Tíntɔ́n 32:1 - MAWUXÓWÉMA

¹ Izlayɛ́li togun ɔ́ mɔ ɖɔ hwenu e Mɔyízi ná jɛ te sín só ɔ́ jí ɔ́ ɖo lǐnlín wɛ, bó kplé lɛ́ lɛ̌ dó Aalɔ́ɔn, bó ɖɔ n'i ɖɔ: “Đǒtó! Blǒ vodún ɖokpó nú mǐ, bónú é ná nɔ nukɔn nú mǐ . Đó Mɔyízi ɔ́, nya énɛ́ ɔ́ e kplá mǐ tɔ́n sín Ejípu ɔ́, mǐ tunwun nǔ e jɛ dó jǐ tɔn ɔ́ ǎ.”

Tíntɔ́n 32:1 Iomraidhean Croise

Bǐbɛ́mɛ 19:14

Énɛ́ ɔ́, Lɔ̌ti yi ɖɔ nú vǐ tɔn sín asúxɔ́ntɔn lɛ́ɛ ɖɔ: “Mi yá wǔ gosín fí, ɖó Mawu Mavɔmavɔ ná gba to ɔ́.” Lo ɔ́, yě vɛdó ɖɔ ayihún da wɛ é ɖe sín.

Bǐbɛ́mɛ 21:26

Abimɛlɛ́ki ka ɖɔ n'i ɖɔ: “Un ka tunwun mɛ e wa mɔ̌ é ǎ mɛ. Hwi lɔ ka ɖɔ xó ɖěbǔ nú mì ɖ'ayǐ ǎ; sise wɛ jɛ́n un ɖe nɛ́.”

Bǐbɛ́mɛ 39:8

Jozɛ́fu ka gbɛ́ bó ɖɔ nú gǎn tɔn sín asi ɔ́ ɖɔ: “Đǒtó mì, gǎn ce sɔ́ nǔ tɔn lɛ́ɛ bǐ dó alɔ ce mɛ, bó ɖeji dó wǔtu ce, lobo sɔ́ byɔ́ ɖɔ é ná wa nǔ ɖěbǔ ɖo xwé tɔn gbe ǎ.

Bǐbɛ́mɛ 44:15

Jozɛ́fu ka kanbyɔ́ yě ɖɔ: “Nɛ̌ gbɔn bɔ mi wa nǔ gbɔn mɔ̌? Mi tunwun ɖɔ gbɛtɔ́ nyɛ ɖɔhun ɔ́, ɖó acɛ bó nɔ tunwun nǔ e ɖo jijɛ wɛ ɔ́ bǐ ǎ cé?”

Bǐbɛ́mɛ 44:4

Toxo ɔ́ mɛ wɛ yě tɔ́n sín kɛ́ɖɛ́, yě kó jɛ fí ɖé ǎ, bɔ Jozɛ́fu ɖɔ nú nǔjíkpɔ́ntɔ́ tɔn ɖɔ: “Sí te bó jɛ mɛ énɛ́ lɛ́ɛ gúdo. Nú a sun yě dó ɔ́, a nǎ kanbyɔ́ yě ɖɔ: ‘Nɛ̌ wɛ gbɔn bɔ mi zé nǔ nyanya dó sú nǔ ɖagbe xɔ́ ná?

Ɖɛhan 106:19

Yě bló nyibúví ɖokpó ɖo Holɛ́bu só ɔ́ kɔn, yě jɛ akpajlɛ́ e è sínsín gan dó bló é sɛn jí.

Tíntɔ́n 13:21

Mawu Mavɔmavɔ nɔ́ ɖo nukɔn yětɔn ɖo akpɔ́kpɔ́ ɖaxó ɖé mɛ kéze, bó nɔ́ xlɛ́ ali yě; é jɛ zǎn mɛ ɔ́, é nɔ́ ɖo nukɔn yětɔn ɖo myɔ ɖé mɛ, bó nɔ́ ná wěziza yě, bónú yě ná nɔ sixú ɖo yiyi wɛ zǎn kpó kéze kpó.

