Tíntɔ́n 4:12 - MAWUXÓWÉMA

¹² Hǔn bo yi. Nyi ɖésúnɔ ná ɖo kpɔ́ xá we. A ja xó ɖɔ gbé ɔ́, un ná ɖɔ xó e a ɖǒ ná ɖɔ ɔ́ nú we.”

Tíntɔ́n 4:12 Iomraidhean Croise

Ɖɛhan 105:26

Énɛ́ ɔ́ wú ɔ́, é sɛ́ mɛsɛntɔ́ tɔn Mɔyízi dó, é kpódó Aalɔ́ɔn e é sɔ́ ɔ́ kpó.

Ɖɛhan 143:10

Kplɔ́n mì lě e un ná bló jlǒ towe gbɔn é, ɖó hwi wɛ nyí Mawu ce. Yɛ towe ɖagbe ɔ́ ní kplá mì gbɔn ali jlɔ́jlɔ́ jí.

Ɖɛhan 32:9

Mi ma jɔ xlo sɔ́ abǐ tócí ɖɔhun ó; ɖó gan kpó kpo kpó wɛ è nɔ dó nu nú yě, cóbɔ yě nɔ́ se gbe; énɛ́ ɔ́, nǔɖé ná wa we ǎ.

Tíntɔ́n 3:12

Mawu ká ɖɔ n'i ɖɔ: “Un ɖo kpɔ́ xá we. Nǔ e ná ɖe xlɛ́ we ɖɔ nyɛ wɛ sɛ́ we dó ɔ́ ɖíe: a ɖe togun ɔ́ tɔ́n sín Ejípu ɔ́, mi ná wá sɛn mì ɖo só élɔ́ jí.”

Tíntɔ́n 4:13

Mɔyízi ka ɖɔ: “Óo! Aklúnɔ, kɛnklɛ́n bó sɛ́ mɛ ɖěvo dó!”

Tíntɔ́n 4:15

A nǎ ɖɔ xó n'i, a nǎ ɖɔ xó e é ɖó ná ɖɔ ɔ́ n'i. Bɔ nyɛ ɔ́, nú mi ɖo xó ɖɔ wɛ ɔ́, un ná ɖo kpɔ́ xá mi mɛ ɖokpó ɖokpó, bó ná ɖɔ nǔ e mi ɖó ná wa ɔ́ nú mi.

Tíntɔ́n 4:16

Éyɛ́ wɛ ná ɖɔ xó nú togun ɔ́ ɖó tɛn towe mɛ. É wɛ ná nyí gbeyíɖɔ towe, bɔ un ná nɔ ɖɔ xó e é ná nɔ́ ɖɔ lɛ́ɛ gbɔn jǐ towe.

Ezayíi 49:2

É sɔ́ nu ce dó húzú hwǐ ɖíɖá, é cyɔ́n alɔ jǐ ce. É sɔ́ mì dó húzú gǎ nuxwíɖíxwíɖí, bó sɔ́ dó gǎgo tɔn mɛ.

Ezayíi 50:4

Aklúnɔ Mavɔmavɔ nɔ ɖɔ xó e un ná ɖɔ ɔ́ nú mì, é nɔ́ ɖɔ xó e un ná ɖɔ dó dó wǔsyɛ́n lanmɛ nú mɛ e ma sɔ́ ɖó hlɔ̌nhlɔ́n ǎ é nú mì. É su zǎnzǎn ɔ́, é nɔ́ fɔ́n mì, bónú má ɖótó e, ahwanvú ɖɔhun.

Jelemíi 1:9

Énɛ́ ɔ́, Mawu Mavɔmavɔ dlɛ́n alɔ, bó ɖó nu ce wú, bó ɖɔ nú mì ɖɔ: “Énɛ́! Un sɔ́ xó ce lɛ́ɛ dó nu towe mɛ.

Kɛ́nsísɔ́ 16:28

Énɛ́ ɔ́ gúdo ɔ́, Mɔyízi ɖɔ nú togun ɔ́ ɖɔ: “Mi ná mɔ din ɖɔ Mawu Mavɔmavɔ wɛ sɛ́ mì dó nǔgbó, nú má wa azɔ̌ énɛ́ lɛ́ɛ bǐ; mi ná mɔ ɖɔ é kún nyí nyɛ ɖésú wɛ kpɔ́n xo ce mɛ bo bló mɔ̌ ó.

Maki 13:11

Ényí è ka wá wlí mi xwe hwɛ nukɔn hǔn, mi ma ɖo tamɛ gba wɛ, bó ɖo nǔ e mi ná yi ɖɔ ɖo dɔ̌n, bó ná dó hwlɛ́n miɖée ɔ́ linkpɔ́n wɛ ó; nǔ e Mawu ná sɔ́ dó ayi mɛ nú mi hwenɛ́nu ɔ́ wɛ mi ná ɖɔ, ɖó mi wɛ ɖo xó ná ɖɔ wɛ ǎ, Yɛsinsɛn wɛ.

Luki 11:1

Jezu ɖo ɖɛ xo wɛ gbe ɖokpó ɖo fí ɖé. Ée é xo ɖɛ ɔ́ fó ɔ́, ahwanvú tɔn ɖokpó ɖɔ n'i ɖɔ: “Aklúnɔ, kplɔ́n mǐ lě e mǐ ná nɔ́ xo ɖɛ gbɔn é, lě e Jǎan kplɔ́n ahwanvú tɔn lɛ́ɛ gbɔn é.”

Jǎan 14:26

Lo ɔ́, mɛ e ná d'alɔ mi ɔ́, Yɛsinsɛn e Tɔ́ ɔ́ ná sɛ́ dó mi ɖo nyǐkɔ ce mɛ é wɛ; é ná kplɔ́n nǔ bǐ mi, bó ná flín nǔ e un ɖɔ nú mi lɛ́ɛ bǐ mi.

Efɛ́zinu 6:19

Mi nɔ xo ɖɛ nú nyɛ lɔmɔ̌, bónú un ja xó ɖɔ gbé hǔn, Mawu ní ná mì xó e sɔgbe é, bónú ma ɖɔ xó kpódó jiɖiɖe kpó, bó ná dó tín nǔbúdo Wɛn Ɖagbe ɔ́ tɔn mɛ.

Sɛ́nflínmɛ 18:18

Un ná sɛ́ gbeyíɖɔ hwi ɖɔhun ɖokpó dó yě, bɔ é ná nyí to yětɔn mɛ nu. Xó e un ná ɖɔ é ní ɖɔ nú mi lɛ́ɛ ɔ́, é ná ɖɔ bǐ nú mi.