Tíntɔ́n 3:8 - MAWUXÓWÉMA

⁸ Énɛ́ ɔ́ wú wɛ un jɛ te bó ná hwlɛ́n ɛ ɖo Ejípunu lɛ́ɛ sí, bó ná kplá ɛ sín Ejípu yi to ɖaxó ɖagbe ɖagbe ɖé mɛ. Un ná kplá ɛ yi to e mɛ nyibúnɔ́sin kpó wǐin kpó nɔ́ sa tɔ ɖe ɔ́ mɛ, ɖo fí e Kanáa ví lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Hivíti lɛ́ɛ kpódó Jebuzinu lɛ́ɛ kpó nɔ́ nɔ lɛ́ɛ é.

Tíntɔ́n 3:8 Iomraidhean Croise

Bǐbɛ́mɛ 11:5

Énɛ́ ɔ́, Mawu Mavɔmavɔ jɛ te bó wá kpɔ́n toxo ɔ́ kpódó síngbó ɖaxó e gbá wɛ gbɛtɔ́ lɛ́ɛ ɖe ɔ́ kpó,

Bǐbɛ́mɛ 11:7

Ée é nyí mɔ̌ din ɔ́, mǐ ní jɛ te, bó ná sɔ́ gbe vovo dó nu nú yě; énɛ́ ɔ́, mɛ ɖě ɔ́ sɔ́ ná mɔ nǔ jɛ xó e ɖɔ wɛ mɛ ɖě ɔ́ ɖe ɔ́ mɛ ǎ.”

Bǐbɛ́mɛ 15:13

Bɔ Mawu Mavɔmavɔ ɖɔ n'i ɖɔ: “Tunwun ɖɔ vǐ towe lɛ́ɛ ná wá nyí jǒnɔ ɖo mɛ ɖěvo tomɛ. Yě ná nɔ mɛ kannu ɖo fínɛ́ bɔ è nǎ dó tagba nú yě xɔ xwe afɔwe (400).

Bǐbɛ́mɛ 15:14

Lo ɔ́, un ná ɖɔ hwɛ xá akɔta e yě ná nyí kannumɔ ná é. Énɛ́ ɔ́ gúdo ɔ́, yě ná tɔ́n sín fínɛ́, bó ná bɛ́ dɔkun gěgé wá yi.

Bǐbɛ́mɛ 18:21

Énɛ́ ɔ́ wú wɛ un ná jɛ te bó ná wá kpɔ́n ɖɔ hwɛ e dó yě wɛ è ɖe lɛ́ɛ ɔ́, mɔ̌ jɛ́n wa nǔ gbɔn wɛ yě ɖe nǔgbó a jí, abǐ adingban wɛ. Un jló ná tunwun.”

Bǐbɛ́mɛ 43:11

Énɛ́ ɔ́, tɔ́ yětɔn Jakɔ́bu ɖɔ nú yě ɖɔ: “Ényí mɔ̌ wɛ hǔn, nǔ e mi ná bló ɔ́ ɖíe: nú mi xweyǐgbe ɔ́, mi ná hɛn nǔ e nyɔ́ hú nǔ bǐ ɖo to mǐtɔn mɛ lɛ́ɛ ati mɛ, bó ná yi ná nya ɔ́: mi ná hɛn célu kpɛɖé, wǐin kpɛɖé, bó ná hɛn nǔsáwǔ wǎnɖagbenɔ, atínhúnhɔ́n kpɛɖé, pitáci kpɛɖé, kpódó amadi kpɛɖé kpó.

Bǐbɛ́mɛ 46:4

Nyɛ ɖésúnɔ wɛ ná kplá we yi Ejípu ɔ́, bó ná lɛ́ kplá we wá. É sixú gló ǎ. Jozɛ́fu sín alɔ mɛ wɛ a nǎ bɔnu dó.”

Bǐbɛ́mɛ 50:24

Jozɛ́fu ɖɔ nú nɔví tɔn lɛ́ɛ gbe ɖokpó ɖɔ: “Un ná kú, amɔ̌, Mawu ná wá gɔ́ alɔ nú mi dandan. É ná kplá mi sín Ejípu fí yi to e sín akpá é kó dó nú Ablaxámu, Izáki kpó Jakɔ́bu kpó ɔ́ mɛ.”