Tíntɔ́n 14:11

Yě kanbyɔ́ Mɔyízi ɖɔ: “Yɔdo ɖo Ejípu ǎ wú wɛ a kplá mǐ bɔ mǐ ná wá kú jɛ gbětótló mɛ fí lě a? Aniwú wɛ a kplá mǐ sín Ejípu?

Tíntɔ́n 16:3

Izlayɛ́li ví lɛ́ɛ ɖɔ nú yě ɖɔ: “Hwenu e mǐ nɔ xá dó lanzɛ́n bó nɔ́ ɖu nǔ gɔ́ xo ɖo Ejípu ɔ́, é nyí Mawu Mavɔmavɔ ko hu mǐ hwenɛ́nu wɛ ɔ́, é nyɔ́ hú. Đó mi kplá mǐ wá gbětótló élɔ́ mɛ, bó ná jó mǐ mɛ tobutóbú élɔ́ lɛ́ɛ dó, bɔ mǐ ná kú adɔ.”

Tíntɔ́n 20:23

Mi ma sɔ́ kpatágan abǐ siká dó bló nǔmɛsɛn ɖě, bó sɛn gɔ́ nú mì ó.

Tíntɔ́n 24:12

Mawu Mavɔmavɔ ɖɔ nú Mɔyízi ɖɔ: “Sɛ wá akpá ce ɖo só ɔ́ jí, bó nɔ fínɛ́, bónú má zé awǐnnyatɛ e jí un wlán sɛ́n lɛ́ɛ dó ɔ́ nú we, nú a nǎ kplɔ́n Izlayɛ́li ví lɛ́ɛ.”

Tíntɔ́n 24:18

Lo ɔ́, Mɔyízi ɔ́, éyɛ́ byɔ́ akpɔ́kpɔ́ ɔ́ mɛ, ɖo só ɔ́ jí, bó ɖo yiyi wɛ. É nɔ só ɔ́ jí xɔ kéze kanɖé (40), zǎn kanɖé (40).

Tíntɔ́n 32:11

Mɔyízi ka sa vo nú Mawu Mavɔmavɔ, Mawu tɔn ɖɔ ní fá xomɛ; é ɖɔ n'i ɖɔ: “Mawu Mavɔmavɔ, aniwú wɛ a nǎ zé xomɛsin towe dó wa nǔ xá togun towe e a zǎn hlɔ̌nhlɔ́n towe, lobo zán nǔwúkpíkpé towe dó ɖe e tɔ́n sín Ejípu ɔ́?

Tíntɔ́n 32:22

Bɔ Aalɔ́ɔn yí gbe n'i ɖɔ: “Gǎn ce, ma sin xomɛ ó; hwi ɖésúnɔ ɔ́, a tunwun ɖɔ togun élɔ́ ɔ́, nǔ nyanya wiwa wɛ nɔ yá alɔ n'i.

Tíntɔ́n 32:23

Yě ɖɔ nú mì ɖɔ: ‘Blǒ vodún ɖokpó nú mǐ, bónú é ná nɔ nukɔn nú mǐ, ɖó Mɔyízi ɔ́, nya énɛ́ ɔ́ e ɖe mǐ tɔ́n sín Ejípu ɔ́, mǐ tunwun nǔ e jɛ dó jǐ tɔn ɔ́ ǎ.’

Tíntɔ́n 32:7

Hwe énɛ́ ɔ́ nu ɔ́, Mawu Mavɔmavɔ ɖɔ nú Mɔyízi ɖɔ: “Jɛ te din tlóló, ɖó togun e a ɖe tɔ́n sín Ejípu ɔ́, wa nǔ gblégblé.

