Tíntɔ́n 3:6 - MAWUXÓWÉMA

⁶ Mawu lɛ́ ɖɔ: “Nyɛ wɛ nyí Mawu. Nyɛ wɛ tɔ́gbó Ablaxámu, Izáki, Jakɔ́bu kpó tɔ́ towe kpó nɔ sɛn.” Ée Mɔyízi se mɔ̌ ɔ́, é sɔ́ nǔ cyɔ́n nukún mɛ, ɖó é ɖo xɛsi ɖi wɛ ɖɔ émí táá mɔ Mawu.

Tíntɔ́n 3:6 Iomraidhean Croise

Bǐbɛ́mɛ 12:1

Mawu Mavɔmavɔ ɖɔ nú Ablámu ɖɔ: “Tɔ́n sín to towe mɛ, mɛ towe lɛ́ɛ mɛ, tɔ́ towe xwé, lobo yi to e un ná xlɛ́ we ɔ́ mɛ.

Bǐbɛ́mɛ 12:7

Mawu Mavɔmavɔ tɔ́n dó Ablámu jí ɖo fínɛ́, bó ɖɔ n'i ɖɔ: “Un ná ná to élɔ́ kúnkan towe.” Bɔ Ablámu mɛ vɔ̌sákpe ɖokpó nú Mawu Mavɔmavɔ nyi fí e é tɔ́n dó jǐ tɔn ɖe ɔ́.

Bǐbɛ́mɛ 17:3

Ée Ablámu se mɔ̌ ɔ́, é xwe agbɔ̌nnusú do, bɔ Mawu ɖɔ n'i ɖɔ:

Bǐbɛ́mɛ 24:12

Mɛsɛntɔ́ ɔ́ xo ɖɛ ɖɔ: “Mawu Mavɔmavɔ, Mawu gǎn ce Ablaxámu tɔn, kɛnklɛ́n bló bónú má mɔ mɛ e gbé un tɔ́n ɔ́ égbé; ɖe xomɛnyínyɔ́ towe xlɛ́ gǎn ce Ablaxámu.

Bǐbɛ́mɛ 26:24

Mawu Mavɔmavɔ tɔ́n dó jǐ tɔn zǎn mɛ bó ɖɔ n'i ɖɔ: “Mawu tɔ́ towe Ablaxámu tɔn wɛ un nyí; ma ɖi xɛsi ó, ɖó un ɖo kpɔ́ xá we; un ná xo ɖɛ dó jǐ we, bó ná bló bɔ kúnkan towe ná sukpɔ́ ɖó mɛsɛntɔ́ ce Ablaxámu wú.”

Bǐbɛ́mɛ 28:13

Bɔ Mawu Mavɔmavɔ nɔ alyá ɔ́ sín aga, bó ɖɔ: “Mawu Mavɔmavɔ wɛ un nyí; Mawu tɔ́gbó towe Ablaxámu tɔn wɛ un nyí, Mawu Izáki tɔn wɛ un nyí. Un ná ná ayǐkúngban e jí a mlɔ̌ ɔ́ hwi kpó vǐ towe lɛ́ɛ kpó.

Bǐbɛ́mɛ 28:17

Xɛsi ɖi i, bɔ é ɖɔ: “Tɛn élɔ́ mɛ dó xɛsi ɖésú; é ná nyí nǔɖé zɛ xwé Mawu tɔn kpó sɛ́xwé hɔn kpó wú ǎ.”

Bǐbɛ́mɛ 31:42

Nú é má nyí Mawu tɔ́ ce Ablaxámu tɔn, Mawu e nukɔn tɔ́ ce Izáki nɔ sísɔ́ ɖe ɔ́ wɛ ɖo gǔdo ce ǎ ɔ́, a nǎ kó nya mì din asígbá alɔgbá. É ká mɔ ya e un ji lɛ́ɛ, bó mɔ azɔ̌ e un wa ɔ́, bó gbo hwɛ nú mǐ sɔ zǎn mɛ.”

