Tíntɔ́n 3:9 - MAWUXÓWÉMA

⁹ Đó xó e sú wɛ Izlayɛ́li ví lɛ́ɛ ɖe ɔ́ hun káká wá gɔ̌n ce, un mɔ ya e dó nú yě wɛ Ejípunu lɛ́ɛ ɖe ɔ́.

Tíntɔ́n 3:9 Iomraidhean Croise

Bǐbɛ́mɛ 16:11

Xo wɛ a ɖe din, bó ná ji vǐ súnnu ɖokpó, lobo ná sun nyǐ i ɖɔ Isimayɛ́li; ɖó un se nǔwamɛ ví e ya wɛ a ɖe é.

Bǐbɛ́mɛ 31:12

Bɔ é ɖɔ nú mì ɖɔ: ‘Kpɔ́n! Gbǎgbá e ɖo ava dó nú gbɔ̌ asi lɛ́ɛ wɛ ɔ́, nɔ nyí hwɛkannɔ; yě nɔ́ nyí wlanwlan, yě nɔ́ kpa alǎwó, ɖó un mɔ nǔ e wa xá we wɛ Labáan ɖe ɔ́ bǐ.

2 Axɔ́sú 13:4

Lo ɔ́, Yoakázi sa vo nú Mawu Mavɔmavɔ ɖɔ é ní fá xomɛ. Bɔ Mawu Mavɔmavɔ yí gbe nú ɖɛ tɔn, ɖó é mɔ lě e Silíi xɔ́sú ɔ́ ɖo Izlayɛ́linu lɛ́ɛ sín nǔ wa gbɔn wɛ é.

2 Axɔ́sú 20:5

“Lɛ̌ kɔ bo yi Ezekiyási e ɖo togun ce nu ɔ́ gɔ́n, bó ɖɔ n'i ɖɔ nyɛ Mawu Mavɔmavɔ, Mawu tɔ́gbó tɔn Davídi tɔn ɖɔ: ‘Un se ɖɛ towe, bó mɔ avǐ e ya wɛ a ɖe é. Kpɔ́n, un ná gbɔ azɔn nú we. Azǎn atɔn gbe ɔ́, a nǎ yi xwé ce gbe.

Nɛɛmíi 9:9

A mɔ ya e ji wɛ tɔ́gbó mǐtɔn lɛ́ɛ ɖe ɖo Ejípu tomɛ ɔ́, a se bɔ yě byɔ́ alɔgɔ́ ɖo Xu Vɔvɔ ɔ́ tó.

Ɖɛhan 12:5

é ní vívá kún nú mɛ e nɔ ɖɔ: “Đɛ̌ bí nú mǐ, mǐ nyɔ̌ xó ɖɔ, mɛ̌ ka ná sixú kpa acɛ nú mǐ” lɛ́ɛ.

Ɖɛhan 9:14

Mawu Mavɔmavɔ, jɔwǔ mì! Kpɔ́n gbɛ e mɛ kɛntɔ́ ce lɛ́ɛ ɖó mì é! Đe mì sín kú hɔn jí,

Tíntɔ́n 1:11

Ée axɔ́sú ɔ́ ɖɔ mɔ̌ ɔ́, è ɖe azɔ̌gán ɖé lɛ́ɛ ɖó yě nu, bónú yě ná nɔ́ ɖó azɔ̌ syɛ́nsyɛ́n lɛ́ɛ kɔ jí nú Izlayɛ́li ví lɛ́ɛ dó dó ya nú yě. Lě e yě bló gbɔn bɔ Izlayɛ́li ví lɛ́ɛ ɖó Pitɔ́mu toxo kpó Hlamusɛ́si toxo kpó ayǐ ɔ́ nɛ́. Toxo énɛ́ lɛ́ɛ mɛ wɛ è nɔ bɛ́ axɔ́sú sín jinukún lɛ́ɛ ɖó.

Tíntɔ́n 1:22

Axɔ́sú Ejípu tɔn ɔ́ ká ná gbe togun tɔn ɔ́ bǐ ɖɔ: “È ji vǐ súnnu Eblée ɖěbǔ hǔn, mi sɔ́ ɛ nyi dó Nilu mɛ , mi ka ná jó nyɔ̌nu lɛ́ɛ bǐ dó nyi gbɛ.”