Tíntɔ́n 33:3

Mi ɖidó to énɛ́ ɔ́ mɛ; nyibúnɔ́sin kpódó wǐin kpó nɔ́ sa tɔ ɖ'é mɛ. Lo ɔ́, un sɔ́ ná nɔ tɛ́ntin mitɔn ǎ, un táá hu mi ɖo alixo, ɖó mi tlí tó dín.”

Ezekiyɛ́li 20:8

“Lo ɔ́, tɔ́gbó mitɔn lɛ́ɛ fɔ́n gǔ dó jǐ ce; yě jló ná ɖótó mì ǎ; mɛ ɖěbǔ ɖo yě mɛ bó jó nǔmɛsɛn dó ǎ; yě ɖě jó nǔ baɖabaɖa énɛ́ lɛ́ɛ e nɔ́ dɔn yě lɛ́ɛ dó ǎ; yě jó Ejípu vodún lɛ́ɛ dó ǎ. Énɛ́ ɔ́, un tunwun ɖɔ un ná ɖe adǎn e jí un ɖe ɔ́ xlɛ́ yě; un ná ɖe xomɛsin e jí un ɖe ɔ́ xlɛ́ yě ɖo Ejípu bɔ é ná jɛ mɛ nú mì.

Ozée 12:13

Jakɔ́bu hɔn yi Mɛzopotamíi, Izlayɛ́li nɔ wa azɔ̌ nú mɛ ɖěvo ɖó nyɔ̌nu wú. Nyɔ̌nu wú wɛ é húzú lɛ̌ngbɔ́nyitɔ́.

Micée 6:4

Un ɖe mi tɔ́n sín Ejípu, bó hwlɛ́n mi sín kannumɔgbénu. Un sɛ́ Mɔyízi, Aalɔ́ɔn kpó Miliamu kpó dó mi, bónú yě ná nɔ nukɔn mitɔn bo xlɛ́ ali mi. Abǐ énɛ́ lɛ́ɛ sín hwɛ dó mì wɛ mi ɖe a?

Kɛ́nsísɔ́ 14:22

Yě mɛ e mɔ susu ce, bó mɔ nǔjíwǔ e un bló ɖo Ejípu, bó bló ɖo gbětótló mɛ lɛ́ɛ, yě mɛ énɛ́ lɛ́ɛ e tɛ́n mì kpɔ́n azɔn mɔ̌kpán, lobo ma ɖótó mì ǎ lɛ́ɛ ɔ́,

Matíe 24:43

Mi ní mɔ nǔ jɛ wú ganjí ɖɔ: ényí xwétɔ́ ɖé tunwun hwenu e ajotɔ́ ná wá xwé tɔn gbe dó ɔ́, wunzɛn wɛ é ná nɔ, bó ná lɔn bónú ajotɔ́ ná tɔ́n dǒ, bó byɔ́ xwé tɔn gbe ǎ.

Matíe 24:48

Amɔ̌, é ka nyí ɖɔ mɛsɛntɔ́ nyanya wɛ é nyí, bó nɔ́ ɖɔ dó ayi mɛ ɖɔ: ‘Gǎn ce sín wǐwá ɖíe ɖo lǐnlín wɛ e,’

Mɛsɛ́dó 17:29

“Ée é ka nyí ɖɔ Mawu sín vǐ wɛ mǐ nyí é ɔ́, mǐ sɔ́ ɖó ná lin ɖɔ Mawu cí siká abǐ kpatágan abǐ awǐnnya ɖagbe ɖagbe e gbɛtɔ́ sɔ́ linlin tɔn kpódó aɖawun tɔn kpó dó kɔn ná é ɖɔhun ǎ.

