbeɖé,

Jelemíi 48:26

Mɔwabu mɔ ɖɔ émí hú gǎn Mawu Mavɔmavɔ. Ényí mɔ̌ hǔn, mi ná ɛ ahan nú é nu mú. É ní vi, bó blí gbo gbɔn mɛ babá ɖɔhun. É ní húzú nǔkiko.

Daniyɛ́li 3:15

Din ɔ́, mi nɔ acéjí. Mi ná lɛ́ se ahwankpɛn, kpete, kanhún, kpó nǔxonú alɔkpa alɔkpa kpó sín gbe, lobo ná jɛ kpo bó ɖe kɔ́ nú bǒcyɔ ɔ́. Ényí mi ma ɖe kɔ́ ná ǎ ɔ́, è nǎ bɛ́ mi dó myɔkpó e mɛ myɔ ɖo jiji ɖe wɛ hɛhɛ é mɛ din tlóló, bɔ un ná kpɔ́n vodún e ná yí mi sín fɛn ce mɛ é.”

Jǎan 16:3

Yě ná wa nǔ gbɔn mɔ̌, ɖó yě tunwun Tɔ́ ce ǎ; yě ká tunwun nyɛ lɔmɔ̌ ǎ.

Hlɔ̌manu 1:28

Ée yě gbɛ̌ ɖɔ émí kún ná tunwun Mawu ó é ɔ́, Mawu jǒ yě dó bɔ yě nɔ wa nǔ e linlin masɔgbe yětɔn jló lɛ́ɛ é, bó nɔ́ ɖo nǔ e yě má ɖó ná wa ǎ é wa wɛ.

Hwɛɖɔtɔ́ 2:10

Énɛ́ ɔ́ gúdo ɔ́, mɛ e jɔ Jozuwée hwe nu lɛ́ɛ wá kú. Mɛ e jɛ fínɛ́ lɛ́ɛ tunwun Mawu Mavɔmavɔ ǎ; yě ká tunwun azɔ̌ e é wa nú Izlayɛ́li ví lɛ́ɛ ɔ́ ǎ.

1 Samuwɛ́li 2:12

Eli ví lɛ́ɛ ɔ́, nǔvɔ́nɔ wɛ nú yě; yě ké ya nú Mawu Mavɔmavɔ ǎ.

1 Samuwɛ́li 25:10

Navalu ka ɖɔ nú mɛsɛntɔ́ Davídi tɔn lɛ́ɛ ɖɔ: “Mɛ̌ ka nyí Davídi Jɛsée ví ɔ́ tawun? Égbé din ɔ́, mɛsɛntɔ́ gěgé tíin bó nɔ hɔn sín gǎn yětɔn lɛ́ɛ gɔ́n,