1 Tan 1:15

Hivíti lɛ́ɛ, Aakíti lɛ́ɛ, Sini ví lɛ́ɛ,

Nɛɛmíi 9:8

A mɔ lě e é ɖo gbejí nú we gbɔn é. Énɛ́ ɔ́ wútu ɔ́, a jɛ akɔ xá ɛ, bó dó akpá n'i ɖɔ émí ná ná ɛ Kanáanu lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Jebuzinu lɛ́ɛ kpó Giigacíti lɛ́ɛ kpó sín to, bónú vǐ tɔn lɛ́ɛ ná nɔ fínɛ́. Akpá e a dǒ ɔ́, a ka ɖe, a nɔ dó akpá bó nɔ gɔn ɖiɖe ǎ.

Ɖɛhan 12:5

é ní vívá kún nú mɛ e nɔ ɖɔ: “Đɛ̌ bí nú mǐ, mǐ nyɔ̌ xó ɖɔ, mɛ̌ ka ná sixú kpa acɛ nú mǐ” lɛ́ɛ.

Ɖɛhan 12:6

Mawu Mavɔmavɔ ɖɔ: “È ɖo mɛ ma ɖó mɛɖé lɛ́ɛ táfú wɛ, wamamɔnɔ lɛ́ɛ ɖo azɔn wɛn wɛ. Din ɔ́, un ná sí te. Un ná hwlɛ́n mɛ e xwe akpi dó wɛ è ɖe lɛ́ɛ gán.”

Ɖɛhan 34:8

Wɛnsagun Mawu Mavɔmavɔ tɔn nɔ nya xɛ ɖo mɛ e nɔ́ nɔ gbejí nú Mawu Mavɔmavɔ lɛ́ɛ jí, bó nɔ́ hwlɛ́n yě.

Ɖɛhan 91:15

É ná ylɔ́ mì bɔ un ná sɔ n'i. Adǎngbomɛ hwenu ɔ́, un ná nɔ kpɔ́ xá ɛ. Un ná hwlɛ́n ɛ gán, bó ná sɔ́ ɛ su.

Tíntɔ́n 12:41

Đo xwe afɔwe gban (430) énɛ́ lɛ́ɛ sín vivɔnu e nyí Dǐndínwáyi Mawu Mavɔmavɔ tɔn sín azǎn ɔ́, togun Mawu Mavɔmavɔ tɔn ɔ́ bǐ tɔ́n sín Ejípu.

Tíntɔ́n 12:51

Gbe énɛ́ ɔ́ gbe ɖokpó ɔ́, Mawu Mavɔmavɔ ɖe Izlayɛ́li togun ɔ́ tɔ́n sín Ejípu sonu sonu.

Tíntɔ́n 13:5

Ényí Mawu Mavɔmavɔ kó kplá mi yi Kanáanu lɛ́ɛ kpó Hitíti lɛ́ɛ kpó Amɔliti lɛ́ɛ kpó Hivíti lɛ́ɛ kpó, kpódó Jebuzinu lɛ́ɛ kpó sín to mɛ ɔ́, mi ná nɔ́ ɖu xwe tɔn ɖo sun ɖokpó énɛ́ ɔ́ mɛ xwewú xwewú. To énɛ́ ɔ́ sín akpá wɛ Mawu Mavɔmavɔ kó dó nú tɔ́gbó mitɔn lɛ́ɛ; nyibúnɔ́sin kpó wǐin kpó nɔ́ sa ɖo to énɛ́ ɔ́ mɛ.

Tíntɔ́n 3:17

un ná kplá mi sín Ejípu tomɛ fí e mi ɖo ya ji ɖe wɛ é, bó ná kplá mi yi Kanáa ví lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Hivíti lɛ́ɛ kpó Jebuzinu lɛ́ɛ kpó sín to mɛ. Un ná kplá mi yi to e mɛ nyibúnɔ́sin kpó wǐin kpó nɔ́ sa tɔ ɖe ɔ́ mɛ.’