Mɛsɛ́dó 19:26

Mi ka ɖo nǔ e dó sin wɛ nya Pɔ́lu énɛ́ ɖe ɔ́ mɔ wɛ, bó ɖo sise wɛ: é sɔ́ xó tɔn dó gblé tamɛ nú mɛ gěgé; ényí Efɛ́zi fí kɛ́ɖɛ́ wɛ ǎ, ɖibla gbɔn Azíi gbé ɔ́ bǐ jǐ wɛ, ɖó é nɔ́ ɖo ɖiɖɔ nú mɛ lɛ́ɛ wɛ ɖɔ nǔmɛsɛn e mǐ nɔ́ sɔ́ alɔ dó bló ná lɛ́ɛ kún nyí nǔ è nǎ sɛn ɖé ó.

Mɛsɛ́dó 7:40

bó ɖɔ nú Aalɔ́ɔn ɖɔ jí: ‘Blǒ vodún e ná sixú nɔ nukɔn nú mǐ lɛ́ɛ nú mǐ; ɖó Mɔyízi énɛ́ e kplá mǐ sín Ejípu ɔ́, mǐ sɔ́ tunwun gbɛ e mɛ é ɖe tawun ɔ́ ǎ.’

Sɛ́nflínmɛ 31:8

Mawu Mavɔmavɔ ɖésú ná nɔ nukɔn nú we, é ɖésú ná nɔ kpɔ́ xá we, é ná jó we dó ǎ, é ná ɖe alɔ sín kan towe mɛ ǎ. Ma ɖi xɛsi ó, ado ma hu we ó.”

Sɛ́nflínmɛ 9:1

Mɔyízi ɖɔ: “Izlayɛ́li ví lɛ́ɛ e mi, mi ɖótó mì; mi ɖíe ja Judɛ́ɛn tɔ ɔ́ d'asá gbé e. Mi ná nya akɔta wɔ̌buwɔ́bú ɖé lɛ́ɛ, bó ná yí toxo yětɔn lɛ́ɛ; toxo ɖaxó ɖaxó ɖé lɛ́ɛ wɛ, bɔ è mɛ ahohó lɛ́ lɛ̌ dó bɔ é yi jǐ ɖésú. Akɔta énɛ́ lɛ́ɛ sukpɔ́ hú mi bó syɛ́n hú mi.

Sɛ́nflínmɛ 9:9

Hwenɛ́nu ɔ́, un ko xá só ɔ́ jí, bó xwe awǐnnyatɛ e jí akɔ e Mawu Mavɔmavɔ jɛ xá mi é ɖe ɔ́ yí gbé. Un nɔ só ɔ́ jí xɔ zǎn kanɖé (40), kéze kanɖé (40), nǔ má ɖu, sin ma nu.

Jozuwée 7:13

Din ɔ́, yi ɖɔ nú togun ɔ́ ɖɔ é ní sɔ́ nǔ, bó wá kpé mì. Đe gbe n'i bónú é ní slá wǔ nú sɔ, ɖó nyɛ Mawu Mavɔmavɔ, Mawu Izlayɛ́li tɔn ɔ́, nǔ e ɖɔ nú Izlayɛ́li ví lɛ́ɛ wɛ un ɖe ɔ́ ɖíe: Dɔkun e un gbɛ́ ɖɔ mi ní ma bɛ́ ó lɛ́ɛ ɔ́, nǔ lɛ́ɛ ɖo así mitɔn. Ényí mi ma bɛ́ yě tɔ́n sín tɛ́ntin mitɔn ǎ ɔ́, mi ná sixú nɔ te ɖo kɛntɔ́ mitɔn lɛ́ɛ nukɔn ǎ.

2 Piyɛ́ɛ 3:4

bó ná ɖɔ: “É dó akpá ɖɔ émí ná wá; mɔ̌ wɛ ǎ cé? Énɛ́! Fítɛ́ é ka ɖe? Tɔ́gbó mǐtɔn lɛ́ɛ ko kú; lo ɔ́, nǔ bǐ ɖo lě e é ko ɖe gbɔn sín hwenu e gbɛ ɔ́ ko tíin ɔ́ ɖokpóó é.”