Tíntɔ́n 4:5 - MAWUXÓWÉMA

⁵ Bɔ Mawu Mavɔmavɔ ɖɔ: “Nǔ e a nǎ bló ɔ́ nɛ́, énɛ́ ɔ́, yě ná ɖi nǔ ɖɔ Mawu Mavɔmavɔ, Mawu e tɔ́gbó émítɔn lɛ́ɛ nɔ sɛn ɔ́, Mawu e Ablaxámu, Izáki, kpó Jakɔ́bu kpó nɔ sɛn ɔ́ wɛ tɔ́n dó jǐ towe nǔgbó.”

Tíntɔ́n 4:5 Iomraidhean Croise

Bǐbɛ́mɛ 12:7

Mawu Mavɔmavɔ tɔ́n dó Ablámu jí ɖo fínɛ́, bó ɖɔ n'i ɖɔ: “Un ná ná to élɔ́ kúnkan towe.” Bɔ Ablámu mɛ vɔ̌sákpe ɖokpó nú Mawu Mavɔmavɔ nyi fí e é tɔ́n dó jǐ tɔn ɖe ɔ́.

Bǐbɛ́mɛ 17:1

Hwenu e Ablámu ɖo xwe kanwe afɔtɔn-nukún-ɛnɛ (99) ɖó wɛ ɔ́, Mawu Mavɔmavɔ tɔ́n dó jǐ tɔn, bó ɖɔ n'i ɖɔ: “Nyɛ wɛ nyí Mawu Nǔbǐwúkpétɔ́ ɔ́. Nɔ nɔ ali ce jí; è nǐ má nɔ́ mɔ nǔjɛdo ɖé ɖɔ dó wǔ towe ó.

Bǐbɛ́mɛ 18:1

Mawu Mavɔmavɔ tɔ́n dó Ablaxámu jí ɖo zun Mamulée tɔn mɛ gbe ɖokpó. Gbe nɛ́ gbe ɔ́, Ablaxámu ɖo ayǐjínjɔ́n ɖo goxɔ tɔn sín alihɛ́nnu hwemɛ cíɖíɖí.

Bǐbɛ́mɛ 26:2

Mawu Mavɔmavɔ tɔ́n dó jǐ tɔn, bó ɖɔ n'i ɖɔ: “Ma yi Ejípu ó; to e xó un ná ɖɔ nú we ɔ́ mɛ wɛ a nǎ nɔ.

Bǐbɛ́mɛ 28:13

Bɔ Mawu Mavɔmavɔ nɔ alyá ɔ́ sín aga, bó ɖɔ: “Mawu Mavɔmavɔ wɛ un nyí; Mawu tɔ́gbó towe Ablaxámu tɔn wɛ un nyí, Mawu Izáki tɔn wɛ un nyí. Un ná ná ayǐkúngban e jí a mlɔ̌ ɔ́ hwi kpó vǐ towe lɛ́ɛ kpó.

Bǐbɛ́mɛ 48:15

Jakɔ́bu xo ɖɛ dó Jozɛ́fu jí bó ɖɔ: “Mawu e nukɔn tɔ́gbó ce Ablaxámu kpó Izáki kpó zán gbɛ ɖe ɔ́, Mawu e nyí Lɛ̌ngbɔ́nyitɔ́ ce sín hwenu e un jɔ ɔ́ káká wá jɛ égbé ɔ́,

Bǐbɛ́mɛ 48:3

Ée Jozɛ́fu wá ɔ́, Jakɔ́bu ɖɔ n'i ɖɔ: “Mawu Nǔbǐwúkpétɔ́ ɔ́ tɔ́n dó jǐ ce ɖo Lǔzi, ɖo Kanáa tomɛ, bó xo ɖɛ dó jǐ ce,

1 Axɔ́sú 18:36

Ée gan e mɛ è nɔ xwlé vɔ̌sánú hwe lɛ́ kɔ tɔn Mawu Mavɔmavɔ ɔ́ xo ɔ́, gbeyíɖɔ Mawu Mavɔmavɔ tɔn Elíi sɛkpɔ́ vɔ̌sákpe ɔ́, bó ɖɔ: “Mawu Mavɔmavɔ, Mawu Ablaxámu tɔn, Mawu Izáki tɔn, Mawu Izlayɛ́li tɔn! Đe xlɛ́ égbé din ɖɔ hwi wɛ nyí Mawu Izlayɛ́li tɔn, bɔ nyɛ nyí mɛsɛntɔ́ towe; ɖe xlɛ́ ɖɔ gbe towe wɛ un xwedó dó bló nǔ énɛ́ lɛ́ɛ bǐ.