Bǐbɛ́mɛ 32:9

bó ɖo ɖiɖɔ wɛ ɖɔ: “Din ɔ́, nú Esawu wá tɔ́n ahwan gbɛ̌ta ɖokpó, bó ɖu ɖo jǐ tɔn ɔ́, gbɛ̌ta ɖě ɔ́ ná hɔn.”

1 Axɔ́sú 18:36

Ée gan e mɛ è nɔ xwlé vɔ̌sánú hwe lɛ́ kɔ tɔn Mawu Mavɔmavɔ ɔ́ xo ɔ́, gbeyíɖɔ Mawu Mavɔmavɔ tɔn Elíi sɛkpɔ́ vɔ̌sákpe ɔ́, bó ɖɔ: “Mawu Mavɔmavɔ, Mawu Ablaxámu tɔn, Mawu Izáki tɔn, Mawu Izlayɛ́li tɔn! Đe xlɛ́ égbé din ɖɔ hwi wɛ nyí Mawu Izlayɛ́li tɔn, bɔ nyɛ nyí mɛsɛntɔ́ towe; ɖe xlɛ́ ɖɔ gbe towe wɛ un xwedó dó bló nǔ énɛ́ lɛ́ɛ bǐ.

1 Axɔ́sú 19:13

Ée Elíi se jɔhɔn ɔ́ sín zǐngídi ɔ́, é sɔ́ awu tɔn ɖaxó ɔ́ cyɔ́n nukún mɛ, bó tɔ́n sín sóxo mɛ, lobo wá nɔ te ɖo só ɔ́ li nu; é lɛ́ se gbe ɖé, bɔ gbe ɔ́ kanbyɔ́ ɛ ɖɔ: “Elíi, étɛ́ wa wɛ a ɖe ɖo fí?”

Nɛɛmíi 9:9

A mɔ ya e ji wɛ tɔ́gbó mǐtɔn lɛ́ɛ ɖe ɖo Ejípu tomɛ ɔ́, a se bɔ yě byɔ́ alɔgɔ́ ɖo Xu Vɔvɔ ɔ́ tó.

Ɛsitɛ́ɛ 3:4

Ée yě nɔ́ fɔ́n bó nɔ ɖo ɖiɖɔ n'i wɛ bɔ é ma se ǎ ɔ́, yě yi jɛ hwɛ tɔn nú Hamáa, bó ná kpɔ́n ɖɔ é ná lɛ́ kpo ɖo nǔ e é xwe ɔ́ bló wɛ a jí; ɖó é ɖɔ nú yě ɖɔ Jwifu wɛ émí nyí.

Ɖɛhan 132:2

Flín Davídi e dó akpá nú hwi Mawu Mavɔmavɔ bo xwlé nǔ d'é jí é, flín akpá e é dó nú hwi Mawu hlɔ̌nhlɔ́nnɔ Jakɔ́bu tɔn é, é dó akpá ɖɔ:

Tíntɔ́n 15:2

Mawu Mavɔmavɔ wɛ nyí hlɔ̌nhlɔ́n ce, é wɛ un ná nɔ́ ji han mlá. É wɛ hwlɛ́n mì gán. É wɛ nyí Mawu ce: un ná nɔ kpa ɛ. É wɛ nyí Mawu tɔ́ ce tɔn: un ná nɔ́ mlá ɛ

Tíntɔ́n 29:45

Un ná nɔ Izlayɛ́li ví lɛ́ɛ tɛ́ntin, bó ná nyí Mawu yětɔn.