Tíntɔ́n 34:11

“Mi xwedó nǔ e ɖɔ nú mi wɛ un ɖe égbé ɔ́ ganjí ɔ́, un ná nya Amɔliti lɛ́ɛ, Kanáa ví lɛ́ɛ, Hitíti lɛ́ɛ, Pɛliziti lɛ́ɛ, Hivíti lɛ́ɛ kpódó Jebuzinu lɛ́ɛ kpó ɖo nukɔn mitɔn.

Tíntɔ́n 5:23

Sín gbe e gbe un yi axɔ́sú Ejípu tɔn ɔ́ gɔ́n bó ɖɔ xó e a ɖɔ nú mì ɔ́ n'i ɔ́ jɛ́n é jɛ nǔ wa xá togun towe jí, a ka hwlɛ́n togun towe gán ǎ.”

Ezayíi 36:17

Mi ná ɖ'é wú mɔ̌ káká bɔ un ná wá kplá mi yi to e cí to mitɔn ɖɔhun é mɛ, to e mɛ blěe kpó vɛ̌ɛn kpó ɖe é; to e mɛ wɔ̌xúxú kpó vǐwun kpó ɖe é mɛ.

Ezayíi 64:1

Myɔ wɛ a nyǐ: myɔ jɛ nǔywɛ́ mɛ ɔ́, é nɔ́ wlí zo; è sɔ́ sin ɖ'é jí ɔ́, sin ɔ́ nɔ hun agbǎn. Lě e a nǎ ɖe mɛ e a nyǐ ɔ́ xlɛ́ kɛntɔ́ towe lɛ́ɛ gbɔn é nɛ́; akɔta lɛ́ɛ ná sísɔ́ ɖo nukɔn towe,

Jelemíi 11:5

Énɛ́ ɔ́, un ná ɖe akpá e un dó nú tɔ́gbó mitɔn lɛ́ɛ é. Akpá e un dó nú yě ɖɔ un ná ná yě to e mɛ wǐin kpó nyibúnɔ́sin kpó nɔ́ sa tɔ ɖe é. To ɔ́ mɛ ɖíe mi ɖe din e.’ ” Ée Mawu ɖɔ mɔ̌ ɔ́, un ɖɔ: “Mawu Mavɔmavɔ, nǔgbó wɛ a ɖɔ.”

Jelemíi 2:7

To e mɛ un ka kplá mi wá ɔ́, to ɖé wɛ ayǐkúngban tɔn nɔ nyɔ́ jinukún, bónú mi ná nɔ́ ɖu jinukún ɖagbe ɖagbe e ná nɔ nyɔ́ ɖo to ɔ́ mɛ lɛ́ɛ. Lo ɔ́, ée mi wá to ɔ́ mɛ é ɔ́, mi wá hɛn to ɔ́ blí, bɔ to e nyí ce bɔ un sɔ́ ɖó ayǐ nú mi ɔ́, mi wá zé dó húzú suɖunú.

Jelemíi 32:22

A dǒ akpá nú tɔ́gbó mǐtɔn lɛ́ɛ bó xwlé nǔ d'é jí ɖɔ émí ná ná yě to élɔ́; to élɔ́ e mɛ wǐin kpó anɔ̌sin kpó nɔ́ sa ɖe é, bó ka ná yě nǔgbó.

Ezekiyɛ́li 20:6

Hwenɛ́nu ɔ́, un dó akpá nú yě ɖɔ un ná ɖe yě tɔ́n sín Ejípu, bó kplá yě yi to e un ko ba do ná ɖ'ayǐ ɔ́ mɛ; anɔ̌sin kpó wǐin kpó nɔ́ sa tɔ ɖo to ɔ́ mɛ. To ɔ́ nyɔ́ ɖɛkpɛ hú to lɛ́ɛ bǐ.

Levíi ví 20:24

Bó ɖɔ nú yě ɖɔ: ‘Mitɔn wɛ ayǐkúngban yětɔn ná nyí; to énɛ́ e mɛ anɔ̌sin kpódó wǐin kpó gɔ́ ɔ́, nyɛ wɛ ná mi.’ Nyɛ wɛ nyí Mawu Mavɔmavɔ, Mawu mitɔn e ɖe mi ɖó vo nú togun ɖě lɛ́ɛ é.