2 Tan 20:20

Ayǐhɔ́ngbe tɔn zǎnzǎn tɛɛn ɔ́, yě bǐ jɛ ali ɖidó Tekowa sín gbětótló ɔ́ mɛ. Hwenu e yě jló ná jɛ ali ɔ́, Jozafáti wá ɖɔ nú yě ɖɔ: “Judáanu e mi, Jeluzalɛ́munu e mi, mi ɖótó mì. Mi ɖeji dó Mawu Mavɔmavɔ, Mawu mitɔn wú; énɛ́ ɔ́, é ná dó wǔsyɛ́n lanmɛ nú mi. Mi ɖeji dó gbeyíɖɔ tɔn lɛ́ɛ wú; énɛ́ ɔ́, mi ná ɖuɖéjí.”

Tíntɔ́n 19:9

Ée é yi ɔ́, Mawu Mavɔmavɔ ɖɔ n'i ɖɔ: “Un ná zɔn akpɔ́kpɔ́ wiwi ɖé mɛ wá gɔ̌n towe, bónú Izlayɛ́li ví lɛ́ɛ ná se gbe ce hwenu e un ná ɖo xó ɖɔ xá we wɛ é, bó ná nɔ ɖeji dó wǔ towe hwebǐnu.” Mɔyízi ɖɔ xó e togun ɔ́ ɖɔ lɛ́ɛ nú Mawu Mavɔmavɔ.

Tíntɔ́n 3:15

Mawu lɛ́ ɖɔ nú Mɔyízi ɖɔ: “A nǎ ɖɔ nú Izlayɛ́li ví lɛ́ɛ ɖɔ Mawu Mavɔmavɔ, Mawu e tɔ́gbó yětɔn lɛ́ɛ nɔ sɛn ɔ́ wɛ sɛ́ émí dó. Mawu e Ablaxámu, Izáki, kpó Jakɔ́bu kpó nɔ sɛn ɔ́ wɛ sɛ́ émí dó yě gɔ̌n. Nyǐkɔ ce nɛ́ káká sɔ́yi; nyǐkɔ ce nɛ́ nú hwe lɛ́ɛ bǐ nu.”

Tíntɔ́n 3:16

Yi kplé tomɛxó Izlayɛ́li tɔn lɛ́ɛ bó ɖɔ nú yě ɖɔ: “Mawu Mavɔmavɔ, Mawu e tɔ́gbó mitɔn lɛ́ɛ nɔ sɛn ɔ́, Mawu Ablaxámu, Izáki, kpó Jakɔ́bu kpó nɔ sɛn ɔ́ tɔ́n dó jǐ ce, bó ɖɔ nú mì ɖɔ: ‘Un mɔ nǔ e wa xá mi wɛ è ɖe ɖo Ejípu ɔ́, bó wá bó ná hwlɛ́n mi gán,

Tíntɔ́n 3:18

“Izlayɛ́li ví lɛ́ɛ ná ɖótó we. Bɔ hwi kpó Izlayɛ́li sín tomɛxó lɛ́ɛ kpó ná yi axɔ́sú Ejípu tɔn ɔ́ gɔ́n, bó ná ɖɔ n'i ɖɔ: ‘Mawu Mavɔmavɔ, Mawu mǐ Eblée lɛ́ɛ tɔn ɔ́ tɔ́n dó mǐ jí. Din ɔ́, nǎ gbe mǐ, nú mǐ nǎ ɖi zɔnlin xɔ azǎn atɔn ɖo gbětótló mɛ, bó ná yi sá vɔ̌ nú Mavɔmavɔ Mawu mǐtɔn.’

Tíntɔ́n 3:4

Mawu Mavɔmavɔ mɔ ɖɔ Mɔyízi lɛ́ kɔ bó ja nǔ e ɖo jijɛ wɛ ɔ́ kpɔ́n gbé, lobo nɔ zungodwe ɔ́ mɛ, bó ylɔ́ ɛ. É ɖɔ: “Mɔyízi! Mɔyízi!” Bɔ Mɔyízi yí gbe ɖɔ: “Wěyi!”

Tíntɔ́n 3:6

Mawu lɛ́ ɖɔ: “Nyɛ wɛ nyí Mawu. Nyɛ wɛ tɔ́gbó Ablaxámu, Izáki, Jakɔ́bu kpó tɔ́ towe kpó nɔ sɛn.” Ée Mɔyízi se mɔ̌ ɔ́, é sɔ́ nǔ cyɔ́n nukún mɛ, ɖó é ɖo xɛsi ɖi wɛ ɖɔ émí táá mɔ Mawu.