Tíntɔ́n 3:16

Yi kplé tomɛxó Izlayɛ́li tɔn lɛ́ɛ bó ɖɔ nú yě ɖɔ: “Mawu Mavɔmavɔ, Mawu e tɔ́gbó mitɔn lɛ́ɛ nɔ sɛn ɔ́, Mawu Ablaxámu, Izáki, kpó Jakɔ́bu kpó nɔ sɛn ɔ́ tɔ́n dó jǐ ce, bó ɖɔ nú mì ɖɔ: ‘Un mɔ nǔ e wa xá mi wɛ è ɖe ɖo Ejípu ɔ́, bó wá bó ná hwlɛ́n mi gán,

Tíntɔ́n 33:20

É lɛ́ ɖɔ nú Mɔyízi ɖɔ: “Nǔ ɖo mɔ̌ có a sixú mɔ nukún ce mɛ ǎ, ɖó mɛ ɖěbǔ nɔ́ mɔ nukún ce mɛ bó nɔ́ gán ǎ.

Tíntɔ́n 4:5

Bɔ Mawu Mavɔmavɔ ɖɔ: “Nǔ e a nǎ bló ɔ́ nɛ́, énɛ́ ɔ́, yě ná ɖi nǔ ɖɔ Mawu Mavɔmavɔ, Mawu e tɔ́gbó émítɔn lɛ́ɛ nɔ sɛn ɔ́, Mawu e Ablaxámu, Izáki, kpó Jakɔ́bu kpó nɔ sɛn ɔ́ wɛ tɔ́n dó jǐ towe nǔgbó.”

Jelemíi 24:7

Un na ná ayixa yě, bɔ yě ná tunwun ɖɔ nyi wɛ nyí Mawu Mavɔmavɔ; yě ná lɛ́ kɔ wá gɔ̌n ce kpó ayi yětɔn bǐ kpó; énɛ́ ɔ́, yě ná nyí togun ce bɔ un ná nyí Mawu yětɔn.

Jelemíi 31:33

Mawu Mavɔmavɔ ɖɔ: “Azǎn énɛ́ lɛ́ɛ gúdo ɔ́, akɔ e un ná jɛ xá Izlayɛ́li togun ɔ́ ɖíe: Un ná wlán sɛ́n ce dó taglo yětɔn mɛ, un ná wlán dó ayi yětɔn mɛ. Un ná nyí Mawu yětɔn, bɔ yě ná nyí togun ce.

Jelemíi 32:38

Énɛ́ ɔ́, yě ná lɛ́ nyí togun ce, bɔ un ná nyí Mawu yětɔn.

Ezekiyɛ́li 11:20

Énɛ́ ɔ́, mi ná xwedó nǔ e un zɔ́n lɛ́ɛ, mi ná wlí ayi sɛ́n ce lɛ́ɛ wú, bó ná nyi, bɔ mi ná nyí togun ce, bɔ un ná nyí Mawu mitɔn.

Zakalíi 8:8

Un ná kplá yě sín dɔ̌n wá, bɔ yě ná nɔ Jeluzalɛ́mu; yě ná nyí togun ce, bɔ nyɛ ná nyí Mawu yětɔn. Un ná xwedó nǔgbó kpódó hwɛjijɔ kpó dó ɖu axɔ́sú ɖo yě nu.”

Matíe 17:6

Ée ahwanvú tɔn lɛ́ɛ se gbe énɛ́ ɔ́, xɛsi ɖaxó ɖé jɛ yě jí, bɔ yě bǐ xwe agbɔ̌nnusú do.

Matíe 22:32

‘Nyɛ wɛ nyí Mawu Ablaxámu tɔn, Mawu Izáki tɔn, Mawu Jakɔ́bu tɔn.’ Mawu nyí Mawu mɛkúkú lɛ́ɛ tɔn ǎ; lo ɔ́, mɛ e ɖo gbɛ lɛ́ɛ sín Mawu wɛ é nyí.”

Maki 12:26

Mɛkúkú lɛ́ɛ ná fɔ́n sín xó ɔ́, mi ma mɔ xa ɖo wěma Mɔyízi tɔn e ɖɔ xó dó zungodwe ɔ́ wú ɔ́ mɛ a? É wɛ nyí ɖɔ: ‘Nyɛ wɛ nyí Mawu Ablaxámu tɔn, Mawu Izáki tɔn, Mawu Jakɔ́bu tɔn.’

