Tíntɔ́n 5:1 - MAWUXÓWÉMA

¹ Ée nǔ énɛ́ lɛ́ɛ jɛ gúdo ɔ́, Mɔyízi kpó Aalɔ́ɔn kpó yi axɔ́sú Ejípu tɔn ɔ́ gɔ́n bó ɖɔ n'i ɖɔ: “Mawu Mavɔmavɔ, Mawu Izlayɛ́li tɔn ɔ́ ɖɔ: ‘Jǒ togun ce dó bónú é yi ɖu xwe ɖokpó dó kpa susu nú mì ɖo gbětótló mɛ.’ ”

Tíntɔ́n 5:1 Iomraidhean Croise

1 Axɔ́sú 21:20

Elíi yi dó wɛn ɔ́ Akábu, bɔ Akábu ɖɔ n'i ɖɔ: “Kɛntɔ́ ce, a kpo ɖo gǔdo ce” Bɔ Elíi yí gbe n'i ɖɔ: “Ɛɛn! Un kpo ɖo gǔdo towe! Nǔ e má nyɔ́ Mawu Mavɔmavɔ nukún mɛ ǎ é wiwa wɛ nɔ víví nú we; énɛ́ wútu ɔ́,

Ɖɛhan 119:46

Un ná ɖɔ sɛ́n towe lɛ́ɛ nú axɔ́sú lɛ́ɛ, winnyá ná hu mì ǎ.

Tíntɔ́n 10:3

Mɔyízi kpó Aalɔ́ɔn kpó yi axɔ́sú ɔ́ gɔ́n, bó ɖɔ n'i ɖɔ: “Mawu Mavɔmavɔ, Mawu Eblée lɛ́ɛ tɔn ɔ́ ɖɔ: ‘Káká jɛ hwetɛ́nu wɛ a nǎ gbɛ́ hwiɖée zé hwe ɖo nukɔn ce dó? Jǒ togun ce dó bónú é ní yi sɛn mì.

Tíntɔ́n 10:4

Ényí a gbɛ̌ ɖɔ émí kún ná jó togun ce dó bɔ é ná yi ó ɔ́, é jɛ sɔ ɔ́, un ná dɔn wɛn lɛ́ɛ byɔ́ to towe mɛ.

Tíntɔ́n 10:9

Bɔ Mɔyízi yí gbe n'i ɖɔ: “Mǐ mɛ bǐ wɛ ná yi; mǐ ná kplá mɛ wínnyáwínnyá mǐtɔn lɛ́ɛ, mǐ ná kplá nyɔ̌ɖaxóví mǐtɔn lɛ́ɛ, súnnu kpó nyɔ̌nu kpó, lobo ná kplá lɛ̌ngbɔ́ mǐtɔn lɛ́ɛ, kpó nyibú mǐtɔn lɛ́ɛ kpó, ɖó xwe ɔ́, Mawu Mavɔmavɔ tamɛ wɛ mǐ ná yi ɖu dó.”

Tíntɔ́n 3:18

“Izlayɛ́li ví lɛ́ɛ ná ɖótó we. Bɔ hwi kpó Izlayɛ́li sín tomɛxó lɛ́ɛ kpó ná yi axɔ́sú Ejípu tɔn ɔ́ gɔ́n, bó ná ɖɔ n'i ɖɔ: ‘Mawu Mavɔmavɔ, Mawu mǐ Eblée lɛ́ɛ tɔn ɔ́ tɔ́n dó mǐ jí. Din ɔ́, nǎ gbe mǐ, nú mǐ nǎ ɖi zɔnlin xɔ azǎn atɔn ɖo gbětótló mɛ, bó ná yi sá vɔ̌ nú Mavɔmavɔ Mawu mǐtɔn.’

Tíntɔ́n 33:13

Din ɔ́, a nǎ fɛ́nú towe mì nǔgbó hǔn, blǒ bónú má tunwun linlin towe lɛ́ɛ; énɛ́ ɔ́, un ná tunwun we nǔgbó nǔgbó, bɔ a nǎ lɛ́ ná fɛ́nú towe mì yi fó. Ma wɔn ɖɔ émítɔn wɛ togun élɔ́ nyí ó.”