Tíntɔ́n 1:8

Nǔ ɖo mɔ̌ káká bɔ axɔ́sú yɔ̌yɔ́ ɖé wá xɔ to ɖo Ejípu. Éyɛ́ ká tunwun Jozɛ́fu sín tan ɖěbǔ ǎ.

Tíntɔ́n 2:23

Nǔ énɛ́ lɛ́ɛ jɛ ɔ́, xwe tɔn ko sɛ yi, bɔ Ejípu xɔ́sú ɔ́ wá kú. Izlayɛ́li ví lɛ́ɛ kpo ɖo azɔn wɛn wɛ ɖo kannumɔzɔ́ e wa wɛ yě ɖe ɔ́ glɔ́, bó ɖo xó sú wɛ. Xó e sú wɛ yě ɖe ɖo kannumɔgbénu ɔ́ hun káká yi Mawu gɔ́n.

Tíntɔ́n 2:25

É mɔ nǔ e ɖo Izlayɛ́li ví lɛ́ɛ gbo wɛ ɔ́ bɔ nǔ yětɔn blá wǔ n'i.

Tíntɔ́n 3:7

Mawu Mavɔmavɔ ɖɔ: “Un mɔ ya e ji wɛ togun ce Izlayɛ́li ɖe ɖo Ejípu ɔ́. Un se xó e sú wɛ é ɖe ɖó nǔ e wa xá ɛ wɛ azɔ̌gán lɛ́ɛ ɖe ɔ́ wú é. Un tunwun wǔvɛ́ e mɔ wɛ é ɖe ɔ́ ganjí.

Nǔnywɛ́tɔ́xó 4:1

Un lɛ́ mɔ lě e gbɛtɔ́ lɛ́ɛ nɔ́ dó ya nú nɔzo yětɔn lɛ́ɛ gbɔn ɖo hwe glɔ́ fí é. Mi kpɔ́n! Mɛ e dó ya ná wɛ è ɖe lɛ́ɛ ɖo avǐ ya wɛ. Mɛ ɖěbǔ ká ɖe bó ná dó gbɔ nú yě ǎ. Mɛ e ɖo ya dó nú yě wɛ lɛ́ɛ sí wɛ acɛkpikpa ɔ́ ɖe; énɛ́ wú wɛ mɛ ɖěbǔ má ɖe bó ná dó gbɔ nú yě ǎ.

Nǔnywɛ́tɔ́xó 5:8

Ényí to ɖé ká tíin bó ɖó axɔ́sú, bɔ axɔ́sú ɔ́ nɔ́ jɛ hun dó glezɔ́ jí ɔ́, énɛ́ ná nyɔ́ hú.

Amɔ́si 4:1

Nyɔ̌nu Samalíi tɔn lɛ́ɛ mi! Mi mɛ e jɔ asú nyibú asi Basáni tɔn lɛ́ɛ ɖɔhun lɛ́ɛ e mi! Mi ɖótó xó e ɖɔ gbé un ja é: mi nɔ táfú mɛ e ma ɖó gǎn ǎ lɛ́ɛ, mi nɔ dó ya nú wamamɔnɔ lɛ́ɛ, bó nɔ́ ɖɔ nú asú mitɔn lɛ́ɛ ɖɔ: “Mi zé ahan wá nú mǐ nǎ nu.”

Sɛ́nflínmɛ 26:7

Énɛ́ ɔ́, mǐ sú xó ylɔ́ Mawu Mavɔmavɔ, Mawu tɔ́gbó mǐtɔn lɛ́ɛ tɔn, bɔ Mawu Mavɔmavɔ se gbe mǐtɔn; é mɔ ɖɔ mǐ ɖo ya ji wɛ, é mɔ ɖɔ è ɖo mǐ táfú wɛ; é mɔ ɖɔ nǔ mǐtɔn blá wǔ.

1 Samuwɛ́li 9:16

“Sɔ gan élɔ́ mɛ ɔ́, un ná sɛ́ dǎwe ɖokpó dó we, bɔ é ná gosín Bɛnjamɛ́ɛ tomɛ. A nǎ kɔn ami dó ta n'i, bɔ é ná nyí gǎn nú togun Izlayɛ́li tɔn ɔ́. É ná hwlɛ́n togun ce gán ɖo Filisitɛ́ɛn lɛ́ɛ sí; un nyi kɔ kpɔ́n togun ce, ɖó xó e sú wɛ é ɖe é wá káká gɔ̌n ce.”