Tíntɔ́n 4:8 - MAWUXÓWÉMA

⁸ Mawu Mavɔmavɔ ká ɖɔ n'i ɖɔ: “Nú a blǒ nǔ nukɔntɔn ɔ́ bónú yě má ɖi nǔ nú we, bó ɖótó we ǎ ɔ́, a blǒ gǔdo tɔn ɔ́, yě ná ɖi.

Tíntɔ́n 4:8 Iomraidhean Croise

2 Axɔ́sú 5:7

Ée Izlayɛ́li xɔ́sú ɔ́ xa wěma ɔ́, é vún awu dó kɔ nú éɖée bó ɖɔ: “Mawu wɛ un nyí bó ɖó acɛ bó ná hu mɛ bo lɛ́ fɔ́n a? Bɔ è wlán wěma sɛ́ dó mì ɖɔ nyɛ ní gbɔ gudu nú mɛ. Mi ma mɔ ganjí ɖɔ nǔ ɖɔ ba mì wɛ é ɖe a?”

Jɔ̌bu 5:18

Mawu nɔ́ gblé wǔ mɛ, é ká nɔ́ lɛ́ blá akpa nú mɛ. É wɛ nɔ́ dó akpa wǔ nú mɛ, é jɛ́n ká nɔ́ zé alɔ tɔn dó klɔ́ akpa nú mɛ.

Tíntɔ́n 4:28

Énɛ́ ɔ́, Mɔyízi ɖɔ xó e Mawu Mavɔmavɔ e sɛ́ ɛ dó ɔ́ ɖɔ n'i lɛ́ɛ bǐ nú Aalɔ́ɔn, bó lɛ́ ɖɔ nǔjíwǔ e Mawu Mavɔmavɔ ɖɔ é ní bló lɛ́ɛ bǐ n'i.

Tíntɔ́n 4:7

Bɔ Mawu Mavɔmavɔ ɖɔ: “Lɛ̌ zé alɔ towe ɖó akɔ́nnu.” Bɔ é lɛ́ zé ɖó, bó ɖe síin. É ná mɔ nǔɖé ɔ́, alɔ tɔn jɛ́n lɛ́ jɛ tɛn tɔn mɛ.

Tíntɔ́n 4:9

Nú a ka bló nǔ we énɛ́ lɛ́ɛ, bónú yě má ɖi nǔ nú we bó ɖótó we ǎ jɛ́n wɛ ɔ́, a nǎ wún sin ɖo Nilu tɔ ɔ́ mɛ, bó ná kɔn nyi kɔ́ mɛ; sin e a wǔn ɖo tɔ ɔ́ mɛ ɔ́ ná húzú kanjɔ ɖo ayǐkúngban.”

Ezayíi 28:10

Mi vɛ́ se xó e ɖɔ wɛ é ɖe é; é nɔ́ ɖɔ: D-A DA...DA D-O DO...DO B-A BA...BA B-O BO...BO !”

Jǎan 12:37

Jezu jlɛ́ nǔ tobutóbú énɛ́ lɛ́ɛ ɖo nukún yětɔn mɛ, có yě ká ɖi nǔ n'i ǎ;

Sɛ́nflínmɛ 32:39

Mi mɔ din ɖɔ nyɛ ɖokpó géé wɛ nyí Mawu. Mi mɔ din ɖɔ nǔ e è ɖǒ ná sɛn ɔ́ ɖě kún tíin zɛ nyɛ wú ó. Un nɔ hɛn mɛ ɖó gbɛ, un nɔ hu mɛ. Un nɔ gblé wǔ mɛ, un nɔ hu akpa nú mɛ. Mɛɖé nɔ yí mɛ sín alɔ ce mɛ ǎ.

Hwɛɖɔtɔ́ 6:17

Jedenyɔ́ɔ ɖɔ n'i ɖɔ: “Ényí nǔ ce nyɔ́ nukún towe mɛ nǔgbó hǔn, nǎ xlɛ́ ɖé mì nú má dó tunwun ɖɔ hwi Mawu Mavɔmavɔ ɔ́ wɛ ɖo xó ɖɔ nú mì wɛ;