Tíntɔ́n 4:23

Jǒ vǐ súnnu ce dó ní yi, bó ná yi sɛn mì; é ɖó ɖɔ a gbɛ̌ ǎ. Nú a gbɛ̌ ɖɔ é kún ná yi ó ɔ́, un ná hu vǐ súnnu towe nukɔngbéví towe ɔ́.’ ”

Tíntɔ́n 6:11

“Yi ɖɔ xó nú axɔ́sú Ejípu tɔn ɔ́ bónú é ná jó Izlayɛ́li ví lɛ́ɛ dó nú yě ná tɔ́n sín to tɔn mɛ.”

Tíntɔ́n 6:27

Mɔyízi kpó Aalɔ́ɔn kpó wɛ nyí mɛ e ɖɔ xó nú axɔ́sú Ejípu tɔn ɔ́, bó ná ɖe Izlayɛ́li ví lɛ́ɛ tɔ́n sín Ejípu é.

Tíntɔ́n 7:16

A nǎ ɖɔ nú axɔ́sú ɔ́ ɖɔ: ‘Mawu Mavɔmavɔ, Mawu Eblée lɛ́ɛ tɔn sɛ́ mì dó gɔ̌n towe ɖɔ má wá ɖɔ nú we ɖɔ hwi ní jó togun émítɔn dó nú yě ná yi sɛn émí ɖo gbětótló mɛ. Hwi ɖíe má ká ɖi nǔ nú xó énɛ́ ɔ́ káká wá jɛ din ǎ e.

Tíntɔ́n 7:2

Hwɛ ɔ́, a nǎ ɖɔ xó e un ná ɖɔ nú we lɛ́ɛ bǐ nú nɔví towe Aalɔ́ɔn, bɔ éyɛ́ ná wlí bǐ ɖɔ nú axɔ́sú Ejípu tɔn ɔ́, bónú é ná jó Izlayɛ́li ví lɛ́ɛ dó, bɔ yě ná gosín to tɔn mɛ.

Tíntɔ́n 8:1

Mawu Mavɔmavɔ ɖɔ nú Mɔyízi ɖɔ: “Đɔ nú Aalɔ́ɔn ɖɔ ní dlɛ́n alɔ tɔn lɛ́ɛ dó tɔsisa lɛ́ɛ, tɔdo lɛ́ɛ kpó tán lɛ́ɛ kpó jí, bó ɖe běsé lɛ́ɛ tɔ́n kɔn nyi Ejípu to ɔ́ mɛ.”

Tíntɔ́n 8:16

Mawu Mavɔmavɔ ɖɔ nu Mɔyízi ɖɔ: “A nǎ fɔ́n zǎn, bɔ hwenu e axɔ́sú Ejípu tɔn ná tɔ́n bó ná xwe tɔ nu ɔ́, a nǎ ɖɔ n'i ɖɔ: ‘Mawu Mavɔmavɔ ɖɔ: jǒ togun ce dó bónú é ní yi sɛn mì.

Tíntɔ́n 8:17

Đǒtó! Nú a ma jó togun ce dó nú é yi ǎ ɔ́, un ná sɛ́ asɔfin dó we, un ná sɛ́ dó gǎn hɔn-yitɔ́ towe lɛ́ɛ, bó ná sɛ́ do togun towe kpó mɛ e ɖo xwé towe gbe lɛ́ɛ kpó. Asɔfin lɛ́ɛ ná gɔ́ Ejípunu lɛ́ɛ sín xwé gbe, bó ná kpé ayǐkúngban e jí yě ɖe ɔ́ bǐ jí.

Tíntɔ́n 8:20

Mawu Mavɔmavɔ ká bló nǔ e é ɖɔ ɔ́. Asɔfin vun blá axɔ́sú ɔ́ sín hɔnmɛ, bó vun blá gǎn hɔn-yitɔ́ tɔn lɛ́ɛ sín xwé gbe, bó hɛn nǔ e ɖo to ɔ́ mɛ lɛ́ɛ bǐ gblé.