Amɔ́si 2:10

Có nyɛ wɛ ka kplá mi sín Ejípu, bó kplá mi gbɔn gbětótló mɛ xɔ xwe kanɖé (40), bó ná dó ná Amɔliti lɛ́ɛ sín to mi.

Kɛ́nsísɔ́ 13:18

Mi ná kpɔ́n lě e to ɔ́ ɖe gbɔn ɔ́; mi ná kpɔ́n mɛ e ɖo to ɔ́ mɛ lɛ́ɛ ɖɔ yě dó hlɔ̌nhlɔ́n, abǐ yě vɔ́ wɛ a jí; mi ná kpɔ́n ɖɔ yě sukpɔ́ abǐ yě hwe wɛ a jí.

Kɛ́nsísɔ́ 13:19

Mi ná kpɔ́n ɖɔ to ɖagbe wɛ nyí to ɔ́, abǐ to nyanya wɛ a jí; mi ná kpɔ́n ɖɔ è mɛ ahohó lɛ́ lɛ̌ dó toxo lɛ́ɛ, abǐ nuvo wɛ yě ɖe a jí.

Kɛ́nsísɔ́ 13:27

Yě ɖɔ nú Mɔyízi ɖɔ: “Mǐ yi to e mɛ a sɛ́ mǐ dó ɔ́ mɛ. Anɔ̌sin kpó wǐin kpó nɔ́ sa ɖo to ɔ́ mɛ nǔgbó. Atínsínsɛ́n to ɔ́ mɛ tɔn ɖě ɖíe.

Jǎan 3:13

Mɛ ɖěbǔ yi Mawu gɔ̌n kpɔ́n gbeɖé zɛ Gbɛtɔ́ví e jɛ te sín sɛ́xwé ɔ́ wú ǎ.

Jǎan 6:38

Đó un jɛ te sín jǐxwé, bó ná bló jlǒ ce ǎ; lo ɔ́, nǔ e jló mɛ e sɛ́ mì dó ɔ́ bló gbé un ja bo wá.

Sɛ́nflínmɛ 1:25

Yě gbɛ atínsínsɛ́n e ɖo to ɔ́ mɛ lɛ́ɛ wá nú mǐ. Yě ɖɔ to e na ná mǐ wɛ Mawu Mavɔmavɔ, Mawu mǐtɔn ɖe ɔ́ nyɔ́ ɖésú.

Sɛ́nflínmɛ 1:7

Din ɔ́, mi wlí ali, bó yi sókan mɛ fí e Amɔliti lɛ́ɛ ɖe ɔ́. Mi gba kpé ayǐkúngban e sɛkpɔ́ yě lɛ́ɛ bǐ jí: mi yi ayǐkúngban wɛnjɛ Judɛ́ɛn tɔn ɔ́ jí, mi yi sókan mɛ, mi yi tofɔligbé, mi yi xutó, mi yi Kanáanu lɛ́ɛ sín to mɛ, bó yi Libáan. Mi gba kpé fí énɛ́ lɛ́ɛ bǐ káká yi tɔ ɖaxó Efláti tɔn ɔ́ tó.

Sɛ́nflínmɛ 27:3

bó ná wlán sɛ́n lɛ́ɛ bǐ dó awǐnnya lɛ́ɛ wú. Mɔ̌ wɛ mi ná bló cóbó ná byɔ́ to e ná mi wɛ Mawu Mavɔmavɔ, Mawu mitɔn ɖe ɔ́ mɛ, bɔ é ná nyí mitɔn lě e é kó dó akpá tɔn nú tɔ́gbó mitɔn lɛ́ɛ gbɔn é; to énɛ́ mɛ ɔ́, wǐin kpó nyibúnɔ́sin kpó wɛ nɔ́ sa tɔ ɖ'é mɛ.