Luki 20:37

Mɛkúkú lɛ́ɛ ná fɔ́n sín kú xó ɔ́ ɖɔ wɛ Mɔyízi ɖe ɖo sɛ́nwéma e ɖɔ xó dó zungodwe e ɖo zo ji wɛ ɔ́ wú ɔ́ mɛ; hwenu e é ylɔ́ Aklúnɔ ɖɔ Mawu Ablaxámu tɔn, Mawu Izáki tɔn, Mawu Jakɔ́bu tɔn ɔ́, mɛkúkú lɛ́ɛ ná fɔ́n xó ɔ́ ɖɔ wɛ é ɖe.

Luki 5:8

Ée Sinmɔ́ɔ Piyɛ́ɛ mɔ mɔ̌ ɔ́, é húzú jɛ kpo ɖo Jezu sá mɛ, bó ɖɔ n'i ɖɔ: “Nɔ zɔ nú mì Aklúnɔ, ɖó hwɛhutɔ́ wɛ nú mì.”

Mɛsɛ́dó 7:32

‘Nyɛ wɛ nyí Mawu tɔ́gbó towe lɛ́ɛ tɔn; Mawu Ablaxámu tɔn; Mawu Izáki tɔn; Mawu Jakɔ́bu tɔn.’ Ée Mɔyízi se mɔ̌ ɔ́, é jɛ sísɔ́sísɔ́ jí, bó sɔ́ glá, bó kpɔ́n ǎ.

Mɛsɛ́dó 7:34

Un mɔ ya e ji wɛ togun ce ɖe ɖo Ejípu ɔ́ ganjí. Un se azɔn e wɛn wɛ é ɖe ɔ́, lobo jɛ te wá hwlɛ̌nhwlɛ́n ɛ gán gbé. Din ɔ́, wǎ. Un ná sɛ́ we dó Ejípu.’

Sɛ́nflínmɛ 6:3

Izlayɛ́li ví lɛ́ɛ mi! Mi ɖótó xó énɛ́ lɛ́ɛ ganjí, bó wlíbo nú yě, bó xwedó yě dó wa nǔ, bónú nǔ ná nyɔ́ nú mi, bɔ mi ná gba kún ɖo to e sín akpá Mawu Mavɔmavɔ, Mawu tɔ́gbó mitɔn lɛ́ɛ tɔn dó nú mi, bɔ anɔ̌sin kpó wǐin kpó ɖo sisa ɖe wɛ é mɛ.”

Eblée 11:16

To e nyɔ́ hú to e mɛ yě gosín ɔ́ ba wɛ yě ɖe; to ɔ́ wɛ nyí to yě ɖésúnɔ tɔn ɖo sɛ́xwé. Énɛ́ ɔ́ wú wɛ winnyá ma hu Mawu ɖɔ è nǐ ylɔ́ émí ɖɔ Mawu mɛ énɛ́ lɛ́ɛ tɔn ǎ; ɖó é bló toxo ɖaxó ɖokpó ɖó ɖ'ayǐ nú yě ɖo sɛ́xwé.

Eblée 12:21

Nǔ énɛ́ dó abaɖa káká bɔ Mɔyízi ɖɔ: “Xɛsi ɖi mì káká bɔ un ɖo sísɔ́sísɔ́ wɛ.”

Nǔɖexlɛ́mɛ 1:17

Ée un mɔ ɛ ɔ́, un jɛ ayǐ ɖo asá tɔn mɛ, bó cí mɛkúkú ɖɔhun. É ɖó alɔ tɔn ɖisí ɔ́ jǐ ce, bó ɖɔ: “Ma ɖi xɛsi ó! Nyɛ wɛ nyí mɛ e jɛ nukɔn ɔ́, bó nyí mɛ e gbɔn gǔdo é.

Hwɛɖɔtɔ́ 13:22

Bó ɖɔ nú asi tɔn ɖɔ: “Mǐ kú, ɖó mǐ mɔ Mawu.”