Tíntɔ́n 8:27

Mawu Mavɔmavɔ ká bló nǔ e Mɔyízi byɔ́ ɛ é, bɔ axɔ́sú ɔ́ kpó gǎn hɔn-yitɔ́ tɔn lɛ́ɛ kpó, kpó togun ɔ́ kpó ba asɔfin lɛ́ɛ kpo; é sɔ́ kpo ɖokpó géé ǎ.

Tíntɔ́n 9:1

Mawu Mavɔmavɔ ɖɔ nú Mɔyízi ɖɔ: “Yi axɔ́sú Ejípu tɔn ɔ́ gɔ́n, bó ɖɔ n'i ɖɔ: ‘Mawu Mavɔmavɔ, Mawu Eblée lɛ́ɛ tɔn ɔ́ ɖɔ: Jǒ togun ce dó bónú é ní yi sɛn mì.

Tíntɔ́n 9:2

Ényí a gbɛ́ ɖɔ émí kún ná jó e dó bónú é ná yi ó, bó hɛn ɛ ɖó te ɔ́,

Ezayíi 25:6

Mawu Mavɔmavɔ Nǔbǐwúkpétɔ́ ɔ́ ná ylɔ́ agɔ̌ ɖokpó nú togun lɛ́ɛ bǐ ɖo Sinyɔ́ɔ só ta; yě ná ɖu lan ɖagbe ɖagbe lɛ́ɛ, bó ná nu vɛ̌ɛn ɖagbe ɖagbe lɛ́ɛ d'é jí. Lan ɖagbe e bɔ ganjí é wɛ yě ná ɖu, bó ná nu vɛ̌ɛn atata lɛ́ɛ d'é jí.

Ezekiyɛ́li 2:6

“Hwɛ gbɛtɔ́ ɔ́, ma ka ɖi xɛsi nú yě ó; ma nú adǎn e gblɔ́n nú we wɛ yě ɖe lɛ́ɛ dó xɛsi nú we ó. Mɛ énɛ́ lɛ́ɛ ɔ́, wunkan kpó hɔnkéklě kpó wɛ yě nyí. Amɔ̌, ma nú adǎn e gblɔ́n nú we wɛ yě ɖe lɛ́ɛ dó xɛsi nú we ó, ma nú nukún e dó kpɔ́n we wɛ vǐ tónúmasetɔ́ énɛ́ lɛ́ɛ ɖe ɔ́ dó xɛsi nú we ó.

Matíe 10:18

Yě ná wá kplá mi yi tokpɔngán lɛ́ɛ kpódó axɔ́sú lɛ́ɛ kpó nukɔn ɖó nyɛ wútu, bónú mi ná ɖe kúnnu nú mì, ɖo yě kpódó mɛ e ma nyí Jwifu ǎ lɛ́ɛ kpó nukɔn.

Matíe 10:28

Mi ma ɖi xɛsi nú yě mɛ e nɔ hu agbaza, bó ma ka sixú wa nǔɖé nú lǐndɔ̌n ǎ lɛ́ɛ ó; lo ɔ́, mi ɖi xɛsi nú Mawu e ɖó acɛ e sixú dɔn lǐndɔ̌n kpódó agbaza kpó bǐ dó zojimací mɛ é.

Mɛsɛ́dó 4:29

Din ɔ́, Aklúnɔ, kpɔ́n adǎn e gblɔ́n nú mǐ wɛ yě ɖe é, bó bló bónú mǐ mɛ mɛsɛntɔ́ towe lɛ́ɛ ná ɖó akɔ́nkpinkpan, bó jlá xó towe kpódó jiɖiɖe bǐ kpán.

1 Kɔlɛ́ntinu 5:8

Hǔn, mi bo nú mǐ ná ɖu xwe mǐtɔn; mǐ ní ma ka zé wɔ̌xúxú e mɛ è dǒ tɔ́n xóxó e nyí hwɛhuhu sín tɔ́n kpódó agalilɛ sín tɔ́n kpán ɔ́ dó ɖu ná ó; lo ɔ́, mǐ ní zé wɔ̌xúxú e mɛ tɔ́n má ɖe ǎ é dó ɖu ná; wɔ̌xúxú énɛ́ ɔ́, mǐmɛ́ kpódó nǔgbó kpó sín wɔ̌xúxú wɛ é nyí.