Sɛ́nflínmɛ 28:11

Mawu Mavɔmavɔ ná ná vǐ gěgé mi, kanlin mitɔn lɛ́ɛ ná ji gba, bɔ jinukún e mi ná sɔ́ lɛ́ɛ ná sukpɔ́. É ná bló mɔ̌, bó dó wa ɖagbe nú mi ɖo to e é ɖɔ nú tɔ́gbó mitɔn lɛ́ɛ ɖɔ émí ná ná yě ɔ́ mɛ.

Sɛ́nflínmɛ 6:3

Izlayɛ́li ví lɛ́ɛ mi! Mi ɖótó xó énɛ́ lɛ́ɛ ganjí, bó wlíbo nú yě, bó xwedó yě dó wa nǔ, bónú nǔ ná nyɔ́ nú mi, bɔ mi ná gba kún ɖo to e sín akpá Mawu Mavɔmavɔ, Mawu tɔ́gbó mitɔn lɛ́ɛ tɔn dó nú mi, bɔ anɔ̌sin kpó wǐin kpó ɖo sisa ɖe wɛ é mɛ.”

Sɛ́nflínmɛ 7:1

Mɔyízi ɖɔ: “Mawu Mavɔmavɔ, Mawu mitɔn ná kplá mi yi byɔ́ to e mi ɖó ná yí ɔ́ mɛ. Hwenu e mi ná ɖo to ɔ́ sɛkpɔ́ wɛ ɔ́, é ná nya togun tobutóbú ɖé lɛ́ɛ ɖo nukɔn mitɔn; togun tɛ́nwe wɛ; yě sukpɔ́ hú mi, bó syɛ́n hú mi. Togun lɛ́ɛ wɛ nyí: Hitíti lɛ́ɛ, Giigacíti lɛ́ɛ, Amɔliti lɛ́ɛ, Kanáanu lɛ́ɛ, Pɛliziti lɛ́ɛ, Hivíti lɛ́ɛ kpódó Jebuzinu lɛ́ɛ kpó.

Jozuwée 5:6

Đó xwe kanɖé (40) wɛ Izlayɛ́li ví lɛ́ɛ ɖi zɔnlin xɔ ɖo gbětótló mɛ. Yě ɖo gbětótló ɔ́ mɛ káká bɔ súnnu e ko su ahwan yi ɖo yě mɛ hwenu e yě gosín Ejípu lɛ́ɛ bǐ kú, ɖó yě se tónú nú Mawu Mavɔmavɔ ǎ; bɔ Mawu Mavɔmavɔ xwlé nǔ ɖɔ émí kún ná jó yě dó, bɔ yě ná mɔ to e sín akpá émí dó nú tɔ́gbó yětɔn lɛ́ɛ ɖɔ émí ná ná yě ɔ́ ó. Anɔ̌sin kpó wǐin kpó wɛ gɔ́ to énɛ́ ɔ́ mɛ.

Jozuwée 9:1

Axɔ́sú e ɖo Judɛ́ɛn tɔ ɔ́ gúdo ɖo sókan mɛ, ɖo tɔdo mɛ lɛ́ɛ kpódó éé ɖo Mɛditɛlanɛ́ɛ xu ɔ́ tó káká yi Libáan lɛ́ɛ kpó bǐ se ɖɔ è gba Ayíi toxo ɔ́. Axɔ́sú e wɛ lɛ́ɛ ɖíe: Hitíti lɛ́ɛ xɔ́sú ɔ́, Amɔliti lɛ́ɛ xɔ́sú ɔ́, Kanáanu lɛ́ɛ xɔ́sú ɔ́, Pɛliziti lɛ́ɛ xɔ́sú ɔ́, Hivíti lɛ́ɛ xɔ́sú ɔ́ kpódó Jebuzinu lɛ́ɛ xɔ́sú ɔ́ kpó.

Jozuwée 9:7

Izlayɛ́li ví lɛ́ɛ ká ɖɔ nú yě ɖɔ: “É sixú kó nyí ɖɔ mǐ kpá fí jɛ́n mi ná ɖe din. Ényí mɔ̌ wɛ nyí ɔ́, mǐ ná sixú jɛ akɔ xá mi ǎ.”