Tíntɔ́n 4:1

Mɔyízi ɖɔ nú Mawu Mavɔmavɔ ɖɔ: “Nú Izlayɛ́li ví lɛ́ɛ ma ka ɖi nǔ nú mì ǎ, nú yě ma ɖótó mì ǎ, bó ɖɔ Mawu Mavɔmavɔ kún tɔ́n dó jǐ ce ɖě ó ɔ́, nɛ̌ un ná wa nǔ gbɔn?”

Tíntɔ́n 4:31

Bɔ togun ɔ́ ɖi nǔ ná. Yě mɔ nǔ jɛ wú ɖɔ Mawu Mavɔmavɔ mɔ lě e è ɖo ya dó nú émí mɛ Izlayɛ́li ví lɛ́ɛ gbɔn wɛ ɔ́, bó wá ba yě kpɔ́n, bó ná hwlɛ́n yě gán. Énɛ́ ɔ́, yě jɛ kpo bó ɖe kɔ́ nú Mawu Mavɔmavɔ.

Tíntɔ́n 4:4

Mawu Mavɔmavɔ lɛ́ ɖɔ nú Mɔyízi ɖɔ: “Dlɛ̌n alɔ bó hɛn dan ɔ́ sín avɔnu.” Mɔyízi ka dlɛ́n alɔ bó hɛn, bɔ é lɛ́ húzú kpo ɖo alɔ tɔn mɛ.

Jelemíi 31:3

É nɔ́ ɖɔ: “Mawu Mavɔmavɔ ɖe éɖée xlɛ́ mì sín zɔ.” Mawu Mavɔmavɔ yí gbe n'i ɖɔ: “Un yí wǎn nú we sín do, bó ná yí wǎn nú we káká sɔ́yi; énɛ́ wú wɛ un nɔ gbejí nú we.

Jǎan 11:15

fínɛ́ e un ma ka ɖe cóbɔ é kú ǎ ɔ́ víví nú mì ɖó mi wútu; énɛ́ ɔ́ ná zɔ́n bɔ mi ná sixú ɖi nǔ. Mi bo nú mǐ ná yi gɔ̌n tɔn.”

Jǎan 11:42

Un tunwun ɖɔ a nɔ ɖótó mì tɛgbɛ; amɔ̌, mɛ e lɛ́ lɛ̌ dó mì lɛ́ɛ wútu wɛ un ka ɖo xó ɖɔ wɛ bónú yě ná dó ɖi nǔ ɖɔ hwi wɛ sɛ́ mì dó.”

Jǎan 20:27

É ka ɖɔ nú Tɔmáa ɖɔ: “Dlɛ̌n alɔví towe ɖó fí, bó kpɔ́n alɔ ce lɛ́ɛ. Dlɛ̌n alɔ towe, bó sɔ́ dó adaja ce mɛ; gɔn nǔ xokpɔ́n, bó ɖi nǔ.”

Jǎan 20:31

Amɔ̌, è wlǎn élɔ́ lɛ́ɛ, bónú mi ná ɖi nǔ ɖɔ Jezu wɛ nyí Klísu Mawu ví ɔ́, bónú mi ɖi nǔ ɔ́, mi ná mɔ gbɛ gbɔn jǐ tɔn.

Jǎan 5:36

Nǔ ɖěvo ka ɖo kúnnu ɖe nú mì wɛ, bó hú gǎn kúnnu e Jǎan ɖe nú mì é. Azɔ̌ e Tɔ́ ce sɔ́ dó así nú mì, bɔ un ɖo wiwa wɛ lɛ́ɛ ɖe kúnnu nú mì bo ɖe xlɛ́ ɖɔ é wɛ sɛ́ mì dó nǔgbó.

Mɛsɛ́dó 7:2

Bɔ Etyɛ́ni yí xó, bó ɖɔ: “Nɔví ce lɛ́ɛ mi, tɔ́ ce lɛ́ɛ mi, mi ɖótó mì. Mawu susunɔ ɔ́ tɔ́n dó tɔ́gbó mǐtɔn Ablaxámu jí hwenu e é kpo ɖo Mɛzopotamíi, bó ma kó yi sá xwé ɖó Haláani ǎ é,

Eblée 11:16

To e nyɔ́ hú to e mɛ yě gosín ɔ́ ba wɛ yě ɖe; to ɔ́ wɛ nyí to yě ɖésúnɔ tɔn ɖo sɛ́xwé. Énɛ́ ɔ́ wú wɛ winnyá ma hu Mawu ɖɔ è nǐ ylɔ́ émí ɖɔ Mawu mɛ énɛ́ lɛ́ɛ tɔn ǎ; ɖó é bló toxo ɖaxó ɖokpó ɖó ɖ'ayǐ nú yě ɖo sɛ́xwé.